شبكة همس الشوق - الهوى ي هل الهوى هذي دروبه

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - الهوى ي هل الهوى هذي دروبه (https://www.hamsalshok.com/vb/t73564.html)

الهوى يأهل الهوى هذي دروبه

http://medicine.tums.ac.ir/uploads/p...20%2860%29.gif

الهوى يأهل الهوى هذي دروبه

١/
طبعها في العشق مغناج و لعوبه
مهرة من صغرها محد عسفها

هرجها معسول و مليان عذوبه
كان طاعونا أهلها ولا أنخطفها

كل ما شاهدت زوله رحت صوبه
لو عليها خمار قلبي ب يعرفها

جيته فيها غرابيل و صعوبه
ليتني في حجرها ولا بكنفها

منيت العاشق ترى شوف محبوبه
ما يفكر في الحياه وفي شضفها

الهوى يأهل الهوى هذي دروبه
يلحق العاشق ذنوب ما قترفها

و من عصى قلبه ليا هبت هبوبه
ب تذبل الورده و هوا ما قطفها.

٢/
قصرت رجلي عن الروحات و الجيه
العذر ي الربع أحب اعيش وحداني

صحيت عقب المطبات الصناعيه
أكلتها من حسن ظني ب صدقاني

يا كافي الشر يا كثر الحرامية
يعوزك اللي عليه تعلق العاني

من أول أغضي و أجامل و أحسن النية
و عقب الاخيرة هجرت الناس من داني

حتى الغزل و العلاقات الرومانسية
ب طلتها كلها ما جاني أكفاني

قطعت كل العلاقات الخصوصية
و صديت عما يقول فلان و فلاني

ابا اتعامل مع العالم برسمية
أحسن لي أسكر أذني و أحفظ لساني

و أقصر ب رجلي عن الروحات والجية
عن ضجة الناس أخير أعيش وحداني.

http://medicine.tums.ac.ir/uploads/p...20%2860%29.gif