يابنت ياللي بالقصايد تغنين

#1 7 - 10 - 2018, 09:54 PM

يابنت ياللي بالقصايد تغنين
جوزي عن الاشعار وش لك بالاشعار

خليك بالمطبخ وغسل المواعين
صعبه ترى يابنت تتغير الادوار

خليه لاهل الشعر يابنت تكفين
وانتي لك البكله وروج واستشوار

تدرين ولا كان مانتي بتدرين
ترى قصايدكم طماطم مع خيار

شعر مكسر خالي من المضامين
ذوق جماهير الشعر طعم الامرار

والبيض عند الشاعرة اسمه التين
ولاشافت الجربوع تقول ذا فار

والشاعرة لو عمرها بالثمانين
تكذب وتقول عمري بعمر الازهار

تستخدم الميك اب وتكحل العين
واصغرهن اللي عمرها عمر سنجار

الشعر وين وشاعرات الغثا وين
طاحو بجبد الشعر لين الشعر ثار

منقول طبعاا

المصدر: شبكة همس الشوق - من قسم: همس الشعر والقوافي

الموضوع الأصلي :‎ يابنت ياللي بالقصايد تغنين || الكاتب : الــســاهر || المصدر : شبكة همس الشوق

7 - 10 - 2018, 10:20 PM

المشكله ياخوي احلى الدواوين
تحلى بوصف البنت والقاف يحتار

الله عطاها وصخر الشعر للزين
والبنت ماتنعاب في مطبخ الدار

العيب في بنت(ن)تقود الشياطين
ماتعرف المطبخ ولاتعرف الجار

تعرف تمشى وسط الاسواق وتبين
في لبسها في زولها ونظرة العار

هذي الصراحه بينتها العناوين
مابين بنت وبنت وانهار وابحار

بنت الرجال الي على العهد وافين
اليا نخيته ياو فلانه00 يالاحرار

ابشر بعزك جاك لو اخره وين
مايرتخي عزمه على الضيم صبار

لو قلت ثم قلت من حين لي حين
صعب(ن) أوفي حقهم حق الابرار

تبي الصراحه الفرق مابين ثنتين
ناس تبلى الشعر والشعر مشوار

وناس سوالفهم شعر وسط بيتين
بيت المشاعر وبيت الاحساس جبار

في شعرهم طيب وكرم وكلمة اهلين
في شعرهم معنى وحكم تمنع اضرار

مثل الجمل لاطاح مثل المسنين
كثرت سكاكينه وحاطوه الاشرار

و لاتامن الخاين وربع(ن)ملاعين
الي يخونك يرجع يخون تكرار

والاوله راعيه مايلحقه شين
لو ترخص الغالي وتفديه الاعمار

تدري وعود الحر ياصاحبي دين
والي بدا بالشرط تاليه أنوار

والشعر بحر(ن)فيه لافي ومقفين
مايحكمه بنت ورجل وشبك وجدار

الشعر ماهو طبخ أو قطع سكين
ومكوناته ماهي ابزار واصرار

الشعر احساس وانفاس دافين
غيمة وسط صحرى ومشاعرها امطار

البنت شوفتها شعر يامجانين
والشعر لولا البنت مامثل أدوار

كم ليلة(ن)شعارها ناس واطين
دخان 00 ضيق انفاس واحساس00 في بار

وكم ليلة (ن)شعارها والمقيمين
من نسل قوم(ن)مايهابون الاخطار

وكم منتدى فيه العجب والمحبين
وكم ذيب وسطه لاعوى يلفت انظار

وكم قسم يرسم في رسالة وليفين
وكم كان كم وكم خانات الاسعار

واحد ثلاثه اربعه والثلاثين
بليون ميه واحد ثنين أصفار

وكم فرقت وجهة نظر بين شخصين
وكم ود باقي في خلافات وحوار

الله يديم الود ويعين ويعين
من هو يعاني من صواديف الاقدار

ارجو السموحه كان بالهرج تطعين
شديتني واشتد هرجي والاشبار

ردع القصيده
برضومنقول

7 - 10 - 2018, 10:22 PM

ابيات رائعههه
بس حيرتنى فى منقول طبعا"
سلمت اناملك الجميله يا عمده
ودى وعبير وردى

7 - 10 - 2018, 10:26 PM

ههههه
رد عنيف من عالم حواء
شكلك ورطنا يالساهر

10 - 10 - 2018, 06:59 PM

سأكتبُ كل العباراتِ في ورقٍ مخطوط ْ
لأجعل منها أروع أكليل من الحروفِ والكلماتِ
والزهور والأنغامْ
وألحانِ الشكرِ والاحترامْ
لأقدمها لكِ تعبيراً عن شكري وإمتناني لردكِ الكريم ,,
تحياتي الوردية ...
لكـ خالص احترامي
الصامت

15 - 10 - 2018, 12:40 PM

يعطيك العآفيه..

طرح بقمة الذوووق والرووعه..

تسلم أيدك ع الطرح المميز لاعدمنـآك ,...

بانتظارجديدك بكل شوق

ودي وشذى وردي ..

تحياتي

16 - 10 - 2018, 01:16 PM

الساهر
يعطيك العافيه ع النقل
وبالعكس الشاعرات اكتسحو الساحه
الشعريه وبجدارة منافسة الشاعر الرجل
وبشهادة الكل اثبتت تواجدها وروعة تمكنها من القافية والوزن
تقديري لك

17 - 10 - 2018, 08:35 AM

عَآشتْ الآيآدِي على هذَآ الآبْدآعْ الرَّآقِي
بِكُلِّ شّغفٍ ننْتظِرُ جدِيدْ
عَبِيرَ عِطْرِكٌ المُقدَّسْ
ودِّي +
يآسمَينَة تُطوِّقْ قَلبَكْ ,*|

2 - 11 - 2018, 09:16 AM

جّلبْ انيَيق وَمميُز
وَعِطاءْ رآقيُ وَجميلْ ..
تسِلم ايُديكْ يــآربَ ..
ولاعَدمنا جمُآل إطِلالتك
تقِديُري ِ ،’
..~

28 - 12 - 2018, 01:56 PM

ذائقة شعرية مترفة بالجمال
اسعدني تواجدي بين قطرات احرفك الشعرية
اختيار جميل وذوق مترف
لا عدمنا جديدك القادم ولا حرمنا من جزل ابياتك
ودي واحترمي

المواضيع المتشابهه لموضوع: يابنت ياللي بالقصايد تغنين لموضوع: يابنت ياللي بالقصايد تغنين
الموضوع	كاتب الموضوع	المنتدى	مشاركات	آخر مشاركة
يابنت ياللي بالهواتف تسلين	همسة الشوق	همس الشعر والقوافي	6	28 - 7 - 2015 04:03 AM
يابنت يا حنونه	سجات التهاويل	همس الشعر و الشيلات الصوتيه	3	15 - 5 - 2015 05:42 PM
يابنت	ياقلبي اكتفيت	همس الشعر والقوافي	4	24 - 10 - 2014 07:39 PM
يابنت توك صغيره	خربشه	همس الشعر والقوافي	5	21 - 3 - 2012 03:42 AM
الحب يابنت	همس الشوق	همس الشعر والقوافي	5	16 - 8 - 2011 11:47 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع