شبكة همس الشوق - كبر غلط لو شخص متبهذل يحب مدلعه

يامدلّعه لاتدّعين الضيق وانتي فـي سعه
الضيق للي ما اتّسع له صـدر محبوبـه لضـاق

القلـب نفسـه عنـد متبهـذل .. وعنـد مدلعـه
الفرق في صدق المشاعر.. والأحاسيـس الرقـاق

الله ياكم لـي وانـا منـك الوفـاق .. استطلعـه
والحين .. لا إنتي .. ولا قلبك .. ولا حتى الوفاق

آخـر حكايـة حـب وأول جـرح كنـت اتوقعـه
اللي برواق تحبنـي.. تقـدر تفارقنـي.. بـرواق

إحساسك أصلا ما يناسبنـي.. وانـا مـا انفعـه
ما دام لي مبدأ .. ولـك رغبـه بتغييـر الرفـاق

الناس قالت: من يبيعك واشتـرى غيـرك.. بعـه
لا تلحق اللي منك ما يستاهـل اسبـاب اللحـاق

إختـرت امـوت ولا يقولـون الخلايـق: إمعـه
وأخترت افارق والصدق يا كره كرهي للفراق

اصبحـت مثـل اللـي يـدوّر للجهـات الأربعـه
راح الجهات الأربع.. ومازال في نفـس النطاق

المشكلـه .. ودّه يفضفـض ميـر كـلٍ يصفعـه
من حيث ما وجّه بوجهه .. للاسف يلقـى طـراق

الحـزن يجتاحـه وشكّـل فـي حياتـه زوبعـه
وإحساس باهمال الجميع.. يضاهي إحساس المعاق

الظاهر إن الناس في قلـب المـو اجـع مبدعـه
والظاهر إني صرت ممّن.. لا يطيق .. ولا يُطـاق

الحب.. من ذا اللي يقـول: الحـب دنيـا ممتعـه
في ذمّتي ما يقولها لو كـان ممّـا ذقـت .. ذاق

إن شاف نفس اللي اشوف.. وما سمعته يسمعـه
يختار له نار الفـراق .. ولا يجـي جنّـة عنـاق

العاشق اللي ما معـه غيـر إ نتفاضـة مدمعـه
الله يكون بعون قلبـه .. واحتراقـه .. إحتـراق

إن جيـت تلقـى حالتـه حالـه وشبـه مضيّعـه
أحيان يتنفس ولكـن أغلـب الحـال .. اختنـاق

إنهد حيله.. وإنجرح .. وإحتاس فـي هالمعمعـه
محتار ما يدري على ويـش الزعـل والإنشقـاق

إنصـب تفكيـره علـى (مـاذا وراء الأقنـعـه)
مسكين كان آخـر ضحيّـه للخيانـه .. والنفـاق

الحين يا ضـدّه تكـون النـاس .. ولاّ يـا معـه
ما يعترف بالأوسطيّـه .. و الثقـه .. والإتفـاق

أرثي لحاله عندما يكتـب علـى الرمـل اصبعـه
هذي نهاية مـا يسمّونـه .. محبّـه وإشتيـاق

الصدمه اللي سبّبت هالحال جدا موجعه
أشبه بصدمة أمّـة الإسـلام فـي أرض العراق

مجنـون ليلـى يتبـع أهـواءه .. وحنّـا نتبعـه
يعني انا وآلاف غيري .. نندرج ضمـن السياق

الصدق .. لو همّ الرجـل فـي كلمتيـن ٍ تقلعـه
ما تمنعه أحيان .. كلمـة يبغـض الله الطـلاق

السالفـه أكبـر مـن انـه يمتنـع .. او تمنعـه
ما دامت الدعوه.. مصير إنسان مربـوط بوثـاق

إن حبّ ..حـبّ.. الله يعينـه والحشـا متولعـه
من وين ما قلبه يسوقه من ورى خشمـه يسـاق

الـود ودك.. لا وصـل للوضـع هـذا تقنعـه
مهما إستمر الحب يبقى آخر الحب إفتراق

أكبر غلط لو شخص متبهذل يحب مدلعه

والإخت ما تقدر توسّع خاطره لـو يـوم ضـاق

من ديوان الشاعر / محمد الشهرى