شبكة همس الشوق - ليه المساعوق الشقاوي وطبه

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - ليه المساعوق الشقاوي وطبه (https://www.hamsalshok.com/vb/t84498.html)

ليه المساعوق الشقاوي وطبه

ليه المسا عـوق الشقـاوي وطبّـه

وليه الهبوب تصحي القلب لا بـات

وليه القمر يدعـي جريـح المحبّـه

ويقول له يا هيه..ما فات ..ما مـات

جرحك ظهر لو قلـت للوجـه خبّـه

وللحزن في ضحكك رسوم وعلامات

وليه المطر بالذات ريحـه.. وصبّـه

كنّه رسول بيـن الاحبـاب بالـذات

اشتـاق فيـه لشوفـتـك واتنـبّـه

للي نسيته مـن مواقـف ونظـرات

لا استانس الخافق ذكـر مـن يحبه

ورجع يراجع فالوناسـات مـا فات

يا مرتـع القلـب الحزيـن ومربّـه

يزيين بك مثل الذهب صدر الابيـات

هيهات ينسى القلب شخـص ٍ لعبّـه

وهيات يدله خاطري منـك هيهـات

سبك مديـح ومـدح غيـرك مسبّـه

تقول واذني صوتها تقول لك هـات

ونبع الغلا عنـدك وعنـدي مصبّـه

ومن الولا .. في خافقي لك ..ولاياات

وطيفك حطب عيني..وعيني مشبّـه

والشوق برد ٍ ما انقطع لو للحظـات

ومكانك الصدر ولـك القلـب iiشبّـه

بين الظلوع اللـي فردهـا التنهـات

ولك بيـرق ٍ فالقلـب حبـك يهبّـه

شامخ ولا هزه من العـذل غـارات

محبتـك فالوقـت ذا مــا تشـبّـه

الا بخيمـة بـدو بيـن العـمـارات

ان شفتني ضايق واهوجـس واسبّـه

اخاف غدر الوقت.. والوقـت دورات

لا تحسب ان دمعي نـزل دون سبه

ابكي من الفرقا وهي مابعـد جـات

الـيـوم كــل امورنا..مستـتـبّـه

وبكره ماندري وش معه من مسرّات

اربّ قلبـك مثـل قلـبـي اربّــه

ما يخلفه شور العـرب والمسافـات