يقولون وكر الحر ما يعتليه البوم

يقولون وكر الحر ما يعتليه البوم

يقولـون ماللعبـد بـد (ن) عـن المقسـوم

ونااقـول صـح ويقنـع العبـد مقسومـه

عسى الله يعين الـي توافـد عليـه همـوم

هموم (ن) تخلي طبلـة الـراس منجومـه


تـرى والله انـه مايكـدر عليـك الـنـوم

سوى كلمة(ن)من بعض الأصحاب مسمومه


إلى جاءت من الغالين والاالرخوم رخـوم

ولا امحق من الغالـي إلياشانـت علومـه


ضعاف الروابـع تبتلـش والقـروم تشـوم

ولاهيب لا شامـت مـن الشيـب مليومـه


ولا ازين من القاع الخلاء والوجيه سلـوم

ولا رفقة(ن) مـع طـول الأيـام ملغومـه


ولا لذ من عشرة شريف من أقصـى القـوم

يبادلـك فعـل الطيـب معنـاه وسلـومـه


ولا شفت في جو الصداقه غبـش وغيـوم

عطيت الدروب اللي مع الارض مرسومـه


ولا مثل عز النفس لو مـا معـك مطعـوم

وعن اهل الشماته خل الاسـرار مكتومـه


معي لو سمحت شوي عقب (ن) عداك اللوم

بعطيـك عـن بعـض الرياجيـل معلومـه


ترى اللاش لو وقف معك في حياتـه يـوم

اتشوف الـردا متبين(ن)فيـه مـن يومـه


ونا اقول لو(ن)في وجيه الرخـوم وسـوم

عرفنـا نمـيـز قيمةالـنـذل بوسـومـه


علشان نجلس مع رجـال الوفـاء ونقـوم

ونبعد من اللـي عنـد الاجـواد مذمومـه


ونا اسمع مع اهل التجربه بالحيـاة علـوم

بعضها صحيح وبعض الأخبـار موهومـه


يقولون وكر الحر ما يعتليه البوم

ونا شوف عيني وكر حر (ن) تحت بومـه

المصدر: شبكة همس الشوق - من قسم: همس الشعر والقوافي

الموضوع الأصلي :‎ يقولون وكر الحر ما يعتليه البوم || الكاتب : همس الشوق || المصدر : شبكة همس الشوق

 

طَآب ليٍ آلمَكوثْ حقآ هَنَآ
رآآآقٌ ليِ مآسطرتَـه هذه آلحَروفٌ
سَلَمِتْ أٌنآملِـگ عَلََى الـآنتقآء آلمميٍـز
لـآحُرمنًآ آلمولى هًذآ الهطًول آلجمَيـٍل
لروَحگ گـلً آلـوَد

موضوع مميز وابداع في اختيار المواضيع القيمه تقبلو مروري
الصامت

انتقاء بآذخ الجمآل ,
بِ إنتظآر المزيد من هذآ الفيض ,
لك من الشكر وافره,~

الف شكر لك على الجلب الراقي
دمت ودام عطائك العذب
ممتنة لك ولجهودك المميزة