وانا لو قلت بكتبها وبعطي للاجيال الفوائد
ما قدرت أحصي ألي علمونا عليه أجدادنا
ياتراث الجدود نحن نسيناك و أنسانا الزمان
يا غبوني على عادات الأجداد في وقتاً مضى اول
لو دروا عن حياة أحفادهم كان ماتوا م اخلفوا
كانت أيامهم فيها شقى والحلا والمر منها
واهل نيات واهل امداح واصدورهم وسّاعيات
المزارع يولم في عداده ويرجي كل موسم
ما توانى وشد الحيل في صيف والاّ باشتيات
حزة الفجر كل ياخذ السانيه يمة بلاده
شرقة الشمس والدراج هو والعجل يصرف صريف
تظهر الما غروبا وارشيتها توثق في عراقي
صبة الما في القف مثل شلال والا فالقه
والمزارع يدارج مايها مايحسّب للمخازن
والذره حزموها والمقاليع تحمي طيرها
ودي انشد عن القوبع وعالعود ذاك آبو حديده
ودي انشد عن المدمس وعالمقرنه واصلوبها
هذا من شان راع الزرع واما الكرم والجود وافي
طبعهم يكرمون الضيف ما حد يقل وش جيت له
يفرحون الجماعه لا لفى الضيف سووا له مراكز
باشروا به وقالوا مرحبا عند راع النايبه
وان دعاهم ولدهم ما توانوا وقاموا له بعمله
ضيعة أسبوع إذا قاموا معه كملوها نص يوم
وان غلط واحدا منهم يردون كيده بالمشورة
ناس فيهم تقول الحق والي تعدّى عزروه
ناس ما يعرفون العود حق الطرب هو والكمانه
غير شب القبس والزير يزهم وله ناس تجيب
ناس ما يعرفون الباصره والتلفزون المهوّل
غير لعبة سرى ساري ورمي الهدف والبورده
يلبسون الثياب المقطعه والمصانف والجنابي
خل لبس الدلع والكندره من تشاري ذ الزمان
واكلهم من نتوج ابلادهم ما تربوا عالمربى
والا قرص التميس ألي مع الصبح نتزاحم عليه
وانحن اليوم في نعمه وفي خير فالعهد السعودي
لاكن القصد لا ننسى مضامين عادات الجدود
وآنا لو قلت ابكتبها وابنشر علومي فالجرايد
وانا لو قلت بكتبها وبعطي للاجيال الفوائد
ما قدرت أحصي ألي علمونا عليه أجدادنا