نظرتي تعجز لتوصيف الجمال
صورته في ناظري عيّت تغيب
انبهرت بخلق من فوق الكمال
و الله إنه كاملٍ عن كل عيب
صوّره ربي في منظر خيال
والعجب في كامل الوجه العجيب
الشعر من رقـّـته يلعب دلال
و العيون السود تشعلني لهيب
و الجبين اشهر سيوفه بالقتال
اوضح من النور يوم انه قريب
و الحواجب كنها حفـّة تلال
حكمتك في الزين بحساب و رقيب
و مثل سلة سيف خشمه يوم مال
يذبح العشاق و النظرة تصيب
و الخدود أرّق من نسمة شمال
و الملامح كلها عالم غريب
و الهدب يقتل و لا يعطي مجال
و من غزاه الرمش و الله ما يطيب
و الشفايف تاخذ عقول الرجال
من تلذذها عن الدنيا يغيب
و في ضمـّة صدرها شي محال
يشعر الديرة برجعة غريب
و كل شي فيه فوق اللي يقال
يعجز التعبير عن وصفه يجيب
كل عاشق له حبيب ما يطال
ذا حبيبي ما بعد غيره حبيب
آيةٍ بالزين .. صعبه بالمنال
تحفةٍ من عهد عيسى و الصليب
ما يفيد القول لو كثر الجدال
نظرتي في الزين و الله ما تخيب
أشهد إنك مثل الحلم حال
حطني في يدينك و اكتبلك نصيب
اعذري الوصف هذا احتمال
هذا الهام شاعر وقت المغيب
حايره في شفاه محبوبك سؤال
ليه مثلي في الهوى دايم صويب