رواية العابث ال خير في هذا الزمان

البارت 146


في مكان اخر صافرات الانذار ترتفع في المكان
ورجال الشرطه تستعد للمداهمه
تكلم الرئيس : الوحدات جاهزه !
: نعم سيدي
الرئيس : استعدوا واصدروا امر حالاً بمنع اي حافله او سياره من الخروج من المستودعات ..
: حاضر
فتح الجهاز اللاسلكي القريب منه وهو يستمع لهمسات رائد : الشاحنه
هُنا
انفاسه المقطعه اثارت الشك في صدر الرئيس من ان مكروه قد اصابه
وهو التجئ لهم ليحموه
تحرك بسرعه لخارج غرفه المراقبه واتجه مع مجموعته للمستودعات ..


عند رائد ..
غمض عيونه بقوه وهو يشعر بطعم الدم في فمه
ثبت جهاز مراقبه في اعلى فمه من الداخل
وامتنع عن الكلام لكي لا يصدر علامه الهجوم
فـ عندما تصطدم لسانه بـ الجهاز
سيبدأ الهجوم على المستودعات وتحديد
المواقع
فتح عيونه بهدوء وهو يشوف الباب ينفتح ويدخل رامز وبين اصابعه سيجاره الكترونيه وبدون اي قناع ليحميه من الغاز السام
توقف عند اخر سرير رائد وهو ينفث الدخان من فمه ويتنفس ببطء من الغاز السام بدون
اي اهتمام
ونظرات رائد تكاد ان تحرقه وبكف يده يحرك المشبك الخاص
بشعر ريتان قريباً من الاصفاد المثبته بكفه عّل وعسى ان يستطيع نزعها
تكلم رامز وهو يبتلع ريقه بصعوبه
وتأثير الغاز بدأ يتضح في ملامحه
: تدري كذبت على زوجتك قلت لها ان ابوها
وصاني قبل يموت اتزوجها لو تشوفها اليوم ماتصدق كمية الخضوع اللي فيها حسستني انه فعلاً ممكن نبداء من جديد ممكن نفتح صفحة جديده بدون حقد او نفاق مثل اللي بيني وبينك ، اليوم قررت اترك الخمور عشان
ابداء حياتي الجديده صح
وقررت عشان ماافلس واضبط وضعي وماينزل رصيدي عن المليار
ابدأ اتاجر بالسلاح ومنها اتاكد انه ماراح يضرني ولا يضر صحتي واي شخص يفكر يأذني بطلقه وحده يموت مايحتاج اخليه مثلك ثلاث ايام وقربنا من الاربعه وانت تحت هالغاز
سعل ببطء وارتفع صوته بحده وهو يضع ظاهر كفه على انفه
وعيونه ترمش ببطء ..

تنفس بسرعه وهو يحس
بشيء ينزرع داخل صدره
مع كل نفس ياخذه
رامز ابتسم بخفه : ماتوقعته قوي لهدرجة " يقصد الغاز "
رائد ببطء تكلم : ماعمري تمنيت يكون نهايتي ونهايتك كذا انت كنت ولدي قبل اخوي
كنت عيني كنت قلبي
حرصت عليك والله اللي يعلم اني خفت عليك اكثر من روحي وتمنيت تتعالج وترجع سالم
حتى لو زعلت بعض الاحيان وتمنيت لو تنمحي من الوجود صدقني ماكانت من قلبي وانت اكثر شخص تعرف مكانتك عندي ..
رامز صد عنه وطلع وهو يتنفس بقوه ويسعل
ورائد يسمعه وساكت
رجع له رامز بخطوات سريعه
وانتزع القناع من فمه وحطه على فمه هو وابتسامة خبث على شفايفه : طولت ما مُت ابيك تجرب الغاز ابيك تجرب السم بأختصار ابيك تموت لانك ماعمرك حبيتني ي كذاب انت تحب نفسك وبس لو كنت تحبني مافضلت نفسك علي
واخذت الشركه واخذت البيت واخذت ريتان الحين تموت بدون اي شيء لك وبدون اي شيء ينسب لك وتدري ؟ الاحلى من ذا كله انك حاربت عشان ريتان وهي اللي خانتك هي بنفسها وبكامل رغبتها اللي كلمتني وعلمتني بكل شيء وهذا دليل على انك شخص فاشل حتى زوجتك هربانه منك ..
رائد ابتسم : كانت تتوحم بعد عمري
رامز تجمدت ملامحه وبهمس : وششش ؟
رائد سكت وهو يحاول يحافظ على نفسه مايأثر فيه السم لكن صعب
رامز بحده مسك رائد من ياقته ورفعه ع فوق : قربت منها ؟؟؟ حامل !!!! كيف تتوحم ؟ يعني حامل ! صح !
رماه على السرير وركض برا بسرعه زي المجنون
ورائد شهق : ريتان !
رفع صوته يصارخ بقوه
يبي رامز يرجع حس بوخزات بأيسر صدره
وقناع الاكسجين مرمي جنبه ومو قادر ياخذه : يارب يارب يارب ..

البارت 147


في الرياض ..
عند خالد وختام ..

في مطعم هادئ تجلس مقابله وهي تبتسم له : كويس ان الشغاله جابت عبايتي او مابتكون خذيتني
ضحك خالد وهو يقرب كفها لفمه ويبوسه بعمق : اخذك لو اغطيك بشماغي
ابتسمت له : اوه قد ايش انت جميل
خالد رفع راسه وعيونه بعيونه : بس جميل ؟
ختام بشغف حقيقي: لا تخليني اخربها
ضحك خالد بقوه واردف : مصطلحاتك صايره غريبه كنتي بريئه ماتعرفين هالكلام
ختام كشرت : انت السبب
خالد تنهد وهو يوقف : يلا نطلع ابي نروح مكان سري
ختام وقفت بسرعه وهي تلبس شنطتها الصغيره وتطلع عطر وترش على كفوفها وعبايتها وتدخله بدون ماترفع عينها لخالد
اللي يناظرها بعمق وصمت انحنت تقفل اخر ازرار عبايتها ووقفت لتتضح اقدامها البيضاء
بين فواصل العبايه السوداء
ثبتت حجابها بأهمال
ورفعت راسها وابتسمت : خلصت
خالد تنهد بضيق واتجه لها وهو يعدل حجابها : اولاً ذا المفروض مايطلع
شعرك من تحته
ثانياً ليش تعطرتي ؟ دخلتي بحكم الزانيه
ترى مايجوز تتعطرين قبل تطلعين من البيت
والمره الجايه ي ليت تلبسين شيء سنع من تحت العبايه
ختام رفعت حاجب وهي تكتم انفاسها بصبر : طيب اوامر ثانيه بابا ؟
خالد ابتسم : سلامتك ماما بس أنا اريد ابدأ اعدل وارويكي وين الصح وين الخطأ أخاف عليكي من غضب الله يلا امشي ..
طلعوا من المطعم وختام متحمسه تبي تعرف وش المفاجأه اللي مجهزها
لها وقف اخيراً وهمس : دقيقه بس
نزل ودخل محل مقابلهم وختام انشغلت في جوالها
تصور سنابات وتعلق على صور صديقاتها
ركب خالد وتنهد وهو يشوفها تصور : بااااي
قفلت جوالها وابتسمت له
خالد رفع كفوفه على فوق بأستسلام : استسلم انتي فُزتي
ختام : وش سويت خالد مافهمت الموضوع اللي تتكلم عنه
خالد نزل راسه ع المقود : يعني مافيه امل تتغير هالتصرفات ؟
ختام كشرت : من اول ماطلعت وانت تنتقدني مو عاجبتك ؟ طيب ليش اخذتني
خالد توسعت محاجر عيونه بدهشه من كلامها : افا انتي مو عاجبتني انتي تدرين بمكانتك بقلبي ي شيخة الغيد
بس تصرفات الامريكيات ما ابيها انتي لي ولا ارضى احد يشاركني فيك ولو بنظره بس ..
ختام ابتسمت له اول مره تسمع مثل هالكلام ما عمر احد نصحها او نبهها على حجابها او ملابسها مايهتمون اصلاً هي حيه
او ميته بس الله عوضها بشخص يخاف الله
فيها ويغار عليها ..


في هولندا ..
عند ريتان
جلست في الشاحنه وهي تفتش الاسلحه بصدمه كيف جاب هالعدد كيف مرت من الحدود ؟
كيف هربها ؟
معقوله مايفتشون ؟
تجمدت وهي تحس بحركة وراها التفتت بربكة
وسكتت من شافت رامز واقف ومتكتف وعيونه حمراء وابتسامه غريبه مرسومه على شفايفه
تُصنف تحت مسمى حقد او كُره
او انتقام
بلعت ريقها بصعوبه وهي تسمعه يتكلم بخبث : تذكرين اللحظه اللي قلت لك فيها ابوك وصاني اتزوجك ترى كنت سكير وقتلته بدون عقل كيف ادري اذا وصاني او لا من اللحظه اللي كذبت عليك فيها وانا متأكد انك غبيه وماتفكرين اجل ابوك وصاني مالقى يوصى الا الشخص اللي بيقتله ووش الوصيه ليتها فيها خير الا يتزوج بنته ؟! شيء ما احد يصدقه الا الاغبياء مثلك اللي عايشين جو فراق الابو انتي لو تحبينه ماخليتي اخوك يتنازل عني كان قتلوني وصلى الله وبارك انتي لو تحبينه ما وافقتي على اخوي انتي لو تحبينه
ارتفعت صرخه ريتان بحده : بسسسسس
رامز ضحك : حامل صح !
ريتان شهقت وانكتمت انفاسها من كلامه وش يقول ذا !
رامز تمسك بالباب وركب في الشاحنه
وريتان رجعت على وراء بخوف وتعثرت وطاحت ورامز يقرب لها : ولدك بينزل وعلى ايدي زي ماقتلت ابوك بقتل ولدك
يعني يلحق جده ههههههههههه
ريتان ارتفعت انفاسها
وكفها اليمين يتحرك بعشوائيه قريب منها وكأنها تبحث عن شيء
رامز وقف مقابلها وهي جالسه عند رجوله بين الكراتين الممتليئه بالاسلحه
رامز التفت لراشد اللي صرخ فيه : سيارات الشرطه جايه
رامز بصدمه : ايش ؟
التفت لريتان بسرعه وانحنى لها يرفعها دفته وهي توقف وتناظره
بحده ومسدس بكفها الايمن : بتنقلع تسلم نفسك او انا اسلمك لهم
رامز ابتسم : مافي مجال اهرب بدونك ي روحي تتوقعين بطلع من هنا بدونك مستحيل ترى انتي اول وحده بتهرب معي
ريتان رفعت السلاح بوجهه : بعد عني
رامز ابتسم وقرب لها والسلاح يتثبت على جانب صدره الايسر
راشد من وراء : طال عمرك بسرعه
رامز طنشه وعيونه بعيون ريتان المرتبكة
راشد ابتعد هارب وتارك رامز مع ريتان
رامز مد كفوفه ومسك راس ريتان
وريتان بحده تكلمت : ابعد والا وربي بفضيه بصدرك
رامز بنظرات غريبه : انا وروحي فداك
شهق وارتفعت انفاسه من حس بالرصاصه تستوطن صدره
رجع ع وراء ورفع كفه لصدره وهو يتنفس بقوه وتعرقلت حركته
وطاح من فوق الشاحنه للارض ليتلطخ وجهه وملابسه بالتراب والدم
ريتان طاح السلاح منها وهي تشهق ودموعها نزلت : مـ...ـات
ارتجفت وهي ترفع كفوفها وتشد شعرها بقوة ..

البارت 148


ريتان مشت بخطوات مهزوزه ووقفت عند باب الشاحنه وهي تتأمل رامز المرمي بالارض غارق
بدمه
قفزت من الشاحنه
راكضه للمستودع تاركه رامز مرمي عن باب الشاحنه ويتنفس بصعوبه
دخلت للمستودع وركضت لرائد والحراس خارجين تاركين المكان باللي فيه هاربين من الشرطه
دخلت لغرفة رائد بخطوات هادئه اتجهت
له وجلست جنبه وهي تثبت جبينه على
كف ايده وبرجفه مسكت
طرف القناع ورجعته على فمه لتتغير بعدها عُقده حاجبيه وتنفرج
حاولت تتكلم لكن عجزت وهي تنزل راسها قريب منه وتجهش بالبكاء
وتحس بريحة الدم حولها
وملامح رامز ماغابت عنها بعد ماضغطت الزناد
همست وهي تبوس كف رائد : اسفه
غمضت بقوه وصوت الطلق الناري ترتفع في المكان وتصل لمسامعها
وسيارات الشرطه صوتها قريب واضح انهم وصلوا
ارتجفت اكثر وهي تهمس : بياخذوني
توسعت عيونها وهي تحس بكفه تشد على كفها
واصوات خطوات كثيره تقرب منهم ما التفتت للخلف وهي تسمع اصوات
رجال الشرطه
واثنين يدخلون بسرعه ويفكون رائد وريتان متجمده مكانها وتحس واحد يسحبها يبيها توقف وصدرها يوجعها مختنقه الهواء سام ، ضار
طلعوها وشالوا رائد برا
وريتان وقفت تنتظره رافضه تتحرك ضروري تعترف له هي مو راضيه ابداً عن اللي سوته
ورامز ماله احد غير رائد
يعني اعدامها او تركها بيد شخص واحد رائد
خرجوا فيه وتجاوزوها والاسعاف تنتظرهم
عند الباب وضحت لهم انها زوجته ومخطوفه
معه تقبل الوضع الرئيس بحكم ان رائد سبق
وشرح له وسمح لها تروح معه تحت حراسه مشدده ..


مر الوقت سريعاً هُنا وسط تزاحمات
مافي خواطرنا وتعاكس خطواتنا
ووجع قلوبنا وقهرها
وحدة مواقفنا وألم فراقنا
وحتى الضحكة الساخره التي
كُنا فيها معاً
هي ابداً لن تكون في صف الذكريات
المفضلة بالطبع
لكن لن تنسى لاها تصف بشاعه
المواقف وقلة الحيله وحيرة الصاحب
لن ينسى شخص استطاع بتلاعبه
الخفي ان يخدع الجميع
انا وهو مازلنا في صف طابور طويل
لتصفية الحسابات
لن ينسى شخص اهمل نفسه لكي يراقب نعمة غيره
لن ينسى من عاش الحيره والقهر
لن ينسى المنتقم
ولن ينسى المغرور
ولن ينسى الحاقد والحاسد
لكن المجموعه المتميزه لاتحتوي اي شخص
ممن سبق ذكره
بل هي تختلف
تحتوي على المتسامح
والحنون
والمدافع عن عرضه
والحامي لوطنه
والمُحب لاهله
والمتصدق بخيره
والرؤوف بغيره
والمُحسن للناس بالحق
من يرد السيئة بالحسنه ولم يسمح
للايام والمواقف ان تغير منه شيء
هذا هو الصاحب المختار
الرفيق الوفي المعتمد عليه
لايجب ان يخسر غيرك كي تفوز
حرروا انفسكم من المقارنات الهدامه
كل هذا الحديث يجول في ذهن رائد
الشبه مدرك لوضعه
والاضواء المحيطه به يشعر بحماقة
سطوعها
وشدة نورها وانبثاقه
ضعف شديد يسري في اطرافه وحسره
تعتلي صدره
وحزن مرير يجول بخاطره ولا يضاهيه
وجع " افلست من الدنيا ومن الاهل
لم يكن لي من اهلي الا واحد
ومنذُ سمعت صافرات الشرطه وانا متيقن انه لم يعد لي من اهلي احدا "
تحتضن كفه كفوف ريتان ولسانها
يدعوا بصدق حقيقي ان لايصاب بسوء او مكروه
ادركت فضاعة مافعلت يالله فلا تمس
رائد القابع بين اجهزة المرض بعلة لا يقدر على تحملها
خروجهم من المستودعات للمدينه
يستغرق من وقتهم ساعه
ومن وقت رائد عُمر . ..

البارت 149


في الرياض ..

الساعه الثانيه والنصف فجراً
يجلس خالد وبجانبه ختام تبتسم برقه وهي تستمع لحديث خالد المليئ بالمشاعر الحيّه
همس لها : وزي ماتدرين القلب ماله حيله تحت امرك سمو الاميره
ختام ميلت راسها قريب منه وثبتته على كتفه : لا تنسى ترى في رمضان
ابي نلحق السحور
خالد باس راسها القريب منه : سحورك عندي ماتجوعين بعده
ختام بنص عين : لا تقول بتطبخ لي ..


بعد نص ساعه تحديداً في بيت ابو خالد
جالسه على الكرسي وتنتظره
انتهى من الرز الابيض ويلتفت لها بحركة انيقه : ماذا تفضلين مع الارز الخضار او اللحم
ختام ضحكت بقوه : ترى للحين مصدومه كيف تطبخ والله صعب ؟؟
خالد : لا صعب ولا شيء صدقيني بتحبينه
ختام عقدت حواجبها : احبه من قال اني بطبخ ؟
خالد التفت لها وبلا مبالاه : اجل لا تلوميني اذا اعرست بوحده تعرف تطبخ ..
ختام جمدت ملامحها : هاه !
خالد ضحك : هويتي بحضني قولي نعم
ختام كشرت : جعل اللي تاخذك تحرق اكلها وماتعرف تسوي شيء
خالد ضحك : اجل ربي استجاب دعوتك انتي ماتعرفين شيء واخاف تتعلمين فتحرقين الدنيا
ختام بسخريه : هههه ماتضحك ترى
وقفت وطلعت من المطبخ تاركته
وهي معصبه وقفت لثواني وناظرته يرتب الخضار التفتت للدرج وابتسمت وهي تتجه
له وتسللت بخفه لغرفته
فتحت الباب بشويش ودخلت
تأملت اغراضه على التسريحة وثوب مرمي على الارض شكله رماه قبل يلبس وفرشاة اسنان طايحه قريب من الدرج
والادراج كلها مفتوحه
والسرير مو مرتب
تنهدت وهي تنزل عبايتها وتحطها على
كرسي التسريحة وتشيل الثوب وتبدأ ترتب الغرفه
من هاللحظه حياتها تغيرت او ختام اللي حتى مناكيرها في وحده مختصه تسويها لها
الحين ترتب غرفه !
جلست على سريره بعد مارتبته وعلقت ثوبه
ناظرت التسريحه باقي بترتبها وتشيل الاشياء
المرميه على الارض انتبهت لشيء وهي تتأمل المكان
مثل الكتاب طايح تحت السرير
انحنت ورفعته تتأمله بهدوء
كان عباره عن كتاب قصص اطفال
واخره قسم مذكرات
ابتسمت بحماس وهي تفتشه كان خط طفولي مافهمته
الا عباره " مع بعض "
حاولت تترجم الباقي لكن صعب عليها
الامر الخط مره صغير
عضت طرف شفتها
وش مع بعض ! معقوله كان يحب ؟
هزت راسها بالنفي وهي تغمض عيونها تحاول تهدي نفسها
وقفت وهي تتجه للتسريحه تبي ترتبها
وانفتح الباب بسرعه : ختام
ختام بخوف : هلا
خالد تنهد : وين رحتي ؟ كان قلتي لي طيب
ختام : كنت اشوف المكان
خالد ضحك : لا لا كل شيء ولا هالغرفه اخاف تحلفين ماتجلسين هنا
ختام اشرت له على كتاب القصص : تقراه ؟
خالد انحرج ورفع كفه لشعره : لا
اقراه لولد بُشرى يقول يساعده بالنوم
ختام ابتسمت وهي تشيل عطورته وترتبه
على جنب في التسريحة وتاخذ مناديل وتمسح الجنب الثاني وترجع ترتبها وخالد واقف يناظرها : بنت ، السحور يلا
ختام : برتب ذي اولاً
خالد برفض : والله ماترتبينها
قرب لها ونزل العطور وسحبها معه وطلعوا من الغرفه نزلوا بهدوء
الا وصوت جوال ختام يرن
ناظرته لثواني ولا ردت
خالد : من ؟
ختام : عمي اكيد يبيني ارجع لكن خلاص مابي ارجع وامي هناك
خالد عقد حواجبه : كيف ماترجعين ؟
ختام ابتسمت : مو زوجتك ؟ بظل معك
خالد تجمدت ملامحه من كلامها وجواله اعلن برنينه العالي عن اتصال عم ختام .

البارت 150


في بيت ابو الماس ..
جالس بصالة الجلوس ومقابله ام ختام وبنته الماس وابنه "فيصل"
نزل جواله وملامحه مرتبكه : مارد
ام ختام بخوف : كيف مارد حاول مره ثانيه
ابو الماس التفت لفيصل اللي واقف ويناظرهم بأستغراب وملامحه وعيونه فيها الشيء الكثير من ختام يشبهها ويشبه امه
ابتسم له : تعال عندي
الماس كتمت انفاسها بغضب وشيء من الغيره مو معقوله ظ،ظ¨ سنه انا بنتهم الوحيده ومحط الانظار والحين يطلع ذا ! من وين اصلاً
امي صادقه ام ختام لعوب ولعبت في ابوي
خدعته
وقفت وطلعت من الصاله وطلعت لجناح
امها اللي متقفله فيه وتنتحب وتدعي على زوجها وعلى ام ختام
دخلت عندها وناظرتها على طول : شفتي ابوك ي الماس شفتي وش سوا فيني ؟ شفتيه !!! هاه ! ردي
الماس تنهدت : وش اسوي يمه
ام الماس بحرقه ضربت صدرها : انا اللي صنته وصبرت عليه وهو مامعه ريال وبس جمع كم هلله راح تزوج علي وارمله ! زوجة اخوه ومخبيها خايف من العين صار عنده ولد اطول مني
ادري انها ساحره بس ماصدقتوني والا في وحده ترمي بنتها وتخليها وراها بدون احد !
مايسويها الا الطماع اللي ماهمه الا الدنيا حسبي عليهم اللي مايخافون الله ..
الماس رمشت ببطء وهي ترفع عيونها على فوق ماتبي تبكي .


تحت عند ام ختام وابو الماس ،
ناظرته بنظره حاده : هاه ؟ اعجبك الحين ؟
بنتي ماتبيني ومدري وينها
ابو الماس يلعب مع ولده فيصل : نهايتها ترجع
ام ختام بقهر : كله بسببك
ابو الماس التفت لها : مابيصير شيء تطمني ، واثق في خالد
ام ختام هزت راسها بالنفي : انا مو واثقه فيه
ابو الماس استغرب كلامها واردف بفضول : ليش ! ماقابلتيه اصلاً
ام ختام ضربت صدرها بخفه في الجهه اليسرى : هذا مو مرتاح
ابو الماس سكت وهو يفتح رساله
وصلته (( ختام بتبقى عندي الليله )) رمش بصدمه ..

..

عند خالد وختام
قفل جواله ورماه على الكنب وهو يبتسم لختام ويدري بالمصيبه اللي بتصير لو جاء عمها
همست له : قلت له ؟
خالد بثقه مزيفه : ايه واتحداه ان سوا شيء
ختام ضحكت وركضت له بسرعه وهي تضمه بقوه وملامحه متجمده
وتتلون بالحمره : ي بنت
ختام بعدت شوي وميلت راسها
وعيونها بعيونه : انت اجمل شيء حصل لي
شكراً مره مره مره
خالد ضحك ورفع كفه اليسار لشعره بحرج : عفواً
صد وهو يلتفت وراه : تعالي بوريك شيء
دخل معها للمجلس وابتسمت من شافت ورد وبالونات والسحور مرتب : لا لا كذا احراج مره ، اشطر مني
في الترتيب والطبخ ورب الكعبه
ضحك خالد وهو يسحبها معه : تعالي واحكمي
جلست وهو ظل واقف جنبها
رفعت عيونها له : اجلس
خالد اشر براسه بالنفي : فيه شيء قبل
ختام : وش ؟
خالد انحنى وطلع كيس من تحت الطاوله
وختام تناظره بفضول وحماس
فتحه وطلع دبلتين واخذ دبلتها وباسها بعمق : لا تطلع من يدك ابداً
ضم كفها اليمين وباسها ولبسها الدبله : حرفنا واحد وكتبته عليها والتاريخ بعد إن شاء الله ماتكون حركة لحجيه
ختام ضحكت بقوه ووقفت وهي تطلع دبلته : جعل مايسوي هالحركات
الحلوه غيرك
مسكت ايده ولبسته وهي تناظره بحده : ياويلك لو تطلع تأكد ان قلبي بينكسر بموت من القهر ، هاه ؟ ترى علمتك
خالد ابتسم لها بحنيه : ابشري
ضمها وباس جبينها وهو يهمس : تأكدي ان هالقلب ماسكنه غيرك
وان وجودك معي وبجنبي وحلالي كان حلم واجمل حلم ..
ختام ابتسمت اكثر وبانت غمازتها : عمري الحلو بداء اليوم
خالد تنهد وعيونه عليها : اقولك شيء تسحري قبل يأذن بسرعه
ابتسمت وهي تغمز له : قول جننك جمالي
خالد انحرج وجلس وهو يقرب لها الاكل ويحط بصحنها ..

البارت 151


تعبرنا الايام وتمر مثل تسارع الثواني والدقائق والساعات ، رنين الساعه عند انتصاف الليل
تتجاوز الحياه والحوارات
نضال القلب والروح في وسط تزاحمات
احزاننا والضيق الموجع
اللحظات والمشاعر
شديده الفرحه المتزينه بالغنج
والسعاده
الصدمات والفشل والمتكرر
السقوط او النهوض
الامل
الرجوع او الارجعه جميع ماسبق ذكره مررنا به
وتسبب في كدرة خواطرنا
حتى فرحتنا قد تكون بدايه لفشل ذريع
مثل الابتسامه والضحكة الصاخبه
في الصباح
ومن ثُم البكاء وكتم اوجاعك في وسادتك
ليلاً
'
بعد ثلاثة اشهر حقبة زمنيه كافيه لكي توضح لنا الكثير من جميع الاشياء المظلله الغير مفهومه
" الحقائق بدأت تنكشف "..

في دُبي
تحديداً المطار يضم كفيه بحضنه ينتظر رحلته بعد دقائق الى الرياض ويقسم ان لايعود
الى هولندا ولو كانت المدينه الوحيده بالعالم يقتل نفسه ولا يعود لايوجد شيء يشفع لها بأن تكون مكان مميز او راقي في نظره
هُناك تراكمت احزانه
وشهد فراق الكثير حتى ابتسامة وجهه نسيها من شدة افكاره وتصادماتها في احداث الوقائع السابقه
اخرج هاتفه ليكتب بهدوء : " انا في المطار ، إن شاء الله اول ما اوصل
بكلمكم " اختتمها بفيس ضاحك واغلق هاتفه
الحسنة الوحيده التي حدثت له انه وثق في فارس مره اخرى انقذه من تحت ايدي رامز الذي احتجزه هو ايضاً في
احد المستودعات وكان على وشك الوفاة بفعل
الافاعي لكن حبل النجاه وصل اليه في الوقت المناسب
رفع كفوفه لشعره ليمسح عليه برقه وهو يحاول تذكر شيء قد يكون تركه هُنا بعد وصوله من هولندا
لا يريد نسيان شيء هُنا
اخرج حقيبته المتوسطه ليفتشها
بطاقاته وهويته وجوازه واشياء كثيره اخرجها قبل شهرين من السفاره في هولندا وكانوا متعاونين للغايه معه بسبب علمهم بما حدث
ووو ايضاً اخرج لـ ريتان اثباتات جديده ولكن لم يعد لها مكان معه لقد رحلت مُنذ فتره للبلاد ..


تبوك
ارتبط نطق تبوك بعباره مختصره ( تبوك تنسى امك وابوك )
لكن ادركت الان انها مجرد اقاويل لم انسى ابي ولن انسى امي ولم انسى ايضاً رائد انا هُنا منذُ شهرين طال شعري وصل الى تحت كتفي بقليل
نحفت كثير واحتدت ملامحي عباراتي وحديثي قليل ومختصر
اكتفي بالاجابه بنعم او لا
تنازلت عن كبريائي وغروري الجامح ادركت الان اني حقاً كنت متغطرسه
او هل يوجد فتاة تدرك وقوع اخوين بحبها
وتفتن بينهما انا نادمه اشد الندم على قتل رامز
بعد خروجنا من المستودعات للمستشفى ادخلوا رائد للعنايه المشدده وانا بقيت في الخارج
اخذوا اقوالي ولم استطع نطق اي شيء شعرت انني اقحم نفسي في كارثه هل اخبرهم انني قاتله
قررت التحدث وبمجرد بداية كلامي سألت عن رامز
اخبروني انهم لم يستطيعوا اسعافه كانت حالته حرجة وتوفي في الطريق للمستشفى
انتهى من كلامه وغرقت في موجة بكاء شديده
شعرت حقاً ان رائد طفح كيله مني
انا سبب كل المشاكل له
بالرغم من اني فقدت والدي وهو فقد اخيه
الم نتعادل !!!! تنهدت بضيق شديد وهي تشُد
المفرش لتغطي وجهها وتخوض بين احزانها وندمها وحيرتها فيما فعلت
انفتح باب غرفتها ليدخل عُمر وينظر اليها قليلاً ويخرج وهو يهمس لوالدته : نايمه
اردفت الاخرى بحزن : وش صار ليش بنتي كذا تعبانه ماتأكل وساكته
انا ابي تتكلم عشان افهم بس شفت اختك ي عُمر تعبتني
عُمر سكت وهو يفكر وش ممكن يخلي ريتان تعيش هالعزله كلها معقوله رائد
كان يعذبها ؟ او وش السر !!
ام عُمر بحزن دخلت للمطبخ وهي تدعي
لريتان والبنات يناظرون امهم بحسره وحالة ريتان صادمتهم كلهم من اول ماوصلت واستقبلها عُمر الى
اليوم وهي بارده وحزينه حيل حتى جيتها لهم كانت مو موضحة شوقها
ولا شيء ..

البارت 152


في مكان قريب منهم انتهت ام سعاد من لبس عبايتها : انا بروح لام ريتان كاسره خاطري تشتكي من بنتها واجد شكل زوجها ماكان فيه خير
سُعاد بتوتر وربكة : ايه زين
ام سُعاد ناظرتها : شفيك !
سُعاد ببطء اردفت : وش صار على موضوعي انا وعُمر
ام سُعاد ابتسمت : افهم انك موافقه !!!
سُعاد بحرج : يوه يمه انا اسالك يعني كلموك مره ثانيه او لا
ام سُعاد غمزت لها : لو كلموني اليوم بقول انك موافقه خلاص!!!
سُعاد بأنفعال : لا بفكر
ام سُعاد بنص عين : وش تفكرين من عيد الفطر للحين تفكرين !! لا يكفي الوقت اللي فكرتي فيه قبل تمام !!!
سُعاد ابتسمت : تمام
طلعت امها وقفلت الباب وراها
وهي تبتسم
وضحكت بقوه : وه ي قلبي
عضت طرف شفتها وهي تدور على نفسها بـ مكانها
مو مصدقه تحقق مُناي والله وخالتي ام عُمر حنّ قلبها '
((( بعد رمضان وتحديداً اول ايام العيد زارتهم ام عُمر ومعها بنتها روز وطلبت من سُعاد تروح هي و روز يسولفون ويتركونهم على راحتهم
وبمجرد خروجهم طلبت من ام سُعاد يد سُعاد لـ عُمر من قلب صافي وهي متأكده ان الله عند حسن ظن عبده ..
وقالت : انا واثقه في سُعاد وتربيتها ورضيت
بها زوجة لولدي واتمنى انها توافق والعُمر ماعمره كان سبب في قطع
النصيب وسُعاد مابينها هي وعُمر كثير ترى كلها سنتين مو قرنين )) يالله شكثر كبرت بعيني وحبيتها من حُبي لولدها اضعاف واضعاف ي بعد عمري ي عمتي هههههههههه...


في الرياض ..

عند خالد وختام .
واقفه عند باب غرفته ومكشره : بسرعه
خالد من داخل الغرفه : دقيقه
ختام تكتفت : ترى بنزل واخليك
فتح الباب اخيراً وظهر امامها بلبس رسمي : هاه !
ختام بغيره قربت منه واصطدمت اطراف اقدامها بـ اقدامه وقفلت ازراره : لا تفتحها
انحنت براسها لجهة قلبه اليسرى وطبعت قُبله فوق قلبه وهي تهمس :
ترى طحت بغرامك في مول وانت كاشير وحالتك حالة امانه لا تناظر في البنات ..
خالد غرق في ضحكاته
وختام بقهر جمعت كفها وضربته في بطنه : خالد
خالد بحالميه وتمثيل متقن : امس جت وحده
صاروخ ارض جو كلمه حلوه قليلـ..
انقطعت كلمته وهو يحس بكفوفها تمسك
فمه وتمنعه من الكلامه وعاضه شفتها بقهر
ضحك وهو يضمها ويبوس كتفها جبينها القريب
من فمه : كل يوم توصين يعني تتوقعين بناظر
غيرك ؟!!! انتي شفتيني ماكنت منتبه لك انتي اللي نشبتي لي في المول او انا والله محترم
ختام بنظرات طويله : وانا !!
خالد : انتي عمري والله
ختام ابتسمت بتشفي : ماتناظر احد
خالد : ورب البيت مافي احد غيرك
مسك ايدها ونزلوا وام خالد ناظرتهم : هلا بالغالين فديت طلتكم
ختام ركضت لها وجلست جنبها تبوس كفها : يمه شوفي خالد يقول بيعرس علي
ام خالد بشهقه : خويلد
خالد بصدمه وعيونها على ختام : انا قلتها
ختام ابتسمت : ايه
ام خالد بعتب : لا مايسويها والله بزعل ي خويلد هاه ! شوفني حلفت ترى احب ختام ولا ارضى عليها
ختام ضمتها بقوه
وخالد يناظرهم بصمت وشيء غريب بنظراته
حُب ، قلق ، حُزن شيء غريب لا يُفهم
خالد : انت بطلع للدوام وبعدها بروح للمعهد وارجع بعد المغرب إن شاء الله
قرب لامه وانحنى يبوس جبينها وخرج
للمجلس يودع ابوه اللي سأت حالته والزهايمر صار يأكل منه اكثر من الماضي حتى نسي زوجته ايضاً
ختام وقفت وتبعته ووقفت عند الباب وهي
تسمع خالد يهمس لابوه ويسولف له
لكن كالعاده يطرده ويصارخ عليه : من انت ؟ وش جايبك ؟
خرج من عنده وهو يبتسم له بحنيه وبمجرد توقفه امام ختام ابتسمت له : حبيبي
رفعت نفسها له وباست خده برقه : انتظرك لا تطول
خالد : من عيوني انتبهي لنفسك
خرج وهي وراه تأملته حتى ركب السياره وقفلت الباب ودخلت
وهي تبتسم لابو خالد وتجلس قدامه ..

البارت 153


ابو خالد صد عنها وهو يناظر الحائط : قومي عني ، ماتستحين !
ختام : انا بنتك
ابو خالد توسعت عيونه : تعقبين مانيب راعي شينه وماعندي بنات قومي والله لا ادق على الشرطه سبعه سبعه سبعه
ختام بحنيه صححت له الرقم : تسعه تسعه تسعه
ابو خالد توسعت عيونه : بتقومين والا ؟!!
وقفت ختام وطلعت عنه للصاله وهي تطقطق بجوالها وتشوف رسائل من رقم غريب ادركت في وقت متأخر انه رقم والدتها واو ! عندها جوال ؟ ليش ماكانت تكلمني !
قفلت جهازها بعد ماشافت اشعار رساله
من امها "( ردي ضروري انا احبك ورب البيت وانتي بنتي قطعه مني )"
طنشتها وهي تتجه لام خالد وتجلس تسولف معها وقلبها ما اشفق ولو واحد من الميه على امها..


عند خالد ..
بعد خروجه في سيارته ( اوه نسيت اوضح لكم بمجرد قبوله بعمله
الجديد اشترى سياره بالتقسيط كل شهر
يدفع لصاحبها مبلغ حتى ينتهي )
ركب السماعه بأذنه وفتح الخط : هلا
ابو الماس : وينك !
خالد: رايح الدوام
ابو الماس بحده : وختام ؟
خالد تنهد : في البيت وبخير تطمن
ابو الماس : ترى مو راضي على جلستها عندك
خالد سكت
ابو الماس : انا ساكت عشان بس زعلها شين ولا ابي تزعل علي
خالد : إن شاء الله
ابو الماس : ناقصها شيء او محتاجة شيء ارسل لي على طول وغرفتها اللي عندك مريحه او زي الخرابه اللي تعيش فيها !
خالد تجمدت ملامحه وهو يحس بالاختلاف
والاستنقاص في لهجة ونبرة ابو الماس
لكن فضل يرد بصبر :
مُريحة وعلى ذوقها
ابو الماس : زين اذا دقيت عليك رد على طول
قفل الخط وخالد تنهد بغضب ورمى جواله وراء بالمقاعد الخلفيه وهو يتنفس بقوة ..


عند ام الماس ..
تقبلت زواج زوجها بمضض وتحججت انها لم تعُد تحب المشاكل ولا تطمح ان تعيش وسط حرب اسريه بسبب زوجه اخرى ولكن هذه ليست الحقيقه لان هدفها
الاساسي تحرق قلبه وقلب ام ختام
وبتفكير ممتاز وخطه محبوكة بدأت بالعمل بصمت
وام ختام مصدقتها وعايشه براحه مع ولدها وزوجها
والماس تقبلت ان عندها آخ وفرحانه فيه حيل رغم فرق السن اللي بينهم عمره اربع سنين وهي ظ،ظ§ سنه
هذا اليوم كان مختلف بالنسبه للجميع
هُنا اعلنت ام الماس عن ذهابها وسفرها لـجِده زياره لاخوها مروان اللي انتقل شغله هناك والماس بتروح معها ودعهم ابو الماس مع همسات
ونظرات غريبه بينه وبين ام الماس
لم تنكر ام ختام انها اثارت الشك في قلبها
لكن قررت تجاوز الموضوع " المهم ان ترحل وجودها يسبب لي ازمه نفسيه "
بمجرد خروجهم وجلوس ابو الماس
استرسلت ام ختام بموضوعها الدائم : متى بتجيب ختام ؟ ابي اشوفها
ابو الماس تنهد بصبر : ترى ماصارت كرهت الجلسه معك من كثر ماتفتحين هالموضوع
فيصل عندك العبي معه ترى ولدك واما ختام بترجع لك وتجلس معك تطمني بس انتظري يحددون موعد الزواج عشان تبداء تجهيزاتها هنا
ام ختام : واذا رفضت
ابو الماس بأستنكار :غصباً عنها وش ترفض ؟!! تجهز لعرسها مع زوجها !
وقف وخرج تارك المكان لـ ام ختام اللي تأففت منه
والذاكره تعيدها ليوم وفاة زوجها الاول واخوه وابو ختام ... لحظة توافد المعزين وازدحام المجالس استدعاها ابو الماس بدون مراعاه
انها تعبانه ومتأثره بوفاة زوجها وبكل بجاحة وتسلط تكلم : شوفي اخوي كان معيشك ورافع قدرك ورزقك الله بختام وخالد لكن عيالك صغار وماتقدرين على تربيتهم
عشان كذا من اليوم من اول ايام العزاء عيال اخوي بيجون عندي وببيتي وتحت عيني وانتي عندك خيارين اما تطلعين لشقه لحالك او تذلفين برا البلد ولك حريه الاختيار ..
ام ختام بصدمه : وعيالي ! ابيهم معي
ابو الماس بحده : عيالك تنسينهم ترى ادري ان المناقصات اللي انسرقت ما اخذها من اخوي الا انتي وتثبت الكاميرات الموجوده بالشركة
انك انتي اللي سرقها ومتأكد انك جايه عشان طمع عشان كذا تعرفين طريق الباب او ادلك !
ونسيت انبهك عزاء اخوي مايشرفني تحضرينه
ام ختام تجمدت ملامحها : انت وش تقول ؟
ابو الماس بخبث : تبين عيالك يكبرون وامهم
بالسجن !!!! سراقه !!! وش وجهه نظرهم لك !
ام ختام بلعت ريقها بتوتر : طيب نهايه العزاء بروح لانه مستحيل اليوم
صعبه
ابو الماس : انا قلت اليوم وماانتظر رائك
صد عنها وهو يتكلم بهدوء : السائق ينتظرك ..

البارت 155


عُمر عقد حواجبه : ريتان خُذي الجوال
مسكته بتوتر وصدت عنه وهي تدخل للغرفه وتركت الباب مفتوح
جلست على السرير وفتحتها : (( مرحبا عُمر انا رائد اتمنى تعطي ريتان الجوال دقائق وادق ))
ريتان بلعت ريقها بربكة ورفعت كفها لرقبتها تمسكها وهي تحس بحرارتها ارتفعت فجاءه
وانفاسها اضطربت
غمضت لثواني وفتحت وهي تناظر عُمر الواقف عند الباب : بتكلمينه ! او اصرفه ؟
ريتان برفض : لا بكلمه
سكتت لثواني وناظرته : تبي جوالك بكلمه من جوالي
عُمر تنهد : امنيه عمري اعرف وش بينك وبينه
ريتان بتوتر صدت عنه
دخل وقفل الباب وراه وهو يتعمق في الغرفه ويقترب منها : ليش رجعتي وكل اثباتاتك مختلفه عن قبل ليش جيتي بدون شنطه وبدون جوال ليش مارجع معك وش سبب هالضيقه والكأبه !! شهرين مرت وانتي عيونك على الشباك وكل مادق جوالي فز قلبك ريتان ترى انا اخوك وسندك لو ابوي مات انا موجود انا هنا جنبك ومعك ، بنتي انتي
ريتان نزلت عيونها للارض وهي تهرب منه تحس بتضعف وتعلمه بكل شيء
عُمر بحده : ريتان لا تحسسيني اني عدوك قولي اللي بخاطرك انا بوقف معك ورب البيت بوقف معك
ريتان رفعت عيونها له وهي ترجف وبهمس مبحوح : مافي شـ...ـيء
عُمر تأفف ورفع كفه اليمين يضغط على عيونه واعصابه تكاد تفلت
ريتان وضعت عينيها على الشباك في محاولة هروب حقيقيه
عُمر بتهديد واضح :اكلمه يعني وهو يفهمني
كل شيء !!!
ريتان بشهقه التفت له : لا
عُمر ضرب كفوفه ببعض : ايوه جينا لمربط الفرس ، يعني المشكلة فيك انتي ؟ وش سويتي ؟ هاه ! تكلمي
ريتان بلعت ريقها الجاف ووقفت : عُمر اسمعني
عُمر بصبر : وش !
ريتان بتفكير سريع : مشاكل زوجيه
عُمر ناظرها لثواني وهي صدت بخجل ماتدري كيف تكلمت قدامه اكبر منها بكم سنه بس تستحي منه مره
عُمر فتح فمه بيتكلم لكن سكت من شاف
اتصال رائد
ناظرها وبأمر : ردي
ريتان عقدت حواجبها : مابتطلع ؟
عُمر بحده : بسرعه ردي
ريتان ارتبكت وردت : هلا ..

رائد اشر للسائق ورجع راسه على وراء وهو يسترجع انفاسه بعمق وصوتها يحرك اشياء كثيره فيه : وينك !
ريتان حست بوجع ببطنها ربكة او توتر : في البيت
رائد عقد حواجبه :عندك احد !
ريتان رفعت عيونها لعُمر : ايه
رائد رفع حاجب وهو يعض شفته ويتنهد : طيب جهزي نفسك نص ساعه وامرك
ريتان تجمددت ملامحها : هاه ؟
رائد اخذ نفس وهو يهمس : ترى انا اولا اذا جيت تكلمنا ، مع السلامه
ريتان سكتت وهي تسمع رنين الهاتف دليل على اغلاق الخط
رفعت انظارها لعُمر وهمست : مع السلامه
نزلت الجوال وابتسمت بربكة : بيجي الحين ، تطمن
قربت له ومسكت ايده ونزلت الجوال فيها وطلعت بسرعه قبل
يجبرها عُمر على الكلام
اتجهت لغرفة خواتها اللي من رجعت وهي
هاجرتها وتنام بغرفه الضيوف
فتحت الباب وناظروها بأستغراب ابتسمت وهي تتكلم بعبط : عادي
تكشخوني ؟
البنات التفتوا لبعض وسكتوا
ريتان ابتسمت وهي تدخل وتتجه لجهه ادراج الملابس وتفتحها :
إن شاء الله القى شيء مُناسب
روز وقفت بأستغراب : دقيقه اطلع لك بس وش المناسبه
ريتان : رائد جاي
رُبى بأنفعال : وانا اقول
رُودينا قرصت رجلها بسرعه : اصص
رُبى كتمت صرختها وهي تمسح رجلها بقوه
روز : وش رائك في هذا ؟
ريتان هزت راسها بالنفي : مابي فستان
روز : بنطلون او جمبسوت ؟
ريتان تنهدت : مدري
عقدت حواجبها وهي تفكر شوي
وتكلمت بتحلطم : خلاص مابي شيء
طلعت من عندهم ورجعت تقفلت وهي
تتأفف تحس ان رائد جاي لشيء قوي مستحيل يرضى بهالسرعه
هو كفايه ان رضى يهربها ومايبلغ انها هي اللي قتلت اخوه
جلست عند الباب وهي تكتم انفاسها المتسارعه وتحس بدموعها تتجمع
فزت بخوف من سمعت صوت سياره قريب منهم
ركضت للشباك
وشهقت من شافت رائد ينزل ويتجه لهم صدت عن الشباك
وركضت لغرفه خواتها : يمممه جججاء
جاء
روز فتحت الدرج بسرعه : وش تلبسين اختاري
ريتان جلست ع السرير وهي تحس بقلبها بيوقف وهي تشوف امها تروح
للباب
رُبى بخبث طلعت ملابس ورمتها على
ريتان : روحي البسيها واجلسي بعبايتك مو لازم تنزلينها
ريتان بموافقه : ايه صادقه ..