البارت 127


في تبوك ..

ام ريتان تكلم اختها ام فيصل والبنات يتجهزون ويلبسون وعُمر طالع يجيب اغراض
رُسل ركضت لامها : ماما هذا حلو
ام ريتان تكلم اختها : مدري ادق عليها ولا يوصل لها قلبي مشغول عليها
التفتت لـ رُسل : ايه يمه حلو
ركضت رُسل للغرفه تلبس
وام ريتان بتنهيده اردفت : وش اقول عاد ؟ تورطت وزوجتها اياه قلبي ياكلني ابي اكلمها ابيها ترد بس
تطمني ولو بكلمه من خمسه ايام ادق ولا ترد
روز واقفه عند الباب وتسمع امها ركضت لغرفة خواتها : تهقون ريتان
فيها شيء !
رُبى رمت شعرها على وراء ورفعت الروج تعدله :وحده متزوجه يمكن
مشغوله
رُودينا انتهت من المناكير وقربت للتسريحه
تحطها عليها : على فكره رُبى اختنا متزوجة غصب عنها يعني ممكن ماتكون مثل اي وحده
شغلها زوجها ممكن اختنا شغلها حرب زوجها وهذا شيء خالصين منه
روز بحده : هيييه تكلمي صح
رُودينا بنص عين : ماقلت شيء خطأ هذا الواقع
ططلعت عنهم تستقبل عُمر وتاخذ الحلى من عنده : هاه كيف شكله ؟
عُمر بتنهيده : شوفيه تعبت وانا ادوره ابلشتونا الخشخش الخشخش
يلا استانسوا
روز ضحكت : ترى اعرف اضبطه بس مافي وقت عزيمه مفاجأه ونبي شيء بيدينا
عُمر بتنهيده : ما تعبني في حياتي الا ذا الكلمه " ابي شيء في ايدينا "
رُبى : ايه صعبه نروح كذا بدون شيء وبعدين حفله وحركات
عُمر بضحكة : حركات يالبنات تذبح المهم امي من تكلم ؟
روز : خالتي
عُمر دخل لغرفته والبنات رجعوا يكملون ترتيباتهم اليوم جمعه عند جيرانهم
كالعاده " جمعه قبل رمضان "
فاليوم الاخير من شعبان يجتمعون ويسهرون ويطيبون خواطرهم
وتتصلح مشاكلهم مع بعض .


وصل عُمر اهله ونزلوا وروز باقي تفتش في اغراضها: نسيت جوالي
عُمر تنهد : مو مشكلة سولفي مع البنات واختلطي فيهم بدل الجوال
روز شوي وتبكي : كل وحده على جوالها تكفى عُمر خلنا نرجع
عُمر هز راسه بالنفي : لا روزي اسف تأخرت مره على الرجال بس رُبى بتعطيك جوالها ما بترفض
روز ناظرته بزعل : طيب
قفلت الباب واتجهت للباب وعُمر
تأفف وهو يناظرها ينتظر تدخل
انتبه لسياره توقف جنبه
التفت لها ورجع يصد
لكن تجمدت ملامحه
ورجع يناظر بسرعه
نزلت سُعاد وامها ومشى السائق
انتبه لنظراتهم فتح الشباك شوي وهو مفهي
مروا من جنبه
وسمع ام سعاد : شكل سوير سبقتنا هذا هو عُمر
سُعاد بهمس : امشي بسرعه يمه
ام سُعاد مشت جنبها ودخلوا
وعُمر يناظرهم تنهد وشعل السيارة متجه لاستراحه مجتمعين فيها الرجال بعيده عن الحي ..ّ


بمجرد دخول سُعاد وامها
اتجهوا للتواليت عشان ينزلون عباياتهم ويعدلون اشكالهم
وكانت قدامهم ام عُمر وبناتها
كشرت ام عُمر : عشتوا شوفوا من جاء
روز بهمس وهي تعدل شعرها : يمه تكفين مانبي مشاكل
رُبى بهمس : بكره رمضان تصالحوا عاد
ام عُمر جمعت شفايفها : الله يعين عليها وعلى بنتها وعلى اخوكم اللي راسه مثل الصخر مايسمع لي
ضحكوا البنات
ونظرات ام سُعاد عليهم : شكلهم يحشون فينا
سُعاد بـلا مبالاه : احسني الظن
ام سُعاد وعيونها عليهم : لا اله الا الله
التفتت لـ سُعاد : خلصتي ندخل ؟
سُعاد : ايه
طلعوا من التواليت للصاله الرئيسيه
وارتفعت الاصوات ترحب فيهم
ام عُمر بحده : بسرعه ي بنات ولا نوير تدخل قبلي ؟
انتهوا البنات بسرعه
ودخلت ساره وبناتها بأبتسامات متفرقه
تعكس مابداخلهم براءه ، حقد ، عفويه
سلموا وبمجرد جلوسهم بدأت الهمسات والسوالف من جديد
تكلمت جارتهم ام ماجد بهمس : سوير مسويه نفسها بنت
الثانيه بضحكة : متخيله انها صغيره وحلوه وهي عجوز
ضحكت الاخرى واشرت على ام عُمر ' شوفي فستانها شكلها بتعرس بعد ما مات زوجها
وصلهم صوت سُعاد : مو مجتمعين عشان هالموضوع ترى صفوا نيتكم رجاءً قدروا موضوع ان بكره يبداء شهر الشهور " رمضان "
ام ماجد بنص عين : اصص المفروض ما تتكلمين ماشفتي مشاكلها مع امك !
سُعاد بأبتسامه :بيتصالحون إن شاء الله
وقفت وطلعت للغرفه المجاوره
عند البنات وتركتهم مصدومين منها ..