ياطيور(ن)صفت اجناحها صفي =يوم بان الصبح والشمس محجوبه
شاقها جوٍ به الغيم يلتفي= انتعش من عقب حره ولاهوبه
ليتها جت لي على الكيف والشفي= كان يابوزايد اقلعت بعجوبه
اعتلي بالريش ياخفي الخفي= لين اشوف الارض من فوق مقلوبه
والهدى خلي جباله تجي خلفي= والجنوب الجو معروفه ادروبه
روح ادور ناقش الكف بالكفي = اتعبك واشقاك يانفس مذهوبه
أبوجعود ٍ غطت الكتف والردفي = حولت من عالي الراس مسكوبه
من حرير ايطاليا الناعم الترفي= صاير ٍ مثل العبايه على ثوبه
العشير اللي عجز يوصفه وصفي = لووصفت الحسن من يوصف اسلوبه
لارضا ياخذ بحقه ولايعفي = منطلب للناس ويقول مطلوبه
اشرب الماء والحق الماء ولايطفي= نار مابين الجناحين مشبوبه
بس لك ياسالب النوم من طرفي= العذر مقبول يقبل لك التوبه
كان مابك لاموده ولاعطفي = من قتل مخلوق يتحمل أذنوبه
أنت من قوة جمالك ولي ضعفي = والقوي من بيده إحكام مكتوبة
آخر تعديل MالرحالM يوم
9 - 6 - 2011 في 10:13 PM.