شبكة همس الشوق - بعد لا تنطق بكلمة ولا تورني برهانك

http://www.hamsatq.com/kleeja/uploads/1451651643841.gifhttp://www.hamsatq.com/kleeja/uploads/1451651643841.gif http://www.hamsatq.com/kleeja/uploads/1451651643841.gif http://www.hamsatq.com/kleeja/uploads/1451651643841.gif

بعد لا تنطق بكلمه ولا تورّيني : [ برهانك ] ،

مدخل :

بـ إسم ثاني تناديني تقول المخطي لسانك ،
حسافه .. كيف ما قدّر " لسانك "قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي بـ إسمك إخواني !

خل نفترق تكفين .. و إحنا عزيزين
مدام قلبك صار ( قاسي و جاحد ) !

ماكنت لك [ واحد ] أساوي ملايين ؟
وشلون خنتيني على شان [ واحد ] !

الحين .. وش بعد الخيانه و بعدين ؟
شفتك معاه بعيني واللــه شاهد !

و مدام ( قلبك ) قادر يحب شخصين
ماهي غريبه .. لو تحبين { واااجد } !

تقولين لي : راشد ! بـ إسمي تغلطين
وتنادينه : أحمد ليه ؟ هو إسمه : راشد !

مثلك يشوف الحُب لعبه وتخمين ،
ومثلي يحب ، وعنده الحُب خالد !

إنتي الوحيده وسط قلبي ، وتدرين ..
ما فيه [ غيرك ] داخل القلب قاعد !

كتبت " أشعاري " لأنك : بـ تقرين ،
وإلا شعوري من هـ الأبيات زاهد !

يالله ، فمان اللــه ما أبي تردين
إنتي { خطايا } والخطا منّي - وارد

إنسانه حلوه صح .. بس ، ما تحسين !
وطبيعي [ قلبي ] من - جروحك . يباعد ..

صيري فـ مكاني وشوفي شنهو تسوين ؟
ياللي في قلبك [ شوق ] الأحباب ، بارد !

رايح أنا .. ولا تسأليني على وين ..
منّي لك أقرَب صار " كوكب عطارد " !

مخرج :

بعد لا تنطق بكلمه ولا تورّيني : [ برهانك ] ،
يا خوفي تغلط بـ إسمي وتزوّد ثورة أحزاني
أنا ملّيت أطوّف لك وأقول المخطي لسانك ..
بغيّر إسمي من : محمد ، إلى : مجنونك الثاني
مجرد سطور راقت لي

http://www.hamsatq.com/kleeja/uploads/1451653707031.gif

http://www.hamsatq.com/kleeja/uploads/1451651643841.gifhttp://www.hamsatq.com/kleeja/uploads/1451651643841.gif http://www.hamsatq.com/kleeja/uploads/1451651643841.gif http://www.hamsatq.com/kleeja/uploads/1451651643841.gif