شبكة همس الشوق

شبكة همس الشوق (https://www.hamsalshok.com/vb/index.php)
-   همس لمدونات الاعضاء (https://www.hamsalshok.com/vb/f334)
-   -   محطات الساهر (https://www.hamsalshok.com/vb/t77663.html)

الــســاهر 2 - 8 - 2017 03:47 PM

محطات الساهر
 





الكلام احيـان مـا منـه ثمـره
خلّني ساكت وسـوّ اللـي تبـي


ضيّق الخاطـر كلامـك وكسـره
آه .. من كسر الخواطر وتعبـي


واعـد الجمّـال فالبـال عـشـره
كلهم مـا حققـوا لـي مطلبـي


والقصيد إن مر ليلـي وسهـره
احطب ضلوعي و اوّلـع فحطبـي


مختلف فكـر وشعـور وحنجـره
أخطف الألباب واسبيهـا سبـي


والعفو ( توبيخ ) عند المقـدره
مير ماش عراش في راس الضبي



صاحبي يا صاحبـي لـو اخسـره
مستحيـل إن الخسـاره بسببـي


علّـمـه لا يزعـجـك بالثـرثـره
عبهلـه كـذاب ومحمـد نبـي


لا يحسبّهـا كــذا بالمسـطـره
فرق بيـن الأعجمـي واليعربـي


كم قبـر ٍ فـي قبـور المقبـره
يحفره شايب ويدفن بـه صبـي


وكم رجل ٍ شاف شـي ٍ يقهـره
من ولد عمه على شـان اجنبـي


وكانها مابيـن ذنـب ومغفـره
لحيتي تكـرم وكرّمـت شنبـي


الكلام احيـان مـا فيـه ثمـره
خلّني ساكت وسـوّ اللـي تبـي






هنا تجدون مدونة الساهر

تم افتتاحها بعد مد وجز

بتاريخ 10 / 11 / 1438 هـ

هنا ستجدون كل ما يدور بخاطري

هنا سوف اغرد من هنا انطلق









صعبة المنال 2 - 8 - 2017 04:46 PM

رد: محطات الساهر
 
🌹مدونه مباركه انشاء الله🌹
بدايه جميله 💞
نبي نشوف ابداعك
من فيض احساسك وسكب حبرك💐
يكون له طعم مميز 🌺

آإلغ♥̨̥̬̩لآ ديزآإين

جوهرة بغداد 2 - 8 - 2017 08:49 PM

رد: محطات الساهر
 
مدونه رائعه وبدايه موفقه الساهر
سوف اكون بالقرب دائما ان سمحت لي
لاتابع مايجود به قلمك وقلبك

سيف العمور 3 - 8 - 2017 03:22 AM

رد: محطات الساهر
 



السلام عليكم ورحمة الله وبركاته

أخي الساهر
أن مفرداتك كسحابة تمطر أملاً صادقاً يغمرنا
بل يغرقنا في بحر ابداعك ففي كثير من الأحيان كنت أعتقد
أن سجن الصمت أوسع بكثير من فضاءات ألبوح
ولكن عندما قراتك من خلال مدونتك وجدت كم هو جميل البوح الصادر منك
ربما لسلاسة لغتك التي ادمنها عند آخر سطر
تمنياتي بأن تفيض شعراً ونثراً لكي تغرقنا في تسونامي من الابداع والتألق
أحترامي لك ولقلمك الرائع .

همسة الشوق 3 - 8 - 2017 03:26 PM

رد: محطات الساهر
 
http://img1.liveinternet.ru/images/a...0_floral3e.gif
مبروك افتتاح المدونه
بدايه موفقه ورائعه .
شُكرا غلاي .
في انتظار جديدك المميز .
لك مني إجمل تحيه واحترام
http://img.rjeem.com/imgcache/2014/06/433242.png

الــســاهر 18 - 8 - 2017 07:07 AM

رد: محطات الساهر
 
نصيبي أعيش وحيد بدنياي وأشيل بقلبي هموم

وكثرالله خيرك يامن تركتني أغرق فبحر الأحزان

أشرب الناس الطيب والناس تشربني قهر وسموم

أنا الوفا عنواني وأنت صارالغدر لك ياقاسي عنوان

كيف تنام عيونك وأنالك سهران ماذقت النوم

كم من ليالي عذبتني والقلب شبت فيه النيران

أناأدري مكتوب علي الشقا وفي الحب محروم

وأنت ماترحم ياللي بقلبك مابقى ذرة حنان

الــســاهر 18 - 8 - 2017 07:12 AM

رد: محطات الساهر
 
سمعت باليتيم اللي قدام عينه تموت امه

يناظر ولا يقدر يبرر دمعت الشفقان

يصرخ خذي روحي بس خليك يايمــه

وتموت ويعاني مع الذكري ألم واحزان

كان إحساسي إحساسه وما همني همـه

هو القدر أخذ امه وانا فاقد أعز إنسان

الــســاهر 29 - 12 - 2017 06:26 AM

رد: محطات الساهر
 
الظلم في الدنيا عدو العداله
والخير يسأل دايم الشر وش فيه

الانسان بأفعاله ولا هو بماله
وش فايدة ماله اذا الكل جافيه

هذا الزمن مايعرف اللي قباله
وما في احد يدري وش اللي مخبيه

كل شخص يحمل في حياته رساله
يا تعتلي به فوق وإلا توطيه

الله خلق هالكون اكبر دلاله
ان القوي الله ولا احد يساويه

ياضعفنا قدام رب الجلاله
اذا انسأل كلٍ عن اللي يسويه

الــســاهر 31 - 12 - 2017 12:01 AM

رد: محطات الساهر
 

ماجيت اسومك مثل هالناس بالمال

ولا جيتك اصغر في عيونك ولا اطيح

جيتك بلهفة عاشق .. و عقل رجال

وقلب ٍ يشوف إن الحنايا.. مراجيح

في نظرتي حلم ٍقطفته.. من البال

وفي خطوتي عمر ٍ خطفته من الريح

جيت بقصيد وحب واحلام وامال

طلاب قرب ٍ طاولته التباريح

لي في عيونك عشرة وبيت وعيال

وفي يديك لي دبله وعشره مصابيح

جيتك وقلبي فيه من عشق الاطفال

لا حب قال احب من غير تلميح

سلمتك امره وانتي ادرى بالأحوال

لا تتركينه في دروب المجاريح

اما يعيش الطفل في صدر رجال

وإلا يموت الطفل بين المراجيح

الــســاهر 31 - 1 - 2018 05:48 PM

رد: محطات الساهر
 

‏تعال يابعد عمر الزمـان وياعيون الكون
نسوي مملكه للحب بها العشاق ومزحومه

لهاسلطة حكم گسرى لهاهيبة حكم فرعون
لها عزة حگم قيصرعن الزلات محشومه

الــســاهر 31 - 1 - 2018 05:55 PM

رد: محطات الساهر
 

خذني بقايا ما بقى من بقايا
وان مابقى بي شي خذني ولاشي

واكشف عن الجرح بوسط الحنايا
تلقاني الميت لو ان البدن حي

الــســاهر 28 - 2 - 2018 11:00 PM

رد: محطات الساهر
 

الحب لو يشرب وضعناه فـي كـاس
من شان نسقي حبنـا اللـي نريـده

والحب لو يكتـب ويرسـم بقرطـاس
رسمت حبـي فـوق لوحـه فريـده

الحب مايوصـف ويحكـى وينقـاس
الحـب معنـى للحـيـاه السعـيـده

الحـب قايـد للمشاعـر والاحسـاس
ماهـو خرابيط(ن)بصفحـة جـريـده

الحب لاثبّـت علـى جيـد السـاس
وحكـم بشـرع الله عـاش بوريـده

وفي وقتنـا جانـا مراهـق وهـلاس
يقطف زهور الحـب تحـت المكيـده

يقـول احبـك حـب يابنيّـة النـاس
وهي تضحـك هايمـه فـي نشيـده

حتـى يغطـي حبهـا هامـة الـراس
ويبـدا ينفـذ خطـة(ن) لـه سديـده

ويقود بنت الناس لـدروب الادنـاس
وليّـا قضـى منهـا تركهـا وحيـده

قالت تعال الحـب وشلـون ينـداس
وشلون تتركنـي وانـا لـك مريـده

وييييييييين الزواج اللي تردد بالانفاس
ويـن الوعـود الحالمـه والعـديـده

قال ابعدي ماودي اجرح لك إحسـاس
مارضـى بزوجـه خاينـه يالبعيـده

وعاشت بهم وغم ووجـاع وونـاس
وهـو راح يصيـد وحـده جـديـده

الــســاهر 17 - 4 - 2018 10:37 PM

رد: محطات الساهر
 
يا طارد اللي راح خله وملوه
ما يستقيم الظل لا عوج عوده

ولا ينفع الندمان قولة حولاه
جحر لدغ يمناك لا لا تعوده

مد النظر في خلق ربي تمعناه
إلى انتقص من حال حال يزوده

الله جعل للمبتلي داه ودواه
وكل على عزمات قلبه حدوده

الــســاهر 3 - 5 - 2018 07:23 PM

رد: محطات الساهر
 
كل السوالف تجيب اسمك ولو صدفـــــــة
كل الشوارع توقــــّـف بي علــــــــى بابك

وأهرب عن الناس لآخـر ركن في الغرفـة
وألقاك بالروح.. وأهدابي علـــــى أهدابك

هناك أعيش الغرام اللي لقى حتفـــــــــــه
هناك أذوق العذاب اللي من أسبـــــــــابك

الــســاهر 26 - 5 - 2018 09:51 AM

رد: محطات الساهر
 
خيانه وانتهت آخر سوالف عشقي المجنون
سوالف عشق ياما الناس قالتها وعادتها

حكوا عني وحكو وا عنها وعن حب ملا هالكون
صاروا يحلفون بحبنا وصدقي وطيبتها

وكم واحد تمنى لو خذا من لون حبي لون
وكــم وحــده تمنت لــو تشابهنا حكايتها

انا وياها كنا حلم بالمعنى وبالمضمون
لكل اثنين قصة حبهم تعلن بدايتها

وفي ليله صرخ فيها الوفا من ظهره المطعون
بدايتها جروحي والوفا مات بنهايتها

شيخة الزين 27 - 5 - 2018 12:54 PM

رد: محطات الساهر
 
بعض البشر نآدر تعين له اشبآه
. . . . . . . . مثل الاصابع تختلف فـ الايآدي
أحد ( ن ) الا منه توارى فقدناه
. . . . . . . . واحدن الا غآب او حضر شي عادي !

الــســاهر 4 - 8 - 2018 09:53 PM

رد: محطات الساهر
 
يا بنـت .. خلّـي قصيـدي لا تغنّينـه
ماهوب مقبول .. بأصـوات البنيّاتـي


صحيح صوتك على ما قيل .. يا زينـه
وله ميزةٍ فارقه عـن كـل الأصواتـي


البحّه الناعمـه مـن صلـب تكوينـه
لا قبلها راحت .. ولا بعدهـا جاتـي !


وأن كان يـا بنـت مجبـوره تجرّينـه
جرّي من أبيات غيري .. خليّ أبياتـي


يصعب على مثلك وشـرواك تلحينـه
صوتك رومانسي .. وأنا صلفه عباراتي


وش لازمـك يـوم بلسانـك تعدّينـه
يا قرب غاياتاك .. ويا بعـد غاياتـي


لو عاقل النـتّ مـا يربـط مجانينـه
زادوا عليـه المهـبّـل والهبيـلاتـي


روحي في حالك .. وحالي بينك وبينـه
خطوط .. وحدود .. وسدود ٍ منيعاتـي


خليّني أكتب عـن اللـي مـا تحبّينـه
وأمارس أغلى هوايه مـن هواياتـي !

الــســاهر 29 - 10 - 2019 06:01 PM

رد: محطات الساهر
 
اللي مثلي من يلومه لا نوي شد الرحال
واللي مثلك من يلومه لا جبرني علي الرحيل
فرصه حلوه وانسي حبي وانسني يبن الحلال
شايف وعارف وجودي في حياتك مستحيل

خلني ببدا رحيلي دام حيلي لا يزال
الله يذل الصعاب ويطوي الدرب الطويل
خوفي ماهو من طريقي في متاهات الرمال
خوفي الذكري تجيني كنها قاطع سبيل

في امان الله ياجمل من طموحي والخيال
في امان اللي وهبني منك الشي القليل
بس دقيقه ودي اسال جاء علي بالي سؤال
هل يجوز اقتل شعوري وادفنه مثل القتيل

الــســاهر 18 - 2 - 2023 09:46 PM

رد: محطات الساهر
 
متلحفك من ليلة البارح إحساس
وهذا أنا .. صاحي من النوم دافي

فـ الحب لاتعطي مشاعرك للياس
أحياناً إحساسك بـ الأحباب كافي

نجمة الليل 18 - 2 - 2023 09:54 PM

رد: محطات الساهر
 
الله يديك العافيه يارب
الساهر الغامض عساك ع القوه


الساعة الآن 03:38 AM

جميع الحقوق محفوظه للمنتدى
HêĽм √ 3.1 BY: ! ωαнαм ! © 2010


الامتياز


SEO by vBSEO