شبكة همس الشوق - طريقة اطباق لرمضان لذيذه وسهله جربوها وماراح تندموا بالصور

المنيو:

1- لزانيا
2- الحراق اصبعو
3- بيتزا خضار
4- بيتزا الجبن
5- صينيه السمك المشوي
6- صينيه الرز بالبشاميل
7- فلافل كذاب
8- الخطيره

1- لزانيا
http://up.z7mh.com/upfiles/f3i53341.jpg
احب الاطباق الى قلبي وهالطبق صار يطلب مني خصوصا
اعداد هالطبق لابد اجهز 3 اموروهي كالتالي :
• كشنه اللحم المفروم او الدجاج المفروم( اكيد منتو محتاجين وصف للطريقه) بعد مااخلص من الكشنه اضيف 4 ملاعق من صلصله الباستا الجاهزه (تباع بسوبرماركت)
• خلطه البشاميل وانا اسويها كالتالي ( 4 ملاعق حليب بودر- 3 ملاعق طحين + 2 كوب ماء ) تخلط بواسطه السلك حتى يغلظ قوامه بعد ماطفي النار اضيف 5 ملاعق جبن كرافت (كريمي)
• اكون سالقه شرايح اللزانيا بمويه مضاف لها ملعقه زيت + ملح + مكعب ماجي

الطريقه بتكون على هيئه طبقات كالتالي :
1- امسح قاع الصينيه ب2 ملعقه بشاميل + 1ملعقه صلصه الباستاالجاهزه
2- شرايح الباستا
3- كشنه اللحم
4- باشميل وخلكم كريمين
5- مزرولا
اكرر هالطبقات 3 مرات وباخر طبقه انثر بهارات ايطاليه ع الوجه وادخلها الفرن لمده نص ساعه تقريبا وبعدها بتكون جاهزه للاكل .

2- الحراق اصبعو

http://up.z7mh.com/upfiles/kpg53341.jpg

هالطبق اعتقد انه شامي بس طعمه خطير

مقاديره :
*مكرونه مسلوقه لحالها
*عدس اسود مسلوق ساعه تقريبا .
بعد مايستون تخلطيهم مع بعض و (تضيفي شويه مويه +نص ليمونه +معلقه صغيره سماق +ملعقتين دبس الرمان +ملح )
*وفي قدر ثاني تكوني حامسه شويه ثوم مع زيت الزيتون وشويه بقدونس بس انا ماضفته عشان تضيفيه على المكرونه
* وللوجه البصل محمر ومقلي بزيت غزير وكذالك الخبز
وصحتين وهنا على قلوبكم

3- بيتزا الخضار
http://up.z7mh.com/upfiles/qre53341.jpg
هالبتزا طعم وريحه خطييره

5- صينيه السمك المشوي
http://up.z7mh.com/upfiles/kte56046.jpg

هالصينيه تقتل وربي اشتهيتها بس شفت صورتها طعمها خطير وسهله

طريقتها :
*بعد تنظيف السمك تتبل بالملح والبهارات والليمون عشان الزفر
*حشينا بطنها ( بصل مقطع + طماط + رمان مجفف (زركش) + بقدونس
* قطعنا تحت السمك شرايح فليفله - بصل - طماط- بطاطس - جزر- ليمون
بعدها سوينا خلطه على السمك (ذوبنا 1 ماجي _ في كاس مويه) وصبيناه على السمك والخضار
* تقصدريها ودخليها الفرن لمده ساعه ونص تقريبا
وبيكون عندك احلا طبق والكل يمدحك فيه

6- صينيه الرز بالبشاميل
http://up.z7mh.com/upfiles/tfz57977.jpg

انا عشقي الخضار والبشاميل وهالصينيه جمعت الاثنين لكم تتخيلو الطعم

1-نسلق دجاجة في موية مع الإضافات المعتادة ( ملح وبهارات وووو ... اللي تحبي )
بعدين ننتف الدجاج ( أنا أخذت نصفها تكفي ) ونكشن عليها البصل والثوم والفلفل الرومي
ثم نضع طماطم مفرومة ( واحدة كبيرة ) + مع 2 ملعقة أكل صلصة
2-نجيب باذنجان وبطاطس وكوسا يقطع دوائر (ثم يقلى في زيت حار لحد ما يتحمر )
3-نسوي الرز في مرقة الدجاج نسلقه لحد ما يستوي ..
4-نعمل البشاميل وطريقتي ذكرتها باللزاينا

الطريقه:
نجيب الصينية وندهن القاع بشوية بشاميل ثم نضع نص كميه الرز المشخول وبعدها كشنه الدجاج والخضار المقلي ثم باقي الرز بعدين نصب عالوجه البشاميل ممكن نضع جبنة موزاريلا
أو شوية بقسماط ( حسب الرغبة )دخليها الفرن تقريباً لمدة نص ساعة من تحت أو لحد ما يتماسك البشاميل بعدين نفتح الفرن من فوق ونخليها لحد ما تتحمر طلعيها من الفرن خليها تبرد شوي
بعدين قطعيها وقدميها مع السلطة و بالهنا و العافية

7- فلافل كذاب
http://up.z7mh.com/upfiles/e4f53341.jpg
هالطبق حلاته يتاكل وهو ساخن

مقاديره :
كاس ونص طحين
علبه حليب سائل
بقدونس مفروم + بقل
ملح + رشه فلفل اسود
بصله مفرومه صغيره
خميره فوريه

طريقه العمل:

يخلطون مع بعض ويتركون في مكان دافي لمده ساعه بعدين نشكلهم على هيئه اقراص ونقليهم بزيت حامي

8- الخطيره
http://up.z7mh.com/upfiles/9cx53341.jpg
طريقته :
توست ممسوح بجبن كريمي
نضيف عليه كشنه اللحم المفروم
نضع طبقه ثانيه من التوست
نضيف عليهم خلطه ( قشطه + جبن كريمي ) وانا ضفت عليه جبن شرايح
ورشه بهارات ايطاليه
دخليه الفرن شويه مجرد مايتحمر وبيكون عندك احلا عشى

البيتزا بالخضار
* تعملي اي عجينه تضبط معك
على ماتخمر العجينه تعملي معي هالخلطه العجيبه وهي سر النكهه
* في وعاء صغير تكوني ( داقه فص ثوم + زيت زيتون ) اتركيهم مع بعض وكل مازادت الفتره صارت الذ
امسحي العجينه بالفرشاه بخلطه الزيتون والثوم بعدها ضفت صلصه البيتزا ( اشتريها جاهزه)
وفوقها (البصل - الفطر- الزيتون _ فليفله)
انثري المزرولا ودخليها الفرن لحين الاستواء.

4- بيتزا الجبن

http://up.z7mh.com/upfiles/vkd53341.jpg

نفس العجينه الي فوق بس لان معنا ناس ماتاكل الخضار نسويهم هالخلطه
امسح العجينه بخلطه الثوم والزيت زيتون + صلصله البيتزا + مزرولا + رشه بهارات ايطاليه