البارت 128


روز بهمس : سُعاد طلعت وكلهم كبار بنروح للغرفه الثانيه
رُبى : يلا
رُودينا : هيييه فستان سُعاد يجنن
روز بضحكة : والله لو شافها عُمر ان ينجن
ام عُمر بحده : روز وش هالكلام طيب خلينا نرجع البيت
روز ضحكت
ورُبى بأنفعال : يممه اسالك بالله مو حلو
ام عُمر صدت عنها بدون رد
رُودينا : تراها سألتك بالله
ام عُمر تنهدت : طيب حلو فستانها
رُبى بغمزه : والبنت !
ام عُمر توسعت عيونها : رُبى !!
ضحكوا البنات وبسرعه وقفوا وطلعوا للغرفه الثانيه قبل تزعل منهم امهم .


الرياض ..
في بيت ابو خالد
وام خالد وابو خالد تعشوا وناموا
وبُشرى وخالد جلسوا يسولفون فالصاله
خالد بنظرات لبنت بُشرى : وش بتسمينها !
بُشرى مسحت على شعرها : مدري بخاطرك اسم ؟
خالد هز راسه بالنفي وهو يبتسم
بُشرى بغمزه : شرايك في ختام ؟
خالد ضحك : بنت ترى متوتر وقلقان عمها يقول يبيني بكره اروح له ضروري تتوقعين يدري باللي صار ؟
بُشرى بخوف : وش يدري يعني ختام بتقوله ؟ تتوقع
خالد تنهد : مدري
بُشرى بهمس : اعترف لها ؟
خالد ابتسم : خطبتها
بُشرى شهقت : ايش !
مره وحده ، خالد وين بتعيشها ؟ وكم مهرها ! مافكرت ؟
خالد سكت لثواني وعيونه عليها نسى تماماً موضوع المهر والبيت
اكيد ماتبي بيتهم ذا
غمض بقوه : نسيت
بُشرى بتفكير : شوف ماعندك الا حل واحد
روح لها ووضح وضعك ووش تقدر له ووش ماتقدر له كل شيء اشرحه لها
خالد وعيونه عليها : تتوقعين تغير رايها ؟
بُشرى بحنيه : يحصل لها مثلك ؟
خالد ضحك : لا طبعاً بيجيها اطلق مني
بُشرى : يعقبون فديتك
ضحك خالد وباس راسها : فداك كلي ي بعد راسي
بُشرى بفضول : ايه ماقلت لي وش سويتوا هناك وكيف ردة فعلها ؟
خالد ابتسم وبدأ يسولف عليها بدون ذكر بعض المواقف .



بعيداً عن المملكة
تحديداً في هولندا .

محاجر عينيها كبقعه سوداء خط احمر داكن يغزو بياض عينيها
تشعر بثقل في راسها بالتاكيد ليس بسبب شعرها الذي لم يتبقى منه الا الرُبع وربما اقل
بشرتها ذابله بجروح طفيفه شدت على شفتها السفلى بتوتر بالغ
وهي تستمع الى همسات خلف الباب
الحديدي : مو موجود
وين اختفى كل المكان فيه كاميرات بيهرب لـ وين ؟
اصلاً بيرجع عشانها
ابتعدت عن الباب زحفاً للجهه الاخرى وطرف بنطالها تمزق
ارتفعت انفاسها بخوف : وين راح ؟
بيرجع عشاني اكيد
لا إن شاء الله مايرجع لحاله يارب يجيب مساعده
رجعت راسها على وراء وارتطم بالحائط شدت على عينيها بألم
واحداث اخر لقاء بينهم تعود لذهنها
(((( بعد ماخرجوا فالسياره
مع راشد وصلوا لمقاطعه اخرى وخرجوا منها ايضاً لـ
خط فاضي بعد الغابـه والاكواخ لا حياه فيه
اشبه بأنها غابه تعرضت لحريق وقتل كل الحياه هُنا
شد انتباهها حركات اصابع رائد كان يحسب لشيء لكن عجزت تعرفه
وصلها ضحكه وكلام راشد الساخر : اقول انتي بعد ما اخذتي هالداشر
ما لاحظتي شيء !
ريتان التفتت لـ رائد لثواني
رائد بحده : راشد خلك ساكت
ريتان استغربت وبشده سبب غضب رائد معقوله فيه شيء ؟!
راشد بغمزه : خلنا نعلمها باللي عندك بناتك
ريتان انكتمت انفاسها وبسرعه
انتقلت نظراتها لـ رائد
احمرت ملامحه واشتدت لتبرز عروق رقبته
ريتان بحده همست : وش يقول ذا ؟
رائد ابتسم بسخريه :
ماينوخذ بكلام المجانين
راشد ضحك : صادق بس لو خيرناك بين البنات الثنتين الجميلات وبين اللي جالسه جنبك من تختار ؟
رائد تنهد وهو يحاول يضبط انفاسها : وش لي بالنجوم وعندي القمر ؟
راشد بأستغراب : من تقصد يعني بتختار من !
رائد : وش دخلك
راشد توسعت عيونه وصد
وهو يتأفف ويخرج سيجارته : مصيرك تختار
ريتان بشك همست : رائد
رائد التفت لها : بعدين
ريتان بحده وهمس : وش بعدين ؟ يمكن نموت
رائد ابتسم : اجل خليها مستوره
ريتان زفرت بحده وصدت عنه
رائد قرب لها بخفه وهو يهمس : خرجنا من المدينه والريف والغابه
مابقى الا المستودعات قدامنا
ريتان بخوف همست : بيودونا هناك ؟
رائد التفت لها وبهمس : مابخليك عندهم ..