|
علمتني ان الهوى ما عاش يوم بداخلك علمتني ان الهوى ما عاش يوم بداخلك قبل أبتدي عندي طلب.. ركز .. طلب ماهو " رجاء " ! ما أبي تجاوبني .. ولا تستغرب إني أسألك لا تنصدم من عزلتي حالي مثل : أبو العلاء عندي سبب : ما تستحق إنِّي أجيلك وأوصلك لا تعتبر جمر الحكي من شاعرك يعني " هجاء " لو كنت بهجي حضرتك ما خفت منِّك ..قلت لك ! هذي القصيده مصنِّفه في دفتري قصة " رثاء " حبٍ يموت وتنولد .. وحبٍ يعيش و يقتلك ! ناديت لك ياما .. ولا لبِّيت لي , و ضاع النداء ! مبحوح صوتي والصدى من كثر ما ناديت لك ! أقرب من ثيابي علي وأبعد من نجوم السماء ورغم إبتعادك والتعب ..أرسم طموح وأمهلك .. ما كنت لي الداء وأنا ما كنت لـ جروحك " دواء " .. ما عشت في دنياي لي !! عـايش ولكـن عشت " لك " ! علمتك القلب الوفي ..,ما يخذلك فيه " إنتماء " ! وعلمتني كيف العشم في من تحبه .. يخذلك !! علمتك إن أصل الهوى يرجع لـ كلمة " إحتواء " ! وعلمتني إن الهوى , ما عاش يوم بـ داخلك ! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! ما تستحي ,, ودامك كذا ؟ - إفعل حبيبي ما تشاء -! توِّي عرفت إنِّي كثر ما أعْرِفِك ..كنت أجهلك ! كان قلبي بس لك و قلبك لعب دور الدهاء ! وكنت لك أقرب من أنفاسك وأقرب من هلك ؟! ما عاد تفرق غيبتك أو رجعتك .. عندي سواء ! كنت إهتمامي ورغبتي .., والحين دوري أهملك ! لا صار قلبي لك وطن .. أبسألك وين الولاء ..؟ وشلون حال المملكه ؟ - دام الخيانه من ( ملك ) ! إن كنت جاهل ..! " لعبتك قلبي " وما فيها ذكاء حتى الطفل إن جبت له [ لعبه ].. - ولاءهـ صار لك ! قبل أنتهي عندي - [أمر] ما هو طلب وإلا رجاء.. لا يشغلك ماضي إنتهى ..ركِّز علـى " مستقبلك " |
رد: علمتني ان الهوى ما عاش يوم بداخلك يعطيك الف عافيه على روعة ذائقتك.... بانتظار المزيد من ابداعك المعهود.... |
رد: علمتني ان الهوى ما عاش يوم بداخلك انتقاء مميّز .. يسلْمَكّ ربيِ على هـَ ـآلإنتقآءُ ـآلرآئع .. بِآنتظارِ قآدِمكُ ـلآجملْ .. وديِ وَ جنآئنُ وَردي |
رد: علمتني ان الهوى ما عاش يوم بداخلك
|
رد: علمتني ان الهوى ما عاش يوم بداخلك طرح رائع مبدع انت كعادتك هنيئا لنا بك ننتظر جديدك مودتي |
| الساعة الآن 07:35 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010