قال: احبك قلت له : وش هو الجديد
قـال: ميت قلت : انا مت بـغـلاك
لك غـلا يعـجـز يوصفـه القصيد
لك غـلا مايملكـه شخـصٍ سـواك
قـال: قلبـك قلت له: قلـبي عنيـد
قـال: قاسـي قلت: لين فـي هواك
قبل اعرفك كان قلبي من حديد
ومن عرفتك ذاب قلبي في دفاك
والله انـي مـيت بحبك شهيد
انت عمري وغايتي والله رضاك
انت جنه مـن سكن قلبك سعيد
كيف مايفرح وهو نجـم بسمـاك
قال: شوقك قلت: شوقي لك يزيد
محتـرق بالشـوق واتمـنى لقـاك
قال: زيـد وقلت: يالفجرالبعيد
منيتي ياغايـتي اجلـس معـاك
قال: قٌرب قلت له: وش باستفيد
قال: ابعـد قلت: ماقدر ياملاك
لا ابتعدت احس تقطيع الوريـد
ولا قربتك شفت فعيونك هلاك
قال: ابسأل انت قلي وش تريـد
قول ما تبغى وانـا باقول هـاك
قلت: ابي ضمتك يالظبـي الشريد
قال: قٌرب ضم انا كلـي فـداك
او 
لمشاركة اصدقائك!
عضويتي
العرض العادي
