شبكة همس الشوق - ليه مثلي في الهوى دايم صويب

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - ليه مثلي في الهوى دايم صويب (https://www.hamsalshok.com/vb/t81552.html)

ليه مثلي في الهوى دايم صويب

نظرتي تعجز لتوصيف الجمال

صورته في ناظري عيّت تغيب

انبهرت بخلق من فوق الكمال

و الله إنه كاملٍ عن كل عيب

صوّره ربي في منظر خيال

والعجب في كامل الوجه العجيب

الشعر من رقـّـته يلعب دلال

و العيون السود تشعلني لهيب

و الجبين اشهر سيوفه بالقتال

اوضح من النور يوم انه قريب

و الحواجب كنها حفـّة تلال

حكمتك في الزين بحساب و رقيب

و مثل سلة سيف خشمه يوم مال

يذبح العشاق و النظرة تصيب

و الخدود أرّق من نسمة شمال

و الملامح كلها عالم غريب

و الهدب يقتل و لا يعطي مجال

و من غزاه الرمش و الله ما يطيب

و الشفايف تاخذ عقول الرجال

من تلذذها عن الدنيا يغيب

و في ضمـّة صدرها شي محال

يشعر الديرة برجعة غريب

و كل شي فيه فوق اللي يقال

يعجز التعبير عن وصفه يجيب

كل عاشق له حبيب ما يطال

ذا حبيبي ما بعد غيره حبيب

آيةٍ بالزين .. صعبه بالمنال

تحفةٍ من عهد عيسى و الصليب

ما يفيد القول لو كثر الجدال

نظرتي في الزين و الله ما تخيب

أشهد إنك مثل الحلم حال

حطني في يدينك و اكتبلك نصيب

اعذري الوصف هذا احتمال

هذا الهام شاعر وقت المغيب

حايره في شفاه محبوبك سؤال

ليه مثلي في الهوى دايم صويب