يكفي قهر في جيتي لك تواضعـت=تركت غيرك لجـل عينـك وبعتــــــه



ياليتني عـن حـب مثلك......ترفعـت=ياليت قلبي قبـل اعرفـك دفنتـــــه



لكن ابعد دامني بـك توهقــــت=الله يرحـم حبنـا اللـي ذبحـتــــــــه


انا شريت الــود والحين انـا بعـت= وانا عطيتك قلبـي اللـي قهرتــــــه



في يوم جيتك اطلبـك ود واقنعـت= نفسي بانك شخص عادي عرفته



كمل حياتك مثل مـا انـا توقعـت=تبقى اسير الماضي الـي فرضتـه


ولا يحزنك اني غلطان وتراجعـت=حولك بدالي ألف شخـصٍ عجبتـه



اما انا لا يمكن اخضـع ولا طعـت=يحرم علي اعطيـك قلـبٍ خذلتــــه



باريّحك من شوفتي يـوم قاطعـت=اسلوبك اللي بـة تجامـل كرهتـه



غلطان يا المقفي انا مـا تتبعـت=غيري يتابع خطوتـي مـا تبعتـه



ما ينحني راسي لو انـي تقطعـت=وما هو بنا من لا رميتـه لقطتـه



وان كان غرك حكي عذالي وطعـت= الله يعلـم كيـف قلبـــــي سكنـتـه



اللي ملا قلبـك علـي وتسمعـــــــت=خله يعوض شخص مثلي خسرتـه



انـا بمـا فيـة الكفـــــايـة تولعـت=واللي بقى من قلب فينـي حرقتـه



وان شفتني صدفة بعينك تطلعـت= ذكرتني با نسـان غالـي فقدتـه



باول لقا سلمتة احساسي وضعـت=غلطت حياتي يـوم قلبـي سلبتـه



واستسمحك ف البعد كاني تراجعت=ما عاد ابلقـى فيـك شـي فقدتـه


طبعك مثل غيرك وطبعي كما كنـت=احب شخـص ولا تركته...تركتـه

المصدر: شبكة همس الشوق - من قسم: همس الشعر والقوافي