البارت 135


ضربت الباب بقوه وصوتها يقل تدريجياً انحنت وثبتت كفوفها على ركبها وهي تحس برجفه في رجولها والرؤيه تتشوش عليها غمضت وجلست مكانها عند الباب وهي تلهث تحاول تلتقط
انفاسها وبطنها يوجعها
من الجوع بلا شعور انقطع صوتها وفقدت الوعي
___

عند الحراس انتبهوا لصمتها المفاجئ وناظروا بعض بأستغراب : شفيها !
تكلم واحد منهم : اتصل براشد ؟
رد الاخر : لا فكنا منه
اقترب من الباب ودقه بهدوء : تبين افتح ؟
انتظروا ردها بس ماردت
ناظروا بعض بشك
وهمس احدهم : افتح ؟
رد الاخر : لا بروح انادي راشد يفتح او يخليها بكيفه عاد
وافقوه الرأي وركض للمستودع
الثاني ينادي ع راشد ..
_

عند رائد .
صامت ينظر لعيني اخيه التي
تتأمله بهدوء عن بُعد مترين او اقل
استرجع ماحدث وكأنه بالامس وعلامات استفهام تجول بينهما شك وعداوه
حرب قاتله ستبدأ هُنا
ابعد انظاره عنه ليثبتها على النافذه دون ان يلفظ كلمه
لايحق للكلام ان يتدخل الان
لا الحروف
ولا الكلمات
ولا الجمل
تُعيد مامضى وتُزيل فضاعة الالم
والادهى والامّر من هذا جميعاً
ان الذي يقف امامه لايُدرك فداحة فعلته
اقترب منه الاخر وهو يبتسم
ونظراته تفتقد الشعور والانسانيه اشبه بشخص اخر لا يعرفه ابداً
رامز بسخرية : اشتقت لك ي اخوي وانت ما اشتقت ؟
ابتسم رائد ببرود ولا رد
رامز قرب له اكثر وهو يناظر عيونه بحده : ليش ماترد لا يكون اشتقت لـ زوجتك وجيت عشانها ؟
رائد غمز له وضحك
ورامز تنهد يهدي اعصابه : تكلم
رائد صد عنه وهو يتأمل المكان
سمعوا صوت الباب والتفت له رائد لكن تفاجئ بـ رامز يهجم عليه ويلكمه على وجهه
رائد جلس بسرعه
ومسك كفوف رامز وهو يكتفه وانفاسه ترتفع
رامز بحده وهو يحاول يحرر نفسه منه : والله لا اخليك تتمنى الموت والله ي رائد لا اخليك تتمنى انك ماطعنتني في ظهري ماغدرت في اخوك
انا ي كلب اخوك اخوك ترى كيف تتجرأ كيف يقوى قلبك جيتك قلت احبها رحت تأخذها ! لك ؟ لنفسك بس لا تهتم ماصارت تهمني زي قبل
احب التملك بس وباخذها جاريه لي تخدمني وتنفذ اوامري وانت زي الغبي جالس تناظرها معي وبين احضاني ..
رائد شد على كفوف رامز
وصار يتأوه بألم وضحك : كل اللي هنا حراسي بيقتلونك بغمضه عين
رائد تنهد وفك رامز ودفه بقوه بعيد عنه
وقف رامز بسرعه ورفع كفوفه يمسحهم ببعض وعيونه ع رائد : صمتك عجيب
رائد وقف وماتكلم
رامز هز راسه بالنفي : ماتعجبني كذا ترتاح اولاً بعدين نكمل اللي بدينا فيه
ابتسم بخبث وهو يهمس : غرفتك جاهزه ومبخرها بعد لعيونك
رائد عقد حواجبه بأستغراب
التفت رامز للباب : راشد روح شوف من يدق
طلع راشد وثواني ورجع وهو يهمس بأذن رامز
رامز تجهمت ملامحه ورفع كفوفه يمسح شعره ورجع يناظر راشد : ودوها جناحي
راشد سكت وعيونه ع رامز : متأكد ؟
رامز بنص عين : مابقى الا اطلب اذنك ؟
راشد انحرج وطلع
ورائد يتابعهم بصمت
وهو يفكر ! معقوله ريتان ؟؟؟
رامز اشر له : ياهوه تعال معي
مشى ومشى رائد وراه وهو يتأمل المكان ويحاول يحفظ المداخل
والمخارج دخلوا للمستودع الثاني
وبمجرد دخولهم هجم اثنين من الحراس
على رائد...