|
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة حرك السيارة وطلع من البيت.. من بعد اللي صار بينهم.. كل واحد ألتزم الصمت والصد.. قبل نص ساعة عرفت إنهم راجعين إيطاليا.. ما ناقشته ولا حاولت ترد عليه.. طمنها لما قال لها بيمرون على أهلها.. توادعهم قبل تسافر.. لمت اغراض ذياب وبعض أقل أغراضها.. بدت رحلة الرجوع من المنفى.. يتعالج ذياب وارجع لهلي وهو لحياته.. وبعدها مانعرف بعض.. يمكن هو ادرك مثلي إن الحياة بينا مستحيلة.. ماضينا بنى سد كبيييير أمام مستقبلنا.. مانقدر نتجاوزهـ مهما تصورنا ونافقنا بعض.. وقف قدام باب بيت هلها.. وقبل تتحرك من مكانها حرك السيارة مرة ثانية.. ومشى بسرعة كبيرة.. حتى إن الكفرات طلعت صوت قوي .. ألتفتت على ورى ناظرت بإتجاه بيتهم بصدمة من تصرفه.. شافت هادي اخوها ومعه مســـفر.. ويناظرون بسيارة غازي بحيرة.. مد ذراعه عليها ومنعها تناظرهم.. ولفها بيده على قدام.. حست بيأس كافر يسيطر عليها.. وتاكدت إنها ما بتشوف أمها ولا ابوها قبل تسافر.. ماحاولت ولا فكرت تتكلم معه او تحاول تقنعه يرجعها.. كلامها لا زال آثر عقابه على شفايفها.. ومسفر موجود قدام باب بيتها.. مستحيل يرجعها.. صدت عنه وركزت عيونها على الشارع.. بتترك المملكة مرة ثانية.. من دون وداع أمها ولا رضى ابوها.. لما حست بافكارها تضايقها.. صارت تستغفر وتقرأ من صغار المفاصل.. خايفة لا يعورها ظهرها أكثر.. انجرح ظهرها امس بحربهم القاسية.. ماقدرت تنام ولاتتحرك من فراشها.. وبعد جهد نامت.. صحت وكان جالس على السرير قريب منها.. أبتعدت عنه بسرعة وتوجهت لدورة المياهـ.. كرهت وجودهـ ونظراته.. وتفاجئت بالعلاج مغطي جروحها.. حتى شفايفها بجزء منها لاصقة جروح.. ولازال يداوي بعد ما يجرح.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ تنهدت بقهر وهي تكلمها وتطلبها لـ المرة الثالثة.. مرام\أنا اخر وحدة جيتك..أنتي أبداً ما تزوريني.. خلود\عيييب وشق جيييب ازورك.. مرام بقهر\عطيني أمك ما ابي أكلمك.. خلود\أخاف تخربين اخلاق امي.. مرام\ههههههههه بالله خلوود تعالي.. خلود\لا تحاولين..تعالي انتي.. مرام\لا ولدي مزعج مرة..ما ابي ازعج امك واخواتك.. خلود\ايه صح لا تجيبينه.. مرام\حتى هو حاقدة عليه..؟؟ خلود\ما اضمن يمكن يكون متجرثم.. مرام\هههههههه انتي مو صاحية ابداً.. نص ساعة واكون عندك.. انا جاهزة لأني اعرفك مابتجين.. أشوف مين يوصلني لك.. خلود\تعالي على رجلك ولا تركبين مع رجال.. ترى مالهم امان يصكونك بالسيارة بأقرب جدار وتموتين.. مرام\ياشينك لا تفلسفتي.. مع السلامة.. قفلت وأخذت عبايتها.. نزلت وكان مسفر جالس مع جده.. سألتهم عن تركي.. مرام\وين تركي..؟؟ مسفر\طلع مع أبوي.. مرام\اممم طيب تقدر توصلني عندي مشوار.. مسفر\إيه اوصلك..وين بتروحين..؟؟ مرام\صديقة.. مسفر\يالله إذا جاهزة مشينا.. مرام\انا جاهزة بس اشوف الشغالة واجيك.. طلع مسفر ينتظرها في السيارة.. تاخرت عليه..ولما ركبت تمسخر عليها.. مسفر\نومتي الشغالة..؟؟ مرام\ههههههههه لا.. بس كنت اوصيها على الولد.. مسفر\ليه ما اخذتيه معك..؟؟ مرام\لا تكفى ابيه.. لو أخذته معي بتذبحه الخبلة.. مسفر\ههههههههه أعوذ بالله من حبها له يعني..؟ مرام\إلا من كرهها له.. مسفر بإستغراب\صديقتك تكره ولدك وعادي عندك..؟؟ وبعدين وش مسوي لها البزر عشان تكرهه..؟؟ مرام\هذا شغلك ماهو شغلي.. مسفر\شغلي..؟؟ مرام\إيه شغلك.. بصراحة يا مسفر البنت حالتها مستعصية.. هي بسم الله عليها عاقلة وطيبة وخلوقة.. مسفر\بـــــــس..؟؟ مرام\بس تكرهـ الدنيا لان فيها رجال.. تحقد على كل رجال..سواء قريب لها.. او واحد يمشي في الشارع.. حتى أخوها من امها وابوها تكرهه.. هههههههه تفكر تطلعه من البيت لما يخلص ثانوي.. مسفر\هي نفسها اللي صدمتها بسيارتي..؟؟ مرام\إيه هي..وترى حتى انت تكرهك.. مسفر بهدؤ\شيء طبيعي تكرهني.. مرام بإستغراب\شيء طبيعي تكرهك لأانك كنت بتصدمها بالغلط؟؟ مسفر يبتسم\لا اقصد شيء طبيعي تكرهني في حالتها.. يمكن أكون الرجل الوحيد اللي أذاها.. اعني تسبب لها بوجع جسدي.. مرام\لا تكون واثق.. مسفر\هي أبوها متوفي صح..؟؟ مرام\إيه مات مقتول.. مسفر\اممم واللي قتله أنقتل..؟؟ مرام تتنهد\لا ما انقتل.. مسفر\مرام أنا ابي اقابل صاحبتك هذي.. مرام بصدمة\نعـــــم..؟؟ مسفر\أبي أقابلها..أقنعيها تجي العيادة عندي وتعالي معها.. مرام بعصبية\هذا اللي طلع معك..؟؟ مسفر\أنتي قلتي إنها صارت شغلي صح..؟؟ مرام\انا قصدت تتزوجها.. أنت دكتور نفسي وبتقدر تتعامل معها.. والله من غلاتها عندي ابيها تطلع من حالتها وتعيش حياتها.. أعرفك طيب ومتفهم..وبعدين يا قلبي أنت صرت كبير.. ثلاثة وثلاثين سنة ليش ماتتزوج..؟ مسفر بحدة\لا زواج ماهو في بالي هذي الفترة.. وانا صرت مهتم بأمر صاحبتك.. لأني احسها فعلاً محتاجة مساعدة.. حالتها صعبة بما إن حقدها وصل لأخوها ولولدك الصغير.. فحاولي فيها وتحايلي عليها.. جيبيها العيادة ابي اتكلم معها وفهميها اني طبيب.. مرام بإحباط\ليش ماتبي تتزوج..؟؟ مسفر\انسي موضوع الزواج وفكري في اللي قلت لك.. مرام\عشان تمزع رقبتي.. بأقول لأمها وهي تقول لها.. مسفر يبتسم\طيب براحتك..هذا بيتهم صح..؟؟ مرام\كيف عرفته..؟؟ مسفر بسخرية\نسيتي إني صدمتها مرة وكنت بأذبحها.. ثم وصلتها بيتهم وكانت بتذبحني.. مرام\ههههههههه فديتك لا مانسيت.. اذا ما لقيت تركي بأتصل عليك لا تبعد.. مسفر\سواقك أنتي وزوجك..؟؟ انزلي قبل ارجعك البيت.. نزلت وهو انتظرها لحتى دخلت البيت.. أنصدم لما تقفل الباب بقوووة وهو واقف.. بعد ثواني ضحك وهو متأكد إن خلود هي اللي قفلت الباب بهذا الشكل.. وكأنها تبين وتوضح مدى كرهها لشوفته ووجوده.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛ مر عليهم وقت طوويل.. مستحيل كل هذا مشوار لـ المطار.. هم طالعين من الرياض.. وتوقعها انهم متوجهين لـ الشرقية.. وقفوا قبل ساعتين وصلى المغرب قريب من السيارة.. وهي صلت معه.. وكانوا مثل الغريبين مايتكلمون ولا يناظرون بعض.. تحركت في مكانها وابعدت ظهرها عن المقعد.. بدأ الألم يزيد عليها.. سمعت صوت ذياب.. ألتفتت عليه جالس بمقعد أطفال.. مدت يدينها له وخذته بحضنها.. أنبسط وصار يشهق ويصفق بيدينه.. تمنت لو يتكلم.. لو تسمع صوته..مشتاقة له.. شهرين كيف بتقضيها مع ابوهـ.. لو تدخلت بينا امس يا ذياب.. ماسمعت صراخي وبكاي..؟؟ ولا قلبك قاسي مثل ابوك..؟؟ وقف بحضنها ومد يدينه لغازي.. مسك ذراع أبوه وصار يشدهـ له.. سحبت يدينه بسرعة من عليه وابعدته عنه.. تضايق وصار يتحرك بملل.. تركته لغازي اللي مد يدهـ .. سحبه له وجلسه بحضنه.. وذياب بحركة سريعة سحب العقال من على راس ابوهـ.. توترت وخافت لا يلهيه عن السيارة.. مدت يدينها بتأخذهـ .. بس هو طلع صوت غاضب وتعلق بابوه اللي ضحك على تصرفه.. أنقـــهرت وصدت عنهم.. تبي ابوك ولا تبيني..؟؟ حبه ومووت عليه.. بس مصيرك تفترق عنه.. وحتى لو هددني فيك..أو انت عفتني ورحت له.. بأتركم واعيش لحالي.. ما بتجبرني ارجع له يا ذياب.. بعد علاجك يطلع من حياتي.. وحتى لو هدمني للمرة المليون.. بأتركه.. واتركك حتى إنت لو فضلته علي.. لما قربوا من نقطة تفتيش.. خفف سرعة السيارة وشال ذياب من حضنه ومدهـ لهديل.. تجاهلته ولا مدت يدينها له.. وقف السيارة ولف بجسمه على ورى.. جلس ذياب بكرسيه وقفله عليه.. نسف شماغه وعدله.. وبعدها كملوا مشوارهم.. وقف عند فندق فخم.. نزلت وهي تتنفس براحة.. كانت خايفة ياخذها لبيت شوق وطالب.. خافت لا يمنعها من اهلها ويقابل هله.. أول مرة يخالف ظنونها..ويطلع فيه عدل.. جلست مع ذياب لحتى يحجز غرفة.. رجع لها وهي وقفت ومدت يدها تاخذ المفتاح من يده.. عطاها المفتاح ورد على جواله.. غازي\هلا وعليكم السلام... الحمدلله طيبين...كيفك وكيف شوق والوالدة..؟؟ اممم ليه تسأل....انا في الرياض.... هههههههه كيف عرفت......لا ياشيخ.. قفل جواله والتفت.. شاف طالب جاي لهم وهو مبتسم.. سلم على غازي وهو يسأل عن الحال.. رفع راسه لها والقى سلامه وسؤاله عن حالها.. ماردت عليه ولارفعت راسها له.. قرب منها غازي وخذا ذياب وعطاهـ لطالب.. سمعته قبل تبتعد يقول ان شوق وامها بالحديقة.. صدت عنهم وتوجهت لـ الأصنصير.. شافت رقم الغرفة على المفتاح وسألت احد العاملين.. دلها على الطابق اللي فيه غرفتها.. حست بوجع بقلبها.. غبيـــة..من متى وهو يعرف العدل..؟؟ إن ماراح لهم الجبيل جابهم لـ الخبر.. متى تكبرين وتفهمين اسلوبه.. وتقولين خالف ظنك الشين فيه.. لا ماخالف ظنك.. واستحملي نفاقهم وضحكهم بوجهك.. تحملي مرارة شوفتهم وحرمانك من هلك.. هانت يا هديل هانت.. كلمآ زآد بي الحنين وأعترتني نوبة بكآء . همستُ لِ ذآتي : ..أسألك بِـ الله كُوني أقوى ممآ أنتي عليه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة جلس معه في اللوبي.. رغم إنه يحس بقهر كبييير ليش تقابل مع طالب.. ترك الرياض لمسفر وهادي.. حتى هلها ما خلاها تشوفهم بسببهم.. غصب عنه يتذكر إن طالب كان معجب كثير في هديل.. وكيف كان يتغزل فيها قدامه وهو ماعنده خبر.. احتار وين يخفيها.. وين يوديها بعيد عنهم كلهم.. طالب\أفا والله تجي الشرقية ولا تقول..؟؟ يعني لو ماشفتك مادريت عنك.. غازي بهدؤ\ماله داعي أقولك.. ناوين ننام الليلة هنا..والفجر طيارتنا لإيطاليا.. أنت وش تسوي في الخبر؟؟ طالب\عندنا دورة لمدة اسبوع.. اخذتهم معي خايف لايصير فيهم شيء ما احد عندهم.. أنت ليه مارحت من الرياض..؟؟ غازي\الطيارة هنا.. طالب\قل والله..يعني ماتقدر تطلب طيارتك تجيك الرياض..؟؟ غازي يبتسم\بلى اقدر.. بس ما ابي اسافر من مطار الرياض.. علي رقابة.. طالب بعصبية\وش صاير؟؟غازي لايكون رجع الموضوع القديم؟؟ غازي\لا مارجع..قوم شوف هلك وانا اطلع لهلي.. طالب\بيجون الحين..كلمتهم وقلت لهم إنك موجود.. بعد دقايق دخلت شوق وأمها معها الفندق.. طلعوا على غرفتهم وراح لهم غازي مع طالب.. سلم على امه وشاف فرحتها بوجودهم وشوق مثلها.. سألوا عن هديل وطلبوا يشوفونها.. غازي\إن شاء الله قبل نطلع المطار نمر عليكم.. ام غازي بتفهم\على خير إن شاء الله.. طلبتك يومه لاتردني.. غازي\آمري فديتك.. ام غازي\ذياب أبيه ينام عندي الليلة.. أنتوا بتسافرون ويمكن تطولون بسفركم.. خلني اودعه واشوفه مثل ماتمنيت.. من ولادته الى اليوم ماتهنيت بشوفته.. غازي يقبل جبينها\وهو لك الليلة..نايم طول الطريق.. وما ابيه يزعجنا ومايخلينا ننام..اسهري معه.. ام غازي\عسى عمرهـ وعمر ابوهـ طويل في الطاعة.. شوق\يمكن هديل ماترضى ينام بعيد عنها.. غازي\دامني معها بترضى.. شوق بفرح\الله يتمم لكم ويسعدكم يا اخوي.. والله كنت خايفة على حياتكم.. غازي\لا تخافين الله بيبارك لنا.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ إذا أتى الشتاء.. وحركت رياحه ستائري أحس يا صديقتي بحاجة إلى البكاء على ذراعيك.. على دفاتري.. إذا أتى الشتاء وانقطعت عندلة العنادل وأصبحت .. كل العصافير بلا منازل يبتدئ النزيف في قلبي .. وفي أناملي. كأنما الأمطار في السماء تهطل يا صديقتي في داخلي.. عندئذ .. يغمرني شوق طفولي إلى البكاء .. على حرير شعرك الطويل كالسنابل.. كمركب أرهقه العياء كطائر مهاجر.. يبحث عن نافذة تضاء يبحث عن سقف له .. في عتمة الجدائل .. إذا أتى الشتاء.. واغتال ما في الحقل من طيوب.. وخبأ النجوم في ردائه الكئيب يأتي إلى الحزن من مغارة المساء يأتي كطفل شاحب غريب مبلل الخدين والرداء.. وأفتح الباب لهذا الزائر الحبيب أمنحه السرير .. والغطاء أمنحه .. جميع ما يشاء من أين جاء الحزن يا صديقتي ؟ وكيف جاء؟ يحمل لي في يده.. زنابقا رائعة الشحوب يحمل لي .. حقائب الدموع والبكاء.. نزار القبــاني ,,, كتمت صرخة قهر لا تطلع منها... تدور بالغرفة وتشد البلوزة تبعدها عن ظهرها.. تدري إن أفكارها فيه مع هله تذبحها.. وتزيد إلتهاب جلدها.. حاولت تغير تفكيرها.. بس ماقدرت محاصرينها بكل مكان.. وتخاف..تخاف يجبرها تقابلهم.. ماتبي تشوفهم.. هم مو أغلى من هلها.. نزلت دموعها من وجعها.. تمنت لو تفسخ بلوزتها يمكن يبرد جلدها.. بس بعد اللي سواهـ أمس معها.. مستحيل تأمن له..او تضمنه.. قررت تتغسل بماء بارد يمكن تخف عليها.. وقفت تحت الماء وعضت على يدها لا تبكي.. تالمت اكثر وحست بنار تشتعل في ظهرها.. جلست على ركبها وهي تبكي.. دخل عليها بسرعة وشافها طايحة تحت الماء.. راح لها وسحبها له.. غازي\أنتي مجنونة..؟؟ الماء يزيد الإلتهاب..ويسبب تقشر بجلدك.. ماردت عليه كأن المها اكبر من الكلام.. لفها بروب الحمام وطلعها.. ولما لامس الروب ظهرها شهقت بتعب.. نيمها على بطنها ونزل الروب من على ظهرها.. أبتعد عنها وراح يدور على علاجها.. هديل بوجع\ماجبته.. غازي\أدري لأنك تحبين تعذبين نفسك.. انا جبته معي.. هديل\لا تلمسني.. جلست قبل يرجع لها ورفعت الروب عليها.. غازي\عن جنانك..خليني أشوف ظهرك.. كانت هادية عليك في السيارة..ليه التهبت..؟؟ هديل بتعب\لا..ما ابي.. روح لامك واخوك..ليه جيت هنا..؟؟ روح لهم مو تعنيت على شانهم.. تتركهم وتجي عندي ليه..؟؟ تبي تفتخر فيهم او تسحبني لهم..؟؟ والله ما اقابلهم ولا اشوفهم.. حرمتني ما اشوف هلي فــ والله العظيم ما اشوفهم.. غازي بهدؤ\أنا ما اتفقت معهم.. وماكنت ناوي ازورهم..ألتقينا بالصدفة.. هديل بحقد\ياسبحان الله.. أنتوا بس اللي تصير معكم الصدف.. اما انا وهلي لا مانلتقي صدفة.. غازي\يعني هذا اللي تعبك بزيادة..؟؟ هديل بكرهـ\لا تنسى اللي سويته امس.. أنت اللي أذيت ظهري اكثر.. بهمجيتك يا همجي.. غازي بجمود\لا تتكلمين عن امس.. خليه باللي راح فيه.. وقفت واخذت العلاج من يدهـ.. دخلت دورةالمياهـ وقفلت الباب بالمفتاح.. نزلت الروب وحطت الكريم عليها باللي تقدر عليه.. الالم مسيطر عليها ماتقدر تتكلم .. حذرت نفسها تستمع لنصيحته وماتتكلم عن امس.. لازم تكون حذرة معه وماتجبرهـ يئذيها.. انتظرت ربع ساعة لحتى ينشف .. لبست الروب وطلعت.. كان منسدح على السرير.. تمللت من وضعهم..ماتبيه قريب منها.. دورت على ذياب بس ماكان موجود في الغرفة.. كانت بتسأله بس هي تعرف الإجابة.. ولدي مع امي.. تبي تسد طريق الكلام.. تمرد على كيفك يا غازي.. خذهـ اليوم وبكرة وكل سنة.. الدم يحـــن..ياليته ماهو ولدك.. ياليـــــــــــــــت .. مسحت دموعها وجلست على السرير.. ظهرها له رفعت ارجولها ونامت على جنبها اليمين.. أول ماحطت راسها على المخدة.. حست بشيء قاسي تحت رقبتها.. كانت ذراعه لمها عليها ولصقها فيه.. بعدت ظهرها عنه بخفة.. وهي تردد في قلبها بخوف.. إبــعد عني... همس في إذنها بحنية.. غازي بهمس\والله العظيم ماكنت متواعد معهم.. ولا كنت ابي اقابلهم..عشانك ماهو عشاني.. ريحي حالك عشان تخف الأكزيما عندك.. هديل\رحلتنا الفجــر..؟؟ غازي\الفجــــر .. هديل\ماراح اقابلهم.. غازي\ما بأجبرك.. حاولت تبتعد عنه..ولما شد يدهـ عليها.. هدت وهي تصبر نفسها بيوم فراقهم.. غمضت عيونها ترتجي النوم.. ولو كنت صادق.. صار والتقيتوا.. يسمع صوت شهقاتها المكتومة.. يبيها تنام مرتاحة من ظنونها الحايرة.. دفن وجهه في شعرها.. وهو يهمس لها عشان ترد عليه.. هديل بغصة\ظهري يوجعني..أتركني.. غازي\إلتفتي علي ويصير ظهرك لـ الجهة الثانية.. هديل بوجع\ما ابــى اشوفك.. غازي\وأنا ابى اشوفك.. هديل\موجوعة اتركني.. حركها بين يدينه رغم إعتراضها.. صار راسها على صدرهـ.. وظهرها لـ الجهة الثانية.. نزلت راسها بقد ماتقدر.. تخفي وجهها عنه.. ماتبي عيونها تلتقي بعيونه.. الأمس ماهو بعيــــد.. وكلامه الســـم ماهو بسيط.. حاول يرفع وجها له.. وهي دفنته بصدرهـ.. قبلها على جبينها ونام حاضنها... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة قفل راجح الجوال وهو يضحك.. رشا\خير إن شاء الله.. راجح\هههههه كل خير.. أخوك كشف اللي مخططين له اهل هديل.. رشا عقدت حواجبها\ليه وش مخططين عليه..؟؟ راجح\مجهزين أمورهم يسافرون معها.. ههههههههه والله كل ما اتذكر شكله وهو مصدوم أنبسط.. رشا\راجح فهمني مين اللي يروح معها وليه..؟؟ راجح\أمها وأخوها الكبير.. ناوين يسافرون معها ويهتمون فيها وفي ذياب.. رشا\لا والله..واخوي وش وضعه مو زوجته وولدهـ..؟؟ أكيد بيهتم فيهم.. راجح بجمود\يهتمون فيها من أخوك بالذات.. رشا لا انا ولا انتي نسينا اللي صار بينهم.. رشا\أنت قلت لي لا اتدخل بحياتهم.. طيب ليه الناس يتدخلون.. يتركونهم بحالهم..إن تفاهموا صلى الله وبارك على نبينا محمد.. وإن ماتفاهموا بعد صلى الله وبارك على نبينا محمد.. راجح\عليه الصلاة والسلام.. وضعهم ماهو وضع عادي.. عشان نلوم هلها في تدخلهم ومحاولتهم لحمايتها.. رشا\طيب هو كيف عرف..؟؟ راجح\أعوذ بالله وأخوك فيه شيء يصعب عليه..؟؟ رشا بشهقة\بسم الله عليه..الله يحفظه.. راجح\هذي اللي بأتوطاها.. خليني أنظله يمكن يخف على المسكينة.. رشا\ههههههههه كمل.. راجح\المهم ابو الشباب اخذ إحتياطه.. وراح الشرقية وبيسافر على ايطاليا من هناك.. مايبي هلها يدرون انهم سافروا ايطاليا.. رشا\شيء طبيعي بيدرون انها مو في الرياض راجح\أخوك حاسبها صح.. يبي يوهمهم إنه هو وهله عند اخوه وأمه في الشرقية.. رشا\ياقلبي على الذكــــي..قوم نروح لهم الشرقية.. راجح\ليه أنتي ما توقفين مع الحق..؟؟ أخوك ماهو راعي حق.. رشا\لانه أخوي انا معه ظالم أو مظلوم.. راجح\ولاني راعي حق..فأوقف مع المظلوم دائماً.. والحمدلله سويت اللي علي وريحت ضميري.. رشا بصدمة\وش سويـــت..؟؟ راجح\لا انتي بصف غازي ما بأقولك.. رشا\لايكون قلت لهلها عن خطته..؟؟ راجح\شوفي انا مع الحق..بس هذا ما يعني إني نذل.. رشا بحيــرة\قووول وش سويت..؟؟ راجح\هههههههههه لا ما اقووول بكره يوصلك العلم من غازي.. رشا\شفت إنك تدخل في أمور الناس.. لا تنهى عن خُلق وتاتي بمثله..عار عليك إذا فعلت عظيمُ.. راجح يبتسم\أقووول نااامي.. رشا\لا الحمدلله تخلصت من المرض .. عسى ربي يشفي كل مرضى المسلمين.. راجح\اللهم آآآآآآآآمين.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛ أعـــود إليـــك يا سجني.. أسيرة ذات جاهـ ومال.. أعود إليــك منتحبة.. بصوت لا يكاد يقال.. إشتاقت ثنايا الروح لوسادتي.. وتاهت من عوالم الدنيا رسالتي.. عدت إليـــك يا سجـــني.. هل لي بذاكرة تنسيني.. ليالي بكائي وجنوني..؟؟ عدت إليــك يا سجــــني.. فهل لي بدواء يشــفيني..؟؟! دخلت السيارة المزرعة.. حطت يدها على قلبها وصارت تشد عليه بقوووة.. أحاسيس كثيــرة ومريرة تتزاحم بروحها.. فتح لها الباب وأنتظرها تطلع من السيارة.. تملكها التردد.. ليه ما ظلوا في العاصة روما.. هناك يعالجون ذياب ويرجعون السعودية.. كانت سفرتها هذي تختلف كل الإختلاف عن سفرتها الأولى... لما دخلت طائرته الخاصة.. دخلت بهدوء وثقة..بعكس أول مرة لما دخلتها غصب عنها.. وهو شايلها بيدينه ويمنعها لا تصرخ ولا تنادي احد يساعدها.. مشوارهم كان هاادي ومريح.. ماكانت خايفة وتبكي.. ولا كانت تفكر وين بيأخذها وش بيسوي فيها.. ولا تدري إنه زوجهـــا.. هذي المرة كانت تدري وجهتها وين.. ولأي سبب هي مسافرة.. والأهم إنها تدري إنها بصحبة زوجها مو رجل غريب.. نزلت من السيارة وانتبهت على ذياب.. يركض حوالين أبوهـ مبسوط بالمكان .. جلست على ركبها وضمته لها وهو يضحك.. هديل\انت الجديد بــكل هذا.. رجعتنا لساحة حرب ظالمة.. بين عملاق وقزم.. تدري من اللي أنتصر في الحرب ومن أنهزم..؟؟ غازي\مابيننا مهــزوم.. هديل بحدة\لا بيننا مهزوم.. اليوم لك وبكرة عليك.. غازي\ما اكتفينا من الفراق والوجع..؟؟ هديل بتفكير\ليه وحن متى افترقنا..؟؟ إن شاء الله بعد ما يتعالج ذياب نفترق.. والوعـد دين.. صدت عنه ومشت مع ذياب.. قبل لا تدخل القصر ألتفتت عليه.. هديل\الملحق أحب على قلبي من قصرك.. نزلت الدرجات بخطوات سريعة.. وشالت ذياب عن الارض.. هديل\تعال معي تشوف بيت جارية ابوك.. غازي من بعيد\لـ كل شيء حد يا هديــ....... هديل تقاطعه بتحدي\يا رســــــــل.. كملت طريقها ودخلت الملحق.. نزلت ذياب ومشت فيه تتأمله.. تذكرت اول ايامها فيه.. أيام باااردة صقيعية... موحشة وكلها كوابيس.. وتذكرت ايامها مع صوفي لما كانوا يصممون أزياء.. كانت تتمنى تكلم صوفي.. بس لما عرف انها تبي صوفي اخذ جواله منها.. غازي\تبينها تنشب في بلعومي.. إنسي تكلمينها الحين.. دخلت ذياب الغرفة معها.. وقفلت الباب عليهم.. نيمتهم بحضنها وسدحته على سريرها.. هديل\شناطنا عند أبوك.. كيف نجيبها..؟؟ يالله ننام بملابسنا وبكرهـ نبدل.. ولا اقولك نام أنت بملابسك.. ابي اريح ظهري.. بعد لحظات تسطحت جنب ذياب.. حاولت تنام بس ذكريات غريبة وتفاصيل دقيقة بدت ترجع لها.. أبتسمت وهي تحس بغرابة وضعها.. وكأنها في أول ايامها بالمزرعة.. لما كانت عنيدة ومتمردة.. ضحكت وهي تتذكر شكلها لما كانت تصرخ عليه او تضربه.. صح كان يعاقبها..بس حتى هي كانت تنتقم لنفسها.. حمدت الله على إن الكآبة تركتها وصارت تضحك من قلبها على مقالب صارت معها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛ يـــاهو يـــوجع هــ الحنيـــــــــــن.. وكـــل سالفة نبداهـــا بــ تذكـــرين..؟؟! فزت جالسة وهي تصرخ برعب.. لما حست فيه ينسدح جنبها.. غازي\ههههههههههههه تذكرين لما كنت ادخل هنا وأنت ما تحسين.. هديل تضربه\تبي تجلطني.. إيه اذكر..والحين ابي اعرف كيف دخلت هنا وأنا مقفلة الباب.. غازي\اممممم يمكن من الشباك..؟؟ هديل\لا ماتقدر الشباك صغير عليك.. كيف دخلت..؟؟ غازي\تذكرين لما كنتي تنامين من دون تدفئة.. ولا ملابسك يالله كيف كنت أتمنى أضمك وانتي بملابس المزرعة.. هديل تبتسم\كنت شرير كثيــر.. يا مفتري حارمني من الدفأ ومعطل الجهاز علي.. غازي\لا والله قلت لهم يصلحون الجهاز بس ما احد صلحه.. وأنا عاقبتهم وصلحوا الجهاز وأنا على راسهم.. هديل بإبتسامة\تذكر يوم أنا ضربتك في الحضيرة وطيحتك..؟؟ غازي\تذكرين يوم خليتك تحلبين الابقار.. هديل بشهقة\لا والله ماحلبتها أصلاً كفختك هذاك اليوم ولا حلبتها.. غازي\كفختيني..؟؟!يالهيـــاط.. هديل\بلى سويت كذا.. مدت يدينها وضربته ودفته بكل قوتها لحتى طيحته من على السرير.. انحنت براسها تناظرهـ.. وصرخت لما سحبها وطيحها عليه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛ "اسمع صدى صوتك" وادورك وين انت ؟! واصيح بين الناس " سـامعك .. ويــــــنك" ؟ ردوا علي الناس .. مسكين يا انت اللي سمعته .. "بين نفسك وبينك" الصوت هذا مصدره .. داخلك انت في وسط قلبك ساكن " نور عينك " دخلت العيادة مع مرام وهي تحاول تخفي إرتجافها.. تحس برهبة وخوف لان أمها مو معها.. مرام بحنية\وش فيك خايفة..؟؟ دكتوري طيب مايخوف.. خلود\الثقة عندك مشكلة.. مدري ليه اجبرتني امي اروح معك.. مرام\انا طلبتها تقنعك.. خلود\مرام بسرعة خلصي شغلك ابي ارجع البيت.. مرام\ادخلي معي.. خلود\لا باجلس لحالي..أكيد بأدخل معك.. مرام تبتسم\طيب يالله.. دخلوا المكتب وجلست خلود جنب مرام.. خلود\دكتورك شايب..؟؟ مرام\ايه قلت لك إنه شايب.. خلود\بس ترى حتى الشواب مالهم امان.. مرام\إيه ادري يا قلبي عندنا شايب تقولين مراهق.. خلود\من هذا..؟؟ مرام بصدمة\مدري.. دخل عليهم رجال شايب.. لابس ثوب رجالي قديم.. وشماغ ابيض وبني.. في يدهـ سبحة ولابس نظارات طبية كبيرة.. خلود بشهقة\يــوبـــه..؟؟!! إلى الملتقى فجر السبـــت بإذن الله تعالى .. كونوا بخيــــــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البارت الثمــــانون ... يا صغيرات!.. يلتقي ذات يوم في رحاب الردى جبان و باسل يلتقي السائر المغذ و من سار وئيدا.. كل الدروب حبائل يلتقي الطفل في الغضير من العمر و شيخ مغضن الروح ناحل ما ارتوى الطفل بالحليب و لا الشيخ رواه طوافه بالمناهل تتلاشى الحياء فهي سراب عند هذا و عند ذاك مخاتل يا صغيرات!.. ليس عند الليالي بعد طول العناء إلا المقاتل المرحوم باذن الله تعالى غازي القصيبي... غازي\تذكرين يوم خليتك تحلبين الابقار.. هديل بشهقة\لا والله ماحلبتها أصلاً كفختك هذاك اليوم ولا حلبتها.. غازي\كفختيني..؟؟!يالهيـــاط.. هديل\بلى سويت كذا.. مدت يدينها وضربته ودفته بكل قوتها لحتى طيحته من على السرير.. انحنت براسها تناظرهـ.. وصرخت لما سحبها وطيحها عليه.. غازي بهمس\لا تستقوين علي..يا بطة.. هديل بقهر\انت الدوب ماهو انا... وبعدين ليه ولا مرة تخليني أضربك..؟؟ غازي\بلى بطة..بس تجننيـــــــن.. وتراك دائماً تهزميني..لا تفترين.. هديل\وخر يدينك من علي.. غازي بعناد\أنتي اللي بديتي.. هديل\غازي.. غازي\ياجنونه.. هديل\إبعد يدينك بأقوم.. غازي\مقــابل..؟؟ هديل بإحراج\ولاشيء..إبعد يدينك.. غازي بإبتسامة\مستحية مني يا حبي..؟؟ هديل تبتسم\ياحبك لنفسك.. نزلت راسها وعضته على عضدهـ بقوووة.. حاول يكون اقوى من عضتها.. بس لما شافته معاند يتركها زادت بعضه لحتى ارتخت يدينه من عليها.. بعدت عنه بسرعة وجلست على ركبها أخذت كوب مويا وكبته عليه قبل يوقف.. ضحك بصوت عالي وكان بيقوم بس هي ماسمحت له.. ثبتت يدها على صدره ويدها الثانية دخلتها بشعرهـ.. قربت وجها من وجهه.. هديل\شوف يالشايب العايب.. إن كنت تبي الضرب والطق لغتنا ماعندي مانع.. أنت ماتفهم بالكلام..طقني واطقك.. كذا ممكن نتفاهم.. كانت شادة شعره وتحركه حركات سريعة.. عشان تزيد في ألمه منه.. وهو يزيد قهرها بصوت ضحكته عليها وتهديدهـ.. غازي\ههههههههههه أجل طقني واطقك.. لو اقوم الحين ما اشوف الا غبارك.. بتشردين ما انتي قد كلمتك.. انقهرت لأنه يقول الصدق.. شيء أكيد بتهرب عشان لا يضربها.. بس بتخالف توقعه وتبين له انها تغيرت وماعادت تخاف من ضربه.. رفعت راسه وضربته على الأرض بتشفي.. هديل بتحدي\كنـــت خوافة واهرب بس الحين اكفخك.. ما بأشفق عليك واقول شايب حرام اضربه.. الا باتوطى في مصارينك.. وقفت بسرعة وابتعدت عنه.. وهو جلس وحط يدهـ على راسه من ورى.. غازي يقلدها\متوحشة..مافي قلبك رحمة.. كل هذا حقد علي..كنتي بتبطين راسي.. هذا وانا حاضنك واقولك يا حبي.. أجل لو مكفخك وش تسوين..؟؟ هديل\عادي أكفخك.. غازي\طيب هاتي يدك..ساعدي الشايب.. هديل\والله ماشالتني يدينك يوم اتوجع بمكانك زمان.. غازي بنظرات\تبين الزمن يعيد نفسه فيني..؟؟ هديل\وتأخذ أجري واخذ ذنبك؟؟ لا ما ابـــي..خلنا على حالنا.. وقف وراح لها وهي ثبتت في مكانها.. ماتبي ترجع تنضرب.. بس إن كان الضرب بيبعدهـ عنها.. فهذا اهون من لمسه لها او محاولة إستمالتها له.. غمضت عيونها بسرعة لما رفع كفه على وجها.. وغصب عنها رفعت يدينها وغطت وجها.. أنتظرته يضربها.. يشد شعرها او يبكسها.. طال إنتظارها وهي متخبية ورى يدينها.. حست بيدينه تنزل يدينها.. فتحت عيونها ونظرة الرعب القديم فيها.. قابلتها نظرات حنونة من عيونه.. وإبتسامة حسرة من شفايفه.. قرب وجهه منها وقبلها على جبينها.. ياليت بعض الناس فيني يحسون وياليت مافي خاطري يعرفونـه.. وياليت بعض الناس للعهد يوفون والماضي اللي فات ماينكرونـه .,. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛ خلود\من هذا..؟؟ مرام بصدمة\مدري.. دخل عليهم رجال شايب.. لابس ثوب رجالي قديم.. وشماغ ابيض وبني.. في يدهـ سبحة ولابس نظارات طبية كبيرة.. خلود بشهقة\يــوبـــه..؟؟!! رفع راسه لها وهو يثبت نظاراته الطبية على عيونه.. الدكتور يبتسم\إعتبريني مثل أبوك..يابنتي.. شدت يدينها حوالين ذراع مرام.. مرام\بسم الله عليك وش يوبه؟؟ خلود بغصة\هذا أبوي..ابوي.. مرام بخوف\لا يا قلبي هذا دكتوري.. مو ابوك..ابوك الله يرحمه.. خلود\دكتورك؟؟ مرام بندم\ايه دكتوري.. مو قلت لك دكتوري شايب..هذا هو.. خلود بهمس\يشبه ابوي.. مرام\لانه شايب..وتعرفين الشواب يتشابهون.. خلود\لا..لبسه..شماغه..حتى سبحته ماسكها مثل ابوي.. الدكتور بصوت عالي\مين المريضة فيكم..؟؟ مرام\اممم كلنا مريضات.. الدكتور\وحدة تطلع والثانية تظل.. مرام\خلاص انا اطلع..وادخل بعدها.. خلود\والله ماتطلعين.. مرام\يا اختي عادي تكلمي معه عن اي شيء.. خلود بقهر\وجع جينا عشانك مو عشاني.. الدكتور\أنتي اللي صوتك عالي اطلعي برا.. مرام بقهر\أنا اطلع برا..؟؟ خلود\لا هي المريضة بتظل وانا انتظرها برا.. الدكتور\إجلسي يا بنتي.. خلود بهدوء\لا تقول بنتي.. الدكتور\انتي قلتي يوبه..! خلود\مو لك..مرام انتظرك برا.. تمسكت فيها مرام واجبرتها تجلس جنبها... مرام\مو تقولين الشواب مالهم امان.. خليك جنبي..ونطلع مع بعض.. خلود بصد\ما ابي اظل مع هذا الشايب.. الدكتور\شابت ركبك.. رجال بعمر أبوك تطولين لسانك عليه.. خلود\لا تجيب طاري أبوي.. وأنا ماقلت الا الصدق مو أنت شايب.. ترى يقولون الشيب ولا العيب.. بس ابد شكلك شايب عايب.. الدكتور\أفا..الله يسامحك يابنت ابوك.. رباك على الأخلاق والزين.. لو يشوفك تشتمين الناس وش يقول؟؟ خلود بإرتباك\أأنــ.....ــا مـا أقـــ...ـصد.. السموحة منك..والله ابوي طيب.. ورباني زين..انا لساني طويل.. ابوي ماله شغل بكلامي.. أنا قلت كذا عشـ...ــان انا.... الدكتور\خلاص سامحتك.. فتحت عيونها بقهر..قال سامحتك قال.. لا احسن قوم طقني بعصاتك.. إلا وين عصاته ..شايب مامعه عصى؟؟! كيف قدر يخليها تعتذر بسرعة وهي مقتنعة بكلامها.. قبصت على فخذ مرام بقهر.. خلود بهمس\جعل رقبت ذا الشايب القص.. مرام\يقص رقبتك.. خلود\عســ........ مرام بسرعة\إنطمي لا تدعين عليه.. وراهـ أهل وناس يبونه.. خلود\خلصي مع شايبك ابي ارجع بيتنا.. تكلمت مرام مع الدكتور.. عن مشكلة ماتخصها أبداً..أخترعتها من بالها .. دمجت فيها بين قصتها وقصة خلود.. انحرجت وكان لازم تتكلم.. عشان خلود ماتشك بشيء.. الدكتور\على مافهمت من كلامك.. إن حالتك مستقرة من ثلاث سنوات.. مرام\إيه الحمدلله مستقرة ومرتاحة.. الدكتور\الحمدلله.. يابنتي فيه ناس يحملون أنفسهم ذنب ماهو ذنبهم.. ويسمحون لكلمة لــو تحكم حياتهم وتدمرهم.. أنتي قلتي لو ما فعلتي كذا..كان بيتغير وضعك.. وينسيك الشيطان إن هذا قدر ومكتوب من قبل لا تولدين.. مرام فهمت كلامه وانه يقصد فيه مشكلتها القديمة مع زوجها. وبنفس الوقت يقصد فيه خلود اللي صادة عنهم بجسمها.. بس كل حواسها معهم.. مرام\كثير لمت نفسي على موت جنين كنت حامل فيه من سنين.. الدكتور\وأنا لمت العالم لما خسرت شيء انا ماملكته.. وضيعت اللي ماعمري لقيته.. مرام\وفيه من يلوم كل رجال العالم.. على ذنب رجال واحد.. الدكتور\يعاني من عقدة النقص.. خلود\خييير..؟؟ وش عقدته اللي أعاني منها؟؟ الحمدلله ماعندي نقص ولا شيء.. قال أعاني عقدت نقص قال.. الدكتور\يعني انتي تلومين كل بني آدم.. عشان غلطت رجال واحد..؟؟ خلود\اللي قتل رجال..واللي حكم رجال.. واللي فزع وطلب الصلح رجال.. واللي قبل الدية وتنازل رجال.. واللي ماقص رقبت القاتل رجال.. وانا بنت المقتول ماني رجل لا انا حرمه.. مالي حق اقول ابي قاتل ابوي ينقتل.. ولا لي راي يلتفت له قاضي ومحامي.. الدكتور\انتي حاقدة على الدنيا كلها.. وناسية لو ابوك ما مات مقتول..بيموت بحادث.. بمرض بغرق او بلاء.. وبنفس المكان واللحظة بيموت.. لان هذا قدر وكتوب عليه وعلى غيرهـ.. خلود بجمود\ماجيت اخذ عندك درس في الدين.. الدكتور\تم تشخيص الحالة.. إعترافاتك اليوم تساعدنا كثير.. شكراً لقدومك.. جلستنا الجاية بعد يومين على نفس الوقت.. خلود\الحالة؟؟؟ الدكتور\نعم عندك عقدة نقص.. وبنفس الوقت حقد كبيير يعيش في وجدانك.. وبإرادة قوية منك يظهر هذا الحقد بكل موقف يواجهك بحياتك.. سواء مع اسرتك أو مع المجتمع..وربما مع نفسك.. وللاسف الحقد اقوى بكثير من الكــرهـ.. لأن الحقد مرتبط بالإنتقام..وهذا جداً واضح في حالتك.. أنهى كلامه ونزل راسه يكتب في ملف.. قامت مرام وهي ماسكة يد خلود.. طلعوا من المكتب وخلود ساكته ومصدومة من نفسها.. أول مرة تتكلم عن شيء مدفوون في قلبها.. هي فعلاً حاقدة..ويمكن مثل ماقال الدكتور حاقدة على الدنيا.. أنقهرت ماكان المفروض تتكلم معه او تسمح له يتفلسف عليها.. هو شايب مايعرف عن إحساسها شيء.. مستحيل أحد يشعر بجرح اليتيم إلا اليتيم.. طلعت من العيادة رافضة ترجع مرة ثانية هنا.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة حقك علي ان كنت ضايق وزعلان آعاهدك نبدا بصفحه جديده.. جيت استبيح العذر لو كنت غلطان والعفو من ضمن االخصال الحميده.. إن الخطا يابنت من طبع الانسان ولافيه نفس من الغلط مستفيده.. مهما يطيش الظلم للحق ميزان يرجح ومن ضيّع طريقه يعيده... فتحت الكبت وأخذت البالطوا القديم تبع غازي.. اللي لبسها إياه بدل عبايتها لما رماها.. لبسته وهي تقوي نفسها .. ألتفتت على غازي اللي كان نايم وذياب جنبه.. مر عليهم يومين في المزرعة.. مارضت تدخل القصر ولا تعيش فيه.. وهو مارضى يطلع من الملحق الا وهي وذياب معه.. وبكذا ظل معهم بنفس المكان.. طردته أكثر من مرة..ولما تجي بتنام.. يكون نايم على السرير وذياب جنبه.. تتجاهل تصرفاته وتنام على كنبة قريبة منهم.. سريرها صغير وغذا فكرت تنام معهم بتلصق فيه.. قربت من السرير وغطت ذياب.. ولما رفعت الغطاء على غازي ندمت.. ورجعت تسحبه من عليه وتحطه كله على ذياب.. أبتسمت على حركاتها وكأنها بزر.. غازي بإبتسامة\هذي اللي تقول كبرت.. هديل\ههههههههه البرد زين لـ الشواب.. يقوي عظامك ويعطيك كالسيوم.. غازي بنص عين\وين دارسة انتي يامخرفة..؟؟ هديل\عندي شهادة طب في التعذيب البشري.. نفس تخصصك طال عمرك.. إنتبه على ذيبي أنا طالعة.. غازي جلس بسرعة\تعالي تعالي.. وين رايحة..؟؟ وبعدين ذيبك إذا صحى وش اسوي فيه..؟؟ هديل\رايحة أنظف الاسطبلات قبل لا يغضب السيد ويجلدني.. أما الذيب فلما يصحى بدل ملابسه واهتم فيه لحتى ارجع.. طلعت من الملحق وقفلت الباب وراها.. طول اليومين اللي فاتت ما ابتعدت عن الملحق.. ولا تجرأت تزور الخيول او تتمشى في المزرعة.. رجعها لهذا المكان.. وهي لازم تدفن كل ماضيها هنا بحدود المزرعة.. مشت بخطوات واثقة بطريقها.. تلفتت حوالينا بكل مكان لها ذكرى.. على الرصيف هناك كانت لابسة السكت رولز.. وصدمت فيه بإرادته.. وكان له معها تعامل خاص فيه وبس.. مرت بنفس المكان اللي سكرت فيه مع صوفي.. هزت راسها تنفض ذكرى اللي صار معها من بعد ماصحت.. كانت بغرفته وعلى فراشه.. أوهمها بأشياء ماصارت وبعدها عاقبها.. وقفت قريبة من الإسطبلات.. آخر مكان كانت فيه قبل تنعمى وتموت سنين لغازي وغيرهـ.. الحصان الاسود.. إللي رمت نفسها تحت ارجوله.. هذا اقسى عليها من الحضيرة اللي أنضربت فيها بالسوط.. واقوى من إجباره لها على نفسه وهي ماتدري إنها زوجته.. لو ماتت..كانت بتكون منتحرة.. والمنتحر بأمر الله يدخل النار.. غمضت عيونها وهي تردد كلامها لنفسها .. لاتخسرين آخرتك عشان ذنوبهم.. همست بـ الحمدلله.. وصدت ناوية ترجع وتترك هذا المكان.. مابتستحمل تشوف المكان اللي أنضربت فيه.. ماتبي تتذكر شكله وهو قاسي ومتوحش.. غازي تغير مثل ماهي تغيرت.. هي كبرت ماعادت صغيرة.. وهو ماعاد غازي القاسي.. تغيـــروا.. وتغيرهم يمكن يقدرهم يعيشون بسلام لحتى يفترقون.. رفعت راسها وشافته شايل ذياب.. قرب منها وعيونها تتأمله مع ولدها الغالي.. أرتجفت بخوف من فكرة راودتها.. لو ماكان ذياب موجود في حياتها.. كيف كانت بتكوون..؟؟ رغم قسوة غازي الكبيرة معها وإجبارها عليه.. إلا إن في قلبها إمتنان له.. لأنه أعطاها ذياب بإذن ربه وحكمته.. نزل ذياب على الارض بعيد عنها.. وهي فتحت يدينها له تناديه.. ركض لها بخطوات صغيرة غير متزنة.. طاح وهي ركضت له وهي تضحك.. شالته وهو معقد حواجبه زعلان.. وشوي شوي بدت شفايفهتتقلب والنونة انعقدت.. وبثواني بكى بصوت عالي.. هديل تضمه\ياقلبـــي اللي يبكوون.. فديت رووحهم وعبرتهم.. ذيبي ياروحي لايكون تعورت..؟؟ غازي\هههههههههه لو دريت مانزلته.. هديل\لو ظليت نايم ماهو أحسن.. غازي ياخذ ذياب منها\هاتي الذيب..حاله مثل حالي.. جن وانهبل لأنك فتحتي يدينك تنادينه.. ظنيتك تناديني..بس يالله الجايات اكثر.. هديل\اللي بعمرك تقاعدوا عن قلة الادب.. وعن المراهقة واحلام اليقظة.. غازي\ما اخذهم قدوة لي.. يالبى قلبك يا أم الذيب.. هديل\مالك حل.. هات الذيب..أبي أوريه حلاله واملااااااااااكه.. غازي بنص عين\تبين تورثيني وانا حي..؟؟ هديل\اممممم في خاطري أشتري هذي المزرعة منك.. بكم تسومها علـــي..؟؟ غازي بوله\جاتك عطيـــه.. وعلها ترضيك.. هديل بغرور\مقبولة العطية.. وألحين إطلع برا أملاكي.. غازي عقد حواجبه\تسوينها والله.. بس ما اهون عليك صح؟؟ هديل\صح..أنت ماطردتني من قبل.. ما بأطردك.. مارضى يعيطها ذياب اللي كان معصب منها ولا يناظرها.. كل ما مدت يدينها تاخذه.. يضرب يدها ويضم ابــوهـ .. هديل بزعل\أنا وش دخلني.. هو نزلك وانت طحت.. ليه زعلان منـــي..؟؟ غازي\يقول لأنك مزعلة ابـــوهـ.. هديل\لو سمحت خلك برا الموضوع.. لا تنشر الفتنة بين الذيبة والذيب.. خذته من حضن غازي غصب عنه.. وهو حط يدينه على حجابها وطيحه من عليها.. مسك شعرها وشدهـ بقوووة.. وهو يصرخ برفض لها.. هديل\آآآآهـ حسبي الله على إبليس.. فك شعري يا دووووب.. غازي يضحك\ههههههههههه قلنا لك مايبيك.. إلا تبينه يا الذيبة.. هديل\صدق من قال العرق دساس.. والمصيبة ماورث منك الا النذالة.. إمسك يدينه.. غازي\قصدك الجلادة مو النذالة.. شوفيه ماسكه بس مارضى يفك شعرك.. هديل\آآآآآي اصبر شيله وانا اتصرف معه.. أخذه من يدينها .. وهي حركت اصابعها على صدره وبطنه.. ضحك ذياب وارتخت يدينه من على شعرها.. بعدت عنه بسرعة ودفت غازي بقهر.. غازي\فازع لك وتضربين..؟؟ هديل بقهر\نتف شعري.. إنقلع إنت وهو..ونيمه عندك ما ابيه.. أبتعدت عنهم ورجعت الملحق.. وهو أخذ ذياب معه ودخلوا الإسطبلات.. غازي\ماورثت مني النباهة.. صاحين من النوم مبسوطين ونضحك.. ونحضر ليوم رومنسي وحلو.. وحضرتك تخرب كل هذا بلقافتك.. بس ولا يهمك يا أبو غازي نروح وراها ونراضيها.. كم حمامة عندنا..فديت المبـــسم عليها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة دخلت الملحق ورمت البالطوا على الكنبة.. فكت شعرها وصارت تدلك فروة راسها.. سمعت صوت في الملحق.. أستغربت من بيكون موجود.. فتحت الباب الرئيسي وقفلته بقوة.. سمعت خطوات طالعة من غرفة النوم.. فتحت الباب مرة ثانية.. لأنها خافت من صاحب هذي الخطوات.. بعد لحظات طلعت ماريا من الغرفة.. أبتسمت لما شافت هديل وتقدمت لها بخطوات مترددة.. هديل ظلت واقفة بمكانها مصدوومة.. هي تدري إن ماريا رجعت المزرعة.. لان غازي قال لها.. بس مارضت تروح القصر.. وقالت له ما تبي تشوفها ولا تدخل القصر.. ماريا بحنية\مرحبا عزيزتي.. إشتقت إليك كثيـــراً.. هديل بغصة\أهــ....ـلاً ماريا.. كيف حالك.. تجرات ماريا اكثر.. قربت منها ومدت يدها تصافحها.. ترددت كثير تمد يدها لها.. ماتنسى إن ماريا هي اللي رجعتها لـ المزرعة.. وبعد مارجعتها..غازي أنهى كل شيء بحياتها.. أجبرها عليه..وبعدها صارت عمياء..وبعدها ماتت.. حست بماريا تضمها بقوووة وتبكي.. ماريا\أنا آسفة..آسفة جداً.. يا إلهي أنتي لا تعلمين كيف عانيت بعد رحيلك.. أرجوك صغيرتي سامحيني.. كنت سبباً في موتك .. هديل بهدؤ\إهدئي ماريا.. انا بخيــــر..انظري عدت كما كنت.. لا تبكي هكذا..أرجوك كفى.. ماريا\لم اغفر لنفسي مافعلت.. كنت اعلم بانك غير سعيدة معه.. ولكني اعدتك إليـــه.. مسكتها هديل وجلستها قريب منها.. أبتسمت لها تحاول تهديها.. هديل\كفى..أنظري كم انا جميلة ورائعة.. لقد عدت إلى هنا ولا انوي الرحيل قبل أن ينتهي الماضي.. ماريا انتي لاذنب لك.. لربما كان وفائك لسيدك جريمة بنظري.. ولكنه يُعد فضيلة لديك.. ماريا\ولكنه لم يكن طيباً.. كان يقسوا عليك كثيــراً.. هديل بحسرة\لانه يحبــني.. أحببني رغمـــاً عنه.. فكان يجب أن يعاقبني على ذلك.. ماريا\صوفي لامتني كثيــراً بعد رحيلك.. لأني لم اخبرها بما حصل معك.. هديل بمرح\إذاً هي تلك المنمشة.. كانت سبباً بحزنك..سأعاقبها عندما التقي بها.. ماريا تضحك\لا تعلمين ماذا كان شرطها.. كي تسامحني وتعود لمقابلتي.. هديل بقهر\تلك المتنمرة.. إن لم تكف عن تطاولها سوف أقتلها.. ماريا\ربما يعجبك شرطها.. هديل برفض\مهما كان شرطها.. فيجب ان تحترمك ألستي أنتي من ربيتها واهتممتي بها.. يالها من ناكرة لـ الجميل.. ساعاقبها على تمردها.. ماريا\ولكني أحببت شرطها.. واحببتها كثيراً.. هديل تبتسم\وماكان شرط المنمشة.. ماريا\إشترطت علي أن ادخل الإسلام.. وارافقها إلى وطنك ونقوم بالحج معاً.. هديل مصدومة\...................... ماريا\لقد ألحت علي كثيراً.. في الحقيقة لقد كان رجاءً أكثر من أن يكون شرطاً.. كانت تاتي إلي بكتب كثيرة.. وكنا نسمع القرآن.. لم اكن مقتنعة بكلامها ومحاولاتها الدائمة إستمالتي إلى ديانتكم.. ولكن إجبارها لي على سماع القرآن.. أثر بي كثيــــراً.. كنت ابكي وانا لا اعرف ماذا أسمع.. أحببت ماسمعته..وماقراته عن الاسلام.. أحببت محمد كثيـــراً..كم كان طيبـــاً وصبوراً.. واحببت المسيح أيــضاً.. هديل بغصة\الله يهيدك إن شاء الله.. ماريا الدين عند الله هو الإسلام.. لن يُقبل منك ديانة أخــرى.. المسيــح كان رسولاً..ونبينا محمد رسولاً.. لم نعبـــد محمد..بل عبدنا من خلق محمد وخلق المسيح وخلقنا.. قال تعالى(مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ ْ) ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ نزل يركض دخل الصالة بسرعة.. ضم الجدة بقوووووة.. وهي شلت عصاها وضربته على راسه.. عبدالله بمرح\ما ابى اخنقك بس أضمك.. ياليل العجز لما يعنني .. الجدة\لاتقرب ياولد ابوك.. إن ابط راسك واذبحك.. عبدالله بلقافة\أوهـ ماي قود.. واااي جدة فاذر واي..؟؟ واتس اوب يا مــرهـ ؟؟ الجدة\هذا اللي بيجلطني.. ليه ما يخلوني اروح عنك.. ليه انت تروح وانا ما ارووح؟؟ عبدالله بفخر\العجز مايروحون إيطاليا.. مايروح الا الشباب المودريين اللي مثلي.. حنان مفتحة عيونها\ياويل حالي قلت مودريين..؟؟ عبوود لا تنسى إنك ولد راعي مشاكل وهوشات وطق.. لا تفضحنا هناك وتهاوش خلق الله.. عبدالله\هههههههه الخيزرانة في الشنطة.. يامن مرت من عندي لابسة مفسخ لا اشوطها فلكة 200.. عبدالله عندهم لزووم يتسترون.. جدة وين ولدك أخرنا الله يصلحه.. ام علي بزعل\مدري عنه.. |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة دخل علي ومعه غادة وسمع امه.. علي\يااااابعدهم انتي.. زعلانة يا ام علي.. والله لو انا رايح معهم إنك قبلي في الطيارة.. ام علي\اروح أنا وهادي..ولا محمد.. البنت بتسوي عملية مع ولدها.. من بيهتم فيها ويراعيها.. علي\الله يرضى عليك يومه.. كيف من يهتم فيها..هي بتسوي عمليتها في مستشفى.. وزوجها عندها.. ولاتنسين إنها ولدة هناك في إيطاليا ولا انتي معاها.. هدوول قوية ماهي على شوفها صغيرونة وغشيمة.. عبدالله بترزز\إيه لا تخافين عليه يا جدتي البيوتفل.. أنا بأكون معها.. مع ان بينا ثار أنا وورعها ولازال سارق مني.. كم هندرد من الريالات.. بس أسامحه لحتى نرجع واخذ هندراداتي منه.. علي يحلف\قسم بالله يا عبيييد.. إن ماتعدلت في كلامك ماتعرف إيطاليا ولا تطب الطيارة.. عبدالله مفجوع\نو نو بلييييز يوبه لاتقولها .. أتعدل أفا عليك..شفني هه لابس بدلة وشماغ.. والعقال في الشنطة.. علي\هههههههههه والله بأشتاق لك يادووب.. قام عبدالله وقرب من امه.. جلس جنبها وهمس لها بأذونها.. وقبل لا يكمل كلامه.. سحبه علي بقوة ووقفه.. علي\اطلع..برا يالله.. إنقلع المطار وسافر.. إلا تبي تنشر الفتنة وتوقع بيني انا وامك قبل لا تسافر.. عبدالله\هههههههههههه كمان بروذر.. وي أصدقاء..وخر اقووول.. طلع علي مع عبدالله ووصله السيارة.. علي\عبدالله مثل مافهمتك.. عبدالله\ولا يهمك يوبه.. كل اللي قلته يصير إن شاء الله.. علي يقبل جبين ولده\إن شاء الله.. يالله إطلع العيال ينتظرونك في السيارة.. عبدالله\اوكى فمان الله فذر.. علي\هههههههههه فمان الله.. طلع عبدالله من البيت وقابل عيال عمه.. راكان وسلمان في السيارة.. عبدالله\السلام عليكم.. الجميع\وعليكم السلام.. عبدالله\من هذي اللي جنبي..؟؟ راكان\حرمتك.. عبدالله\كأنها سوير ام الدوببة الاساطير.. سارة\قصدك سوير ام مكفخينك ومتوطين في بطنك.. عبدالله\ياليل الشقاء.. هذي وش جايبها معنا..مابيمدينا نقطها في بيتها ونروح المطار.. يمكن نتاخر على الطيارة.. سلمان\هههههههههههه لا ماخذينها معنا المطار.. عبدالله\ماله داعي تودعنا..نزلها في بيتنا ياعم سلمان.. سارة\وقف وقف..أنا ادري إن فرحتي بهذ السفرة بتنغصونها علي.. عاد مالقيتوا غير هذا النتفة تعاقبوني فيه.. إسمع يا ولد ولد عمي..إن طولت لسانك ولا تمنذلت علي.. لا أشوتك من طاقة الكبتن حق الطيارة.. وقد أعذر من انذر.. عبدالله مصدوم\أنتي بتسافرين معنا؟؟ ليييييييييييييييييه وش سوينا يوم أنتي تسافرين معنا.. هل إيطاليا المساكين وش سووا..وش ذنبهم؟؟ راكان\خلاااص أنت وهي.. ترى باقي ماوصلنا المطار..كلمة ثانية وارجعكم.. سارة\خلاص باكبر عقلي..وخل هذا النشبة يسكت.. عبدالله\بالله وقفوا شوي الخيزرانة في الشنطة خلوني اشحطها عليها.. راكان\ههههههههههههه جبت الخيزرانة.. عبدالله بفخر\إيه والشبرية..وباقي اغراض القنص.. سارة\ماسكينك ومرجعينك السعودية مكمم ملغم.. عبدالله\والقايل إن شاء الله .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ لو كنت أعلم أنني سأذوب شوقا.. و ألما لو كنت أعلم أنني سأصير شيئا من عدم لبقيت وحدي أنشد الأشعار في دنيا.. بعيدة و جعلت بيتك واحة أرتاح فيها.. كل عام و أتيت بيتك زائراً كالناس يكفيني السلام.. فاروق جويدة... قامت من على السرير.. وهي متضايقة من اللي على قميصها.. سدحت ذياب على سرير خاص بالأطفال.. جابه لهم غازي امس .. وتمنذل عليها يقول خلاص.. صار السرير كبير وبيشيلها هي واياه.. طنشته ومارضت تنام جنبه.. ماتثق فيه ولا في وعده لها.. حتى نفسها صارت تخاف منها تميل لهـ .. كان زلاغ ذياب على ملابسها.. نفخت بتعب..وتوجهت لدورة المياهـ.. تحممت ونشفت شعرها في الحمام.. خرجت وصدمت فيه عند الباب.. غمضت عيونها وهي تصد عنه بسرعة.. أرتبكت بخوووف.. هذي ثاني مرة تشوفه من دون قميص.. وحالتها اردى منه..لافة نفسها بمنشفة.. تعدته وكانت بتطلع من جنبه.. وصار اللي كانت متوقعة يصير.. لم يدينه عليها ومنعها تبتعد عنه.. قرب منها ولصقها فيه.. أرتجفت غصب عنها.. وهي تحس بوجهه على كتفها.. همس لها بحبه..بعشقه.. وهو يدري إنها ماتجهل غلاتها عندهـ.. قبلها على خدها وعيونها وجبينها.. حالتهم تخوفها..ترعبها.. ماتبيه يستمر في اللي يسويه.. لازم تقاومه وتبعده عنها.. رفع يدينها ولفها على رقبته.. قبلها على شفايفها بعمـــق.. إلــــــــــــى الملتــــــــــــقى بعد ســـــــــاعة في بارت هدية لجميـــــــــع أحبتـــــــي .. لاتبخلون بردوودكم قبل نزول البارت الهدية ^^ كونوا بخيــــــــــــــــــر ... صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البـــــــارت الواحد والثمــــانون ... اتسئلين القلب عما به ألستّ تدرين بما قد دهاهْ ؟ أنت التي أججت أشواقه أنت التي لوعته في صباهْ رحماك ! هذا الصوت كم غصةٍ أثارها .. وكم حنين دعاهْ لا تعجبي .. قلبي فراش الهوى يقفز للنار وفيها رداهْ المرحوووم بإذن الله تعالى ..غازي القصيبي... أرتجفت غصب عنها.. وهي تحس بوجهه على كتفها.. همس لها بحبه..بعشقه.. وهو يدري إنها ماتجهل غلاتها عندهـ.. قبلها على خدها عيونها وجبينها.. حالتهم تخوفها..ترعبها.. ماتبيه يستمر في اللي يسويه.. لازم تقاومه وتبعده عنها.. رفع يدينها ولفها على رقبته.. قبلها على شفايفها بعمـــق.. حس فيها تحاول تبتعد عنه.. زاد من توثيقه لها.. شالها عن الارض وهي بكت بصوت مخنوووق.. خافت من تصرفاته.. ماتبيـــــــه..بعدها مجروحة منه.. مرعوووبة من تجربتها معها.. كانت بغير إرادتها.. غـــصب عنها.. أذاها كثيييير.. نيمها على السرير وهو حاضنها.. غازي بحنية\هششش إهدي يا جنونـــــي.. ما راح اجبرك علي شيء.. هششش خلاااص إهدي ياقلبي.. كانت تبكي وهي تشهق بقوووة.. ترتجف غصب عنها.. مو قادرة تتحكم في خوفها ورعبها منه.. ضمها له أكثر وهي تبعدهـ عنها.. وتترجاهـ يسامحها.. مابتتقبل لمسه لها كزوجة.. ماتقدر نفسها تكرهه.. تكــــــــــرهـ إجبارهـ لها.. هديل تبكي\سامحني..سامحني.. غازي بمحبة\أنتي اللي ابيك تسامحيني.. أنا احبـــك..أعشقك.. إرحمي الشيب اللي في راسي.. لاتزيدينها بخوفك.. والله ما اجبرك..لا تخافين مني.. لا جيت أنا بــ أسامحك.. تبكي الجراح ما ودها.. مشتاق ودي أصافحك.. عيت يدي لا أمدها... آه. .يـــا الجراح .. راح اللي راح .. وراحتي .. من يا ترى بيردها ..؟؟ يا حب.. ياذ كرى واســم.. مدري انا ابكي عليك من العذاب أو ابتسم.. صدقني في يأسي .. نفسي تبي نفسي تبيــــــك .. لا يا دفا شمسي تبيـــــــك.. ليه خنتني ..الله عليك .. آآآآهـ يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس شجوني .. ينبت في قلبي جـــرح .. ناظرني يا خلي .. جرح انا كلــــي .. وشلون أبـ أرضى الصلح ..؟؟ الأمير بدر بن عبدالمحــسن.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لآ شِفت لِك مجروح .. حآوِل تِدآوية دآوَه مِن بآب الإحسـآن دآوَهـ .. وإن شِفت لِك مِن يبكِي .. فـ لآ تسألة لية ؟ الدَمْع مآ عُمرة نِزل مِن فَضـآآوة .... أول مرة تسويها وتطلع من البيت من غير امها.. حتى مرام أعتذرت وقالت ما بتقدر تروح معها.. أرسلت لها السواق مع شغالتها.. ولزيادة الحذر منها طلبت من اخوها يروح معها.. إبراهيم\طيب وين بنروح؟؟ خلود\مشوار قريب..لازم اروح وبعدها نرجع البيت ان شاء الله.. إبراهيم\طيب..بســ خلود\بس وشهو..؟؟ ابراهيم\ولا شيء..إذا قلت لك بتزعلين وتهاوشيني.. خلود بهدؤ\قول ما راح اهاوشك.. إبراهيم\أنا أخوك..صح صغير..بس لما اكبر باصير ولي امرك.. وأنتي دائماً متضايقة مني ولا يعجبك كلامي..وتحبين تقهريني.. انا مدري ليه تكرهيني..أمي تقول عشانك زعلانة على ابوي لما مات.. ليه أنا ابوي مامات؟؟أنا مثلك..أبوي مات مقتول.. بس ماقسيت عليكم وكرهتك..يمكن لو معي إخوان وكرهتيهم مثلي يكون عادي.. مالي غيركم بعد ربي..وكرهك لي يحسسني إني مالي بيت.. تدرين إني خططت اهرب من البيت كثير مرات.. بس ارجع لأنكم خواتي وأنا اخوكم الوحيد.. أخاف احد يزعلكم او يضايقكم.. خواتي صاروا مثلك ياخلود..يتضايقون مني.. مايسمعون كلامي ولا يحترموني.. وقفت السيارة عند العيادة.. ونزل ابراهيم قبل خلود.. وهي ظلت جالسة مكانها مصدوومة من كلام اخوها.. كل اللي قاله صدق..هو مات ابوه اللي هو ابوها.. يتيم مثلها..بس قسوتها عليه يتمته من امه وخواته.. تمنت لو تحضنه لو تعتذر منه وتبوس يدينه يسامحها.. عمره مابين لها مقدار جرحها له.. كان يتهاوش معها ويعاندها مثل ماتعاندهـ.. يبين لها ان كلامها وتصرفاتها ما تضايقه.. ولأنها اول مرة تطلب منه طلب.. وطلبها كان فيه أمان لها.. تبيه يروح معها عشان يحرسها.. يعني هو سندها وهو عضيدها.. نزلت من السيارة وهي تبكي.. كان واقف عند باب العيادة ينتظرها.. وقفت جنبه ومسكت يده.. رفعتها لفمها من فوق نقابها وقبلتها.. ماتكلمت لان مالها قدرة تتكلم وهي تبكي.. مشت ويدها في يدهـ وطلبت الدخول عند الدكتور الشايب مثل ماسمته.. دخلت اخوها معها وهي مرتاحة لدكتورها اللي كبير في السن وسليط في اللسان.. حست إنها بدت تتقبله.. عرفته على أخوها وهي مبسوطة.. خلود\دكتور هذا أخوي ابراهيم.. الدكتور\الله يحييه.. ابراهيم\مشكور..من انت..؟ الدكتور\أنا دكتور نفسي.. أحاول اساعد أختك في مشكلة.. ابراهيم\تدري إني حسبتك ابوي لما دخلت.. حتى هذي السبحة اللي في يدك..تشبه سبحة ابوي.. شف هذي هي.. طلع سبحة ابوهـ من جيبه وعرضها لـ الدكتور .. خذتها خلود منه وضمتها بين يديها وهي تبكي.. ابراهيم بغصة\اعذرها يادكتور.. صار لنا سنين وهي مقاطعتني واليوم رضت علي.. سحبت ابراهيم لها وضمته وهي تبكي بصوت عالي.. خلود\والله اسفة يا رووح اختك.. سامحني عساني فدوة لك يا اخوي.. غبييية والله اني غبيية.. طلع الدكتور من المكتب وتركهم لحالهم.. لانه أنتبه على ابراهيم يمسح دموعه.. مايبي الدكتور يشوفه يبكي.. أخذ جواله واتصل على مرام.. مرام\هلا يالشايب.. مسفر بهدؤ\مرام..صاحبتك صار معهم شيء مو زين..؟؟ مرام\هي قالت لك شيء..؟؟ مسفر\لا ماقالت.. مرام\اممممم ولد جيرانهم يبي يتزوجها.. هذي ثالثة مرة يطلب وهي ماوافقت.. بس هو راعي مشاكل وسجون.. مسفر\الله يقطع هذي الأشكال ويفك الناس منهم.. مرام\وش بتسوي يالشايب.. انتبه لا تكشفك ترى بتحكمك اعدام.. مسفر\هي بتكشفني بس ماهو الحين.. اما ولد الجيران يبي له سم فيران.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة صحت من النوم .. وهي تحس بصداع قوي براسها.. حتى عيونها تحرقها إذا فتحتهم.. تنهدت بضيق.. لانها تعرف هذي الحالة لما تجيها.. إذا نامت وهي تبكي.. تصحى تعبانة ودايخة طول الوقت.. حست فيه يقبلها على خدها.. فتحت بسرعة.. خجلت منه ومن قربها الكبير منه.. لمت منشفتها عليها اكثر .. وجلست بسرعة.. لما حست بيدهـ تسحبها له.. وقفت بسرعة أخذت ملابس من الكبت ودخلت دورة المياهـ.. أستندت على الباب.. وهي تتذكر كيف صحت من النوم وهي تصرخ مرعوبة.. كيف ضربته وحاولت تهرب منه.. وهو كان ضامها له.. ويحاول يوعيها على انها كانت نايمة وشافت كابوس.. لما صحت من صدمة الكابوس.. تعلقت عيونها بعيونه.. صدمها حلمها فيه هذي المرة.. صدمـــــها كثييير.. تحممت بسرعة ووقفت قدام المرايه تشوف ظهرها.. خف عليها كثييير وصار احسن من اول.. كان يهاوشها اذا تركت الكريم ماحطته.. ولما يهددها يحطه لها غصب عنها .. تحطه هي بسرعة وتمنعه ينفذ تهديدهـ.. طلعت من دورة المياهـ.. وهو كان نايم وحاط ذراعه على عيونه.. ولما سمع الباب شال يدهـ وركز عيونه عليها يتاملها.. تجاهلته ووقفت عند التسريحة.. مشطت شعرها وفردته على طوله.. وانتبهت عليه يدخل دورة المياهـ .. تنفست براحة بعد ماطلع من الغرفة.. راحت لذياب وهي تتذكر إنها ماسمعته يبكي.. طول امس.. يمكن غازي اهتم فيه ونيمه..لانها كانت تعبانة.. قربت منه وشالت الغطاء من عليه.. هديل بمرح\ورعي بعدهـ نايم.. يالله قوووم يا قلبي.. شالته من فراشه وضمته لها تبوسه.. وتسوي حركات تضايقه عشان يصحى.. بس استغربت انه ما تجاوب معها.. نادته وضربت على خدهـ .. حطت بيدها ماء من الكاس.. مررته على وجهه ورقبته.. بس مارد عليها ولا تحرك.. أرتجفت بخوف وهي تشهق مجزوعة.. هديل بخوف\ذيـــ...ــاب..يــوومــهـ..... قووم حبيبي..ياروحي انت وش فيــ....ـك؟؟ يووومه تكفى قوووم لا تفجعنـــــي.. تكفى يا ذياب لا تفجعني تكـــفى.. ياربي ياحبيبي لا تاخذهـ مني.. لاتاخذهـ منــــــــــي.. ذياب ما اتفقنا كذا يا فديتك.. قلت لك أول ماشفتك لا تترك الدنيا قبلي.. آآآآآآهـ يا قلب أمك تكفى قوووم.. ضمته لها اكثر وهي تصرخ بخوووف.. هديل تبكي\غااااااااااااااااااازي.. طلع من دورة المياهـ لابس بنطلونه وشعره مبلول.. حتى قميصه مالبسه.. جلس عندها على ركبه مصدووم من شكلها.. كانت جالسة على الأرض.. ضامة ذياب على صدرها وتهتز.. غازي\وش فيـــك..؟؟ هديل\ذذيــ....ـياب..مايصحى.. آآآآآآآآآهـ مايرد علــي.. أخذه من بين يديها.. وهو يحس برجفة قوية تسيطر على كل جسمه.. حس بعجز كبييييير.. نفس العجز اللي حس فيه لما كانت رسل بنته تموت.. ضم ذياب له وهو يسمي عليه.. تمالك اعصابه وسدحه على الارض.. تطمن لما شاف صدرهـ يتحرك.. دليل على انه يتنفس.. رفع جفونه يعاين عيونه.. نيمه على جنبه اليسار.. وضرب بخفيف على مؤخرة راسه.. صحى ذياب وهو يبكي بصوت عالي وحااااد.. بكى لحتى استفرغ من حبسه للهواء وهو يبكي.. ضمته هديل لها وهي تبكي معه بخوووف.. ضمهم غازي وهزهم بحضنه.. يواسيهم ويواسي نفسه.. كان بيفقد ولدهـ.. كان راح يصيبه القنووط من رحمة الله.. أستغفر الله وهو يحاول يهدي هديل اللي كانت تبكي.. أخذ ذياب منها ودخلها دورة المياهـ .. غازي بحنية\بدلي ملابسك.. وبنمشي بعد ساعة المطار.. إن شاء الله نوصل روما الليلة... هديل برجاء\لاتخليه ينام.. الحين نروح بس لاتخليه ينام.. بدلت ملابسها بسرعة.. لمت شنطتها وشنطة غازي.. حتى اغراض ذياب كانت تلمها وهي تبوسها.. جلسها غازي وحط ذياب بحضنها.. خلاها تستوعب انه بخير وماصار فيه شيء.. وطعنته لما سمعها تقول.. هديل بآآسى باكي\هو اللي ما اعتبرني ميته.. هو الوحيد اللي يحبني.. ما ابيه يموت واتيتم من بعدهـ.. واللي حس نفسه يتيم وماله عزوة من بعدك وش تقولين فيه..؟؟! ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛ حطت يدها على الجدار وهي تسمي بالله.. جلست ع الدرج بسرعة بعد ما حست بدوخة قوية.. غمضت عيونها وانتظرت لحتى حست بدوختها تخف عليها.. وقفت بتعب ونزلت الدرجات الباقية.. صرخت برعب لما حست بنفسها تفقد التوازن وتطيح على ظهرها لآخر الدرج.. شوق\يووووومـــــــــه.. آآآآآآآآآآآآآآآآآآهـ يووومه بامووووت.. طلعت امها من المطبخ وهي تركض لها.. صرخت بخوف لما شافت شوق طايحة على الارض وتنزف.. جلست عندها وهي تبكي.. ام غازي\شووق..بسم الله عليك.. اذكري ربك يوومه..تشهدي فديتك تشهدي.. شوق تصرخ وهي لامة يدينها على بطنها.. \بأموووت يوووومه...آآآآآآآآهـ.. يوومه لحقي علـــــــــي.. ام غازي برعب\تشهدي أول.. قولي اشهد انه لا اله الا الله..واشهد ان محمدا رسول الله.. تشهدي ياقلب امك... شوق باستسلام\اشهد انه لا الله الا الله..وان محمدا رسول الله.. قامت ام غازي من عندها بسرعة.. اتصلت على طالب وقالت له يجي البيت بسرعة.. ويتصل على الاسعاف يدلهم على البيت.. رجعت لشووق وبكت لما ادركت ان بنتها بتولد خلال دقايق.. مستحيل تصبر لحتى يجي الاسعاف.. ذاب قلبها على بنتها اللي تصرخ بألم.. وتستجدي بالله يرحمها ويخفف عنها.. أخذت وسادات من على الكنب.. حطتها تحت راس شوق.. وقررت تولد بنتها قبل تموت والجنين في بطنها يموت ورى امه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛ دخلت الشقة وهي ضامة ذياب على صدرها.. تحاول تخفي وجها عنه لا يشوف مدى إحراجها.. غازي يبتسم\صراحة تمنيتك تكفخينه.. تراه طبيب متدرب ماهو مسئول.. هديل بقهر\شفت البروود.. بس يستاهل فتنت عليه وخليتهم يطردونه من الغرفة.. غازي بغمزة\طبعاً بيطردونه لانه وراك من يسندك.. ووراهم من ينكبهم اذا غلطوا علينا.. هديل بابتسامة\أحياناً تنفع النذالة.. غازي\على الطاري.. نيمي ذياب بفراشه وتجهزي فيه ضيوف جايين يزورونك.. هديل بفرح\صوفي...؟؟ غازي\إيه صوفي وضيوف ثانين.. هديل\مييين لا يكون ماكس..؟؟ غازي\لساتك حاقدة على ماكس..؟؟ هديل\على ماكس وصاحبه ولا راح اسامحهم.. دخلت غرفة النوم ونيمت ذياب بفراشه.. وصلوا روما في وقت متأخر.. أخذوهـ لـ المستشفى.. قبل لا يتوجهون لشقتهم.. والطبيب طمنهم وطلب منهم يزورونه بعد 10 ساعات تكون النتائج وضحت لهم.. ويحددون متى وقت العملية يكون.. راحوا على الموعد وحدد لهم وقت العملية.. بعد ثلاث ايام.. سمعت صوت جرس الباب.. بدلت ملابسها وسرحت شعرها.. طلعت من الغرفة وهي متوقعة تقابل صوفي.. أنصدمت لما شافت سارة وراكان وعبدالله.. رجعت غرفتها بسرعة مفتشلة من راكان شافها بلبسها وشعرها.. أبتسمت بفـــــــرح.. لما ادركت إن هلها معها في ايطاليا.. أنبسطت كثير.. بدلت ملابسها بسرعة ولمت حجابها على راسها.. طلعت لهم وسلمت عليهم.. ماكان في الصالة الا عبدالله وسارة.. هديل مبسوطة\هلا والله فديييييييييييتكم.. ضمها عبدالله بقوووة وسلم على راسها.. عبدالله\والله اشتقت لك.. هديل\فديييييييييته الإيطالي.. عبدالله\كيفك وكيف ورعك؟؟ والله مشتاقين لكم مرة..حتى لهواشه.. هديل\عساني فدوة لك يا ابو علي.. الحمدلله أنا بخير وورعي بخير.. سارة\وهـ يابعد تســـــبدي.. ماتبين ترحبين فيني..؟؟ هديل\هههههههههه السووووري يا بعدهم انتي.. ضمتها وهي تضحك مبسووطة بشوفتها.. سارة\وش رايك فيني..؟؟ هيت زوجي وعيالي وربعي وجيييتك.. هديل\يافديييييييييتك .. والله والله فرحت فيكم ونسيت كل شيء.. سارة بحنية\طمنيني عنك كيفك؟؟ كيف ولدك؟؟وزوجك كيفه معك..؟؟ جلسوا وهديل متمسكة بيد سارة.. هديل\الحمدلله حالنا يسرك.. ذياب وأنا بنسوي العملية بعد ثلاث أيام.. وإن شاء الله ربي يهونها..ويشافيها.. سارة\آآآآآآآآآمين يارب العالمين... عبدالله\أبوي وجدتي وكلهم يسلموون عليك.. هديل\أبوي ماجاء معكم..واخواني..؟؟ عبدالله\جدي معتكف في الحرم.. إن شاء الله لما ينهي إعتكافه بيجي هنا.. أما عمامي وجدتي فابوي ماخلاهم يجون.. هديل بإستغراب\ليـــه.؟؟ سارة بحدة\عبيييد رح مع زوج عمتك وراكان.. عيب تجلس مع الحريم.. عبدالله\لا عندي رسالة ابي اوصلها لهدوولة من ابوي.. سارة\خلاااص بعدين..هي بتطير يعني..؟؟ قول لها بعدين..يالله رووح.. عبدالله\اووووف منك.. طيب رايح..هدوولة ترى بانام عندك الليلة.. هديل تبتسم\عيوووني لك.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة كنت آسولف وقلت آسمه . . بــ [ آلخطآ ] عضيت شفآهي وآرتبكت وآللي سمعني من ربكتي آبتسم وقآل : .... كمـــل محد سمع .. راح عبدالله وسارة هاوشت هديل.. سارة\وش عيوني لك..عيب استحي على وجهك.. خليه يروح معنا الفندق.. هديل\مالك شغل خلييه يونسنا.. سارة\ههههههههه ماظنتي زووجك بيتحمله.. هديل\لا عادي غـــاز........ عضت شفايفها ومانطقت باسمه.. قطعت كلامها ورفعت عينها بعين سارة.. سارة بمحبة\ماسمعت.. هديل تتنهد\اقصد عادي..ماراح يغلبه عبووود.. سارة\بصراحة عليك زووج.. مدري كيف صدتيه.. هديل\ههههههههه لو مو متزوجة أنتي عطيتك إياهـ.. سارة بعتب\خليك عاقلة وإحتفظي بزوجك طول ماهو زوجك.. بكره اذا افترقتوا ارخصيه بكيفك.. هديل\ماعلينا من هـ الحكي.. امي ليه ماجات..؟؟توقعت إنها ممكن تجي.. بعد إتفاقي مع علي وحنان.. سارة\حنان سقطت الله يعوضها خير.. هديل\لاااااا..الله يعوضها.. متى صار هذا الشيء..؟؟ سارة\قبل ثلاث أيام.. ولاكانت هي وعلي بيجون مع عبوود.. هديل\وأمـــــــــي..؟؟ سارة\علي مايبيها تجيك الا وهو معها.. والله العالم عن اسبابه.. هديل\هادي كيفه..؟؟ سارة\الحمدلله بخير.. سالت سلمان عنه وقال انه سافر.. هديل\سافر..؟؟ يعني جاي إيطاليا ولا وين راح..؟؟ سارة\سافر أستراليا.. هديل\الله يرده بالسلامة.. سارة\تعالي ليش ماتردين على جوالك؟؟ ولا تتصلين على هلك..؟؟ مو عيب عليك..ولا رجعتي لزوجك نسيتي هلك؟؟ هديل تضحك\ههههههههههههه انتي غريبة عجيبة.. أتصلت عليهم بس مايردوون.. سارة\مايردون؟؟! عنبوا ابليسك جيبي عذر يتصدق.. هديل\مالك شغل..حرة شخصية.. اندق جرس الباب .. طلع غازي من البلكونة اللي كان جالس فيها مع راكان وعبدالله.. فتح الباب ودخلت صوفي ومعها ماكس.. رحب فيها غازي وهي طنشته ودخلت من دون ماتسلم عليه.. ضحكت هديل لما شافت حركة صوفي.. وزاد عليها غازي لما كان بيصكها بالباب قبل تدخل.. تغيضه دائماً بحركاتها.. ضمتها بقووووة وهي تقبلها على خدها.. صوفي بفرح\يارثت الثياب..كم إشتقت لك.. هديل\ههههههههههه أحبـــك.. صوفي\آآآهـ وأخيراً عدتي إلى هنا.. هديل\لم استطع فراقك اكثر.. صوفي\يالك من قزمة كاذبة.. هديل\أعرفك..هذه قريبتي سارة.. صوفي تصافحها\أهلاً تشرفت بمعرفتك.. سارة\هديلووهـ وش ذا الطويلة تقول..؟؟ هديل تبتسم\سارة هذي صديقتي واختي وحبيبتي فاطمة.. سارة\هذي الطويلة المخلعة اسمها فاطمة.. هديل\سارة واللي يرحم امك لاتنكبينا مع صوفي.. سارة\وشش قلت انا..؟؟ صوفي\الن تفهم قريبتك علينا.. سارة\يس افكوورس.. صوفي تبتسم\نااايس.. هديل\سارة ترى فاطمة مصممة ازياء معروفة.. سارة\بجد..؟؟خليني افلس زوجي بعد تسبدي.. اجي ايطاليا والتقي بمصممة ازياء.. عسى امي راضية علي بس.. هديل\هههههههههه فديتك يا السوري.. صوفي\أين وولفي..؟؟ هديل\نائم الآن.. صوفي\امممم سأذهب لاراهـ.. هديل تمسكها\والله ماتروحين.. ادري بتصحينه من نومه بحركاتك.. صوفي\هههههههههه مابك أتركيني.. هديل\لا..لن تري وولفي الآن.. أعرف ماستفعلين..لم انسى كيف كنتي توقظينه.. صوفي\أرجووك ديييل.. أنا مشتاقة له كثيراً.. هديل\صوفي حبيتي.. إن استيقظ الآن لن ينام بسهولة.. وانا اريد أن أسهر معك.. سارة\وش عندكم..هديلووهـ دخليني جو معكم.. هديل\اول خليني اضيف ضيوفي.. عيييب ساعة من جيتوا ماضيفتكم.. سارة\وتحسبين بنشرهـ عليك..؟؟ ما اتصلتي علينا من بعد مارحتي معه.. فكيف نشرهـ اذا ماضيفتينا.. هديل تبتسم\الله لا يطيح مسلم بلسانك.. راحت المطبخ جهزت القهوة الإيطالية.. لأنها المتواجدة عندها.. ومن الحلويات اللي موجودة مع اللي جابتهم سارة وصوفي.. نادت عبدالله.. أخذها منها وضيف الموجودين.. رجعت لصوفي وسارة.. وأنتبهت على كلام سارة.. سارة\وت وت اممم يو تفصلين..؟؟ صوفي\؟؟؟؟؟؟؟؟؟؟ سارة\ردي يامال الطرم.. المفروض تحاولين تفهمين كلامي.. مثل ما احاول اوصل لك السؤال.. هديل\ههههههههه سارة.. شوي وتكفخينها.. سارة\بتنفقع مرارتي.. كل ما قلت لها شيء تبتسم وتقول وت.. هديل\لانها ماتفهم عليك ياقلبي.. سارة\أقول لها أنتي جميلة ورشيقة.. ابي ادهن سيرها بكم كلمة عل وعسى تصمم لي فستان.. أرجع فيه لبعد تسبدي.. صوفي حمقت\وجع.. سارة بشهقة\هئئئئئئئئئئئئئئئ انا وجع..؟؟! هذا وانا اقول يالطويلة يالنحيفة..يالجميلة.. أجل لو قايلة يالماصلة الناشفة المعجزة وش تقولين.. صوفي\ما اللذي تقولينه ايتها المتنمرة.. آآآهـ بكل تاكيد لن احبك ولن أرضى بالكلام معك.. لانك لا تعرفين كيف تنسيقين الوان ملابسك.. هل يرتدي أحداً ما في هذا العصر ماترتدين..؟؟ أنظري الى حجابك لا يتناسب لونه ابدأ مع لون عينيك.. أو هذا البنطال اللذي ترتدينه..هل تعلمين ان نوعية قماشه.. تجعلك تبدين اكثر سمنة مما أنتي عليه.. أنتي مشروع يجب أن اقوم بإصلاحه.. سارة\عنبوا ابليسها حكت ما سكتت.. جب يالعصلا..الشرهه على بنت عمي اللي مصاحبتك.. هديل\هههههههههههه خلااااص هشششش.. اسكتوا يادوبااات.. ههههههههههههههههههههه كملت صوفي وسارة سب في بعض ولاهم فاهمين وش يقولون.. وهديل كل ماحاولت توقفهم تضحك ويعصبون على بعض زيادة.. هديل\ستووووب..صوفي أنتي لم تفهمي ماتقوله سارة.. هي تقول بانها من اشد المعجبين بازياءك.. وكم تمنت لو تلتقي بك شخصياً.. صوفي بابتسامة\اوووهـ عزيزتي.. أنا آسفة لم افهم ما قلتي لي أعذريني.. هديل\سوسو فاطمة معجبة بأناقتك.. وبإختيارك لملابسك..حتى ملامحك تشبه لعارضات ازياء معروفات.. بس رسومك أجمل منهم بكثير.. سارة مبسووطة\يافديتها..شكـــراً من ذوقك عزيزتي.. وهـ ياهدووول فشلة سبيتها وهي تمدحني.. هديل\ههههههههههههه ياربي سامحني.. منعت حرب لاتقوم في بيتي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ سلمت على راكان قبل يطلع مع هله.. طلبت عبدالله يظل عندها بس عبدالله مارضى.. فهمت ان راكان هاوشه وحذرهـ مايبقى عندها.. ودعتهم.. وبعدهم طلع ماكس ومعه صوفي.. سالت صوفي كيف رجعت لماكس.. بس ماقدروا يتكلمون وسارة ماتفهم عليهم.. فتواعدت معها تزورها من بكره وتقول لها كل شيء.. دخلت غرفة النوم.. تحممت ولبست بجامتها.. نامت بس ظلت تفكر في غازي.. نظراته غريبة عليها.. هو بان عليه معصب لما جاو هلها.. بس ماله حق يزعل او يهاوش.. غمضت عيونها وهي تدرك غن سبب غضبه ماهم هلها.. بل لأنها طلعت قدام راكان بلبسها وشعرها مكشوف.. تنهدت بضيق..بيقلب الأمور عليها.. اللي يشوف حالتهم بهذا الوقت.. بيقول مستحيل هذولاء يستمرون.. وهي بتقول بالعكس هذا التفاهم بينا.. أجل لو قابلتونا في وقت الهواش والتملك وش تقولون..؟؟ وقفت وطلعت من الغرفة.. شهقت بقوة لما شافته مشغل التلفزيون.. ويشوف شريط فديو خاص فيها مع ذياب.. قربت منه ووقفت ورى الكنبة.. انتبه عليها ومد يدهـ لها.. حطت يدها بيدهـ من غير وعي.. وهي تشوف لقائها الاول مع ذياب.. لما كانت صوفي تصورهم.. أبتسمت وهي تشوف حجم ذياب صغير بحضنها.. كان باين عليها التعب والحزن.. حتى كلامها لذياب صدمها كثيـــــــــر .. نست اغلب كلامها له.. تتكلم عن ابوهـ..وإنها بتنسبه له وبـ الاسم اللي لازم يحمله.. حست بيد غازي تضغط على يدها بقووووة.. صرخت بخجل لما شافت إنها تتحضر عشان ترضعه من صدرها.. حطت يدينها على عيون غازي.. هديل\لاااااااا..لا تشوووف..مالك دخل لا تشووف.. غمض عيووونك.. ضحك على تصرفها وبعد يدينها من على عيونه.. مشت بسرعة تبي تطفي التلفزيون.. ماتبيه يشوفها بهذا الشكل بتموت من الإحراج.. مسكها قبل تطفي التلفزيون وهو يضحك على تصرفاتها.. حاولت تخلص نفسها من بين يدينه.. هديل\لااااا ابعد..غازي لا تشوووف.. قليل ادب مالك شغل تشوف شريطي.. غمض عيووونك.. غازي يضحك\ههههههههههه أقووول إجلسي.. جلس وضمها في حضنه.. وعاد اللي فاته من الشريط.. وثقها له بقوووة وهي تتحرك تبي تفلت منه وتاخذ الريموت من يدهـ.. إلى الملتقى فجر الثلاثاء بإذن الله تعالى.. كونوا بخيــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البارت الثانـــي والثمـــانون .. لا تقولي " لا تقولي : أنت حبي ربمّا غرّتك مني كلمة شاعر ترضي شياطين الشباب ربما ضلل أهواءك شيء في اكتئابي ربما أغوتك ألوان نقابي لا تقولي .... أنا أهواك ... لأن الليل دنيا شاعريه و لأن البدر طفل أسند الرأس على صدر الغمام مغمضا ً أضواءه ... غير خيوط ذهبية رقصت في روض عينيك فراشات سلام و لأن الشوق ينمو في الظلام فغداً نصحو مع النور .. يموت الصمت ... يغشانا الكلام المرحوووم بإذن الله تعالى ..غازي القصيــــــــــبي .. مشت بسرعة تبي تطفي التلفزيون.. ماتبيه يشوفها بهذا الشكل بتموت من الإحراج.. مسكها قبل تطفي التلفزيون وهو يضحك على تصرفاتها.. حاولت تخلص نفسها من بين يدينه.. هديل\لااااا ابعد..غازي لا تشوووف.. قليل ادب مالك شغل تشوف شريطي.. غمض عيووونك.. غازي يضحك\ههههههههههه أقووول إجلسي.. جلس وضمها في حضنه.. وعاد اللي فاته من الشريط.. وثقها له بقوووة وهي تتحرك تبي تفلت منه وتاخذ الريموت من يدهـ.. غازي\ههههههههه بعد تنحرجين من صوفي.. زين اللي طردتيها..تستاهل الحقوودة..مخبيتك عني ولاعبة لعبتها.. هديل وقفت الشريط\هي مو حقوودة..وانت تستاهل.. والقضية اللي رفعتها عليك أنا طلبتها تتنازل.. وقبل لا تفرح مو عشانك تنازلنا..عشانها وعشان نفسي.. بعدين لو ننكشف نروح السجن بتهمة تظليل العدالة.. أخذ الريموت منها\عادي ولو انسجنت..صار عندي خبرة في هذي الأمور.. ولا تحاولين توقفين الجهاز..أبي اكمل الفلم.. هديل بغيض\يعني عادي أموووت..؟؟ غازي بوله\بسم الله عليك..كنت حاب أنسجن..اتعاقب.. أنضرب أو اخسر كل شيء..عشانك أنتي ماهو عشان غيرك.. هذي الأشرطة ماقدرت اشوفها.. لانه وصلني خبر إنك هاربة من بيت هلك.. تركت الأشرطة هنا ورجعت الرياض.. هديل\طيب خلني اقووم ونتفاهم ..وخر يدينك.. غازي يشغل الشريط\أقوول أنثبري مكانك.. هديل\ما ابي اجلس بحضنك..وخر عني.. غازي\هششش خلينا نسمع البطلة وش تقول لولد البطل.. هديل بقهر\بطل في عينك..وقف الشريط.. حط كفه على فمها ورفع الصوت يسمع وش تقول لذياب.. هديل بحنية\فتح عيونك يا قلبي.. ذياب ياروح أمك..بدت حياتي من جديد بقدومك.. صار عندي ام واب وعزوة يا ابوي.. سميتك ذياب..لانه من حقك انت البكر وانت الكبير وانت ذياب.. ولازم تنتسب لأبوك وهلك.. أنت ولد حلال ولد ابوك النذل.. ما بادفن حقوقك تحت خوفي وهروبي.. تنتمي له غصبن عليه...مع ان هذا لا يشرفك ولا يشرفني.. صوفي قالت انسبك لي ولهلي... بس الدين له كلمته يا ابوي وانت تنتسب لابوك... ما نعصي ربي عشان نهرب من ابوك... شد يدينه عليها لما حس فيها تحاول تبتعد عنه.. كانت تبي تهرب منه.. لازال رايها ماتغير فيه..نذل.. وكلامها لذياب تقدر تعيده عليه بكل ثقة.. ذياب ينتسب له غصب عنها وعنه.. هديل لذياب \انا هديل أمك... وابيك اليوم والحين توعدني ماتروح وتخليني.. ولاتفكر تنتمي لاحد غيري.. وتكفى يا ابوي لا تترك الدنيا من دوني... مسحت دموعها وهي تضحك لما شافته فتح عيونه.. هديل بصوت مخنوق\فديت اللي مايشبع نوم.. توك صاحي وتتثاوب..لازم تشرب حليب.. احممم ذيبو يا ابوي غمض عيونك زين..تراني ما اعرف.. اذا عورتك ارفسني زين ؟؟..حبيبي انت... غمضت عيونها تقاوم دموعها.. رجعت لها ذكريات هذيك الفترة من حياتها.. وحدتها خوفها..ضياعها..ألمـــها.. غازي\كل هذا انا يا هديل..؟؟! واقول إنســــي..؟؟بالله كيف تنسين..؟؟ كيف عرفتي إنك حامل..؟؟وإنك متزوجة..؟؟ كيف عشتي سنينك من دوني..؟؟لازم اعرف.. قبلها على كتفها وهي سحبت نفسها منه بسرعة.. وقفت طفت التلفزيون وخرجت الشريط.. والتفتت عليه بتحدي.. هديل بجمود\هذي ايام ماتعنيك..مالك حق تشوفها ولا تدري عنها.. هذي أيامي مع ذياب وبس مالك شغل فيها.. لاتظن عجزت عنه وعن حالي.. أشكرك على ذياب..ولوما ذياب ماكنت معك اليوم.. وقف وقرب منها\جاوبي عن اسئلتي.. هديل\بأجاوبك..بس مو الحين.. لما تضربني وتشوهني..ولما تخليني عمياء ما افرق الليل عن النهار.. ولما تخليني انكر كل هلي واعترف إنك ابوي وامي ونفسي.. إن سويت كل هذا اوعدك أجاوبك عن اسئلتك.. غازي\سويتها مرة ماني عجزان اسويها مرة ثانية.. هديل بحقد\حلو الإعتراف.. بدل قناع المبحة والندم اللي إنت لابسة.. خلك طبيعي وكن غازي.. بعد العملية بارجع مع راكان.. وأتمنى لو تظل في هذي الديرة وماترجع السعودية.. لأنها ماراح تتسع لنا..إما انت أو أنا.. غازي بجمود\مابترجعين ياهديل.. إصحي من احلامك..وواجهي الواقع.. مكانك هنا .. هديل\هلي بيأخذوني منك.. ماعدت لحالي ولاتظن بتقدر تأسرني بقصرك.. غازي بحدة\يمكن ياخذونك.. بس أنتي اللي بترفضين ترجعين معهم.. هديل بسخرية\لاني ما اقدر أعيش من دونك..؟؟ غازي\هذا سبب..والسبب الثاني لاتستعجلين عليه يا جنوني.. بأي حق يملك كل هذي الجرئة.. واثــــق..مثل ماعهدته دائماً واثق.. هي بترفض تبتعد عنه وبتظل معه..؟؟ الذيب مايهرول عبث.. وماقال اللي قاله.. إلا وهو مخطط لشيء ممكن يكسرني ويجبرني اظل معه.. بس لازال ينسى إنه رباني على اسلوبه ومـــكرهـ .. دخلت الغرفة ومن خوفها من ثقته.. قفلت الباب وتركت المفتاح على الباب.. تخاف يكون معه مفتاح ثاني ويدخل.. نامت وبسبب افكارها رجعت لها الكوابيس.. ذكرت نفسها إن ما التزم بوعــدهـ إرجعي لإنتقامك.. انتي رضيتي بحالكم عشان تعالجين ذياب ويتركك بعدها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ أخذت وسادات من على الكنب.. حطتها تحت راس شوق.. وقررت تولد بنتها قبل تموت والجنين في بطنها يموت ورى امه.. ام غازي\شوق سمي بالله.. أنا جنبك وباولدك..لازم تساعديني وتساعدين ضناك.. شووووق إصحي يا بنت إصحي.. ضربتها على خدها وغسلتها بماء بارد.. ام غازي\تكفين يومه..لايموت الولد في بطنك.. أنتي في حالة ولادة..لازم تولدين.. بكت شوق وصرخت من الامها.. وامها تهديها وتساعدها بولادتها.. كانت تفقد وعيها غصب عنها وأمها تجبرها تصحى.. وصل الإسعاف ومعهم طالب.. ولما دخل البيت تفاجىء بحال زوجته وأمها.. تصنم بمكانه وماقدر ينادي المسعفين يدخلون.. ولاكان يسمع ام غازي اللي تهاوشه وتطلب منه يطلع.. ام غازي بعصبية\طاااالب.. طالب\هاهـ.. ام غازي\هوى ابليس في النار.. خلهم يدخلون خلاص زوجتك ولدت.. طالب بحيرة\هي حية..؟؟ ام غازي\الحمدلله على كل حال.. خلهم يجون يهتمون في الولد.. دخلوا المسعفين.. واخذوا الولد من ام غازي...قصوا عنه الحبل السري.. ونقلوا شوق على الحمالة لسيارة الإسعاف.. وبان معهم وجود كسر في الحوض.. وصلوا المستشفى وطالب كان بحالة ضيـــاع.. وقف سيارته ورى الإسعاف .. وتهاوش مع الأمن اللي طلبوه يركنها بمواقف السيارت.. ماسمحوا له يشوفها دخلوها غرفة المعاينة قبل ما يشوفها.. ولدهـ أخذوهـ لـ الحضـــانة.. ظل واقف بالممر ينتظر أم شوق تطلع.. محتاج يتطمن عليها.. يشوفها..يتاكد بنفسه إنها بخير.. أنتبه على ام غازي وهي طالعة من الغرفة.. مسك يدينها بقوووة وشد عليها.. طالب\بشري يومـــه..كيفها..؟؟ وش صار معها..؟؟ ام غازي تمسح دموعها\الحمدلله..هي بخير.. ولادتها طبيعية والولد بخير.. طالب\بعدها تتوجع..؟؟ ام غازي بحنية\عطوها مسكنات.. لأن الكسر يألمها.. طالب\الحمدلله على كل حال.. وش صار معها؟؟ليه طاحت؟؟ ام غازي\قدرة الله..انا طلعت من المطبخ على صوت صراخها.. لقيتها طايحة بآخر الدرج.. وكانت بحالة ولادة.. بعد نص ساعة سمحت له الطبيبة يدخل عند شوق.. كانت نايمة وملامحها ماتشبه لها.. وايقن إن تعب الولادة مايرحم.. قبلها على جبينها .. طالب\الحمدلله على السلامة يالغالية.. ومبرووك ماخلفتي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة ألا ياقلبي القاسي دقيقه بس من وقتك دقيقه بس نتفاهم وأبين لك معزتها وأنا أدري لو بتعطيني ساعاتك وأيامك أعجزأجيب لك كلمه توضح لك برائتها أشوفك فعيوني كون وأشوف الكون مايكفيك ولكنك على كبرك تضيق وماتوفيهـــا.. تلفتت حواليها بحنين غريب.. بهذا المكان انجــــــرحت وأنهانت.. منه ومن خواتـــه.. في هذا المكــــان كان يتفلسف عليها.. ويشرح لها ليه سموا النافورة نافورة تريفي.. تذكرت كلام راجح عن الأسطورة الخاصة بنافورة تريفي.. تقول الأسطورة .. أرمي قطعة نقود وان تمنيت أمنية خاصة لك..فقد تتحقق.. وان تحققت تلك الأمنية فأنت ستعود الى هذه النافورة وتتمنى من جديد.. وستعــــــــــــــــــود دوماً.. وقف قريب منها وذياب بحضنه.. غازي\تذكرين زيارتنا لهذا المكان..؟؟ هديل بصد\لا ما اذكر.. غازي\يحق لك تنسين ماكانت مريحة لك.. وانا واثق إنك مانسيتي.. هديل\تذكر انا وش قلت لك لما قلت لي تمني..؟؟ غازي يبتسم\تمنيتي لو تختفين من حياتي.. هديل بجمود\وأنت بكل ثقة قلت مستحيل.. صار وهربت منك يا غازي واختفيت من حياتك.. وكنت صادق بكلامك..أنت ماتركتني ولا يوم ولا لحظة.. كنت مشاركني كل شيء..حتى لما اتناساك.. تعاقبني في الكوابيس بكل قســـوة.. طلبت من ربي يحرمك إنسان غالي على قلبك مثل ماحرمتني من كل هلي.. وحرمك منـــي..وبعذر الموووت.. صدقت إن الدنيا سلف ودين.. وكماتدين تُدان..؟؟ غازي بهدوء\كان لك فضل كبير علي.. ورغم إنه كان قاسي..بس كان نافع كثيــــر.. هديل\؟؟؟؟؟؟؟؟؟؟؟؟؟؟ غازي بحنية\إنسي كل شيء.. العملية بكـــرهـ..ولازم نروح المستشفى الحين.. بتنامون الليلة هناك.. ماردت عليه وفضلت تنهي الموضوع والكلام.. إذا الماضي حضر بينهم في كل لحظة بيدمرهم.. توجهوا لـ المستشفى وهي أتصلت على سارة وقالت لها.. كانت بتتصل على أمها بس هو اخذ الجوال منها.. ناظرته بزعل وصدت عنه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛ وصلوا المستشفى ودخلت غرفتها الخاصة.. نيمت ذياب وقرأت عليه الأذكار.. أخذوه من عندها وقالوا بيظل عندهم حتى وقت العملية.. حست بضيقة قوية تسيطر عليها.. أخذت جواله واتصلت على امها.. هديل\السلام عليكم.. ام علي\هلا والله..وعليكم السلام ورحمة الله.. يالله تحيي صاحبت الصوووت..هديل عسى عيني ماتبكيك.. كيفك يوومه وكيف ولدك..؟؟ هديل تبتسم\فديييت روحك يالغالية..الحمدلله أنا بخير.. وذياب بخيـــر..بكره العملية يومه.. ام علي\الله يقومك بالسلامة يووومه ويقر عينك بشوفته طيب ومتشافي.. هديل برجاء\اللهم آآآآآآآآآآآآآآآمين.. ام علي\هديل إصدقيني القول.. كيــف زوجك معك؟؟لايكون مضايقك أو قاهرك..؟؟ هديل بهدؤ\لا يومه تطمني أنا بخير.. وامورنا الحمدلله زينة ومرتاحين.. ام علي\يومه انا نبهت سارة عليك.. والله افتشلت منها..كنت اتمنى اكون انا معك او غادة.. هديل بحنية\فديتها والله السوري لها غلاتكم.. ولاتشيلي هم راسها والف سيف تنام عندي الليلة.. ام علي تضحك\ههههههههه توني متهاوشة معها.. تقول بعدك ماسويتي العملية تبي تقش الاسواق.. هديل\ههههههه الدوووبة هي جاية في مهمة لازم تأديها.. ومن عيوني لما اطلع من هنا ما اخلي شيء بخاطرها.. ام علي\أمنتك على نفسك يا هديل.. لاتقهرينها ولا تخلينه يقهرك.. نفسك أغلى علي منك ومن ضناك وزوجك.. هديل بغصة\أحبـــك يومه.. ام علي\عساك من هل الجنة ياروح امك.. سلمي على قلبك الطيب.. هديل\الله يسلمك..وصلي سلامي لابوي وعسوولة وغادة.. وإخوانــي كلهمممم يومه كلهم.. ام علي\إن شاء الله فمان الله يافديتك.. قفلت الجوال.. ونزلته على الطاولة.. رفعت راسها وناظرت في غازي.. هديل\بنت عمي بتجي عندي الليلة.. ابيك تطلع من هنا ولا ترجع.. فسخ جاكيته ورماهـ على الكنبة.. نام ع السرير وحط ذراعه على عيونه.. غازي\كلمت ولد عمك وقلت له أنتهت الزيارة.. بكرة يوم جديد..ويزورونك بعد العملية.. هديل بقهر\أنا قلت لها تجي..أبيها تكون عندي.. غازي\وانا ابيك عندي.. ولا واحد منا تتحقق أمانيه.. تعالي نامي.. هديل بغيض\قوم إطلع برا..أنت مستحيل تتغير.. أي شيء يضايقني تسويه..إطلع برا إطلع.. وقف وراح لها..جلسها على الكنبة غصب عنها.. جلس جنبها وثبت وجها قدام وجهه.. غازي بهدؤ\ما ابيك تتوترين وتخافين.. بإذن الله انتي وذياب بتكونون بخيـــر.. العملية ماراح تكون صعبة.. هديل برجفة\مو اكيد راح تنجح.. أخاف ما اقدر أساعدهـ.. أبيه يكون بخير..لو يقدرون يأخذون النطق مني ويعطونه إياهـ.. هو كل شـــــيء أحبه..ما ابيه يموووت.. ما ابيه يموووت.. ضمها وهي بكت بخوف.. ومن دون اي تحفظ تكلمت عن طفولة ذياب.. كيف كانت تصحى على صوت بكاهـ .. وكيف أدركت إنه مريض ويعاني لم يغمى عليه فجأة.. تكلمت عن العابه وعن لقافته لما يرمي اي شيء بيدهـ ع الأرض بقووة.. وحتى لو كانت تترجاهـ مايرمي اغراضها يرميها وهو مبسوووط ويضحك.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛ رحبت بمرام ودخلتها مجلس النساء.. مستغربة من زيارتهاالمفاجئة من غير موعد.. مرام\أدري من غير موعد..بس كنت مارة منهنا قلت اسلم.. خلود تبتسم\حياك الله البيت بيتك.. مرام\من هذا المصارع اللي واقف عند باب بيتكم..؟؟ خلود تتنهد\ولد جيرانا.. مرام بابتسامة\عيـــسى..؟؟ خلود بعصبية\ووجع..ليه تتبوسمين..؟؟ مرام\أعووذ بالله ماقصدت شيء..قووومي نادي أمك ابيها في سالفة.. خلود بفضول\وش تبين في أمي..؟؟ مرام\عنبوا ابليسك نادي امك ابيها.. خلود\طالعة مشوار الجمعية..وش تبين فيها..؟؟ مرام بزعل\الله يسامحك يا خلود ليه مارحتي معها.. خلود\إبراهيم راح معها..وانا توني راجعة من مشوار.. مرام\راجعة من وين..؟؟ خلود\امممممم احم ..أنــ....كنت عند الدكتور.. مرام تخفي إبتسامتها\دكتوري..؟؟ خلود\ماهو دكتورك لحالك..حتى انا صار دكتوري.. مرام\ياسلام من متى..؟؟ خلود\إيه دكتوري..بصراحة صرت ارتاح لهذاك الشايب.. أحس براحة لما اتكلم معه.. مرام\اممم كيف مافهمت..؟؟ خلود\مدري بس هو طيب..صح يهزئني ويرفع ضغطي... بس طيب مرة ومايجامل بكلامه..إنسان واقعي وصريح.. مرام بخبث\وش رايك تتزوجينه..؟؟ خلود\ماعندي مانع.. مرام\لا فديتك عندي اللي أحسن من الشايب.. بس أنتي عطيني الضؤ الأخضر.. خلود\صايرة خطابة مع وجهك..؟؟ مرام\إسمعي مني ماتبين ترتاحين من ولد جيرانكم المؤذي..؟؟ خلود\ياليت..بس ما ابي ابتلي برجال ثاني.. إن كان الشايب بيخطبني بأوافق عليه وبشرووط.. بس واحد ثاني ولا يقرب.. مرام\امممم والله مسفر ولد أختي طيب وخلووق ويهبل.. خلود بعصبية\نعــــــــــــم..منهوالطيب؟؟منهو الخلوووق؟؟ أقول عدلي كلامك قبل أذبحك.. مرام بصدمة\أعوذ بالله..وش فيه فديت طووله وعرضه..؟؟ وش اللي مو عاجبك فيه؟؟ خلود\نسيتي إنه قاتل ومحكوم إعدام..؟؟ مرام تشهق\ميــــــــــــن المحكوم إعدام ..؟؟ خلود\ولد أختك ..مو كان بيذبحني هذاك اليووم.. مرام\حسبي الله على عدوووك..فجعتيني.. وبعدين الى متى تتبلين المسكين..؟؟ خلووود\هذاك مو مسكين عســاهـ الــ....... مرام تكتم فم خلود\إنطمي ولا كلمة.. لاتدعين على ولد أختي أذبحك.. مو توك تقولين موافقة على الشايب..؟؟ خلود تبعد يدها\وش جاب الشايب النبيل الجنتل.. عند مسفر المجرم القاتل الجاني.. مرام تضحك\ههههههههههههه نفسيـــة انتي جداً.. كلامي ماهو معك..كلامي مع الكبيرة امك.. خلود\لا تخليني أطردك من البيت.. مرام\كل هذا عشان الشايب.. طيب وإذا الشايب نصحك برجال طيب بتوافقين.. خلود\طبعاً لا.. مرام\مو توك تقولين تثقين فيه ومن هـ الكلام.. خلود\أثق فيه هو يعني شوي مو كثير..أحس وراه سالفة.. بس بينه وبين ولد اختك..اكيد هو.. مرام بخبث\أجل مبروووووووووووك يا كنتنا.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة كانوا الممرضات راح يأخذونها لإجراء تحاليل.. لكن غازي منعهم من لمسها.. أستغربت تصرفــه.. طلع من الغرفة ورجع بعد وقت معه كوب ماء.. مدهـ لها وهي مارضت تاخذهـ.. هديل بهدؤ\انت دكتور..ومااعتقد إنك نسيت.. إن احد قوانين إجراء العمليات لا أكل ولا شرب قبل العملية.. غازي\هذي العملية غير..أشربي .. هديل\إشرب أنت اول.. غازي\شربت برا.. هديل بحدة\أنت إلى متى بتظل تعاملني بتملك..؟؟ تعتقد إني ما ادري وش ناوي عليه..؟؟ أنا باتبرع لذياب..حياتي وموتي فدوة له.. ما راح اسمح لك تغدر فيني..وتحملني جميـــلك.. ما ابي لك دين برقبتي..وإذا أنت تبرعت لذياب.. بيكون لك دين عندي.. غازي بقسوة\أنتي ضعيفة وماتقدرين.. هديل بقهر\لا أقدر..أنا ولدته.. وهذا أكبر دليل على إني قادرة ع العملية.. غازي\أنسي الحرب اللي بيني وبينك.. إنسي كرهك لي..هديل أنتي أضعف مما توهمي نفسك.. أنا جاهز للعملية..وبأتبرع لذياب.. هديل تبكي\والله العظيم ماتسويها.. أنا مو غشيمة يا غازي... إذا انت سويت العملية الشلل نتيجة حتمية ولو بعد سنين.. أنا ماهي صعبة علي.. بأتالم بهذا الوقت وبعدها مابيكون فيه أضرار.. صرخت بقهر\انا بأسوي العملية مو أنت.. كون لي عوون وسند ولو مرة في حياتي.. خلني أحس إني أهمك اكثر من نفسك.. غازي\لك اللي تبين من بعد العملية.. لما اصحى انفذ وعدنا وترجعين لهلك.. بس إن كنتي انتي فمابينا وعد.. هديل\هددني بكيفك.. وإن صحيت..تحمل ذنوبك.. ألتفتت على صوت الباب.. شهقت من الصدمة.. لما شافت أمها وابوها وعلي.. هديل بنحيب\يووووومه.. ضمتها بقوووة وهي تبكي.. وأمها تحضنها وتقبلها على جبينها وراسها.. هديل بزعل\والله محتاجتكم... بسني غربة يووومه..بسني قهر منكم.. إلى متى باظل ساكتة انتظر وصلكم.. ام علي\كله منهم..كنت باقولك امس.. بس اخوك حلفني ما اعلمك.. هديل\لانه دوووب..كنت بادخل العملية قبل اشووفكم.. أبتعدت عن أمها وضمت ابوها وقبلت جبينه ويدينه.. هديل\تقبل الله ياالغالي.. ابوعلي\منا ومنك يا روح ابوك.. ماظنيت سفرك قريب ولاكنت باجلها.. هديل بمحبة\الحمدلله لكل شيء حكمة.. ابوعلي\الحمدلله..طمنيني عنك.. هديل بخوف\الحمدلله طيبة.. بعد شوي باروح العمليات.. علي بهدؤ\بس غازي قال هو بيسوي العملية عنك.. هديل\لا غازي مايصلح.. رفضووهـ.. علي بحدة\لاتكذبين علي.. هديل بغصة\سألتك بالله تكون لي عون ماهو بفرعون.. أنا باسوي العملية..هذا روحي وقلبي.. دخلوا الممرضات واخذوها معهم لقسم العمليات.. مشت معها امها وابوها.. وعند باب القسم ودعوها.. بس غازي دخل معها القسم.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ دكتوٌر تكفى جهز الغرفة الحينً ونادَ استشاريينِ علمّ الجراحهِ بنجيكِ انآ والليّ عشقتهِ من سنينّ منّ بـعدنآ ماشافتّ العينّ راحهِ دكتورّ تكفىَ مانبيَ انكوٌنَ شخصينّ شفِ لكِ !! طريقهِ تختصرَ هالمسآحهِ مالوٌمكّ !! اليا قلتّ عنآ مجانينّ العقلّ رآح ّوسمّح الله مراحهّ حنا انتبنّج منّ تجيّ العينّ بالعينَ مآحنآ بحآجهِ للمخدرَ صرآحهِ دكتورَ لحظهِ .. بسّ تبيّ تبديَ منينَ ؟ ابيكّ تبدىَ فيّ .. !! ماقوىَ صياحهِ ماقوىَ نزيفّ الدمَ منّ نآسّ غالينّ وماقوىَ علىً دمعٌه بحزة مطاحهِ دكتورّ تكفىً بسَ اعلمكَ !! بامرينّ وديّ صبآحيّ مايفارقّ صباحهِ هالآدميّ يسوىً بعينيّ ملايين ّ حكمتّ قلبهِ واستطعتً اكتساحهِ لكنّ امانهِ تبتديّ فينيّ الحين ّ حآولَ تخيّطناّ !! بسلكّ الجراحــهِ غازي برجاء\تبين أترجاك.. ما اتحمل أشووفك تعبانة ومريضة.. خليها هذي المرة فيني أنا.. هديل برفض\لا.. غازي\أنا وأنتي جاهزين للعملية.. هديل لا تخليني اجبرك.. هديل برجاء\تكـــفى لا تسويها وتجبرني.. أدري إنك تقدر تمنعني بالقوة.. بس لا تجبرني الحين.. خلني راضية باللي راح اسويه.. لم يدينه حوالينها وضمها له بقووووة.. قبلها على خدها وهو يهمس لها بكلمته القديمة.. الكلمة اللي رددها عليها آخر أيامها في إيطاليا.. دمعت عيونها لما ادركت إنه ينتظر منها كلمة اخيرة.. ماقدرت تنطق مسمووح..ولا تبادله مشاعر الحب.. أبتعدت عنه وعيونها في عيونه.. تشوف حبه في عيونه..ويشوف الصد في عيونها.. تنهد بآآآسى وقبل يدها .. دخلت مع الممرضات بأحد الغرف.. لبست ملابس العملية..وهي تقرأ كل اللي حافظته من القرآن.. طلبتهم تشوف ذياب قبل تبدأ العملية.. سمحوا لها بس من خلف الزجاج.. بكت على شكله والأجهزة حوله والاكسجين عليه.. قرأت عليه من بعيد ودعت الله يحميه.. سمت بالله و نامت بالبنج.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ أبتسمت وهي تسمع تعليق طالب على ولدهـ.. كان يكلم راجح وكل شوي يطلع بسالفة ولادة جديدة.. طالب\أقووولك ولد وحن في الملاهي.. طلع وصار يلعب معنا.. راجح\هههههههههههههه يالنذل ما احد ياخذ منك حق او باطل.. طالب\طيب خلاص باقولك الصدق والله يعيني اقووله.. لان لساني كذووب وإن ماكذبت او لفقت احس بشيء غلط.. راجح\الله يعينك على نفسك.. يالله قوول.. طالب\كنت امشي في الشركة وجنبي صاحبي.. إلا وجوالي يدق..عاد شفت الاسم وعبست وجهي وعقدت حواجبي ورديت.. تفاجئت بصوت ام زوجتي وأم أخوي تصرخ وتستنجد.. خير اللهم إجعله خير وش صاير.. إلا وتقول إلحق زوجتك زحلطن في الدرج وهي بتولد ومدري وشهو.. عاد أنا كنت باقفل الجوال واصكه في جبين صاحبي.. ألحين كل هذا الإزعاج عشان شوق بتولد..وانا حسبت إني ماسددت الفاتورة.. راجح فاطس ضحك من اول السالفة\هههههههههههه لا الحمدلله طلعت سلامات.. أنت مسدد الفاتورة تطمن.. طالب\إيه عاد تدري خفت يقولون ماسددت وانا مسدد.. المهم اتصلت بسيارة الإسعاف.. قلت انتوا فاضين..قالوا وش في خاطرك.. قلت ابد إذا كنتوا فاضين نبي فزعتكم المدام عندها ولادة.. وجاو واخذنا ام البطل المستشفى والبطل يسوق الإسعاف.. راجح\لبى اللي يسعف امه.. طالب\ههههههههههه بعد ماكسرها اسعفها..هب عليه من ولد.. أم غازي\أستغفر الله ياربي.. أنت متى بتعقل..؟؟كل هذا ذم في ولدك.. طالب\يستاهل مو هو اللي كسر أمه..كسر زوجتي..عصقوولتي.. شوق بتعب\هههههه خلاص طالب سامحه.. طالب\عشان عيونك الحلوين نسامحه.. ام غازي\كلمك غازي..؟؟ طالب\إيه كلمني وقلت له إنها ولادة في المستشفى وبخير.. ماجبت له طاري عن البيت و الكسر.. ام غازي\كذا احسن..الله يشفي ولدهـ ويقومه لهم بالسلامة.. والله ليتني عندهم.. المسكينة ما احد معها من هلها.. طالب\اممم بلى هلها عندها هناك.. راجح قالي إن اخوها كلمه وطمنه عليهم.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة صبَاحَ الخِيرْ وِإنْ غَرّد عَلى ذِيگ السوَاقي طيرْ صبَاحَه والضمَا والجُوعْ تلاعبْ غَفلةالسّاقِي... مَادامِگ مِلْهِمِي يِسعِدْ صبَاحْ ٍالصّــد وَالتّقصِيرْ صِبَاح آلبُعدْ وِإنْ حَرگ حَنِينْ أعمَاقِگ أعْمَاقِيْ.. صِبَاح تِزهِرْ أَورَاقه عَلى غِصْن العتَبْ نُوّيـرْ يِبَللهَا نِدَى هَمسْ القلُوبْ وطِيفِـگ البَاقيْ.. تمرْ بخِيرْ هَالضِيقه مِنَ الخَاطِر تِمرْبخِيـرْ تِغيبْ الشّمْس وِيغِيب الحَنِين وتسگنَ أوْرَاقِي... فتحت عيونها بتعب.. وهي تحس بوخز موجع بجفونها.. بين رمشات جفونها لمحت عيونه تتأملها.. وإبتسامته تحييها.. حاولت تتكلم بس ماقدرت بسبب العطش.. حطت يدها على يدهـ.. نزل راسه وقبلها بحنية.. غازي بمحبة\الحمدلله ع السلامة يا أطهر ذنوبي.. هديل بوجع\ذذ......ذيــ.... غازي بهدؤ\الحمدلله بخير.. صحى قبلك بيومين..خوفتيني عليك.. هديا تبكي\ششــ....شفتك تموت.. غازي\وأنا شفتك تهربين.. أحبك ياهديل.. أبتسمت بألم..واشرت على رقبتها.. قرب منها كوب ماء ورفعها بخفة يشربها.. غازي\هششش بس شوي..لا خلاص.. أبعد الماء عنها وهي باقي عطشانة.. غازي\تحملي شوي.. هديل\باشوف ذياب.. غازي\الحين اجيبه لك.. وانادي امك وابوك.. غمضت عيونها تحبس دموع الخوف.. حتى وهي في العملية وتحت البنج مسيطر عليها.. حنيته مغلفتها القساوة.. أبتسمت وهي تشوف أمها وابوها عندها.. سلموا عليها وتحمدوا لها بالسلامة.. ابوعلي\اللهم لك الحمد والشكر.. مبرووك نجاح عمليتكم يابنتي.. هديل بغصة\نجحت عملية ذياب..؟؟ ابوعلي\الحمدلله نجحت وربك شافاهـ.. هديل\اللهم لك الحمد بعدد حملة عرشك وملائكة سماواتك.. الحمدلله والله رديت لي الروح يوبه.. ابوعلي\الحمدلله ..الحمدلله.. هديل\يوممه وش فيك..؟؟ ابوعلي\مافيها الا العافية.. هديل\يووومه..؟؟! ام علي\............... علي\الحمدلله على سلامتك وسلامة ورعك.. هديل\الله يسلمك..بالله عليك كيف حاله.؟؟ شفته احسن من اول..تكلم..؟؟ علي\صلي على النبي ياهديل.. توكم مسوين العملية..لازم ياخذ فترة وتصلح امورهـ إن شاء الله.. هديل\يوومه انتي شفتي ذياب..؟؟ علي بحنية\أمي مابترد عليك.. هديل\ليييه..؟؟يوومه وش فيك؟؟ علي\امس هاوشت غازي وتوطت في بطنه.. وطردته ما يشوفك..واليوم وصلنا المستشفى الا وهو قدامنا.. قال لنا إنك صحيتي وصرتي بخير..وبيروح يجيب ذياب.. هديل تناظر أمها\يووومه..؟؟ ام علي\الحمدلله على سلامتك.. أجر وعافية يا بعدي.. هديل\تعالي جنبي.. قربت منها ضمتها وبكت غصب عنها.. هديل\يومه إذكري ربك..ليه ضايقة كذا.. الحمدلله انا بخير وولدي بخير.. ام علي تبتسم\كنت خايفة عليكم.. هديل بهمس\صدق طردتي غازي امس..؟؟ ام علي\إيـــه طردته.. هديل\كيف طاوعك وراح..؟؟ ام علي\قلت له انا أم هديل.. و........... ولازم يطيعني.. هديل بتعب\فديتك ياروحي.. لاتزعلين أنا بخير والله.. ام علي بزعل\لاتحلفين وانتي كذابة.. بترجعين معي السعودية.. هديل\أكيد بأرجع معكم..الحمدلله تمت العملية.. ام غازي بحسرة\لاتقولين اكيييد يوومه لاتقولين.. قولي ان شاء الله.. ناظرت امها محتارة من نظراتها وزعلها.. وش صار بينها هي وغازي.. وليه طردته من عندي..؟؟ وليه شاكة إني بأرجع معهم..؟؟ أبتعدت عنها لما دخل غازي وذياب معه.. جلست بمساعدت علي وضمت ذياب على صدرها بمحبة.. بكت وهي تحس فيه تعبان.. نزلت وجها على صدرهـ وخبته فيه.. شمت ريحته وقبلته على صدره ورقبته ووجهه.. خرجت أمها لما شافت غازي جلس جنب هديل.. وهذا كان تصرف أبوها واخوها.. هديل تبكي\وش قال الطبيب..؟؟ غازي\تطمني..الحمدلله هو بخير.. هيل\وش صار وقت العملية..؟؟ غازي\أستخدموا الحبل السري اللي اخذوه منك بعد ولادة ذياب.. ومع اللي خذوهـ منك قدروا يحييون الالياف اللي حوالين النخاع.. والحمدلله هذا ذياب بخير.. هديل تبتسم\الحمدلله رب العالمين.. غازي بجمود\أمك مصممة ترجعين معها السعودية.. هديل بهدؤ\إيه إن شاء الله بأرجع معهم.. لما اتحسن أنا وذياب.. غازي\العلاج باقي ماخلص.. والسفر ماهو زين بحالة ذياب وحالتك.. هديل\أدري..ماراح نسافر الا لما يسمح لنا الطبيب.. غازي\وأنا مو سامح لكم.. هديل تتنهد\غازي ماهو وقت حرب وهواش.. متفقين نرجع بعد ما يتعالج ذياب.. غازي بغموض\وذياب الى الحين ما تعالج.. ما انتهى علاجه ولا علاجك.. هديل\انا مافيني شيء.. وذياب قد ما يلزم علاجه أنا مستعدة.. غازي\معناتها قولي لهلك إنك ماراح تسافرين معهم.. هديل ببرود\لا بأقول لهم يأجلون السفر..لحتى نقدر نسافر.. غازي بغيض\لاتعلبين معي.. أعصابي هذي الأيام ابداً ماتتحمل .. وقبل لا تسالين..هذا تهديد مو نصيحة.. طلع من الغرفة.. وهي شدت يدينها حوالين ذياب.. وش اللي صار بينهم.. هو وأمـــي مو طبيعيين.. لازم اعرف .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛ همي طواني واكثر الناس لا هيّن ماحدٍ درا عني ولاحـدٍ نشدنـي ... نزل في مطار روما.. يدري إن هله كلهم موجودين في إيطاليا.. بس مايبي يقابل احد منهم.. مايبي يقابل احد غير هديل.. مر عليها أكثر من اسبوع بعد العملية.. تمنى لو يشوفها ولو من بعيد.. توجه لأحد الفنادق .. رمى شنطته اللي تحوي أهم الأوراق الخاصة بقضية غازي.. صلى ونام على سريرهـ.. غمض عيونه بس ماقدر ينام.. يحس بنار تاكل في صدرهــ .. كل شيء صار واضح ومفهوم عندهـ .. مايبي هديل تعرف اللي هو عرفه.. ولا يبي غازي يدري إن كل ماضيه صار عند هادي.. يتمنى لو يقدر يدفنه مثل ما طلعه من دهاليز النسيان.. أنسب حل لهديل هو إبتعادها عن غازي.. حياته كانت صعبة كثييير.. وقسوته وجبروته كانت نتيجة للي صار معه.. مايبي ينتقم منه ولا يفضح ماضيه.. كل اللي يخطط له هو إبتعاد هديل عن غازي.. لازم يتركها ترجع لـ هلها.. رد على جواله لما شاف اسم علي.. تطمن إنهم رجعوا السعودية.. وامه زعلانة على هديل وعليهم .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛ جالسة جنبه في السيارة.. تحاول تكتم شهقاتها ماتطلع منها.. ناظرها بطرف عينه.. غازي\مايسوى كل هذا الزعل.. تحملي إسبوع مواعيد وبعدها ترجعين لامك.. هديل بقهر\هي قالت لي.. مابترجعين معي..وأنا قلت اكيييد بارجع معك يومه.. وطلعت تعرفك اكثر مني.. غازي\إن عرفتني أمك أكثر منك هذا خطاك ماهو خطاي.. هديل\أنا ابي اعرف وش صار بينك وبينها.. أمي كانت معي ولا هي معي... فيه شيء كبير مضايقها ومزعلها.. كل ماشافتك صدت عنك..وكل ماشافتني ادمعت عينها.. غازي أنت وش سويت لامـــي..؟؟ غازي بغموض\في المزرعة بتعرفين.. هديل\لا الحين ابي اعرف.. وبعدين انا قلت لك ما ابي ارجع المزرعة ما ابيييييييييي.. غازي\لازم ترجعــــين.. كمل طريقه وهي بكت لما تذكرت وداعها لأمها.. هديل برجاء\يوومه خليك معي.. اخلص مواعيد ذياب ونرجع مع بعض.. ام علي بزعل\لايومه..ابوك واخوانك بيقدرون يرجعونك.. انا ما اقدر على شيء.. هديل بغصة\ما احتاجهم كثر حاجتي لك.. ام علي تبتسم بحسرة\بكرهـ ترجعين وبتكونين بخير.. حلفتك بالله يا هديل..لاتسوين شيء ما انتي مقتنعة فيه.. أنتبهت على السيارة واقفة عند القصر.. نزلت من السيارة ووقفت مكانها.. تبي تروح الملحق.. بس هو مسك يدها وشال ذياب منها.. اخذها معه لــ داخل القصر.. صابتها نفس حالة الحنين.. كل شيء حوالينها له ذكريات.. وإن كان اقل قليلها ممتع.. إلا إنها ذكريات مغلفة بالقسوة.. أخذت ماريا ذياب من يدين غازي.. وأمرها تخليه معها.. دخل المكتب ويدهـ في يدها.. جلسها وجلس جنبها.. غازي بهدؤ\تبين تعرفين ليه أمك زعلانة..؟؟ تمنت لو تقول لا ما ابي اعرف.. لو تهرب من قدامه ووتخبىء بعيد عنه.. ليه خايفة من اللي بيقوله.. ليه تحس إنها تحتضر وأنفاسها بتفارقها اول مايتكلم.. غازي\أولاً جاوبيني.. أنتي ناوية على الفراق..؟؟ هديل بخوف\لاتظن إني راضية على اللي بيصير.. أنا ابي الطلاق لاني ادري مانقدر لبعض.. انا مستحيل اسعدك او ارضيك.. ومستحيل اقدر انسى اللي صار بينا.. تنازلت عن حقدي عليك هذي الشهرين.. دفنت انتقامي منك عشان اعالج ذياب وبعدها نفترق.. بينا وعد.. غازي بجمود\صح بينا وعد.. وقلنا لما يتعالج ذياب نفترق.. بس يالغاليـــة..ذياب بعدهـ ماتعالج.. هديل\الحمدلله عمليته نجحت.. غازي\نجحـــت..؟؟ صح هي نجحت لمدة الثلاثة اشهر القادمة.. أو الستة اشهر..او السنة.. أكثر من سنة ماراح يتحمل الا بعملية ثانية يمكن اخطر واكبر من هذي.. شهقت بخوف ووقفت.. هديل بغصة\ببـ.....بســ هم قااالوا.......... وقف وقرب منها.. غازي\أدري وش قالوا..بس النتائج عكس ما قالوا.. فيه طريقة ثانية لعلاج ذياب.. لا أنا ولا أنتي نقدر ننقذ أليافه.. هديل بصراخ\لااااااا.. لاتقووول بيموووت..هم مو الله.. مايقدرووون يحكمون بمووته.. مالهم حق يقولون بيمووت.. غازي\ذياب محتاج أخ .. من مشيمة اخـــوهـ نقدر ننعش ألياف ذياب.. وبكذا وبقدرة الله نمنع عنه الشلل والعمى.. محتاجين اخ لذياب يا هديل.. إلى الملتقى بإذن الله تعالى فجر السبت .. كونوا بخيــــــــــــــــر .. صدووود’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البارت الثالث والثمـــــانون ... أحس بالرعشة تعتريني و الموت يسترسل في وتيني و موجة الإغماء تحتويني فقربي مني و لامسيني مري بكفيك على جبيني و قبل أن أرقد حدثيني قصي علي قصة السنين حكاية المشرد المسكين طوف عبر قفره الضنين يشرب من سرابه الخؤون و يشتكي النجود للحزون و جرب الغربة في السفين و هام في مرافئ الجنون كسندباد أحمق مأفون و عاد بالحمى و بالشجون محملا بصفقة المغبون.. المرحووم بإذن الله تعالى ..غازي القصيــــــــــبي .. شهقت بخوف ووقفت.. هديل بغصة\ببـ.....بســ هم قااالوا.......... وقف وقرب منها.. غازي\أدري وش قالوا..بس النتائج عكس ما قالوا.. فيه طريقة ثانية لعلاج ذياب.. لا أنا ولا أنتي نقدر ننقذ أليافه.. هديل بصراخ\لااااااا.. لاتقووول بيموووت..هم مو الله.. مايقدرووون يحكمون بمووته.. مالهم حق يقولون بيمووت.. غازي\ذياب محتاج أخ .. من مشيمة اخـــوهـ نقدر ننعش ألياف ذياب.. وبكذا وبقدرة الله نمنع عنه الشلل والعمى.. محتاجين اخ لذياب يا هديل.. هديل بحيرة\أخ..؟؟! غازي بهدؤ\إيـــه أخ.. أنتي امه وانا ابــوهـ.. أبتعدت عنه بخطوات مهزوزة.. وهي تردد كلامه بصدمة ومن غير وعي.. هديل\أنا أمه..أنــ...ــا ؟؟ ذياب يبي أخ..وأنا أمه..؟؟ أنت مجنون؟؟! غازي\مجنون؟؟ لا مو مجنون..وعلاج ذياب عندك أنتي.. حقنوا الالياف وقدروا ينعشونها.. بس محتاجين مورثات جينية حتى يمنعون تلف الألياف.. لأن تلف الألياف ممكن يسبب له شلل كامل أو عمى.. ذياب محتاج أخ يساعدهـ وينقذهـ.. دارت بمكانها وهي تسمعه يتكلم.. مررت يدينها على وجها ورقبتها.. حست إنها مخنوقة وماتقدر تتنفس.. علاج ذياب عندك انتي.. علاج ذياب عندك انتي.. هديل بصراخ\خلاااااااااااص.. أسكت لا تكمل كلامك.. كل كلامك كذب وتلفيق.. ذياب علاجه عند ربه ماهو عندي.. أنا ما اقدر أعالج ذياب..ما اقدر أعطيه اكثر مما عطيته.. لاتحاول تجبرني عليك وعلى حياتك.. لا تستخدم ذياب في حربك يا النذل.. غازي\الموضوع اكبر منك هذي المرة.. ماراح اخلي ذياب يتعب وانا اقدر اعالجه.. مستحيل اشوف ولدي يتعذب مثل ماتعذبت اخته من قبله.. ذياب بحاجة أخ..ولازم تجيبين له اخ.. هديل بقهر\ما اقـــــــــدر.. مستحيييييييييييييل..لا لا لا.. انت واحد مجنون ومنتهي..أنت مجنوووووووووون.. أكرههههك أكرهك.. رووح تزوج..خلف وانقذ ولدك.. أنا ما اقدر أساعدكم اكثر ما اقددددددددددر.. لا تطلب مني ولا تتفرعن علي.. أنا باخذه وارجع السعودية.. والله بيتلطف فيه وبحاله.. عش حياتك متوحد وظالم وقاهر.. بيجي لك يوم والله ينكبك بكل ذنوبك.. غازي بجمود\لازم تهزمين خوفك.. وتتنازلين عن قناعاتك.. ذياب أهم منك عندك صح..؟؟ هديل تبكي\لا مووو صح لا.. أنت تتمنى هذا الشيء يصير.. بس ماراح يصير لا لا .. غازي يتجاهل كلامها\سنة ياهديل.. ويمكن تنتكس حالة ذياب..هذا كلام الطبيب.. هديل بعجز\رووح لـ الطبيب وقله.. قله مانقدر نجيب اخ.. قله أنت وش سويت فيني.. قووول كيف قتلتني..قوووله إني أكرهك.. إكشف لهم ليييه ما اقدر انقذ ولدي .. قل لهم إنك عذبتني مووووتني.. انا ما اقددددددددددر..انت السبب أنت.. الفكرة تذببببببببببح.. الله يقهرك مثل ماتقهرني.. غازي يقرب منها\تقدريـــن.. والقهر ذقته قبل لا اعرفك.. وشربته بعد موتك.. مابأخلي القهر يأكل باقي حياتي معك.. إنسي اللي صار يا هديل.. صرخت بوجهه بكلمه آآآآآآآآآآهـ بكل صوتها.. وهي تشد على شعرها وتضرب الأرض بارجولها.. شالت كل اللي على مكتبه ورمتها عليه.. كسرت الفازات الموجودة قدامها.. الكتب المرصوصة رمتها على الارض.. قطعت اوراقه.. هديل بإنهيار\لاااااااااااااااا.. ماراح انســــــــــى.. ماراح انسى اي شيء إنت سويته فيني.. كيف أنسى وأنت كل يوم تزيد في خطاياك.. كل يوووم تبني جسوور بينا كييييييييييف؟؟ ماراح انسى كرهك لي..ولا حقدك.. ماراح انسى إني خسرت حياتي وهلي ودراستي.. أبوي وامي واخواني..خسرررررتهم.. صارت علاقتنا كذبة نحاول نصدقها.. أنا ميته بس مالقيت لي قبر يضمني مالقييييييييييييت.. مابأنسى كلام الناس عني وأكلهم في لحمي.. ما ابي ارتبط فيك لآخر عمري.. أنت بتنسى كل شيء..بس أنا ما اقددددر أنسى ما اقدر.. ذياب وكاسر ظهري لأنه بيظل يذكرني بحياتي معك.. بإجبارك لي على نفسك.. ما ابي أخووه يربطني فيك بذكرى تقهرني.. ما ابي حياتي كلها تكوون قهـــــــــر ما ابــــــــــي.. خرجت من المكتب وتركته يناديها.. كرهت القصر وكل اللي فيه.. فتحت الباب الرئيسي وخرجت.. ركضت هاربة منه ومن القصر.. من صوت ذياب ومن كل ذكرى تمر فيها.. دخلت الإسطبلات وهي اللي كانت حالفة ماتدخلها من بعد ماضربها.. ناظرت الخيول بحضائرها.. دخلت الحضيرة اللي ضربها فيها.. تجمعت الدموع بعيونها.. وهي تتذكر حالها تحت يدينه.. يضربها بسوطه وهي تصرخ تترجاهـ يسامحها.. بكل قهر أخذت السوط من على أحد الحواجز.. وصارت تضرب على الأرض في المكان اللي كانت طايحة فيه.. هديل تبكي بقهر\جاااارية..طول عمرك بتظلين جااارية.. مجبووورة تظلين معه..كل شيء بينعاد.. ياجارية يا رخيصة..مالك غيرهـ.. يهينك ويقهرك ويجبرك على حياته.. أكرررررررررهك يا هدييييل اكرهك.. ليييييييش مامتي..ليييه رجعتي لهم.. لييييييييه مامتي من سنين..؟؟! باعوك جارية وتظلين جارية أكرهك أكرهك.. ألتفتت على صوته يناديها.. رمت السوط عليه بقوووة.. هديل بنحيب\كمل اللي بديته..؟؟ الجارية رجعت..اضربها وعاقبها على هربها.. اضرب زوووجتك يا محترم.. أجبرها على نفسك وعذبها.. مارس عقدك يا مريييض يا معقــــــد.. إجلدها بسوووطك..أترك آثار وعلامات.. اوسمها بوسم الجواري.. ماهو مابقى لها غيرك.. أعترفت خلاااص مابقى لي غيرك.. خذيتني منهم ولما رجعت ومالقيت لي مكان بينهم.. لأني مو بنتهم اللي تركتهم.. أبـــــــي هديييل..رجعها لي أبييييييها.. ابي حالي وين وديتني وييييييييييين؟؟ بأي حفرة دفنتني..؟؟رجعني ليييي رجعني.. قرب منها ضمها له .. وهي حست برجفته اقوى من رجفتها.. مستحيل يكون المك اقوووى.. بكت وهي تشكي له منه.. تشكي غازي القديم الظالم.. لغازي العاشق المتيم.. بعدت نفسها عنه.. وجلست على ركبها .. مررت يدينها على القش وهي تتذكر كيف زحفت عليه.. لما كانت تحاول تهرب من سوطه وضربه لها.. هديل بألم\ترجيتك ترحمني.. ليه ضربتني؟؟ماظلمتك ولا غلطت عليك.. ليتك ماضربتني..كنت صغيرة كيف قويت تضربني..؟؟ كنت اصرخ واترجاك توقف ضرب.. لييييه ماوقفت..لييه ماعاقبتني باي شيء ثاني؟؟ ليه مارحمتني وانا كنت اتوجع واصرخ من الألم.. وجعتـــني كثييير.. زعلت منك..وشلت بقلبي عليييك.. كنت تضربني وتقسى علي..بس بعدها تحاول تراضيني.. بس بعد السوط ماقدرت اسامحك..أنا إنسانة مو بهيمة.. إنســـــــانة يا قاسي يا جلمووود.. صوت السوط وهو يضرب ظهري لازال يرعبني.. كرهتك..وكرهت أمك وهلك كلهم.. كرهت شووووق وطالب.. وبأظل أكرهك ولو عشت معك طول عمري.. غرامك مايشرح الصدر..ولا يرضيني.. صدقني لو تكرهني يمكن اتقبلك.. مرت من جنبه ورمت القش اللي بيدها على الأرض.. وقف قدامها ومنعها تطلع.. حط يده على كتفها وهي رفعت راسها له.. مد لها السوط وعرفت معنى تصرفه.. إضربيني مثل ماضربتك.. أخذت السوط من يدهـ ورمته.. هديل بغصة\لازلت تجهـــلني.. السوط شوهني..وآثارهـ مابتختفي مني.. نار ضربه تشب في ظهري.. ما اوصل لقسوووتك..ولا لي قوة قلبك.. ما أقدر أضرب عدوي ولو كان كافر.. فكيف أضرب زوجــــي ..؟! غازي بحنين\حتى أنا فاقدها.. مشتاق اشوفها..أقابلها.. أعتذر منها على غدري لها.. ولأني أخذتها علاج لسنين وذنوب مالها علاقة فيها.. أبيها تدري إنها زوجتي وكل ضمة وقبلة كنت اعطيها لها كانت حلال.. مشتاق تصرخ علي وتضربني.. تتمرد وتوعدني تهرب ولا ألقاها مرة ثانية.. ابيها تعرف إن كل اللي سويته فيها ندمت عليه.. من صفة الجارية..من اسم رسل..من تجبر وضرب بالسوط وغيرهـ.. حتى مراقبتي لها ودخولي غرفتها من دون اذنها.. بتضييق الدنيا حوالينها وتشكيكها بوعيها وهذيانها.. عشت بكذبة موتها..ندمان على كل كلمة وكل جرح.. أتذكرها حتى وانا نايم.. اشوفها في عيوني..في يديني.. في مكتبي وغرفتي..في الماء.. ومع طيور السماء.. أتخيلها تكلمني..تهمس تترجى.. وهمساتها اللي مافارقتني ..هي دعوتها الصادقة علي.. بان الله مايبيحني ولا يحللني على كل شيء سويته فيها.. ما ابيها تسامحني..أبيها تسامح حالها.. ابي هديل اليوم تتصالح مع هديل الماضي.. عشان تعيش ولو من دووني.. المهم ترجع تضحك..تدرس..تكمل حياتها.. تطوي سنواتها معي وتنساها..صعب علي أتركها.. قولي لها صعب اتخلى عنها وابتعد..وبأظل أعاندها واعاند نفسي.. بس في النهاية غلاها بينتصر علي.. قولي لها تحاربني لاني من الو يوم شفتها هزمتني.. من اول ماعرفت إنها وافقت تجيني جارية .. صارت اكبر مني ومن هلها.. ومن بعد مامسحت بطرحتها على وجها.. بعذر امسح دموعها عشان تظهر صورتها واضحة.. بس الحقيقة كنت أتاكد إن قدامي آدمية.. تكون زوجتي من دون علمها.. أول مرة شفتها عرفت إن كل شيء بيتغير.. جيتيني بآخر عمري.. وتمنيت لو قابلتك قبل أتحول لصخر جلمود.. هديل بآسى\البقاء في راسك يا ابو ذياب.. هذيك ماتت..ماتت مقهـــورة.. ليتها عرفت من تكون قبل تموت.. يمكن كانت بترجع لك.. اللي يموت قهـــر..مايذكر وصاتــه.. صدت عنه ورجعت القصر.. دخلت وهي تبكي.. قابلت ماريا ومعها ذياب.. ناظرتهم بحقد وقهر.. صدت عنهم وطلعت الدرجات .. وقفت بالممر.. وتعلقت عيونها على باب جناحه.. وكأنها تشوف آخر مرة دخلت هذا الجناح.. لما كانت مرعوووبة وتصرخ وتستنجد.. في هذيك الليلة أجبرها وهي ماتدري إنها زوجته.. غمضت عيونها وعضت على شفايفها بحسرة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة عسى السحاب اللي تكاشف بروقه تمطر هماليلـه علـى دار الاحبـاب .. وتسيـل وديـانـه وتــروى عـروقـه وياخذ ثـلاث ايـام والوبـل صبـاب .. ديــرة ولـيـف كــل زيـــن يـلـوقـه وبينـي وبينـه وقفـت كـل الاسبـاب .. عـزالله ان عيـنـي لشـوفـه شفـوقـه وفرقاه داي وشوفته كـل الاطبـاب .. ضحكت غصب عنها وهي تحاول تخفي إبتسامتها.. وقفت في الصالة وعينها بعينه.. راكان\هلا والله ومرحبا.. أسفرت وأنورت واستهلت وأمطرت.. حي الله الغالية بنت الغالي.. أم الغالي.. غادة\هههههههههه الله يحييك.. راكان\نورتي بيتك يا ام سلمان.. غادة بخجل\منور بهله.. راكان يقبل جبينها\الله يسامحك.. الحين وجهي وزولي ينعاف..؟؟ غادة\ههههههههه مالي دخل.. ولدك هو السبب.. راكان\ترى مثل ما وصيتي.. كل العطورات والخرابيط.. في المجلس الخارجي حطيتها.. عشان مايكون لك عذر وتهجين.. غادة براحة\الحمدلله..أهم شيء شلت العطر هذاك المركز..؟؟ راكان\أهديته السكيورتي في البنك.. غادة تبتسم\الحمدلله يعني خرج من بيتنا.. راكان\أبشرك خرج.. غادة بمحبة\أعذرني ياراكان.. بس والله ماكنت طايقتك وكارهتك.. راكان عقد حواجبه\وتقولينها في وجهي..؟؟ غادة\ههههههههههه أحبك.. راكان\هههههه يافديتك.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ أحب آلصدق وأعمل به كسبت أو كنت أنا آلخسرآن ولـــو صـــدقي يخسرني تشـــرفني خسارآتي... وقفت أم خلود بصدمة.. وخلود نزلت راسها خجلانة من أمها ولا تقدر تواجها.. ام خلود\تفضلين الشايب على شاب.. عنبوا ابليسك طالبك ومتعني لك ثلاث مرات.. لو مايغليك ماطلبك..والشايب اللي مافكر اصلاً يطلبك تبينه.. خلود\إيه ما ابيه.. خريج سجوون راعي مشاكل يتهاوش مع ظلاله.. بزر عقله بحجم البذرة ما يناسبني.. أنا ابي اتزوج الشايب لانه عاقل ورزين.. ما بيهاوش الناس ليه داخلين حارتنا.. ولا ليه يكلمون في الجوال.. ام خلود\يابنتي الشايب ماخطبك.. لا تخليني احلف ماتروحين عيادته ولا تزورينه.. خلود\يوووومه لا تكفين لا تحلفين علي تكفين.. والله إنه طيب وصادق.. لاتحسبينه يلعب علي او يحاول يستغلني.. أنا ماني هبلاء عشان يلعب علي.. أنا عاقلة وكبيرة.. وبصراحة يومه أحسه يتمنى اول مايشوفني لو يشوتني برا العيادة.. ام خلود\مرام يابنتي عطيني عنوان ولد اختك.. بنحول حالة خلود عندهـ.. انا ما أنكر ان الشايب ساعدك وصرتي احسن من أول.. كفاية محبتك لابراهيم وحنيتك عليه الحين.. ولا بانسى جميله معنا..بس تفكيرك ماحبيته.. قالت الشايب احسن لها..بكرهـ يموت ويخليك.. خلود\وإذا مات الله يرحمه.. أبوووي مات قبله وشوفيني حية مامت.. وبعدين المجرم ولد أخت مرام وش تبين فيه.. هذا مايعرف شيء..إذا رحت له بيعلمني كيف اقتل.. وكيف اشخط الناس بسيارتي واقوول سوري ما اقصد.. توهـ بزر وطايش..عقل الشايب يسواهـ ويسوى عشرة دكاترة مثله.. مرام بشهقة\ألحين مسفر بيعلمك الإجرام.. والشايب عقله يوزن مسفر وطوايفه..؟؟ خلود بتحدي\إيـــــــــــه وإذا عندك غير هذا الكلام.. أثبتيه بالدلائل والبراهين.. بتنكرين ان ولد أختك كان بيذبحني.. مرام بقهر\ليته ذبحك وساواك بالزفلت.. لا يا خالتي وضع الخبلة هذي ماينسكت عليه.. أجل تبي الشايب وعينها عليه..وعايفة الشباب الحلووين.. أنا كنت ناوية اخطبها لولد أختي مسفر.. الدكتوور الشهم..بس شكل مافيه نصيب وهذا تفكيرها.. ام خلوود\لا تاخذين على كلامها.. ماتعرف مصلحتها..ومسفر ماعليه قصور.. خلود\لا والله..مابقى الا أتزوج مراهق مفحط.. لا عيوني غير الشايب ما راح أخذ.. مرام\ألحين الشايب طلبك لـ الزواج.. عطاك وجه وقال باجي اتزوجك..؟؟ خلود\لا ماقال.. مرام\أجل ليه تهاوشين وتقولين مابتاخذين الا الشايب.. وهو لا عبرك ولا درى عن هوى دارك..؟؟ خلود\يقولون أخطب لبنتك قبل تخطب لولدك.. وانا بأخطب لنفسي الشايب.. ام خلود\والله يا خلود إذا ماعقلتي من هذا الكلام لأزعل عليك.. خلود\هههههههههههه يووومه فديتك امزح والله أمزح.. مستحيل اخطبه..ولو انا اعرف في الأصول.. بس إن خطبني رضيت فيه..وغيرهـ لا ما ابي.. مرام\يعني لو يخطبك مسفر مابترضين..؟؟ خلود بحقد\لا ماراح أرضى.. مرام\وإذا خطبك الشايب بترضين..؟؟ خلود\إن شاء الله بأرضى.. مرام\مبرووك خالتي صرنا اهل.. خلوود\خييييييييير يا الأهل.. قلت الشايب ماهو ولد أختك.. مرام\أدري ياقلبي..الشايب قريب لنا.. يصير جدي وجد اختي الله يرحمها.. واسمه مسفر..اختي سمت ولدها باسم جدنا.. خلود\ياشييييينه..سميتوا الضب باسم الأسد.. مرام بوعيد\هييين يا خلووود.. إن ماطلعت كلمة الضب من عيوونك ما اكون مرام.. خالتي تعالي أبيك بموضوع خاص.. ابي اعطيك مواصفات الشايب المنحوووس اللي بيخطب بنتك.. خلود\لا تسبينه فديت الشايب.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ إجمعيــــــــنا يــ الأمـــاكن .. وإكسبـــــي فينا ثـــواب ,,, مر عليها اليوم الثاني وهي في غرفتها.. ماطلعت منها من امس.. من بعد اللي صار بينهم.. حتى ذياب ماتبي تشوفه.. تركته مع ابوه ومع ماريا.. تتمنى لو يرجع الزمن..وماتقابل راجح.. ولا تروح السفارة ويلقاها.. لو ظلت متخبية منه..وميته له ولهم.. بدلت ملابسها بالملابس القديمة لها.. ملابس كانت تخص هديل الأولى.. تلمست قميص قديم لها.. كانت تحب تلبسه.. وسيع ويخفي معالم جسمها عنه وعن غيرهـ.. لما تشوفها صوفي لابسته تتمسخر عليها .. ضمته لها وكأنها تضم اللي كانتها بيوم.. تسألت بألم.. \\ هل بكــــــاني أحد من العالمين.. كما بكيــت أنا نفســـي..؟؟ هل نـــعاني سرب الحمام .. بعد رحيـــلي .. أم أكمــلوا هجــرتهم إلى المستقبل دونــي..؟؟ هل إشتــــاقني أحدهم.. كما اشتقت انا لذاتـــــي..؟؟ كم اشتــاق لتلك الصغيرة اللتي كنتـــها.. لازلت اسمع أنيـــــنها.. أسمع همسها الخافت.. ترجوا الظـــلام عتقـــها.. أرى أحلامها مبنية من الرمال.. وتنهدم بهيجان ذاك الجلمود.. صغيـــرتي أنـــا: لم تموتــــي منسيـــة.. لــن تُطــوى ذكراك.. قتلوك يا أنـــا.. ونجـــوا بفعلــــــتهم.. ليتنــــا نلتقي اليوم.. هنا بغرفتـــــي.. أو بعريـــن ذاك الاسد.. نلتقي لتري أي هديل اصبحت انا اليوم.. لم اختلف عنك كثيـــراً.. فلازلت ابكــــــــي.. وألقي بــ التحدي واُهـــزم.. ولكنـــي يا أنـــا.. لم اعــد أعرف لــ الغفــران طريــقاً.. بقلمي.. سحبت بلوزة لونها أحمـــر.. كانت دائماً تتأمل البلوزة..بقصتها الجريئة.. وتتخيل لو تلبسها ويشوفها غازي.. كانت من مجرد الفكرة تخاف ولاتلبسها.. قررت تلبسها اليوم.. وماتترك شيء بخاطر هديل القديمة الا وتسويه.. حست بشيء غريب موجود داخلها.. مدت يدها جواتها ولما لمست اللي فيها.. غمضت عيونها وهي تتذكر وش مخبية داخل بلوزتها الحمراء.. طلعتها وكانت ميـتــــــة ومنتهية من سنيين طوويلة.. هذي الوردة اليتيمة اللي أهداهــا لها باحد الأيام.. لما كانت هي على البلكونة وهو في الحديقة.. أول رجل يهيدها وردة.. بغض النظر إنها جاريته وهو سيدها .. كانت اول وردة.. همست بعتب\ليه احتفظتي فيها يا أنـــــا ..؟؟! همست مرة ثانية لما استغربت تصرفها.. خبت الوردة تحت وسادتها.. \\ليه تحتفظين فيها يا هديــل..؟؟ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة رفعت راسها وهي تمسح دموعها.. غمضت عيونها بتعب وهي تتألم من ظهرها.. تسمع كلام أمها وتضيق أكثر.. غصب عنها متضايقة ومكتئبة.. ولادتها كانت صعبــــة وقاتلة.. والم الحوض عندها يجبرها تظل متسطحة ماتتحرك.. كل شيء يضايقها.. إن حست بالبرد تضايقت وتذمرت من كل شيء.. وإن أكلت أو شربت تذمرت.. وتظل طول الليل سهرانة وتبكي.. ولما تسمع صوت ولدها يبكي.. تبكي وتطلب أمها تخرجه من غرفتها.. حتى طالب لما تشوفه تحس بقهر كبير منه.. تنفر من وجودهـ.. ماتحب تسمع صوته ولا تتكلم معه.. تفهم تصرفاتها بعد ماقالت لهم الطبيبة.. إن شوق تعاني من إكتئاب مابعد الولادة "أســى الأمومة" وبعد فترة من ولادتها بتتحسن وترجع لطبيعتها.. ناظرت في امها بزعل.. وهزت راسها رافضة الأكل.. شوق بتعب\الحمدلله يومه مو مشتهية.. ام غازي\لا اله الا الله.. شوق خافي ربك..أنتي والدة وترضعين.. حوضك مكسوور ومحتاجة ما يشد حالك.. كلي ولو عشان وليد ياقلبي.. شوق\إن شاء الله.. بس بعدين مو الحين..والله ما اقدر اكل الحين.. ام غازي تتنهد\طيب بعد نص ساعة احضر اكلك.. شوق بغصة\طيب.. ام غازي\ليه تبكين الحين..؟؟ شوق تبكي\ولاشيء.. ابي أنام يومه..خذي وليد معك.. ام غازي\خلاص باخذه معي في الصالة.. وأنتي نامي وأرتاحي.. طلعت أمها ومعها وليد.. وهي تغطت بمفرشها وبكت بصوت مكتوم.. ماتدري ليه كل شيء ضايقها زمان تتذكرهـ الحين.. تتذكره ويزيد بإكتئابها.. واكثر فكرة مسيطرة عليها..هي هديل.. كيف كانت لما ولدت..؟؟ هل حست باللي تحس فيه شوق.. أو حالتها كانت اسوء واقســى.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ الصباح اليوم ماهو صبح عادي كان برد أحساسنا واضح علينا .. نحتري من يقهر الصمت وينادي بـ النظر لو كان حتى ماحكينا .. جلست على الكرسي وتجاهلت ذياب اللي ركض لها.. نزل من حضن ابوهـ لما شافها.. لم يدينه حوالين ارجولها وحط وجهه على ركبها.. ناظرته بطرف عينها.. وحاولت قد ماتقدر ماتلين معه وتشيله.. عضت على شفايفها بألم.. لما عضها على ساقها بقوووة.. وكأنه يحتج على إهمالها له.. مايكفيها يومين وهي ماتدري عنه.. ولما يضمها تصد عنه.. أبتسمت له لما شافت علامة الزعل والبكاء على وجهه.. مدت يدينها ورفعته بحضنها.. قبلت جبينه تطلب رضاهـ عليها.. لم يدينه حوالين رقبتها وفتح فمه وحطه على خدها.. وهذي كانت حركته الدائمة معها.. واللي دائماً تخليها تضحك وتبعدهـ عنها بسرعة.. بعدته عنها ووثقته بحضنها.. صدت عن ماريا وماردت عليها.. لما سألتها إذا حابة تشرب شيء.. أنسحبت ماريا بعد ما أستئذنت من غازي.. وهديل منزلة راسها ملتهية مع ذياب تفــطرهـ.. رفعت راسها وطاحت عينها في عينه.. ماتقدر تفسر نظرات عيونه.. بس تشووف الإجاب اللي دائماً يظهرهـ لها.. لبست بلوزتها الحمراء واللي كانت من إختيارهـ بأيامها في باريس.. سرحت شعرها وتركته مرمي على ظهرها بحرية.. ومع لون الهاي لايت وجسمها من خلال البلوزة.. كان منظرها رائـــــــع.. هي ماتتجمل له..عشانه.. تتجمل لحالها.. لزوجته المنفيـــة من سنين.. شربت قهوتها وحست بمرارتها قوية.. أدركت إن المرار يسكن بداخلها هي.. لان فكرة أخ لذياب هاجمتها.. وقفت بسرعة طلعت من غرفة الأكل.. جلست في الصالة وهي ضامة ذياب.. أخ لذيـــاب.. كيف تجرأ يقولها بكل ثقة..؟؟ كيف قدر يطعنها فيه وهو يعرف كل اللي صار معها.. لحظات حملها..عماها ..معاناتها.. والأدهى ولادتها.. ينتظر منها توافق وتسمح له يلمسها.. فزت من الفكرة ومن يدهـ اللي أنحطت على كتفها.. بعدت يدهـ عنها وناظرته بحدة.. هديل بجمود\ماعندي شيء أعطيك إياهـ.. لا انت ولا ولدك.. أنت تزوج..بيكون أخوهـ.. أكيد بينفعه ويساعدهـ بالعلاج.. غازي بحنية\أنسي هذا الموضوع.. ماراح اجبرك على شيء.. هديل\لاتنسى الموضوع اكبر مني.. ما اقدر أقدم لذياب شيء.. انت ملزوم تأمن حياته.. هو ولدك ومحتاج إهتمامك.. هذا هو الحل..ذياب يبي اخ.. وهذي مهمتك أنت.. غازي\لازم تكونين أنتي أمه.. هديل تقاطعه\لا تطعني بهذا الشكل.. خلاص سيفك إرمـــه..وأرحمني.. انا ما اقدر أنجب أخ لذياب.. لأنـــي شلت الرحم بعد ولادة ذيـــاب.. أبتعدت عنه ووقفت بسرعة.. أنتبهت على ماريا.. تخبرهم إن صوفي وماكس موجودين في المزرعة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة طلعت لغرفتها لبست جاكيت طوويل.. ولمت حجابها على راســـها.. التفتت بسرعة لما سمعت باب غرفتها ينفتح.. عصبت وكانت بتسبه.. بس أبتسمت بمرح لما شافت صوفي داخلة عندها.. رحبت فيها وضمتها بقوووة.. صوفي\كيف حالك اليوم..؟؟ هديل\الحمدلله أنا بخير.. صوفي\لقد رأيت وولفي..يبدو بصحة جيدة.. هديل بهدؤ\نعم..هو بخير الآن.. صوفي بهمس\أين ذاك الشقي الصغير..؟؟ اين يختبىء؟؟ هديل\ههههههههههه عبدالله..؟؟ صوفي بقهر\نعم هو..لا اقصد زوجي بل قريبك.. هديل\هههههههههه لقد عاد الى الوطن.. صوفي بزعل\لااااا..لم انتقم منه على مافعل بي.. هديل تبتسم\سانتقم لك أنا منه عندما اعود إلى هناك.. صوفي\سأرسل له بعض الملابس المناسبة له ولحجمه.. أرئيتي كيف أجبرني ان اغير ملابسي..؟؟ هديل\ههههههههههههههه فديت قلبه..تستاهلين.. صوفي بقهر\وجع.. هديل\ههههههههه نعم لقد اجبرك على تغيير ملابسك.. وكم تمنيت لو إستطاع إقناعك بإرتداء الحجاب.. صوفي\ديل لقد قابلت مسلمات هنا وبمدن آخرى.. لا يرتدون الحجاب رغم أنهن عربيات مثلك تماماً.. هديل\صوفي إرتداء الحجاب أمر من الله.. وإن تركه البعض من المسلمات فسيحاسبهن الله على ذلك.. صوفي\لقد البسني أحد حجابات سارا.. قائلاً باني ابدوا اجمل.. وأن شعري له لون يشبه لون شعر هووني.. هديل بشهقة\عسوولة..؟؟قال لون شعرك يشبه لون شعر عسوولة.. صوفي\نعم هووني..قال بانها ملكة جمال عالمية.. ولكني لم اسمع بها من قبل..بحثت عن صورها ولم اجد لها صورة واحدة.. هديل\ههههههههههههههههه.. صوفي هوووني تكون جدتي..هههههههههههههه صوفي\هل كذب علي ذاك المحتال..؟؟ هديل\ههههههههههههههه نعم.. صوفي\ليته موجوداً الآن..ساقتله.. هديل\ماذا حل بفستانك اللذي أعدمه عليك..؟؟ صوفي تضحك\هههههههههههه لقد رميته.. هديل\الله يسامحك..كان رائعاً.. صوفي\ديل يارثت الثياب.. لقد أحضرت معي صندوقاً يخصك ياجميلتي.. هديل\ماذا..؟؟ صوفي\امممم عندما غادرت المزرعة.. وعدت لعالم الأزياء..كنت اصمم تفاصيل خاصة بك أنتي.. وأحتفظ بها بركن خاص في دار الأزياء.. لم اقدمها لك عندما تقابلنا وأنتي حامل وبعد ولادتك.. فلم تكوني لتسعدي بها او ترتديها.. واليوم بعد ان عدتي لزوجك النذل..وابنك اصبح بصحة جيدة.. ارى انك تستحقين ان ترتديها.. هديل بمحبة\كم احبـــــــك صوفي.. صوفي بغصة\وأنا احبـــــــــك.. ضمتها بقوووة وبكت بحضنها.. هذي صديقتها بايامها الاولى هنا.. وصاحبتها بأيام ولادتها ومعاناتها بغربتها.. حمدت الله إنها أسلمت وصارت أختها في الإسلام.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛ خرجت من دورة الميــاه وهي مبسووطة.. حاولت تخفي ملامح وجها عن راجح وعن الموجودين.. بس إبتسامتها مارضت تتخبى عنهم.. شوق\دووم الفرح.. رشا بخجل\وإياك.. شوق\فرحيني معك.. رشا\بعدين مو الحين.. رفعت راسها وناظرت براجح.. غمز لها وهي نزلت راسها خجلانة منه.. ماتدري كيف بتقوله عن خبر حملها.. هو مايدري إنها تركت العلاج من زمان.. تخاف من ردت فعله.. بس أكيد بينبسط.. شوق\يارب عافينا..وش عندك أنتي وهو.. رشا\عذووول مالك شغل فينا.. طالب\انا سجلته في المجاهدين.. ام غازي\طالب سألتك بالله.. لا تتمسخر على ولدك.. طالب\هههههههههههه خلينا نبني مستقبله.. ابيه يصير جندي.. راجح\شكل الورع بيهج من كلامك.. طالب\لا فديته رجال..أنت ماسمعته وش يقول قبل تجون.. يقول غازي ولدهم ما ابلعه.. دلووع نصه كويتي ونصه سعودي.. راجح\أقول إنثبر مع ورعك.. ولدنا سفير للمملكة ولـ الكويت.. يجمع خواله وعمامه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ سلمت على ماكس وهي تودعه مع صوفي.. ناداها بالأميرة الصغيرة.. مثل ماكان يسميها اول ايامها في المزرعة.. قال لها إن عسوولة عندهـ ومتى ماتحب بيجيبها لها.. تمنت لو تشوفها بس تشك إن الفرس ممكن تعرفها.. انتبهت على غازي اللي كان أغلب الوقت ساكت.. ماكان يرد على ماكس او صوفي لما يكلمونه الا بكلمات مختصرة جداً.. أو يهز راسه يحاول ينهي كلامهم معه.. ودعت صوفي وهي تذكرها.. إن فكرت التبني مرفوضة في الإسلام.. لان هذي الفكرة في بال صوفي وماكس.. طريقة رجوعهم لبعض غريبة بغرابتهم.. طلب منها تقابله في مقهى.. تقابلوا تفاهموا بهدوء.. وقرروا يرجعون البعض.. هجرها له بعد ما اشهر اسلامه .. كان عقاب له كيف يغير ديانته من غير علمها.. لو طلبها وحاول معها تغير ديانتها.. يعرفها تتقبل النقاش وهي غير منغلقة في موضوع الديانات.. تصافت امورهم بطريقة مسالمة وسهلة.. تمنت لو تتعدل أمورها مع غازي بمثل سهولت أمورهم.. أول ماقفل غازي الباب الرئيسي.. صدت عنه وطلعت الدرج بخطوات سريعة.. تدري إنه ينتظر خروجهم من القصر.. عشان يستفرد فيها.. ويكملون كلامهم اللي أنهته بطعنة قوووية له.. بانها شالت الرحم.. كانت تظن لو صرحت بهذا الشيء بيقو لها إن فيه امل.. يكون لذياب أخ من ابوهـ .. ويقدر ينقذهـ.. دخلت غرفتها بسرعة.. قفلت الباب وراها وهي تلهث بخووف.. مابقى قدامه حل.. لازم يتخلى عني..حيات ولدهـ. أهم من قلبه ومن حبه.. أخ لذياب.. من غازي وحرمة ثانية.. تضايقت من الفكرة.. يتزوج ويعيش مع غيرها.. ينجبون اطفال.. يعالج ذياب.. وبعدها يهجرها ذياب ويعيش مع أبوه وحرمة ابوهـ.. وأنت ليه مهتمة بهذا الشيء..؟؟ لان هذا ظلـــم..وظلم كبييير لي.. بيكمل حياته مع ولدي أنا.. ومع زوجة وعيال.. وانا حتى غرفة في بيت ابوي ماعندي.. ولا شهادة..ولا مستقبل.. كل شيء أخذهـ مني.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة سمعت ضربه على باب غرفتها.. تراجعت عن الباب وهي ترتجف.. عنفت نفسها.. ليه خايفة منه..؟؟واجهيه.. أنتي شفتي الضيق والآسى عليه طول اليوم.. من اول ما قلتي له عن رحمك وهو يأكل في نفسه.. أثبتي على موقفك.. أنتي ماتقدرين تسلمينه نفسك.. ماتقدرين تعيدين تجربة قاسية كبرتك سنين على عمرك.. فتحت الباب وهو دخل عندها وسكر الباب وراهـ.. قرب منها وهي تراجعت بسرعة.. ماسمح لها تبتعد عنه..أسرها بين يدينه وضمها له بقووووة.. غازي بهمس\سامحيني.. ذنبك برقبتي إلى يوم البعث.. هيل بغصة\أنا سامحتك من زمان.. بس ماقدرت امنع نفسي من رفضك وطردك من حياتي.. غازي\انتي أطهر ذنوبي.. هديل برجاء باكي\غازي تكفى أريد تعالج ذياب.. مابقى لي غيرهـ..عالجه وننتهي.. غازي\الطفل لازم من نفس الرحم ومن نفس الأم.. وبـ النسبة لمرض ذياب.....فأ......... بعدته عنها وضربته بقهر.. هديل بجزع\لاااااااااااااااااااااا.. لا لا لا.. انت مو طيب عشان كل شيء يصير مثل ماتحب.. أنت إنسان قاسي وقلبك أسووود.. ليييه لازم اكووون أنا أمه.. لييييييه تظلمني كثر ذنوووبك.. أنا ما اققققققدر.. إطلع براااااااا..إطلع إطلللللع.. ضربته وطلعته من غرفتها .. حالو يتكلم معها ويكمل كلامه.. بس هس ماسمحت له يتكلم.. كانت تسبه وهي تبكي.. قفلت الباب وجلست على الارض.. ضمت نفسها وهي تبكي بهستريا وخوووف.. ظلت على حالها ساعتين.. وعيونها متعلقة في الفراغ.. حسمت امرها وأتخذت قرارها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ما كنت أدرك أنني سأصير روحا حائرة في القلب أحزان.. و في جسمي جراح غائرة و تسافرين.. لا شيء بعدك يملأ القلب الحزين لا حب بعدك. لا اشتياقا لا حنين.. فلقد غدوت اليوم جــرحاً للسنين تنساب أيامي و تنزف كالدماء و تضيع شيئا.. بعد شيء كالضياء.. و هناك في قلبي بقايا من وفاء و تسافرين و أنت كل الناس عندي و الرجاء.. قولي لمن سيجيء بعدي هكذا كان القضاء قدر أراد لنا اللقاء ثم انتهى ما بيننا و بقيت وحدي للشقاء .. فاروق جويدة.. نزل ذياب في فراشه.. وقرأ عليه الأذكار.. هذا سريره اللي كان في الملحق.. طلب من العمال يجيبونه غرفته.. كان بيحطه في غرفة هديل.. بس هي كانت مقفلة عليها ورافضة تطلع من غرفتها.. نام على سريرهـ .. حط ذراعه تحت راسه.. وعيونه بسقف الغرفة.. كم ذاقت من قهرهـ وجورهـ عليها.. كان يظن إن حالة ذياب بتقربهم من بعض.. كل ماحاول معها تنسى زادت ذكرياتها ووجعها.. معها حق ماتقدر تنسى.. لانه هو مانسى اللي قبل 16 سنة.. فكيف هي تنسى اللي قبل خمس سنين.. معاناتها أكبر من معاناته.. هي حملت بشكها وطريقة فاجعة لها.. تغربت عن هلها وعنه وعن كل اللي تعرفهم.. عاشت لحالها والله العالم عن حياتها كيف كانت.. ولدت ولا يدري عن امور ولادتها الا القليل من صوفي.. فقدت رحمها.. وهذا ذنب جديد ينحط برقبته هو.. تنهد بحسرة وهو يتمنى لو يروح لها.. لو يحضنها ويعتذر لحتى ترضى.. يدري إن نهايته معها فراق.. سمع ضربات خفيفة . أرهف السمع عندهـ لما ظن إنه يتهيء.. جلس وناظر بإتجاهـ باب البلكونة الزجاجي.. كانت واقفة ورى الباب.. لابسة قميص نوم اصفر.. وعليه روب بنفس اللون.. وقف مصدووووووم من وجودها عندهـ.. فتح الباب الزجاجي وتعلقت عيونه بعيونها.. كانت الدموع في عيونها.. وكلها ترتجف.. ذاب قلبه عليها وعلى حالها المكسور.. هديل برجفة\أ....أبي ولــــد.. غازي\؟؟؟؟؟؟؟؟؟؟؟؟؟ هديل تبكي\أنا ماشلت الرحم.. كنت أبيك تحس بـ اليأس اللي أنا حسيته.. تفكر إنك بتفقد ولدك مثل ما انا فكرت بهذا الشيء.. مرت من جنبه ودخلت الغرفة.. وقفت عند سرير ذياب.. ترتجف بخووووف..غرفته تذكرها باللي صار بينهم.. تذكرها بقسوته وإجبارهـ لها.. شهقت وهي تبكي بصوت مكتوم.. قبلته وهي تهمس\ذبحت امك يا ذياب.. شهقت بخوف لما حست بيدينه على كتفها.. جلسها على السرير وجلس جنبها.. لم يدهـ على كتفها وقربها منه.. قبل جبينه وهمس لها.. غازي\هديل..تصالحي مع نفسك.. أحبــــك...وما ابــي الا راحتك.. لاتخافين مني أنا ماراح أجبرك على شيء.. ............تسمعيني...هديل.. ماردت عليه ولاتحركت.. رفع راسها له وانصدم إنها غايبة عن وعيها.. أدرك إن إغمائها بسبب خوفها منه.. نيمها على السرير ونفث على وجها ماء وهو يقرأ عليها.. انتبه على شيء في يدها.. كانت ورقة صغيرة.. فتحها وقرأ المكتوب فيها.. فهم رسالتها ومضمونها.. تناولت منوم عشان ماتكون واعية ... تفضل تكون جثة من غير وعيها.. طعنة قوووية وجهتها له.. لإنسانيته..لرجولته.. ولاتدري رد غازي عليها بأي قسوة راح يكون,, إلى الملتقــى بإذن الله تعالى فجر الثلاثاء .. كونوا بخيـــــــــــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البــــــارت الرابــع والثمـــانون .. أقول أحبك... في زمنٍ يخجل الناس فيه من الحب لا يخجلون من الحقد والكبر والعنف لكنما الحب يجرح فيهم إباء الفحولة يحرجهم.. يتلعثم واحدهم حينما يذكر الحب لكنني من دون لحظة شك ودون هنيهة خوف أقول أحبك !.. أكتبها في الدفاتر أعلنها في المنابر أزرعها في الغيوم وأنقشها في الرمال أقول أحبك من غير أن أتحفظ أو أتردد أو أتراجع.. أكتب حبك شعراً ونثراً.. وتاريخ وجدٍ وعصر حنينٍ وقرن غرام وهذا الصباح نهضت فلاحظت أن السماء أرق لأني أحبك إن الورود أشد احمراراً لأني أحبك إن الغيوم ترش الرذاذ لأني أحبك قلت: صباحك نور وورد وغيم وحب... المرحوم بإذن الله تعالى غازي القصيبي... انتبه على شيء في يدها.. كانت ورقة صغيرة.. فتحها وقرأ المكتوب فيها.. فهم رسالتها ومضمونها.. ..ما اقدر أكون واعية.. تناولت منوم عشان ماتكون واعية ... تفضل تكون جثة من غير وعيها.. طعنة قوووية وجهتها له.. لإنسانيته..لرجولته.. وقف بسرعة وابتعد عنها.. الغضب سيطر عليه.. لأي درجة وصل فيها الخوف.. وإحتقارها له بهذا الشكل.. يتمنى يرجع لها يوعيها غصب عنها.. يضربها يعاقبها.. خايف عليها من نفسه.. اللي سوته كبييير كثير في حقه.. كان بامكانها تظل في غرفتها ولا تهينه .. ليه جاته..؟؟! جاتك عشان ذياب ماهو عشانك.. هذا كان راح يكون ردها عليه.. ماهو عشانك.. ماراح يتركها تسيء له .. لازم يعاقبها.. تفضل تكون جثة..جماد.. وكأني حـ..... أبي روحك.. وما ابي أي شيء ثاني.. فتح الورقة مرة ثانية والأحرف قدامه كأنها مكتوبة من نار.. تزيد من غيظه وقهرهـ.. ما اقدر أكون واعية.. يتامل خطها ويدري إنها كتبت برجفة.. لاحظ شيء ثاني في الورقة.. قلبها للجهة الثانية.. وصدمته كلمتها الخايفة من عقابه.. أثبتت له إنها تعرفه اكثر من نفسه.. ومتوقعة ردت فعله غضب وبعدها عقاب.. كلمة ياما رددتها عليه من غير حق.. أجبرها تقولها مرات ومرات.. عشان تسلم من عقابه وطيشه.. دائماً تهزمة.. إما بهمسها..أو نظراتها.. ســــــامحني .. لو ماكانت خايفة من عقابه لها لما تصحى.. ماكانت بتكتب سامحني.. كانت بتجرحه بكلامها من غير إهتمام... دار في مكانه وكل ماوقعت عينه عليها.. يصد عنها بسرعة.. صار يردد في باله.. أعذرها.. لا تلومها.. هذا أقل شيء تقدر هي تسويه.. أنت تسببت في خوفها وكرهها لك.. لاتلومها لوم نفسك وابتعد عنها.. تغير..لازم تتغير معها.. سامحها عشان تقدر تسامحك.. خرج من غرفته ووقف على البلكونة.. مشتاق لها..وصدها عنه يعذبه.. لازال أناني في حبه لها.. يعترف لنفسه مثل ماهي تواجهه بحقيقته.. مايقدر يسمح لها تروح عنه.. تغيب عن حياته.. سنتين كان متصبر لانها بحكم الميتة.. صعبة عليه تكون حية وماتكون معه.. يبيها له ومعه.. ولو مارضت.. ويدري إنها مستحيل ترضى.. وهذا يثبت انانيته وتملــكهـ .. منع نفسه لا يرجع غرفته.. توجه لغرفتها.. غرفتها اللي قضى فيها ليالي من دونها.. يناظرها بكل زاوية.. يتخيلها ويتكلم معها.. يسألها كيف ماتت.. تالمت وهي تحترق ..؟؟ نادته او نادت غيــرهـ ..؟؟ أنتبه على علبة المنوم.. أخذها وقرأ الاسم.. فتح العلبة وطلع كل الحبوب اللي فيها.. رماها في مغسلة الحمام.. ورمى العلبة بالسلة.. نام على فراشها .. وشم ريحتها جنبه.. دفن وجهه في وسادتها.. وضمها له.. حس بملمس غريب تحت يدهـ.. رفع وسادتها وناظر اللي تحتها.. وكانت صدمته أكبــــر.. لأنه عرف هذي وش تكـــون..؟؟ ماينسى أي شيء صار بينهم.. قبل الوردة.. وهو يذكر كيف مررتها على خدها.. وابتسمت له بعذاب.. فكـــيف ينسى أول إبتسامة عطتها له.. ولو كانت تراوغه وتخدعه.. كانت اول إبتسامة.. وأول مرة تمثل الرضى.. أنت طيفك مرني.. مرني ليل وفجر .. مرني باحلى العمر.. آآآآهـ من يقوى الصبر .. التجافي موت .. طول صدوود صاحبك يالعيون السود .. ماسمع من صاح بك.. صاح من هم وغضب .. ها الجفا ماله سبب .. وانت من خان وكذب .. ليه احبك موت .. بدر بن عبدالمحسن .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ خافت من غضبه وصراخه عليها.. بس ماسمحت له ينهي الموضوع ويهرب مثل عادته.. مسكت يده وحاولت تهديه.. مرام بهدؤ\صل على النبي واسمعني.. مسفر بقهر\عليه الصلاة والسلام.. مرام واللي يرحم امواتك إبعدي عني.. المصيبة اللي سويتيها تحملي نتايجها.. مرام\مسفر وش ذنب البنت الحين؟؟ مسفر بغضب\مالها ذنب الا إنك مصاحبتها.. كيف تسمحين لنفسك تخطبين وتحلين وتربطين من راسك..؟؟ أنتي واعية وش سويتي ؟؟ مرام\البنت موافقة عليك.. صدقني هي خير لك وأنت خيرها باذن الله.. مسفر\لاتجننيني.. أنا ماطلبتها عشان توافق.. ولا طلبت منك تسعين في الموضوع.. حابة تلعبين إلعبي بحياتك أنتي.. ماهو بحياتي ولا بحياتها.. مرام بزعل\كل اللي سويته عشانك.. أبيك تستقر وترتاح.. مسفر\وانا ماطلبت منك.. مرفوع عني القلم عشان ما ادبر اموري.. ما اشتكيت لك عن زواج ولا عن شيء.. ليه ما اهتميتي بامورك وخليتيني بحالي.. مرام\تظن إني مو فاهمة عليك..؟؟ أنت تنتظر وهم ماراح يتحقق.. هي متزوجة وعندها ولد.. قبل سنين وقفت بوجهي وقلت ماراح اخذ ولدها منها.. اليوم انت لازم تستوعب إنك ماتقدر تأخذها من زوجها.. مسفر بصراخ\مـــــــــــرام.. لاتتكلمين عنها ولا تفكرين تسحبينها لموضوعك.. مرام تبكي\أنا آسفة..بأكلم ام خلود واعتذر منها.. مسفر بسخرية\وينتهي الموضوع..؟؟! بكل بساطة تعشمين الناس وتصكينها بوجهم.. والمصيبة الأكبر..تخدعين البنت وتقولين بنزوجك الشايب.. انتي ناسية إني مو شايب.. مرام بقهر\أنت اللي أوهمتها إنك شايب..؟؟ مسفر\أنا كنت أعالجها.. ماكانت بتتقبل تتكلم مع شخص تكرهه ولها معه موقف صعب.. حاولت أكون لها بصورة اب.. لانها مابتتقبل الكلام الا مع من تحس بامان معه وراحة.. مرام بتهور\وهي حستها معك أنت.. مسفر أنت نفسك الشايب اللي تعالجها.. مسفر بقهر\ياصبر الأرض عليك.. طلع من عندها خايف لا يكبر الموضوع اكثر.. فجعته بكلامها لما قالت خطبت لك خلود.. من اعطاها الحق تتصرف وتقرر من حالها.. حس وكأنها غدرت فيه.. قيدته بوعد هو ماوعدهـ.. تقول أم البنت تقولك حياك الله.. مثلك ماينرد.. وبكل وقاحة تتكلم عن هديل.. تشبه الولد بالزوج.. قرر يزور ام خلود ويعتذر منها على كلام مرام.. له خطط كبيرة في حياته.. وإنسانة وحدة يتمناها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة وعدتك ان لا احبك.. ثم امام القرار الكبير جبنت.. وعدتك ان لا اعود وعدت.. وان لا اموت اشتياقا ومت وعدت مرارا.. وقررت ان استقيل مرارا ولا اتذكر اني استقلت.. نزار القبانــي.. صحت من نومها وكل أطرافها بحالة خدر.. عيونها تخونها وماترضى تظل مفتوحة.. عقلها وحواسها تنبها بحالة توتر.. حاولت تتذكر آخر شيء صار معها.. ماقدرت لحتى فتحت عيونها وشافته.. نايم جنبها مستند على ذراعه.. عيونه تتأملها.. ويدهـ تعبث بغرتها.. لحظات مرت عليها وعيونها بعيونه.. هدؤ يسيطر عليهم.. رضى غريب يحسون فيه.. رمشت بعيونها بفزع لما تذكرت إنها في غرفته وهي بنفسها جاته.. شهقت بخوف وجلست بسرعة.. حطت يدها على صدرها.. وناظرت نفسها بإرتباك... توها وعت على نفسها.. أستوعبت هي وش سوت.. قدمت نفسها له بكل سهولة.. وهي اللي حلفت مايعرفها.. عضتها شفايفها بندم.. أنتي وش سويتي..؟؟ غبيـــة..غبية.. ألتفتت عليه.. وأنتبهت على إبتسامته.. أرتعبت اكثر.. تجمعت الدموع في عيونها.. وارتجفت شفايفها بسبب الغصة اللي خنقتها.. صدت عنه تخفي ملامحها عنه.. وش توقعتي يكون ردت فعله..؟؟ يصدك وهو اللي يتمناك..؟؟ ولا يقدرك ويـ......... لمت يدينها عليها.. ضمت نفسها لما سيطرت عليها رجفة قوية.. ماقدرت تمنع شهقات مكتوومة ماتطلع.. ماتوصل لقلبه وتحننه عليها.. همس لها من بعيد.. غازي بحنية\مالمستك.. ألتفتت عليه بسرعة بكل جسمها.. قربت منه وركزت عيونها في عيونه.. هديل بخوف\إحــ...ـللــ..ــف.. غازي بهدؤ\والله مالمستك.. صرخت بآآآآهـ مكتومة.. وبعكس كل توقعاته.. لمت يدينها حوالين رقبته وضمته لها بقووووة وهي تبكـــي.. صدقته..حلف وصدقته.. ما استغل غياب وعيها وتملكها.. ماجرحها جرح جديد.. تركه لها وهو اللي يتمناها.. حسسها بإن لها حق ترفض وتقبل.. لها حق تبعد وترجع.. قبلت جبينه وابتعدت عنه بسرعة.. خرجت من غرفته ولا ألتفتت عليه.. سمعت صوت ضحكته مبسووط باللي سوته.. أول مرة تضمه لها بدون إكراهـ منه.. أول مرة تقبله وكأنها تشكـــرهـ.. تركها تبتعد عنه براحتها.. يكفيه لمحت فرح تخيلها بعيونها.. دخلت غرفتها وهي تضحك وتبكي بنفس الوقت.. يحترمني..أنا مو جارية عندهـ.. ماني سلف ودين..ولاجيته بالرخيص.. يهمه رضاي.. بديت تعالجني.. بديت ترجعني لنفســـــــي.. بلحظات فرحها تذكرت ذياب.. كيف أنقذك يا ذياب..؟؟ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ فديت الي اذآ ابطي سآل عنــي وينهآ البطــــه "., فديت كل الكلام الي رسمه بغمزهـ من عينه اقول ابطيت آسفة.. يقول لعنبوآ هالبنت و الحشمه .. سلم على سارة وجلس جنبها.. راكان\وين بطتي..؟؟ لفت وجها عنه ولا كلمته.. راكان\ههههههههه من جدك أنتي زعلانة..؟؟ سارة\لاتكلمني.. راكان\طيب لما اروح مرة ثانية أجيبها لك.. سارة بغرور\شكــراً مانبي منتك.. زوجي بعد تسبدي جابها لي.. راكان\أوووف اجل بعد تسبدس جابها لك.. من وييين أكيد ماهي من شارع الماركات.. سارة بغيض\ولو من سوق أبو ريالين.. أنت وش دخلك..جبت الغالي وعطيته بطتك.. وأنا مسكينة ما أهديتني.. راكان\هههههههه عنبوا ابليس.. ما انتي كنتي معي هناك.. ليه ما اشتريتي اللي خاطرك فيه..؟؟ سارة\قلت أنت بتشتري ماله داعي اقولك.. بس طلعت غلطانة..مافكرت فيني وانا مبحلقة عيوني فيك.. ماحسيت على دمك وقلت ابشري باللي يسرك.. راكان\وانتي خليتي شيء ماقشيتيه.. كاسرتيهم في السعر وجلطتيهم.. ولما جات على خاتم غادة استجنيتي.. سارة تمثل الزعل\مانمت هذاك الليلة.. تسان ابتسي وابتسي.. ابيك تحس على دمك ولاعبرتني.. راكان\هههههههههههه الله يخليك لعين ترجيك يا سويرة.. دخلت غادة سلمت عليهم.. وقربت من سارة وراكان وهي معقدة حواجبها.. غادة بضيق\وخري من جنب بعد تسبدي.. سارة\تعقبين يالبطة.. خذيتي الخاتم وش تبين أكثر.. غادة تمد إصبعها لسارة\قومي قبل اتوطى في مصارينك.. وشوفي الخاتم مزين صوباااعي.. سارة\ياشينه في يدك.. إصبعك مسواك مايحلا عليها..عطيني اجربه.. يدي ريانة وأصابعي كنز.. غادة بسخرية\دا بوووعدك ياولية.. وخري من جنب زوجي اقولك.. راكان بعدها من مكاني.. راكان\يابعد راكان والله.. تعالي ماعليك منها العذوول.. مد يدهـ وبعد سارة من جنبه بدفاشة.. مسك يد غادة وجلسها جنبه.. راكان بمحبة\هلا وغلا.. غادة بدلع\هلا فيك ياقلبي.. سارة\ياتسببببببببدي مايلبق أبد ابد.. غادة بدلع زيادة\لايكون تاخرت عليك حبيبي؟؟ راكان بوله\يابعد حبيبك والله.. تدللي أنتي بس.. سارة\ابي خاتم.. غادة\ركووني باروح المكتب الله يخليك لا تقول لا.. سارة\لعنبوا ابليسكم يالحرييييم.. تدلعين عنده وركوني ومدري وشهو.. عشان تروحين المكتب.. إنثبري مافيه مكتب ولا شغل.. ماعندنا حريم يشتغلون.. بيتك وزوجك أولى فيك من مكتب وخرابيط.. غادة تعض شفايفها\جب لا تخربين تفكيرهـ ركووني ذو عقلية متفتحة.. راكان\خرطي..مافيه مكتب.. قلنا إذا كنتي مرتاحة تروحين المكتب..غير كذا إنسي.. غادة\ياخرابت البيوووت.. ياناشرة الفتن بين الزوجين.. أنتي ماعندك بيت تنثبرين فيه وتفكينا.. كل يوم ناشبة لنا..؟؟ سارة بشهقة\ألحين انا ناشرت فتن يا مبيد الحشرات العائلي.. أنا خرابت بيووت يا كيس السمنت المتنقل.. أنا ياللي خذيتي الخاتم وأنا ظليت ابتسي من الحسرة.. راكان\ههههههههههههههههه يارب لا تبلانا بكيد الحريم.. كل هذا غل بقلوبكم فديتكم.. طلعوا طلعوا..إعتبروني ماني موجود.. غادة بغرور\لافديتك..أنهيت وصلة اليوم مع ناشرت الفتن.. الحقوودة ليش جبت لي خاتم ماجبت لها.. سارة\مالت بس.. هو عطاك خاتم بس عطى غيرك إسوارة وعقد.. لا تفرحين بنفسك يالمهبوولة.. شفته بعيوني يقز وحدة شقراء عصلاء.. عيونها حمر وشعرها اخضر.. ولابسة اللهم إسترنا ولا تغضب علينا.. ما ابي اخرب بيتك ولا كنت قلت لك كل الحقيقة.. بس حرام انتي حامل مانبي نولدك قبل وقتك.. غادة\تسذووووب.. صح إنها تكذب يا راكان..؟؟ راكان\أكيد تكذب..غيرانة منك يا بطة.. سارة\أجل ليه ما أهديتها العقد والإسوارة؟؟ غادة بقهر\إيه ليه ما اهديتني العقد.. سؤال يقرقع في قلبي ماقلته لك.. وين العقد والإسوارة..إعترف..؟؟ راكان بصدمة\أ...آآم مو عندنا موعد مع الطبيبة اليوم.. جهزي نفسك باوديك بعد المغرب.. سارة الله لا يسلمني إن مررتها لك على خير.. طلع من الصالة بسرعة وسارة تضحك عليه.. سارة\يستاهل اجل يهديك ومايهديني.. آآآهـ ياقلبي والله أرتحت لأني ورطته.. خييييير لا تناظريني كذا..جزاتي كشفته لك.. يالهووووي.. طلعت سارة ورى راكان وهي تضحك على غادة.. اللي كانت جالسة وتضرب أسداس في أخماس وتتوعد في راكان.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛ جلس في المجلس الرجالي المتواضع.. ولاحظ إحراج إبراهيم منه.. سولف معه وقهواهـ.. مسفر بهدؤ\إبراهيم أبي الوالدة في موضوع مهم.. الله يسعدك ممكن تناديها.. إبراهيم بحدة\وليه تبي أمي..؟؟ ومن تكون أنت؟؟ مسفر يبتسم\أنا صاحب أبوك الله يرحمه.. ولازم اكلم أمك.. إبراهيم\الله يرحمه..اللي تبي تقوله لامي وقله لي وأنا اوصله لها.. مسفر\أنت اطلب أمك تجي هنا وتسمع وش بأقول.. قدر يقنع إبراهيم ينادي أمه.. دخلت ام خلود وسلمت عليه من بعيد.. جلست جنب ولدها.. مسفر\أنا مسفر بن نايف الجالي.. مرام تصير خالتي.. ام خلود تبتسم\هلا والله فيك.. إيه عرفتك من تكون.. مسفر\الله يحييك.. والله يا خالة ماني عارف كيف أفهمك الموضوع.. ام خلود بهدؤ\مرام شرحت لي كل شيء ياولدي.. أنت رجال طيب وحطك الله في طريقنا.. ما انكر إني أستغربت كلامها عن الشايب.. وفهمتني ليه سويت اللي سويته.. مسفر تورط\السموحة منك يا ام إبراهيم.. يشهد الله ماقصدت الا كل خير.. ومافي نيتي إلا صالحها وراحتها.. أم خلود\العيب مايجي إلا من هل العيب.. وانت دقيت بابنا وطلبت عندنا.. وإن ربي كتبها لك فهي لك.. مسفر مصدوم\...................... ام خلود\بس طلبتك طلب.. مسفر بهدؤ\تم إن شاء الله.. ام خلود\ابراهيم إطلع يا امك شوي.. ابراهيم\يومه انا اخوها.. ام خلود\لاتعصاني فديتك.. وقف بضيق وطلع من المجلس.. ظل يتحلطم بقهر.. ام خلود\إن الله وفق وكتب لكم الزواج.. أبيك تظل مسفر الشايب لحتى تملكون والله يوفقكم.. مسفر بصدمة\لا يا خالة.. هذي حياة جديدة ومن حقها توافق وهي على بينة.. مايصير نخدعها..أنتي ومرام تفكيركم غلط.. ام خلود\انا امها واعرف مصلحتها.. واعرف بنتي وتفكيرها..لو تدري قبل الملكة إن انت الشايب.. ماراح توافق عليك.. مسفر\إن ماوافقت فهذا قرارها.. ولا احد يقدر يجبرها.. ام خلود\ياولدي همنا كبييير.. خلود أكبرهم بس والله إني شايلة همها اكثر من إخوانها.. مايخفيك خوفها وكرهها لكل رجال يمشي على الارض.. أنت دكتور وقدرت تخليها تحس باخوها اللي هجرته من بعد موت ابوها.. والله ماذكرتك الا بكل خير.. وقالت لولا العيب كانت بتخطبك لنفسها.. ابي اتطمن عليها همها علي كبير.. مسفر بضياع\إن شاء الله كل شيء بيتم على خير.. ام خلود تبتسم\الله يجزاك الجنة وينور دربك ويسعدك ياقادر ياكريم.. تقدر تطلبها من عمامها..باقول لابراهيم يعطيك رقم ولي أمرها.. مسفر محاولة اخيرة\صعب ياخالة اعقد عليها قدام الناس وأنا شايب.. ام خلود براحة\بتكون شايب عندها هي وبس.. موافقتها باعطيكم إياها على مسفر الشايب.. بس الحقيقة بتكون أنت مسفر الطيب.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة عـلى هونك على قلبي .. ترآ مآ أقوى تبخـتـارك دخيلك لا تضيعني.. ترفق بـي .. علـى هونــــك ......! وقفت بنص الدرج بإرتباك.. لما رفعت راسها وشافته واقف أسفل الدرج.. عيونه تتاملها بلبسها الراقي.. بشعرها المتمرد.. والأهم والأجمل روحها الجديدة.. يشوفها اليوم غير عن كل يوم عرفها فيه.. تنزل الدرج بخطوات هادية مترددة.. ماتدري بدلعها العفوي كيف تذوب قلبه.. أخجلتها نظراته لها.. وتمنت لو مالبست من فساتين صوفي.. اللي أهدتها لها بآخر زيارة لها.. فستان هادي جداً.. مرسوم على جسمها يوصل لتحت الركبة بشوي.. بسيور رفيعة من على الكتف.. لونه وردي.. وقف قدامه وسألت نفسها.. ليـــه مبسوطة ..؟؟ ليه تتجملين لــ المرة الثانية.. وليه نفسك ماخنقها الرعب لما شفتيه..؟؟ أبعدت عيونها عن عيونه بضعف.. ماعندها جرئته ولاقوة مشاعرهـ.. حبه لها واضح بكل رمشة ونظرة يوجها لها.. هي ماتبي حبه بقدر ماتبي الراحة.. وراحتها تاهت عنها ولا تدري وين بتلقاها.. معه.؟؟ أو بعيـــد عنه..؟؟ ماتكلم..ولا هي تكلمت.. حتى إبتسامتها العملية ماقدرت تظهرها.. خافت يحضنها او يحاول يتقرب منها.. ويقتل شيء توهـ بدأ ينمو بداخلها.. ناظرت ذياب بحضن ابوهـ.. مدت يدينها له وهو تعلق برقبتها.. فتح فمه وحطه على خدها.. ضحكتها حركته غصب عنها.. همست بكلمة\بــس.. وانحرجت اكثر من نظرات غازي المركزة عليها.. صدت عنه وتمنت لو تبعد عنه.. لو تظل لحالها من دون مراقبته ووجودهـ.. رجعت ذياب لحضنه وابتعدت عنهم.. أخذت معطفها وحجابها وطلعت من القصر.. سمعت صراخ ذياب يبيها ترجع او تاخذه معها.. بس فكرهـ مخيفة ضايقتها.. نظراته وعدم محاولته مضايقتها.. تنبئها إنه مخبي شيء كبيير.. ليه ماعاقبني على اللي سويته امس..؟؟ ليه يتبسم ويبين إنه طيب.. معقولة يخطط لشـــيء.؟؟ أكيد يخطط.. مو محتاجين أخ لذياب..؟؟ بس انا ما اقدر أعطيه اخ.. فيه حل ثاني أكيد.. وغن ماكان فيه فراح ينعاد اللي صار أمس.. لاني ما اقدر..والله ما اقدر.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛ احتويتك في خفوقي همس محتـاج لجـواب وارتضيتك حلم ليل وحرف بكفوف الـبريـد .. كل حرفٍ من حروفك خالط احساسي وذاب عانقه نبضي وشوقي جاري مجـرى الوريد .. ناظرت نفسها في المراية.. مبسوووطة بشكلها وروعتها.. تشوف كل شيء فيها غير.. حتى عيونها تتخيل إن لونهم تغير.. ضحكت على تفكيرها.. حطت آخر اللمسات على وجهها.. وناظرت غرفتها برضى تـــام.. أخيـــراً تجرئت تلبس الفستان الابيض.. أستغنت عن الطرحة وباقي التفاصيل.. لبست الفستان وسرحت شعرها.. مكياج أول مرة تسويه.. كانت دائماً تحط هادي ومايغير ملامحها.. بس اليوم زادت جرئة مكياجها واعجبتها النتيجة.. حست قلبها بيوقف لما سمعت خطواته داخل جناحهم.. أبتسمت بحب لما فتح الباب .. وقف مبهوور بالغرفة وبزوجته.. أبتسم برضى وفرحة كبيـــرة.. كان يظن إنها مستحيل تلبسه بعد ما هددها بالطلاق.. لانها أخفته عن عيونه واعتقد إنها تخلصت منه.. يشوف حبها له وخجلها.. قفل الباب وقرب منها وإبتسامته تزيد.. وقف قبالها وحط يدهـ على كتفها.. رفع وجها له وظل يتأملها لحظات.. راجح بحب\روعة ياروعة.. رشا تبتسم\أحبك من هنا إلى الشمس.. راجح\أحبك من الشمس إلى هنا.. ضحكت بحب وضمته.. لم يدينه عليها وهو يضحك.. لأنها تتذكر مثل ماهو يتذكر.. لما كانت صغيرة تقوله أحبك من هنا إلى الشمس.. وهو يقول لها العكــــــــــس.. كانت بتقوله عن حملــــها.. بس أوهمت نفسها إنها مو متأكدة.. وبسبب ثاني تخاف يعصب عليها او يهاوشها.. هي صارت بخير.. نومها صار طبيعي.. تركت العلاج وهي واثقة بقرارها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة ما علمك صوت المطر كيف أحتريك ..؟ و إلا المطر .. ما جاب لي طاري أبد ..! كم قلت لك في غيبتك وش كثر أبيك أشتقت لك تقول لي .. وأنا بعد ..! ركضت تحت المطر وهي تضحك مبسووطة.. وكانها رجعت بزر مايهمها شيء.. وقفت تحت المظلة التابعة لـ الملحق.. وجلست على المرجيحة.. ناظرت لـ القصر وشافته واقف على البلكونة يناظرها.. أشر لها بيدهـ وردت عليه بنفس الإشارة.. ناداها ترجع القصر.. بس هي هزت راسها بالرفض.. غازي بصوت عالي\بتبردين وتدخلين.. هديل بعناد رفعت مفتاح الملحق واشرت فيه له.. ضحك وصرخ عليها\سرووووووق .. هديل بنفس صراخه\منكم نتعــــــــــــلم.. غازي بجنون\أحبــــــــــــــــــــك.. نزلت راسها ولا ردت عليه.. وكانت ردت فعلها متوقعة له.. عضت شفايفها من شدة خجلها.. وقفت بسرعة لما اشتد المطر.. ودخلت الملحق.. قفلته وتركت المفتاح على الباب.. عشان مايقدر يدخل إذا كان معه سبير.. شغلت التدفئة وتجاهلت كل تفكير يسبب لها ضيق وزعل.. إعتاقه لها لما هي جاته بنفسها.. تعني لها الكثيـــر.. أحيت شيء ميت بداخلها.. أقصت عن بالها فكرة إنه يرفض كونها جثة.. ولو كانت بوعيها ماكان بيتركها.. تبي تظل متفائلة وتفسر أي شيء يصير بينهم بنية طيبة.. ولو إنها تعرف نواياهـ كلها تملكية.. أتصلت على ابوها.. ولما طلبت أمها تعذر لها إنها نايمة.. كلمت عسوولة.. وحاولت تراضيها لانها زعلانة عليهم.. هديل بزعل\طيب أنا وش ذنبي..؟؟ هم ماجابوك لي..قلت لعلي يجيبك بس مارضى.. ام حسين\طلبتيني ولا جابني لك.؟؟ والله يالعصا الليلة تصك جنوبه الوجه الودر.. هو قال إنك مارضيت أجيك.. هديل بتبلي\الكذوووب..يتبلاني يومه لا تصدقينه.. جايب عبيد وسويرة..جننوني هبلو فيني.. ام حسين\أقول أنتي مطولة هناك؟؟ هديل\والله مدري يومه باقي ماقررنا.. نخلص مواعيد ذياب ونرجع بعون الله.. ام حسين\تدرين إن رويكن عطاني عقد وإسوارة.. هديل\هههههههههههه مبروووكة عليك.. ام حسين\ماهي لي يالهبلاء.. عطاني إياها قال هديتك متى مارجعتي.. هديل بإستغراب\هديتي أنا..؟؟ ام حسين\إيه هديتك انتي.. هديل\وليش يهديني..؟؟ ام حسين\يهديك عشان رجوعك بالسلامة انتي وولدك.. تدرين إنها طابت لي..وخاطري فيها.. هديل بخبث\أقووول يا ام حسين.. هديتي حطيها بـ الصندوق لحتى ارجع.. عيب عليك عجوز وش كبرك تسرقين هديتي.. الجدة\ههههههههههههه روحي عسى عيني ماتبكيك.. إيه يومه إضحكي وإنبسطي..الدنيا فانية يا فديتك.. الدنيا فانية..الدنيا فانية.. هزت راسها بعد ماقفلت من عسوولة.. وهي تردد كلمتها.. الدنيا فانية.. صدقتي يومه الدنيا فانية.. ولا يبقى غير وجهه سبحانه وتعالى.. حسيتي إني تغيرت يا عسوولة.. عساني أرجع مثل ماكنت.. إدعي بس إنه يعتقني دوم ماهو يوم.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛ آخاف لا قآلو النآس وشلونكـــ؟! آنطق بدون شعوووور ..موجوعه.. ردت على الشيخ بالموافقة.. والتفتت على أمها بخووف.. لما سمعتها تشهق وتبكي .. خلود بسرعة\خلاص يومه والله اقول لـ الشيخ لا يعقد لنا.. ما ابي الشايب ولا غيرهـ..ابراهيم ناد الشيخ تكفى.. ام خلود تضمها\لا يومه.. أنا فرحانة لك بس شايلة هم زعلك.. خلود مافهمت\لا ان شاء الله ماراح ازعل ولا اشكي منه.. شايب طيب وفيه الخير.. صدقيني مابيظلمني..أنا عرفته وجلست معه.. وبأظل ازور عيادته لحتى احس براحة اكبر.. ام خلود\لا مافيه تروحين لعيادته الا بعد الزواج.. خلود بحيرة\أي زواج..؟؟ ام خلود\حفلة زواجكم.. خلود تضحك\ههههههههه يومه فديتك.. هذا شايب يمكن على الساعة 7 وهو نايم.. لايعرف سهر ولا خرابيط..قالت حفل ههههههههه ام خلود بإرتباك\لا لازم حفلة..وتنزفين وترقصين بعد.. خلود\أبشري نسوي حفلة ولا يهمك.. وارقص فيها بعد..بس الشايب لازم ينام بدري.. وش رايك نسوي الحفلة والشايب نايم.. حرام اخاف يكون فيه روماتيزم او ضغط وسكر بسم الله عليه.. الله يحفظ لي شايبي.. مرام\ياويلك ياويلك يامسفر ياويلك.. أنا مسافرة مع تركي مابنحضر زواجكم.. خلود\تحضرين غصب عن خشمك..هذا جدك ياللي ماتستحين.. إبراهيم\احم خلوود زوجك يبي يشوفك.. خلود\لبى الشواب ههههههههههههه..يبي يتطمن لا اكون شينة.. مرام\خلوود لا تستهينين فيه تراهـ جــــدي حبيبي.. خلود\جب لاتوصيني على شايبي فديته.. والله مبسوطة لاني تزوجت شايب.. عاقل ومؤدب ودكتووور.. إبراهيم\أي شايب..؟؟ ام خلود\ولا حد..قله بتجيه خلود ينتظر علينا شوي.. خلود تبتسم\يوومه حرام اخليه ينتظر.. يمكن ينام في المجلس ونتوهق فيه.. خليني اشوف وش يبي صارت الساعة ست ونص.. بعد نص ساعة بينام.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة فزت بمكانها بسرعة لما حست بأرجولها تتحرك.. صرخت بخوف ووقفت بسرعة.. ناظرت فيه وهو يضحك عليها.. لما استوعبت إنه كان يحاول ينيمها على الكنبة.. لأنها كانت نايمة وهي جالسة.. ضربته على كتفه.. هديل بقهر\كيييييف دخلت هنا.. أنا كنت ادري إنك بتجي وسهرانة أنتظرك.. غازي يبتسم\فديت اللي تنتظرني..عشان كذا نايمة وانتي جالسة.. وهذا انا جيت ياقلبي.. هديل بإحراج\ابي اعرف كيف تقدر تدخل هنا.. عشان كذا ظليت سهرانة.. غازي\لااا سر ما اقدر اقوولك.. هديل\بلى علمني..الباب مقفول ماتقدر تدخله منه.. ولا تكذب علي وتقول من الشباك.. قول الصدق.. غازي بتفكير\اممممممم مصممة..؟؟ هديل بحماس\إيه..أبي اعرف.. غازي\مافيه شيء من غير مقابل.. هديل\قلتها لي زمان لما اهديتني عسوولة.. مافيه شيء من غير مقابل.. غازي يبتسم\حلووووو حلوو.. يعني فاهمة اللعبة.. هديل بعناد\مو فاهمة شيء.. ولا تحاول تضيع الموضوع.. كيف تدخل الملحق وهو مقفل.. غازي\اقولك إذا قلتي لي..؟؟ هديل بحذر\أقولك أيش بالضبط..؟؟ غازي بوله\اللي أنتي مخبيته عني.. هديل\مو مخبية عنك شيء.. بلى مخبية عنك أشياء.. غازي\لا مو الأشياء اللي في بالك الحين.. شيء ثاني أمووت وتقولينه.. هديل بشك\مو فاهمة عليك.. شيء..وشيء..تكلم بالعقل.. غازي بحنين\أنا احبك.. وما ابيك تنسين هذا الشيء ابداً.. هديل بخجل\اللي مايهمني أنساهـ.. والحين قلي كيف دخلت..؟؟ غازي\الحمدلله إني عرفت.. كنت بأتهور واسمح لك عني تغيبين.. هديل بخوف\عرفت أيـــش..؟؟ انا مو فاهمة عليك.. غازي\أدري إنك مو فاهمة.. إفهمي شيء واحد.. أنا أحبــــــــــــــــك.. خافت منه.. خافت من ثقته بشيء مجهوول عنها.. ماهو ذياب ولا اخــوهـ.. لا شيء أكبر من إنها تستوعبه.. أنصدمت لما مسك يدها ومشاها معه.. سحبت يدها منه وتراجعت بخطواتها.. غازي\ماتبين تعرفين كيف أدخل هنا..؟؟ هديل بتردد\ما أبي أعرف شيء.. غازي\وانا ابي اعرف كل شيء.. أبتعدت عنه بخوووف.. تبي تصرخ فيه لا تخوفني.. لاتعقدني منك ومني.. كمل جميلك وحررني منك بالكامل.. صدت وتوجهت لـ الباب.. تبي تطلع من الملحق وتروح القصر.. مسكها قبل تطلع.. غازي\وين رايحة..؟؟ هديل\القصر..كيف تركت ذياب لوحدهـ..؟؟ إبعد يدينك باروح.. غازي\لاتروحين في المطر..تعالي من هنا.. مشت وراهـ وتغلب إحساس الفضوول.. على الخووف والإرتباك.. توجه لآخر زاوية في غرفة النوم.. وقفها على الجدار.. وهي تلفتت حواليها تناظر الباب اللي دخل منه.. بس ماكان فيه باب ولا شباك.. رفعت عيونها فيه بقهر.. وهو ابتسم على نظراته.. غازي\اول ابي المقابل.. هديل بصد\ماعندي شيء أعطيك إياهـ.. لا اليوم ولا بعد سنين.. غازي إبتسامته تزيد\ابي المقابل.. بوسة وضمة مثل الصباح.. هديل بإحراج\أي صباح..؟؟ غازي عقد حواجبه\اللي سويتيه الصباح عيديه الحين.. هديل\من عيوني.. ابتسم لها وقرب منها.. بكسته على بطنه بقوووة.. هديل\تبي زيادة..؟؟ بكسته مرة ثانيه وهي مبسووطة.. هديل\كيف دخلت..؟؟ غازي\ههههههههههه الحمدلله على السلامة.. رجعتي يا فديتك.. انحنى ومسك حلقة مخفية لونها بلون الارضية.. رفعها بقوووة.. وكانت عبارة عن مفتاح لباب ارضي.. نزل ومد يدينه لها.. غازي\تعالي.. هديل بتردد\لا إبعد..أنا انزل لحالي.. غازي\هههههه مابتقدرين الارضية بعيدة عنك.. هديل بعناد\مالك شغل..صح قصيرة بس بأوصل.. إبعد لا تمسكني.. غازي\طيب يا قصيرة إنزلي أشووف.. ولا تكسرين كافي عاهات.. هديل بقهر\أنت العاهة.. غازي\طيب يالله.. جلست ع الأرض ونزلت رجلينها.. درست وضعها وشافت إن طريقتها غلط.. قلبت وضعيتها وشددت يدينها على الأرضية.. تحاول توصل رجلينها لــ الأرض بس ماقدرت توصلها.. هديل\هههههههههه بأطييييح.. غازي\وش أسوي..؟؟ هديل\ههههههههههه والله خلاص ما اقدر..يديني تخوني.. غازي يضحك\يعني وش أسوي..؟؟ هديل\آآآآهـ غااازي إمسكني بالله عليك.. غازي مبسوط\يالبيييه.. أنفكت يدينها وصرخت وهي تحس فيه يمسكها قبل تطيح.. نزلها على الارض وهي ضربته على صدرهـ.. هديل\تبيني امووت..مافيه على قلبك.. غازي\والله عسل.. مشت قدامه وهي ماتدري وين تمشي.. يكلمها ولا ترد عليه.. تبي تكتشف المكان اللي هو مخبيه عنها.. وقفت عند تحفة كبيرة .. عبست ملامح وجها وتعوذت من الشيطان.. وابتعدت عنها بسرعة.. مشى جنبها وحط يدهـ حوالين خصرها.. غازي\وين رايحة..؟؟ هديل\مالك شغل.. غازي\أبي اعترف لك بشيء.. هديل بنظرات شك\مابيعجبني إعترافك.. ما ابي اسمعك.. غازي\ههههههه تدرين إنك من اول يوم جيتي فيه المزرعة.. كنت انام معك في الملحق.. أحيان ما انام..أظل صاحي وأراقبك.. هديل بهدؤ\لاتكمل.. غازي\كل ليلة تبكين قبل تنامين.. تنامين وتبكين من غير وعي.. بعدت يدينه من حواليها.. ومشت بخطوات كبيرة هاربة منه ومن كلامه.. دخل يدهـ بجيبه.. وطلع الورقة اللي أعطته إياها صوفي.. آخر مرة زارتهم في المزرعة.. قرأ اللي فيها للمرة الألف.. ولازالت نفس المشاعر تنبض في قلبه.. فز بمكانه وركض يدرو عليها لما سمعها تصرخ بصوت عالي وتبكي.. إلى الملتقى بإذن الله تعالى فجر السبت .. كونوا بخيـــــــــــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البارت الخــامس والثمــانــــون .. كيف استطاعت نفاذاً لقلبي؟ ويا ويح قلبي! منذ سنين تجمّد كيف يعيشُ الفتى دون قلبٍ يدقّ؟ ودون دماء تسيلْ؟ تحنطتُ لكنني لم أبح فمشيت ولم يدر من مرّ بي أنني دون قلبْ فمن أين أقبلت ترتجلين القصائد تستمطرين الكواكب زخة وجدٍ تثيرين زوبعة في الرميم؟ أنا قد تقاعدت سيدتي من مطاردة الوهم عبر صحارى الخيال تقاعدت من رحلتي في تخوم الرجاء وعبر بحار المخاض المليئة موجاً عنيفاً تقاعدت أعلنت للناس أني قد كنت منذ سنين طوال ومتّ فمن يفضح السر؟ من يحفر القبر؟ المرحوم بإذن الله تعالى..غازي القصيبي.. بعدت يدينه من حواليها.. ومشت بخطوات كبيرة هاربة منه ومن كلامه.. دخل يدهـ بجيبه.. وطلع الورقة اللي أعطته إياها صوفي.. آخر مرة زارتهم في المزرعة.. تحس بالأرض تحتها مثل الماء.. خطواتها متعثرة هاربة منه.. وهاربة من ذكريات صارحها فيها.. كان يشاركها الملحق باول ايامها.. ينام عندها..؟؟! يسمعها تبكي..يعني يسمع كلامها وندائها لربها.. لأبوها..ندائها لـ هادي.. يسمع صراخها وهي تشوف كوابيس هو الملك فيها.. كان معي بلحظات خوفي منه ومن المكان.. خوفي من غربة انكتبت علي.. من إنسان غريب عني ومتملكني.. يسهر عندي وينام.. يعني حتى البرد اللي جمدني جمدهـ.. رفعت راسها وهي تحس بضيق وكئابة من المكان.. ماتدل الطريق عشان ترجع.. لازم هو يطلعها.. وبنفس الوقت تبي تظل لحالها.. تبي تسترجع أوقاتها الوحيدة بملحقها.. وكل ذكرى راح تتذكرها بتشركه فيها.. ناظرت حوالينها بإستطلاع.. تنتظرهـ يطلع لها او يناديها.. رجعت على نفس الطريق اللي مشت عليه.. اللي مطمنها إن المكان اللي هم فيه له طريق واحد بس.. مالاحظت وجود متاهات او مداخل غريبة.. ثبتت بمكانها وارهفت سمعها.. سمعت خطوات سريعة تقترب منها.. يرافقها تنفس سريع.. ماشكت يكون غازي.. لان غازي ماتعداها... فيه شخص وراها يقترب منها بسرررعة.. حاولت تركض.. تبي تهرب منه .. الخوف سيطر عليها.. صرخت باسمه بصوت عالي.. لما حست بشيء يلتف على أرجولها.. وشيء غريب يلمس ركبها من ورى.. ظلت تصرخ بكل صوتها وهي مغمضة عيونها.. حست بيدن غازي تلمها بقوووة لصدرهـ.. وسمعت صوت ضحكته عاااالي وهو يسمي عليها.. صرخت فيه وهي تبكي بخووف.. هديل بجنون\إبعــــدهـ عنـــــــــــــــــي .. وخرهـ عني وخــــــــــرهـ.. يوممممممممممممممممممه.. غازي يضحك\ههههههههههه بسم الله عليك.. هششش إهدي مافيه شيء يخووف هششش خوفتيه... حركت ارجولها بسرعة تبي اللي حوالينها يتركها.. وهي تصرخ بغازي يبعد اللي عليها.. شال يدينه من عليها وانحنى بسرعة.. فك اللي حوالينها وهي أبتعدت بسرعة ووقفت بعيد عنه.. أرتفع وهو شايل ذياب بين يدينه.. كانت ترتجف بمكانها.. والشهقات تمنعها لا تتنفس براحة.. الخوف متحكم فيها ولا فهمت سبب ضحك غازي.. لحتى شافت ذياب بحضنه.. حطت يدينها على فمها بصدمة .. ولاقدرت تتحكم بدموعها.. قرب منها وهو يبتسم وضمها له وضم ذياب.. حطت وجها بحضن ذياب وبكت بخووف.. وذياب بكى زعلان منها لما صرخت وخوفته.. غازي بحنية\ليه تخوف أمك..كنت بتجلطها يا ابووك.. هديل بصوت باكي\ماعرفت وش يكون.. حسبته كائن.. غازي ماقدر يكتم ضحكته\ههههههههههههههه كائن مرة وحدة.. الحين هذا الذيب كائن غريب.. هديل\والله خفت منه.. وبعدين انت السبب..ليه خليته لحاله..؟؟ غازي\قال يبيك فرحت اجيبك له.. خذته من يدين غازي وضمته لها بقوووة.. بكت غصب عنها.. لازالت تحس برجفة الرعب اللي صابها مسيطرة عليها.. دائماً يضمها ويركض لها لما يشوفها بعد ماتغيب عنه لوقت طويل.. وهي من الظهر هاربة من ابوهـ وجالسة في الملحق.. غازي بحنية\إستهدي بالله .. هديل بغصة\خووفتـــه مني.. غازي\بينتقم لنفسه بس خليه يستوعب وش سويتي فيه.. هديل تمسح دموعها\ههههههه بيتعلق بشعري اعرفه... المفروض نتوطاك انا وهو..كيف قدرت تخليه لوحدهـ.. غازي\ماريا كانت معه.. هديل\كيف قدر يدخل هذا المكان..؟؟ انت من وين تدخل..؟؟ غازي\ذيب طالع لأبووهـ. عرف الطريق مو مثلك كم سنة ماتدلين.. هديل بقهر\ماكنت ادري إن ابوهـ موسوس وجاسوس.. هذي حركات الجواسيس..ليه بنيت هذا الطريق..؟؟ غازي\هههههههههه اتجسس على اروع كنز.. هديل بصد\إختصر..ليه بنيته.؟؟ غازي\وليه ابنيه؟؟مو انا اللي سويته.. اللي بنى القصر بنى هذا الممر معه.. الملحق كان ورشة نحت..وانا سويتها ملحق للقصر.. هديل\امممممم وين الباب الثاني لممرك يالجاسوس.. غازي\تعالي وإكتشفي بنفسك.. اخذ ذياب منها ومشت جنبه.. ألتقوا بماريا عند الباب وكانت مرعوبة.. ماريا\أنا أسفة سيدي.. لقد ركض داخلاً ولم أستطع الإمساك به.. هديل بقهر\ليش مادخلتي وراهـ.. غازي\ماتحب الأماكن الضيقة..تخاف منها.. ماريا\أنا أسفة.. هديل\لو صار فيه شيء..كنت باذبحك أنت ياجلمود.. غازي بنص عين\يعني معصبة عشان ذياب ولا لانك أنهبلتي من الخوف يالخوافة..؟؟ هديل تشهق\هئئئئئئئئ هذا المكتب.. غازي يبتسم\إيه المكتب.. هديل\الحين ماريا تعرف هذا المكان..؟؟ غازي\ماريا تعرف كل شيء هنا.. لانها عاشت في هذا البيت من سنين طويلة.. وهي اللي دلتني على هذا الممر.. هديل\تدري إنك مجرم..؟؟ غازي بوله\تدرين إنك قمر..؟؟ هديل تبتسم\حالتك اليوم مستعصية.. وش عندك مبسوط..؟؟ غازي\لانك معــي.. هديل\مو على طول.. غازي بهدؤ\مو قلنا نبي أخ لذياب..؟؟ هديل\سنة وينتهي عرضك.. غازي يقرب منها\سنتين.. هديل\يثبت حملي وارجع عند هلي.. وبعدها خذ عيالك وأطلع من حياتي.. غازي\معـــصي ولا تبعدين خطوة.. هديل بجمود\ابي اراجع دكتور ذياب.. غازي\هذا هو قدامك.. هديل بقسوة\سمعتك يادكتور فاشلة جداً.. ما انقذت بنتك فكيف تنقذ ولـــدي..؟؟ غازي\جبارة يا حمامة.. هديل\بعض ماعندكم يا جلمووود.. شالت ذياب وخرجت من المكتب.. وقبل لا تقفل الباب سمعت صوته.. غازي\نيميه بفراشه.. الليلة دور أخوهـ.. هديل بحقد\إحلم على قدك.. وأنا اقرر مو أنت.. غازي يغيضها\إن وقفت عليك ما جاء بعد عشر سنين.. طلعت غرفتها ونامت جنب ذياب وهي ضامته لها.. وعينها على باب الغرفة.. تخاف يدخل عندها.. عاتبت نفسها وين راحت الراحة اللي كانت مصاحبتها طول اليوم.. من اول ماصحت وهو جنبها.. وعرفت إنه مالمسها.. كانت مبسوطة ومرتاحة.. ليه لما واجها بموضوع الطفل الثاني.. تجمدت وقست..؟؟ هي قررت يثبت حملها وترجع لهلها.. تدري ما احد بيرضى بوضعها.. وبنفس الوقت ماتبي تعيش معه مجبوورة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛ دخلت المجلس وشهقت بقووة لما شافت رجال فيه.. طلعت بسرعة قبل يشوفها أخذت عبايتها وطرحتها.. لبستها وهي معصبة ورجعت المجلس.. ماردت على امها ولا على مرام اللي يسالونها وش صار معها.. خلود\السلام عليكم.. مسفر وقف\وعليكم السلام ورحمة الله..هلا.. خلود بقهر\نعـــم وش تسوي هنا..؟؟ مسفر\؟؟؟؟؟ خلود\جدك وينه..؟؟ مسفر\جدي..؟؟ خلود\إيه جدك..اللي هو زوجي.. مسفر مصدوم\امك ماقالت لك..؟؟ خلود\وش تقولي..؟؟ جلس وهو مصدووم من الموقف اللي أنحط فيه. كيف يشرح لها إنه هو الشايب او الجد مثل ماتقول.. كان يظن إن أمها او مرام بيقولون لها.. بس شكلهم معتمدين عليه.. مايشوف منها الا عيونها اللي تناظره بكرهـ.. لو تدري انه هو زوجها كيف بتقتله..؟؟ مسفر ابتسم على تفكيره\خلود إجلسي نتفاهم.. خلود\نتفاهم؟؟ أسمع أنا زوجت جدك وبمقام جدتك.. وتفاهم مابينا..جدك وينه..؟؟ مسفر\جدي في السيارة.. خلود\...في السيارة؟؟ مسفر بهدؤ\إيه تعبان وبيرجع البيت.. قال اتفاهم معك بالنيابة عنه.. خلود بقهر\تعبان وانت جالس هنا..؟؟ رجعه البيت يرتاح وياخذ علاجه.. وبكره يجي ونتفاهم..أنت لا تدخل بينا.. مسفر\لا بكره هو بيسافر.. الحين لازم اقولك هو وش يبي منك.. خلود\قوول.. مسفر\طيب إجلسي.. خلود\قوول اللي عندك ومالك شغل.. ولاتنسى ترى أنا جدتك أسمع كلامي.. مسفر\طيب ياجدتي.. زواجكم الإسبوع الجاي موافقة..؟؟ خلود\أدري أمي قالت لي.. مسفر\طيب نبي اللي في خاطرك.. خلود\اللي في خاطري..؟؟ مسفر\إيه جدي يقول إذا عندك شروط أو طلبات هو حاضر.. خلود\سلامته ما ابي شيء.. شغلي مابأتركه محتاجته.. وما ابي نبعد عن هلي.. مسفر\لك اللي تبين..وإذا فيه شيء ثاني لاتترددين.. خلود\لي اللي أبي..؟؟ أنت وش دخلك تقرر..هو اللي يسمح مو أنت.. مسفر بفشلة\احم احم لاني اعرف جدي.. مابيمنعك من الشغل.. خلود بطفش\والحين مع السلامة.. الشايب في السيارة ينتظرك يا مال العافية.. مسفر كاتم ضحكته\فمان الله.. مد يدهـ يبي يصافحها.. وسحبها بسرعة لما شاف عيونها تنبىء بضرب أو شتم.. أشر بيدهـ فمان الله وطلع من المجلس.. جلس في سيارته يضحك بصوت عالي.. يحس كل اللي يصير معه حلم وبيصحى منه.. دخلت مرارم السيارة وظلت تناظره مصدومة من ضحكه.. مسفر\صدق من قال شر البلية مايُضحك.. مرام\دووم الضحكة إن شاء الله.. وش صاير معك..أشوفك لا مفقووش ولا مطعون.. حتى انا ماطقتني ولا توطت في بطني.. كيف تفاهمتوا..؟؟ مسفر\هههههههههههه تقول إنها جدتي.. ههههههههههههه ومتزوجة جدي الشايب.. بعد بكره بتقول ياولدي..هههههههههه مرام\هههههههههههه هي جدتك..؟؟ مسفر\لاحول ولا قوة الا بالله.. والله شايل همها لما تعرف.. مرام مصدومة\باقي ماعرفت..؟؟ماقلت لها؟؟ مسفر\هههههههه لا ماقلت لها.. شفتها مرتاحة لـ الشايب.. اما أنا تمنت لو تحرقني.. مرام\كييف بتقول لها..؟؟ مسفر\خليها علي هي زوجتي وزوجت الشايب.. مرام\مسفر كان المفروض تقول لها اليوم.. مسفر\ماراح اقولك ليش أنتي ماقلتي لها.. ولا اعاتبك اكثر من اول.. مرام\كان بإمكانك تنهي الموضوع لو مو عاجبك.. مسفر بعصبية\نعـــم كيف انهيه..؟؟ مرام\مو أنت قابلت امها.. ليش ماقلت لها إن الموضوع ماله اساس.. ولا تعيد كلامك إنك أنحرجت معها وماعرفت تتصرف.. أعرفك زين يامسفر ما احد يغلبك في الكلام.. مسفر\مو مسالة غلبتني او غلبتها.. ماني متعود أجرح احد..الحرمة ظنت إني جاي اخطب بنتها.. فكيف بتنصدم إذا قلت لها خالتي ملفقة موضوع من بالها أعذرينا.. مرام\لا مو كذا ياحنون..كنت بتقدر تسحب نفسك من الموضوع.. بس لان السالفة اعجبتك.. ولأن خلود مسيطرة على اغلب تفكيرك هذي الفترة استمريت فيه.. مسفر\لاتسوين محللة نفسيه علي.. لا شاغلة فكري ولا شيء.. وكسر الخواطر ماهو سهل مثل ماتتصورينه.. ماقدرت اكسر في خاطر ام خلود ولا في خاطر خلود.. وسكري الموضوع ولو سمحتي لا تدخلين بيني وبينها.. أنا بافهمها كل شيء.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة مالهم صوت .. غربوا والزمان سكوت .. ليتهم ماقربوا وهقوني بالوصل .. علقوني بالأمل هذا شيء لايحتمل .. التجافي موت .. ألتفتت على صوت عبدالله اللي يناديها.. عبدالله\يومه ليش ما كلمتي عمتي هديل..؟؟ ام علي\كلمتها قبل لا اصلي الظهر.. عبدالله\صدقتك.. ام علي بعصبية\احسن قوول كذابة..؟؟ عبدالله\محشوومة..بس أنتي ماكلمتيها.. ام علي\وانت مالك شغل.. اكلمها او لا.. عبدالله\بلى لي شغل.. لاتحسبيني مو فاهم ولا ادري وش صاير بينكم.. انا سمعت كلامك مع غازي.. ام علي بصدمة\سمعت كلامنا..؟؟ عبدالله\إيه سمعته.. بس هو يكذب عليك.. ام علي بقهر\ولا كلمة يا عبيد.. والله لو عرفت إنك تكلمت عن اللي سمعته مع أحد ما اسامحك.. عبدالله\ماني ناقل كلام.. بس ما ابيك تظلين متضايقة بسبب كذبه عليك.. ام علي\عبييييد..؟؟ عبدالله\هديل وش ذنبها قولي لي..؟؟ ليه تقاطعينها وماتردين عليها..؟؟ ام علي بغصة\إسكت يا عبدالله انت مو فاهم شيء.. عبدالله\قلتي ليه ضربت هديل..؟؟ هو مستحيل يضربها لانه يحبها.. أنا متاكد هو يكذب عليك لما قال إنه ضربها وأوجعها.. شفته كيف يهتم فيها زرتهم في بيتهم يومه والله هو طيب معها كثير.. ام علي تكتم قهرها\صح يا عبدالله..أدري إنه يكذب علي.. مابيضربها ولا بيوجعها..هي زوجته وأم ولدهـ.. عبدالله\طيب ليه انتي زعلانة..؟؟ ام علي\لاني أحب هديل.. أبيها ترجع تعيش عندنا هنا.. ولو يحبها مابيحبها كثري انا.. عبدالله\وغادة تبينها تعيش معك..؟؟ ام علي تبكي\ما ابي الا هديل.. ليتني مارجعت الا وهي معي.. ياخوفي تسوي اللي في بالي.. عبدالله\يومه لا تبكين..تكفين.. ام علي\اطلع من عندي يا عبدالله.. رحم الله والديك أطلع من عندي.. خرج من غرفتها..لا اقتنع بكلامها ولا قدر يقنعها.. هو سمع كلامها مع غازي.. وسمعها كيف تبكي وتترجاه يترك هديل ترجع معها السعودية.. وهو مارضى وحلف مايتركها تروح منه.. طلع جواله واتصل على رقم.. بعد ثواني رد عليه.. عبدالله\السلام عليكم.. عبدالله\وعليكم السلام..أهلاً يا صديقي.. عبدالله\ولكم ولكم..ياماي نيم..وير از غازي..؟؟ عبدالله\هههههههه لا اعرف..لماذا لا تتصل به..؟؟ عبدالله\وت يو مي ذير از يو.. عبدالله\هههههههههه لا افهم ماذا تقول.. عبدالله\عنبوا ابليسك كيف اتكلم معك..؟؟ عبدالله\وجع.. عبدالله\تعقب ماوجع الا في سيقان حرمتك يا القطو.. لو رجال تلبسها عباية وتصكها بوكس تلبس طرحة.. عبدالله\ياصديقي دائماً تتصل بي ولا افهم ماتريد.. إتصل بديل وهي ستخبرني ماذا تريد انت.. عبدالله\وت .. افري دي نو بربلم مع السلامة ياماي نيم.. قفل الجوال وهو مصمم يتعلم اللغة الانجليزية.. وظل يردد في باله من تعلم لغة قوم امن مكرهم. لايكون يسبني مثل ماسبيته ويضحك علي.. أكيد الهياط ماهو محصور بس فيني.. يالبى سميي بس ولو يسب المهم سميي.. ألحين زوج عمتي كيف القاهـ مايرد علي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ هآت همك .. هآت جرح بيـوم هآنـك و هآك قلبي .. هآك روحي و القوآفي ولو يجيني مآ يجيني بس .. عشآنـك بذمتي مآ أقول له : يآ جرح كآفي .. وقفت بسرعة لما شافته على الخيل جاي لها.. مسحت دموعها بشكل سريع وهفت على وجها بيدينها .. تحاول تخفي معالم البكاء من عليها.. مشت بعكس إتجاهه بخطوات هادية.. وقفت غصب عنها لما وقف قدامها.. وصار يدور حوالينها.. مد يدهـ لها يناديها تركب معه على الحصان.. غازي\تعالي.. هديل بهدؤ\أبي امشي...أنت روح.. غازي\مدي يدك..مشتاق أتمشى معك.. شاف ترددها ولاحظ ملامحها الباكية.. نزل لها شالها وركبها على الحصان.. ضربت الحصان بسرعة قبل يركب معها.. ضحكت بمرح لما ابتعدت عنه وسمعته يهددها ترجع.. هديل\الضيق في القبوور..تذكر.. غازي يبتسم\إيه اذكر..وقفي لاتبعدين.. هديل\ما ابي صحبتك.. ضربت الحصان أكثر وأبتعدت عنه أمتار طويلة.. كملت طريقها ولا التفتت عليه.. تستاهل مرة ترتكتني بآخر المزرعة من نذالتك يـ النذل.. خلك لحالك الحين.. ياليت تجي عاصفة ويضربك المطر مثل ماضربني بيومها.. يالنذل يـ القاسي يا الجلموود.. وقفت الحصان ونزلت من عليه.. وهي متفاجئة بـ اللي تشوفه.. مشت مبهورة بـشكل المبنى اللي قدامها.. أبتسمت بألم ودموعها تهددها.. حطت يدها على فمها وجلست على ركبها بضعف.. تتذكر لما شال كروم العنب ومنعهم مايزرعونها في المزرعة.. ولما جرد الأرض وصارت غير صالحة لـ الزراعة.. كان يمنعها ما تبتعد عن القصر والإسطبلات.. ماكان يبيها تجي لهذا المكان وتشوف وش يسوي.. سمعت صوت يقترب منها.. ما التفتت لانها تدري مابيكون غيرهـ.. وقف عندها وهو مبتسم بحسرة.. غازي\وقفت بنايته بعد موتك.. كنت بأحرقه مثلك..بس ماطاوعني قلبي.. إحساس البني آدم..لما يذنب يحب يحتفظ بشيء يذكره بذنبه.. أنا احتفظت بأشياء كثير تخصك.. جديلتك..دفتر خواطرك.. صورك اللي اخذتها لك وأنتي ماتدرين.. وأبعدت عسولة عني ماحبيت اشوفها من دونك.. ما احد سألني وينك..؟؟ ولا احد عاتبني..ابوك وهادي عاتبوا نفسهم ولا عاتبوني.. بعد رجوعك اصحى من النوم وأفكر هي صدق حية.. أشك بنفسي وانتي قدامي واقول حلم أو وهم.. مسكت يدهـ ووقفت على ارجولها.. شدت عليها وعيونها في عيونه.. هديل بغصة\مامت.. أبتسم بندم ولم يدينه حوالينها.. ضمها له بقوووة.. بين لها بعض من كل.. وهي مثل مايعرفها.. قلبها يغلب عقلها.. دائماً حنونة..ماتحب الندم يتملك أحد كثر ماتملكها.. هذي ثاني مرة تطمنه.. الأولة لما قالت إن جروح ظهرها ماهي منه.. وهذي الثانية وهو واثق إنه غلط في حساباته.. غازي بحنية\تعالي شوفيه من داخل.. هديل تبتسم\لا مو اليوم.. باشوفه إن شاء الله لما تنهيه.. غازي بمحبة\أعجبك..؟؟! هديل تغيضه\شوي مو كثير.. غازي\ههههههههههه لو ماقلتي كذا كنت باشك فيك.. هديل تبتسم\لا تجعل إنك تعرفني.. صابت معك هذي المرة.. غازي بوله\وكل مرة.. هديل\اممم ما ابي اشوف نفسي وكذا.. بس الأحرف الناقصة فوق.. V و e .. صــح ..؟؟ غازي\ومن غيرك يحق له يشوف نفسه.. صـح يا جنوني.. أبتعدت عنه وقربت من البناية.. غازي\أدخلــي.. هديل\لابس أشوفها من برا.. غازي\باين عليك الفضوول ذابحك.. هديل\ليش بنيتها..؟؟ غازي\طلبت شركة البناء تنهيها بسرعة.. كنت راح اجيبك هنا واعترف لك إنك زوجتي.. أنهي المأساة اللي بديتها.. ضيعت الطريق لك..كيف ارضيك وكيف اعترف لك..؟؟ بس الله قدر لنا غير اللي خططت له.. هديل كيف عرفتي إنك زوجتـــي..؟؟! جاوبيني.. تراجعت بخطواتها وعينها بعينه.. عضت شفايفها واشرت براسها علامة الرفض.. صدت عنه تبي ترجع القصر.. خلنا ننسى.. إذا شفتني ناسية متناسية.. جاملنــــــي.. إنســـى معي..وخلنا نكذب على بعـــض.. طلبتني في يوم نكون اصحـــاب.. خلنا اصحاب لحتى ينقطع اللي بينا وننتهي.. تحمـــلني كثر ماتحملتك زمان.. لا تسألنـــي..عن شيء يضايقك اكثر من ما يضايقني.. رفعت راسها وشافته على حصانه قدامها ومد يدهـ لها.. مدت يدها له ورفعها جلسها قدامه.. حست فيه يضمها أبتسمت غصب عنها .. غازي\حصانك هرب وخلاك.. ولاني أحبــك باخذك معي.. هديل\الله يكثر خيــرك.. ناظرت المبنى مــرة أخيـــرة.. هناك كان بيعلن لها إنها زوجته.. بيعترف لها..بس مثل ماقال.. الله قدر وحكم بغير اللي خطط له.. حمــامتي.. مبنى زجاجي بشكل حمامة لامة أجنحتها.. تذكر همسه لها بيوم من الأيام.. ناداها الحمامة الكسيـــرة.. وللأسف لازالت كسيـــرة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة فديت شمآغكـ الاحمر .. و عطر العود حين اقبلت .. طالب بمحبة\مساء الحب يا ام الوليد.. شوق\هلا.. طالب\ماشاء الله الوجه منوور اليوم.. والحالة تمام.. شوق تبتسم\الحمدلله..صرت احسن.. طالب\إيه كذا إبتسمي.. تكشيرتك تخوف.. شوق تذكرهـ\يقولون الولادة صعبة.. طالب\هههههههههه على ذمة القايل.. بما إن النفسية مرتاحة.. جبت لك هدية ماهي قدرك عندي.. شوق تبتسم\هههههههه تو الناس.. طالب عقد حواجبه\لازم تنقدين يعني.. وش اسوي أنتي مكشرة وامك ملازمة عندك.. وانا ابي جو رومنسي.. شوق\طيب يالرومنسي ماتقصر.. يكفيني وجودك.. طالب\الله لايحرمني منك يا ام تيتشر.. تفضلي يالغالية.. أخذت الهدية منه وهي مبتسمة.. فتحت الهدية .. كانت طقم ذهب راقي.. فتحت البطاقة وتفاجئت بالصورة اللي طاحت.. شالتها وضحكت لما أدركت وش تكون.. طالب\وش رايك فيني قول وفعل..؟؟ شوق نزلت راسها بإحراج\مالك حل أبداً.. طالب\ههههههه.. قلت لك أنتي في حضني وعقبال ولدنا.. وهذا هو جاء الوليد.. شوق\الله يحفظه ويحفظ ابووهـ.. طالب\ويحفظك يا بطة.. شوق\لاتقول بطة.. طالب\واحلى بطة بين بطات العالم كلهم.. رد على جواله قبل تكلمه.. وكان غازي.. سولف معه شوي وعلق على شوق وطريقة ولادتها الجديدة.. طالب\ألحين بتبكي أختك.. خذ سنعها وقل لها تخلي عنها الدموع والهبال.. قال إكتئاب قال مدري وشهو.. شوق\اللهم عافهم مما إبتليتنا.. أخذت الجوال منه وردت على غازي.. شوق\هلا ابو ذياب......الحمدلله طيبة.....لا والله بخير لا تشيل هم....... هههههههه تعرف طالب يحب يهايط............إيه وصلت هديتك فديتك.......... تعيش وتهدي..........الحمدلله المهم طيبين..؟؟ ألـــو غازي.............ألووو تسمعنـــي............ويـــنك.....؟؟ قفلت الجوال واعطته لطالب.. طالب\وش فيك..؟؟ شوق\أعتقد انقطع الخط..مارد علي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ وعدت بإلغاء عينيك من دفتر الذكريات ولم اكن أعلم أني سألغي حياتي ولم اكن أعلم أنك رغم الخلاف الصغير أنا.. وأني أنت وعدتك أن لا أحبك با للحمــــــــاقة ماذا بنفسي فعلت؟؟! لقد كنت أكذب من شدة الصدق والحمد لله أني كذبت ... نزار القبـــاني ... سحبت الجوال من يدهـ وقفلت الخط.. وقف مصدوم من حركتها ومن نظراتها.. عقد حواجبه غير راضي بتصرفها أبداً.. هديل ببرود\الحمدلله هي بخير.. ولدها بخيــر..وصلتها الهدايا.. والاهم من هذا كله أمها معاها.. لا الاهم زوجــها معها.. يعطيها دم إذا احتاجت دم.. ويكون متاكد إن الدم بعروقها دم مسلم مو كافر.. يأذن باذون ولــدهـ..ينسبه له ويفرح فيه.. تصحى وهي متاكدة إن هلها حوالينها.. ماهي يتيمة ولا مقطوعة من شجرة.. ندمت لأنها تكلمت.. لانها سمحت لنفسها تعاتبه وتبين له ضعفها بايام ولادتها.. الغصة خنقتها ولا قدرت تكمل كلامها.. نزلت جواله على الكنبة وصدت طالعة من عندهـ.. وقفت لما سمعت صوته.. غازي\إقبال عزالدين عمره 29 سنة.. رجل مغربي مسلم متغرب في إيطاليا.. هو اللي تبرع لك بالدم.. الغيبوبة اللي دخلتي فيها.. كانت بسبب الكسر اللي صار معك براسك.. بعد ماضربك الحصان وفقدتي النظر.. ولدتي طبيعي ومن شد الأعصاب دخلتي بغيبوبة... طبيبتك قالت لو ولدتي بعملية ماكانت الغيبوبة واردة عندهم.. حيرتهم غيبوبتك وبعد الفحوصات عرفوا السبب.. ياكـــــــثر ما أهمــــك.. ويــاكثر ما اجرحك وتجرحنـــي.. يـــارب آآلف بينا وريحنا.. تعبني وتعبته .. أصلـــح حالنا ياربي يا حبيبي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛ أسالك بالله جاوب سؤالـــــــــــي .؟ وأسألك بالله اصدق بالجـــــواب في غيابي مر في بالك خيـــالي؟ ولا ما يفرق حضوري والغياب؟ .. مدت يدها تصافحه.. وقرات عدم الرضا على معالم وجهه.. قربت منه وقبلته على خــدهـ.. ضحك وضمها له بقوووة.. ياسمين\الحمدلله على السلامة.. سلمان\الله يسلمك ياقلبي.. طمنيني كيفك وهديل كيفها..؟؟ ياسمين\الحمدلله إحنا بخير.. ولاتنسى إسمها نرجس.. سلمان\أول ماناديتها هديل.. ألحين صعب اغيرهـ.. ياسمين\هذي رغبت هديل.. سلمان\بعدها زعلانة..؟؟ ياسمين\المسالة مو زعلانة.. هي ماتبي احد يسمي باسمها.. حتى اخوها طلبت منه يغير اسم بنته بس هو مارضى.. سلمان\الله يصلح حالها.. ياسمين\وش سويت في اللي قلت لك..؟؟ سلمان\اممممم صعبة علي يا قلبي.. شهرين كثييير.. ياسمين\سلمان شووف كم سنة مرت.. مشتاقة لأخوي خلينا نروح الله يخليك.. سلمان\ما اقدر هذي الفترة على آخر السنة ممكن نسافر هناك.. ياسمين بزعل\هذا نفس كلامك قبل آخر مرة.. سلمان\جاء الموعد وانتي حامل بآخر شهورك.. وتوك مخلصة نفستك.. تضايقت منه وخرجت من الغرفة.. جلست في الصالة زعلانة وتمنع دموعها.. قرب منها ولم يدهـ على كتفها.. شالت يدهـ عنها بجفاء.. سلمان\مين مزعلك..؟؟ ياسمين بقهر\أنت.. سلمان بمحبة\وش مسوي فيك أنت.. مايستحي كل يومين مزعلك.. ياسمين\مثل ماتحب يا أنت.. إنت مع أهلك مرتاح ومبسوط.. بس أنا حارمني من اهلي.. سلمان\أفا يعني هلي مو هلك..؟؟ ياسمين\لا تحرف كلامي.. أنا محتاجة اشوف أخوي.. سلمان إفهمني.. سلمان بحنية\أووف أنتي ما احد يخبي لك مفاجئة ابد.. إن شاء الله تكون نرجس قادرة ع السفر ونروح لاخوك.. مرتاحة الحين.. ياسمين\يعني مابننتظر سنة..بس شهوور؟؟ سلمان\بس شهور..وش رايك في أنت؟؟ ياسمين\حبيبي انت.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة تدروون كيــف إنســان يجني على إنسان ..؟؟ يسقيــــه من نبــع الغــلا ليــن يرويه .. وإذا عرف إنه وصـــــل بـ مرحلة إدمـــان .. يصـــــد عنه ويهجـــرهـ ما ســـأل فيـــه.. جلست جنب مرام وهي تعدل فستـــانها.. وتحاول تكبت غضبها تحت إحساس الخجل اللي سيطر عليها.. تضايقت ليش ماجاء ياخذها بنفسه من صالة الأفراح.. كل امورهم ومشاويرهم مسفر هو اللي يقضيها.. المهم هو اللي جابه..والحفل هو اللي قايم فيه.. كل شـــي يتدخل فيه.. بينما الشايب ماله ظهور ولا وجود.. مختـــفي عنهم..ولا فكر يسأل.. بدت تندم بصمت على تسرعها وموافقتها لـ الزواج منه.. كانت تظن إنه بيهتم فيها من بعد ماتصير زوجته.. يزورها او يكلمها.. ماتبي رومنسية ولا هدايا ومهر.. تبي حنان ابوها اللي فقدته مفجووعة.. ماكانت تسمع تصويات مرام لها.. ولا رفعت راسها تشوف مسفر اللي ماخذهم الفندق.. حست بالعبرة تخنقها.. تبي أمـــها معها..وحتى لو شايب.. هذي اول مرة تكون مع رجل غريب عنها.. حتى عمامها وأهلها ما تطيقهم ولا كانت تقابلهم.. هدت نفسها وهي تردد.. شايب مسكين تعبان عشان كذا ما اخذها من القاعة.. وارسل شوفيرهـ مسفر الصغير لها.. إيه هو لازم يخدمنا انا جدته وهذاك جدهـ.. فكرت إن الشايب نايم من الساعة 7 وناسي إن الليلة عرسه.. أنبست على تفكييرها براحة.. وصلوا الفندق ونزلت مرام وساعدت خلود تنزل من السيارة.. نزلت وطارت عيونها بمسفر اللي واقف قريب منها.. ويدها في يدهـ.. سحبت يدها منه بسرعة وعيونها تتوعد فيه.. لاحظت نظرات سخرية على وجهه وإبتسامة غريبة.. طنشته ودخلت الفندق مع مرام.. أستئذنت منها مرام إنها بترجع مع تركي اللي كان وراهم في سيارته.. تمسكت فيها خلود وطلبتها تظل معها.. مرام بندم\آسفة ياقلبي سامحيني.. بس مسفر بيوصلك لجناحك.. خلود بغيض\ولا يخطي معي خطوة..وصليني لجدك وبعدها روحي.. مرام\لا ما اقدر مابيسمحون لي أطلع معك.. مسفر يوصلك له لا تخافين.. خلود\أبد ولا يوصلني ولا شيء.. خذيه معك هذا الطايش ماشفتي لما كان بيسوي فينا حادث.. مرام بصدمة\خلوود لاتظلمينه وتتبلين عليه.. خلود\الشايب وينه..؟؟المفروض يستقبلني هنا.. ولا كل هذا نوم يقطع ابليس.. مسفر\يالله ياجدتي..الشايب عطاني مفتاح جناحكم.. أوصلك ويصير خير.. دخلت الأصنصير مقررة ماترد عليه.. عادي يوصلني لجناحي.. مو هو حفيد زوجي يعني يخدم جدهـ وجدته.. مرام\لو خليت امها تعلمها من زمان مو احسن..؟؟ مسفر\تدري مني وتكون معي أحسن.. هذا تركي واقف عند الباب ينتظرك.. فمان الله.. مرام\فمان الله ..الله يوفق بينكم.. دخل وقفل الاصنصير.. أبتعدت عنه ولاحظ حركتها.. وصلوا لجناحهم وهي تزيد رجفتها وخوفها.. فتح الباب ببطاقته.. أشر لها تدخل.. دخلت وزاد نبض قلبها بشكل مخيف.. قفل الباب وهي ناظرت حوالينها بس ماكان لزوجها أثر.. تأكدت إنه نايم ولا يدري عنها.. تنهدت براحة مصاحبها ندم.. فسخت عبايتها ورفعت طرحتها عن وجها.. مشت بهدؤ وتجولت في الجناح.. لاتخافين أنتي عرفتيه طيب.. ويشبه ابووك..حتى سبحته تشبه سبحة ابووك.. إحترميه وإهتمي فيه.. وماراح يعطيك الا حنانه وطيبته.. قررت تدخل غرفة النوم وتشوف اغراضها اللي رتبتها لها مرام.. تبي تبدل الفستان اللي ماشافه زوجها.. ترددت تدخل غرفة النوم خافت يصحى ويشوفها.. لفت راجعة لـ الصالة وهي مقررة.. تنام فيها وبفستانها..تبي هذي الليلة تنتهي.. بندمها وافكارها الفارغة.. شهقت بقوووة واختفى اللون من وجها.. لما شافت مسفر واقف وساند ظهرهـ على باب الجناح.. ويراقبها واقفة قدامه.. هي ظنت إنه طلع من الجناح بعد مادخلت وقفل الباب.. بس مثل ماهو واضح لها.. إنه دخل بعدها وقفل الباب.. من شدة خوفها وصدمتها فقدت توازنها.. جلست على ركبها ولمت يدينها على كتوفها العريانة.. محاولة تستر نحرها صدرها وكتوفها.. هي مو متاكدة إن زوجها في الغرفة القريبة منها.. مو متأكدة إنه ممكن يحس فيها إذا صرخت ونادته.. ماتثق في مسفر الحفيد اللي واقف قدامها.. رجعت لها كل عقدها وكرهها لــ جنس الرجال.. هذا رجل ماخاف ربه ولاحشم عرض جدهـ.. حاولت تصرخ لما شافته يقرب منها.. حاولت توقف وتهرب منه.. بس حست بكل اعضائها تتشنج.. حست بطعم الدم في فمها.. لسانها قسى والمها بشكل قوي.. ركض لها لم يدينه حوالينها.. فسخ شماغه ودخل طرف منه في فمها.. ضمها بقوووة وفك يدينها عن بعض بالغصب.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛ وعدتك أن لا أبالي بشعرك حين يمر أمامي وحين تدفق كـ الليل فوق الرصيف صرخت.. وعدتك أن أتجاهل عينيك, مهما دعاني الحنين وحين رأيتهما تمطران نجوما شهقت... وعدتك أن لا اوجه أي رسالة حب إليك ولكنني رغم أنفي كتبت... وعدتك أن لا أكون بأي مكان تكونين فيه وحين عرفت بأنك مدعوة للعشاء ذهبت.. وعدتك أن لا أحبك كيف؟ وأني؟ وفي أي يوم تراني وعدت؟ لقد كنت أكذب من شدة الصدق, والحمد لله أني كذبت.. نزار قبــاني ... فتحت الورقة تقرأ اللي فيها للمرة الرابعة.. وصلت لها ماريا بطاقة دعوة من غازي.. يطلب منها تعشى معه على بلكونة غرفته.. وختم رسالته بكلمة..إلا الأصفـــر .. تدري إنها عقدته بـ اللون الأصفر.. ولما لبسته له من قبل كانت توصل له رسالة.. بــ ليلة رجوعها له.. وبـ الليلة اللي راحت لغرفته ونامت عندهـ.. حست إن نهاية هذي الليلة بتكون عندهـ.. خافت ودورت على حبوبها المنومة.. بس مالقتها..تضايقت وهي تدور عليها.. تمالكت نفسها وهي تردد.. مابيجبرني على شيء.. بيحترمني ويحترم رفضي له.. ماهو ضروري أخذ حبوبي معي.. ماراح يجبرني.. ناظرت فستانها الموف.. من مجموعة صوفي اللي خصصتها لها.. قصير ماسك على صدرها بسيور دقيقة.. لبست عقدها الهدية منه.. المكتوب عليه أطهر ذنوبي.. ناظرت الخاتم اللي لبسها إياهـ.. مافسخته الا بيوم عملية ذياب.. ولما صحت كان بإصبعها وهي واثقة هو اللي لبسها إياهـ.. العشاء على بلكونة غرفته مثل ماهو مكتوب في البطاقة.. فتحت باب بلكونتها بهداوة.. وقفت وناظرت بإتجاهـ غرفته.. كان واقف ينتظرها.. قرات المعوذات لما حست بالخوف يتملكها.. وهي تردد كلمة ماراح يجبرني.. قرب منها ومسك يدها وهو يقيمها بنظرات الإعجاب.. قبلها على جبينها وهي ابتعدت عنه بسرعة.. وقفت على حاجز البلكونة.. ظهرها له ويدينها تشد على الحاجز بقوووة.. وقف قريب منها لفها عليه .. رفع راسها له بس هي غمضت عيونها بسرعة.. لاحظ إرتجافها وعرف إنها خايفة منه.. مرر أصابعه على عقدها.. وهو يبتسم بمحبة.. غازي\أبي اشوف عيونك..ناظريني.. هديل بخوف\أنت اخذت حبوبي.. غازي بهمس\إيه رميتها.. فتحي عيونك.. هديل بندم\ما ابي.. غازي\عشـــاني.. كلمته صدمتها منه.. عشاني..؟؟ تمنت لوتقول مالك شان عندي.. بس عاهدت نفسها تترك التجريح.. لاتجرحه ولا يجرحها.. هذا قرارها وقراهـ.. كانت بتفتح عيونها.. بس سالفة اخو لـ ذياب خوفتها.. فشدت على عيونها اكثـــر .. تنهد لما لاحظ شدها اقوى على عيونها.. بعد ثواني حست فيه يقبل العقد اللي لابسته.. وبكذا اجبرها تفتح عيونها وتناظرهـ ... إلى الملتقــــــــــى بإذن الله تعـــــالى فجر الثلاثاء.. إذا قدرت قبل الموعد المحدد فمن عيــوني ما اقصر معكم.. كونوا بخيــــــــــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البارت السادس والثمـــانون .. قفي! لا تتركيني في الرياح أحارب بالنوازف من جراحي و مأساة الوجود تحز قلبي و تلتهم البقية من كفاحي و في شفتي أبيات حزاني تغنت-و هي تجهش-للصباح قفي! لا تحرميني-والليالي نصال-في ضلوعي-من سلاحي تنكر لي الصديق فما اندهاشي و قد قفز العدو إلى اجتياحي أطالع في الوجوه فلا تريني سوى رقص السراب على البطاح .. المرحوم بإذن الله تعالى..غازي القصيبي.. غازي\عشـــاني.. كلمته صدمتها.. عشاني..؟؟ تمنت لوتقول مالك شان عندي.. بس عاهدت نفسها تترك التجريح.. لاتجرحه ولا يجرحها.. هذا قرارها وقرارهـ.. كانت بتفتح عيونها.. بس سالفة اخو لـ ذياب خوفتها.. فشدت على عيونها اكثـــر .. تنهد لما لاحظ شدها اقوى على عيونها.. بعد ثواني حست فيه يقبل العقد اللي لابسته.. وبكذا اجبرها تفتح عيونها وتناظرهـ ... غازي بوله\لاتحرميني عيونك النجلاء.. أول سهومك اللي صاوبت جلمود.. هديل بضعف\لاتربكني بكلامك.. غازي\وانا عندي أمل أأثر فيك..؟؟ هديل بصد\لا..إبعد عني.. أبتعدت عنه بسرعة.. ماتحب تسمع همساته.. ولا إحتضانه لها .. صدها عنه ماهو تغلي.. ولا غرور.. بقدرة الله بتقدر تدفن كل شيء صار بينهم.. وهي واثقة إنه مابيقصر معها.. بيدفن الماضي معها وبينسون أو بيمثلون النسيان.. كل ماحاولت تبدأ معه من جديد.. يصرخ صوت مخنووق جواتها.. أنتي مجبورة تظلين معه.. قبل سنين والحين نفس الحال.. مجبورة على إختيار طريقه.. جلست على المقعد المشترك.. وجلس قريب منها.. نفضت كل افكارها.. وفضلت تتجاهل ذكرياتها معه.. أبتسمت بمرح لما لاحظت عبوسه.. غازي عقد حواجبه\قلت لها مانبي مكرونة.. هديل\تعجبني مكرونتها.. وهي تعرف هذا الشيء.. غازي بوله\آآآآهـ بس ياإني مشتاق لكبسة.. من يدينك انتي..هي مرة سويتيها ولا نسيت طعمها.. هديل\هههههههه يامجرم بعدك تذكر..؟؟ غازي يبتسم\إيه اذكر.. وبعدها تمننتي علي.. أقولك ابي كبسة تقولين روح لامك.. هديل تضحك\انا ماصدقت القى شيء.. أمن فيه عليك واقهرك فيه.. وأنت بكل ثقة يالله سوي كبسة.. غازي\ملحووقة بكرة إن شاء الله ابي كبسة ع الغداء.. هديل بغروور\إحلم على قدك.. غازي\ههههههههه أنتي يا القصيرة ماتشوفيني حجمي وكبري..؟؟ هديل عضت لسانها\ههههههههه بلى اشوفه ماشاء الله.. غازي\وهذا اللي ماشاء الله عليه.. حلمه وش تتوقعين كبـــرهـ..؟؟ هديل بتفكير\اممممممم قد السماء.. غازي بمحبة\قد الحمامة اللي يعشقها.. نزلت عيونها من عيونه بعد ماغمز لها.. ولفت وجها لـ الجهة الثانية وهي مبتسمة بخجل.. مايترك لها فرصة تتكلم معه من غير إحراج.. ألتفتت عليه واحرجتها نظراته اكثر.. هديل بخجل\خلاااااص لا تناظرني.. أبي أتعشى.. غازي ويدهـ على جبينه\ ياشينها لا صرت معجب و خجـلان خـوف المصـارح لا يجيـب المطمّـه.. اخاف اصـارح بالغـلا ذاك الإنسـان و ينقلـب جـوو المصـارح مذمّـه.. ويا شينها لا صرت مغرم و زعلان محد ٍ يراضي قلبـك و محـد يلمـه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة دخل وراها وقفل الباب .. أستند عليه وهو يراقبها تفسخ عبايتها وترفع طرحتها.. لاحظ جمالها ورقة ملامحها... وانصدم إن كل هذيك المسبات والهواش.. تطلع من وحدة لها ملامح بريئة وناعمة كذا.. صار يشك إن هذي هي خلود اللي كل ماتشوفه تهاوشه.. وتقوله انا جدتك وأنت حفيدي.. كتم ضحكته على فكرة إن هذي تكون جدته.. ظل يراقبها تتجول في الجناح وتستكشف المكان.. وهو متأكد إنها ماشافته ولا انتبهت لوجودهـ.. أبتسم وهو يدري ليه تراقب المكان وتترقب ظهور الشايب زوجها.. كان ناوي يظهر لها بمنظر الشايب ويواجها بحقيقته بهداوة.. بس هو يتبع علاج لحالتها لاكثر من شهر.. من قبل لا يخطبها وهي ماتزور العيادة.. وبعد ماعقد عليها ماظهر لها.. بين لها إن الشايب مهملها.. واللي مهتم بها هو الشاب ..الحفيد المزعوم.. ألتفتت عليه.. ورحمها لما شهقت بخووف وهي تشوفه قدامها.. والمته حركتها لما طاحت على ركبها وتحاول تستر نفسها عن عيونه.. لانها تدري إنه مو زوجها ولا هي حلاله.. أنصدم لما لاحظ معالم التشنج تظهر عليها.. من وجها ليدينها وجسمها اللي يرتعش.. راح لها بسرعة.. حاولت تصرخ لما شافته يقرب منها.. حاولت توقف وتهرب منه.. بس حست بكل اعضائها تتشنج.. حست بطعم الدم في فمها.. لسانها قسى والمها بشكل قوي.. ركض لها لم يدينه حوالينها.. فسخ شماغه ودخل طرف منه في فمها.. ضمها بقوووة وفك يدينها عن بعض بالغصب.. صرخت بصوت مكتوم بسبب اللي في فمها.. ظلت ترتجف وهو يضمها بقووة ويقرأ عليها.. كل افكارها مجنونة.. عنه وعن حالها معه.. زادت حالتها لما حست بيدينه تحتضنها.. وهمساته بأذونها.. تبي أبوها..تبي الشايب اللي تزوجته.. بدت الدنيا تظلم عليها وهي تقاوم.. ماتبي تغفى ماتبي تغيب عن حالها وهو معها.. حفرت اظافرها بيدهـ.. حاولت تخلص نفسها من حضنه.. بس قوته اكبر منها.. واعصابها أتفقت معه واضعفتها.. غمضت عيونها وغابت عن وعيها.. حس فيها تهدأ وتستسلم له.. ارخى يدينه حواليها وسدحها على الارض.. شال طرف شماغه من فمها.. وعاينها بسرعة.. تطمن على حالها.. خاف يكون معها صرع ويقضي عليها بتهورهـ.. بس مرام ماقالت له إنها مريضة.. والي صار معها ردت فعل على خوفها من وجودهـ عندها.. تشنجت من الخوف وهذا شيء وارد.. وفيه ناس يتشنجون من الصدمة.. رفعها عن الارض واخذها لغرفة النوم.. سدحها على السرير وغطاها.. جلس قريب منها يتاملها بحسرة.. مرر اصابعه على خدها.. قلبه يعاتبه على حالها.. كل اللي صار معها خدعة وغدر.. تمنى لو ماوافق أمها ومرام على قرارهم.. لو بين لها كل شيء قبل يعقد عليها.. لاتلوم مرام .. كنت قادر توقف كل شيء.. كنت قادر تحصل على رفضها وتعفي نفسك من الإحراج قدام أمها.. بس فضولك لها .. حرضك توافقهم .. أثارت فضولك بهواشها.. حكمها عليك بـ الإعدام.. وتعلقها فيك كــ أب وبعدها زوج.. قبلها على جبينها وطلع من الغرفة.. جلس في الصالة ويفكر في بكــرهـ كيف يتصرف معها.. كيــف يشرح لها من يكون.. والشايب اللي تزوجته ماله وجود..!! حالتها صعبة جداً.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة وعدتك أن لا أتلفن ليلا إليك وأن لا أفكر فيك إذا تمرضين وأن لا أخاف عليك وأن لا أقدم وردا وأن لا أبوس يديك وتلفنت ليلا.. على الرغم مني وأرسلت وردا.. على الرغم مني وبستك من بين عينيك حتى شبعت وعدت بأن لا.. وأن لا.. وأن لا وحين اكتشفت غبائي ضحكت نزار القبــاني.. رتبت الطاولة بعد ماشالت ماريا الأكل .. شربت ماء والتفتت عليه كان لازال يناظرها نفس نظراته.. حبت تغيضه يمكن يرحمها من نظراته.. وخصوصاً بعد ماتغزل بعطرها.. غازي\يالبى العطر وصاحبته.. عنبوا ابليس لاتحطينه مرة ثانية.. يمكن اتهور.. هديل برفعة حاجب\كنت بألبس أصفر.. غازي يبتسم\كنت بأقطعه.. هديل\عقدك اللون..؟؟ غازي\حبيته لدرجة الحقد عليه .. هديل\حقدت على اللون ولا حقدت على نفسك..؟؟ غريب أمرك يا جلموود..!! غازي بهدؤ\ماظنيت اللون بيظل جارحك.. هديل بحقد\لو ما اعجبك وافقدك عقلك ماجرحني.. غازي بحنين\إنســـي.. من بعد هذيك الليلة أنتقمتي لنفسك وأنتصرتي.. سحبت نفسها منه وصدت.. تكلمت بصوت جامد.. رغم الغصة المخنوقة بقلبها.. هديل بآسى\أنســى..ياكثر ماترتجي مني انسى.. كنت عمياء يا غازي.. خايفة منك ومن كل شيء.. ولالي غيرك يدلني بـ الظلام اللي كنت عايشته.. جيتني بفستان ابيض..بطرحة والماس.. ماكنت ادري وش لون لبسي.. ولا شفت نظراتك ولاعرفت نيتك.. ماكانت المرة الأولى اللي تجبرني على نفسك.. كرهتك بليلتها ودعيت عليك من قلب.. قلت الله لا يحلك ولا يبيحك.. أذكر كيف قلتها لك وانت تحاول تمنعني اكمل كلامي.. أجبرتني عليك ولا كلفت على نفسك تــ............. قطعت كلامها وفضلت تنهي الموضوع.. أي شيء يعرض هدنتهم لـ الجروح يتغاضون عنه ويكابرون.. غازي\تمنيتك تلبســي ابيــض.. هديل بجموود\الأبيض هو اللون اللي مستحيل تشوفني لابسته لك.. غازي بهدؤ\عاذرك وما الومك.. هديل\قلت مستحيل وانا اقصد كلامي.. غازي\تنازلتي كثيــر..ولا اطالبك بأكثر من ما تقدرين.. تمنت لو تصرخ فيه وتبكي.. لو تقووله أخ لذياب أكبر من قدرتي.. أكبر من الأبيض.. ريحني من خوفــي.. حب يغير مودها بموضوع يحارشها فيه.. غازي يبتسم\لاتنسين بكرة ابي كبسة.. مثل اللي سويتيها عند ابو نايف.. هديل بإستغراب\متــى..؟؟وانت كيف عرفت..؟؟ غازي بحسرة\أذكر كيف مت بحسرة.. لما أكلت من يدينك وانا احسبك ميتة.. هديل بصدمة\متـــى..؟؟ غازي\تدرين إني شفتك وأنتي حامل..؟؟ هديل بندم\لا ماشفتني..يمكن أول شهرين.. بس بعدها ما شفتني لاني هربت.. غازي بهمس\شفتك واقفة على بلكونة في بيت ابو نايف.. كنت معزوم عندهم..أختنقت لما أكلت من طبخك.. شكيت بنفسي وذكرتها الحمامة ماتت.. طلعت من بيتهم وجلست بسبب ذكرياتي معك.. أتذكرك واترحم عليك.. شفت وحدة واقفة على البلكونة.. حامل وحاضنة نفسها.. كانت صادة عني ولا شفت وجها.. تخيلتها أنتي..وقلت لحالي لو كانت هديل حية وبخير.. بتكون حامل وهذا شكلها.. دخلت هذيك الحامل ولاعرفت إنها حمامتي.. هديل برجفة\كنت قريب منــي مرة..!! لو التفت عليك كنت بتشوفني.. بتعرفني..؟؟كنت بترجعني لك ولهلي.. قرب منها ولم يدهـ حوالين كتفها.. قربها منه ودخل اصابعه في شعرها.. غازي\لو تفتح باب لـ الشيطان.. ماتدرين يمكن حالتنا بتكون أصعب من كذا.. لله حكمة مانلتقي الا بعد سنين.. هديل بغصة\كانت اول مرة أفتخر إني حامل.. حتى بيني وبين نفسي..كنت اخجل وأحس بعار.. لأني حامل وانا مو متزوجة.. كنت احتقر نفسي كثيــر واحتقرك أكثــر.. وقلت زين إن أبوي أعلن وفاتي.. ولا كنت بأرجع له بفضيحة.. موتني في اليوم اللي أخذتني فيه.. بيومها ماعرفت انا أكرهـ مين فيكم.. أنت أو ابـــوي.. خرجت من السفارة راجعة لك.. ظليت ابكي في الشارع واناديك.. كنت ابي اقولك أبوي قفل بابه في وجهي.. وأقولك أنت صادق بكلامك مالي غيرك.. صادق لما قلت هلك نسوك إنسيــهم.. كنت أبي أشكيهم لك.. بس أبو نايف خذاني معه.. حلف اكون مثل بنته..يهتم فيني ويرعاني.. ومع إني ماقلت له أنا من أكون بنته.. وش تكون مشكلتي..ومن مين هاربة وليه وحيدة.. تكفل فيني..رحمني واخذ أجري.. عشت معهم مصدومة من هلي ومجرووحة منك.. أكتشفت حملي عندهم..قالوا مبرووك.. وأنا بكيت بحسرة على إني حامل ولد حرام.. كنت اضحك على نفسي واقول هو حلال عليك أنتي ملك يمينه.. وتجي الحقيقة تضربني على الارض بقسوة.. جارية وولدك حرام.. بس مسفر أنقذني من ظلمك يا غازي.. كشفني لنفسي.. قال انتي زوجته..أنتي هديل الجاسم زوجة غازي الجالي.. أوراق اخذتها معي قبل أهرب منك.. مافكرت افتحها ولا اعرف محتواها.. كانت عقد الزواج..بموافقة ابوي وشهادة عمي.. كلكم سفاحين وتواقيعكم محتلة العقد بثقة وقسوة.. ولا واحد فيكم تكرم علي وعلمني إني متزوجة.. آآآآآهـ ما اقســـاكم يا غازي.. شد ذراعه عليها ودفن وجها على صدرهـ.. مايدري تصرفه هروب من باقي مآساتها .. ضعف من مواجهة ظلمه لها.. كيف عاشت بتفكيرها إن حامل بحرام.. كيف ظلمها وتجبر عليها.. ليه من بعد ما اجبرها اول مرة شرح لها إنها زوجته.. تعذر بعماها..ثم حملها..ثم عملية الإجهاض وبعدها عملية لـ العين.. بس الله رحمها منه وقدر لها تهرب.. كانت عندهـ الفرص يطمنها ويشرح لها وضعها.. أنتظر عملياتها.. أنتظر أبوها وعمها..تشوفهم وتفرح فيهم.. وبعدها يواجها بزواجهم.. بس هربت منه ومنهم.. هربت وواجهت مصيبة موتها المزعوم.. كم انتظرت وترجت وبكت.. وياما نادتهم قدامه ووراهـ.. وكم مرة شدت ظهرها فيهم وقالت مصيرهم يلقوني.. مادرت إنهم دفنوها حية ونسوها.. حقد لذكر اسم مسفر.. تمنى لو الدنيا كلها درت عن زواجهم ولا درى مسفر.. لو عرفت من العالم بس ماهو من مسفر.. مسفر الشهم بنظرها.. وإللي مستحيل تنسى جميله معها.. كتم قهرهـ عليها.. غيـــرته من مســفر .. غضبــــه من نفســـه.. مثل ماتنازلت هو لازم يتنازل.. وهي صاحبت الحق مهما حكت وقالت.. رفع وجها له ولما كان بيمسح دموعها.. أبتعدت عنه وهي تبتسم بألم.. أشرت براسها رافضة يمسح دموعها.. وتذكر كلمتها لا تداويني بعد ماتضربني.. لا تمسح دموعي وانت مبكيني.. وقفت وهي تمسح دموعها.. ناظرت السماء وشافت البرق.. أشتد صوت الرعد وهو وقف جنبها يراقب السماء معها.. لم يدينه على خصرها وضمها له.. غازي\أبعتذر.. أبي أمسح كل شيء صار لك وأذاك.. ما اقدر أرجع الزمن ولا أغير سنين مضت.. دليني على طريق يريحك ولو كان يذبحني.. أناني في حبك..ماقدرت اكون الا أناني.. إرضي فيني ياهديل..مايهون علي أجبرك.. حاولت أخليك بحالك بعد كل اللي سويته.. بس أنانيتي وحبي لك منعني.. ولازال يمنعني..ما ابي أعيش من دونك.. هديل بغصة\وانا عندي أمل تتركني..؟؟! عادت سؤاله عليه.. سألها هل عندهـ أمل يأثر عليها ويقنعها تعيش معه..؟؟ وسئلته هل عندها أمل إنه ممكن يتركها..؟؟ والإثنيــن إجـــابتهم ...لا.. ترك السؤال من دون إجابة.. ضمها له لما بدأ المطر ينزل عليهم بقوووة.. غازي بهمس\اللهم صيباً نافعاً .. أبتعد عنها وأخذها معه لغرفته.. وقفت بجموود تحت المطر.. ماقدرت تدخل غرفته.. شاف الخوف والضياع بعيونها وتصرفاتها.. غازي\ما اجبرك على شيء.. نامي الليلة هنا.. سحبت يدها من يدهـ وخبتها وراها.. قرب منها وهو يبتسم لها.. دخل يدهـ تحت ذراعها ووصلها لغرفتها.. قبلها على جبينها وهمس لها.. غازي بوله\إحلمــي فيني..يا اغلى من سكن قلبي.. دخلت غرفتها وهو قفل باب البلكونة.. صد عنها ووقف قريب من حاجز البلكونة.. راقبته واقف تحت المطر على بلكونتها.. وانتبهت على نفسها ترتجف.. برد او خوف.. أو حيـــرة ماتدري متى بتنتهي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛ صحت من نومها وظلت مدة.. مفتحة عيونها وتناظر السقف.. حالة خدر صايبتها.. تحاول تتذكر آخر شيء سوته قبل تنام.. السقف غريب عنها... مو سقف غرفتها..والفراش ملمسه غير معهود عندها.. أرهف سمعها.. يمكن تسمع صوت امها تهاوش أخوها.. أو تجهز أخواتها لـ المدرسة.. بس ماسمعت أي صوت.. رفعت نفسها من على الفراش.. جلست والفكرة ترجع لها بقووة.. هي بفستان الزواج.. وفي جناح في الفندق.. وزوجها ماتدري عنه ولا يدري عنها.. ورجعت لها صورة مسفر واقف يراقبها.. وقفت بسرعة وهي تتلمس فستانها.. لازالت بملابسها.. تلفتت حواليها بخووف.. وينه..؟؟وش سوى فيها..؟؟ هي لازم تقول لجدهـ.. أو تتصل بمرام وتقول لها.. تصرفه مو طبيعي ولا يحق له يلمسها او يشوفها.. فتحت الكبت.. أخذت بنطلون جنز وقميص أبيض.. دخلت دورة المياهـ.. تحممت بسرعة وفكت شعرها.. لبست وطلعت وهي تراقب المكان.. دورت على عبايتها بس مالقتها.. وتذكرت إنها امس رمت عبايتها في الصالة.. خرجت من غرفة النوم وناظرت حوالينها بحذر.. ماشافت احد ولا سمعت صوت.. دورت على عبايتها.. وشافته نايم على الكنبة.. أنقهرت منه ومن بروودهـ .. كيف يعرضها لهذا الموقف.. كيف يهملها بهذا الشكل..؟؟ هو مو شايب مصاب بـ الزهايمر.. أو معاق ومايقدر يتحرك.. لازال يمشي ويتكلم ويفهم الناس.. ولا زال يمارس مهنته مهنت الطب النفسي.. ليييه مايهتم فيها مثل ما أوهمت نفسها.. ليه مهملها ولا يرعاها مثل أبوها.. سحبت عبايتها من عليه وهي تصرخ فيه بقهر.. خلود بقهر\قوووم يـ الشايب المحترم.. قوم رجعني لــ بيت هلي.. ما اتشــرف أعيش مع واحد مثلك.. مخرررف مو راعي مسئولية.. تحرك على الكنبة بإنزعاج.. صوتها اجبرهـ يصحى من نومه.. يسمعها تسبه وتهددهـ ترجع لبيت اهلها.. ألتفت عليها بعد ماسحب نظاراته الكبيرة ولبسها.. جلس ببطء يتناسب مع عمرهـ.. رفع راسه لها وناظرها بإعجاب شاب وحنية شايب.. مسفر\هلا صباح الخير يازوجتي.. خلود بغصة\الله لا يصبحك بالخير.. ياللي ماتخاف ربك يا مجرم.. في لحظات شك إنها كشفت كل شيء.. وإنه ظاهر لها إنه يلعب عليها وهو مو شايب.. تلمس لحيته الوهمية.. وهو يسمع باقي كلامها.. خلود تبكي\كيف تجرحني كذا..؟؟ أنازوجتك ومن اول ليلة تهملني ولا أحس معك بامان.. كيف طاوعك قلبك تنام وترتاح ولا تدري عني.. وصلت الفندق أو مت.. وقف وقرب منها.. ولما حست بيدهـ على كتفها ضربته وابتعدت عنه.. خلود\انا ابي أرجع لأمي.. ما ابي أظل معك..انا كنت غلطانة لما وافقت اتزوجك.. ماهو ضروري إذا كان لك نفس هيئة أبوي تكون مثله.. مسفر بحنية\ولا هو ضروري أي شاب يكون مثل قاتل أبوك.. خلود بقهر\إن ماكانوا مثلهم فهم أسوء واخبث.. مسفر اللي كلفته يوصلني الفندق لك ماهو امين ولا يخاف ربه.. هذا وأنا عرضه وزوجت جدهـ ما احترمني.. مسفر بورطة\وش سوى معك الخايس..؟؟ خلود تبكي\مدري..دخل معي الجناح أمس وانت نايم.. شافني من دون عباية ولا حجاب.. أنت لازم تعاقبه..لازم تربيه وتعلمه إن الله حق.. مسفر\لاتشيلي هم يا زوجتي.. أنا صحيت امس ولقيته هنا كفخته وطردته.. ونقلتك لغرفة النوم.. خلود بقهر\بسسسس هذا اللي قدرت عليه تكفخه..؟؟ مسفر بصدمة\وش تبين اسوي فيه أكثر..؟؟ خلود\أنت مالك حل.. انا أتصرف معه اللي مايعرف السنع ولا الدين.. مسفر يبتسم\ترى أنتي محرم له وهو محرم لك يا قلبي يا زوجتي.. خلود\يعقب .. مابقى إلا هذي الأشكال يصيرون محارمي.. مسفر\لا تغلطين ترى ما ارضى عليه سميي.. خلود بنظرات\رجعني لهلي.. ما بأظل معك..سميك مجرم واعتقد إنه طالع لك.. مسفر\هو صح يشبهني في وسامتي.. وفي ثقافتي وشكلي..ترى يشبهني كثير أنتي بس ركزي نظرك.. خلود\إسمع يامسفر.... أوووف لو تغير أسمك مو أحسن.. مسفر\تعقبين.. خلود\أنا ابي ارجع عند أمي.. تزوجتني الله يعيطك الف عافية ماتقصر.. والحين رجعني.. مسفر\نلعب إحنا نلعب.. وبعدين كيف تفكرين ترجعين لامك.. والناس وش يقولون عنك.. متزوجها الشايب ومن ثاني يوم رجعها لامها.. شايب ماتحملها اكيد مسوية شيء.. خلود\وقص بلسانك أنت واللي يتكلم.. مسفر\قص رقبتك يــ الحرمة العاقة بزوجك.. زوجتي الأولى والثانية مايرفعون صوتهم في وجهي.. خلود\ليه انت متزوج..؟؟ مسفر\متزوج أجل أعزب.. كلي وسامة وثقافة.. خلود\وش دخل الثقافة كل شوي تقول ثقافة.. مسفر كاتم ضحكته\في علم النفس.. يقولون المرأة تختار شريكها لشيئين.. الأول الوسامة وهذا قل وندر.. والثاني الثقافة.. خلود بسخرية\سلامة عقلك يـ الشايب.. هذا بزمانك وزمان المرحوم جدي.. تختارهـ على حسب مكانته وفلوسه.. مسفر\وين الفطور يازوجتي.. خلود بحيرة\أنت تعرف اسمي..؟؟ مسفر\إيه انتي زوجتي كيف ما اعرف اسمك.. خلود\ليه كل شوي تقول يازوجتي..؟؟ مسفر\لانك زوجتي.. خلود\صح زوجتك..تبي فطور يا زوجي..؟؟ مسفر\إيه أدخلي جهزي الفطور ورانا سفر.. خلود\الفطور يجهزونه لك مطعم الفندق.. وبعدين اي سفر..؟؟ مسفر\بنسافر شهر العسل يازوجتي.. صدت عنه ودخلت غرفة النوم.. شيء غريب يصير.. فيه شيء متغير.. ظهرهـ ماهو منحني مثل ماتذكرهـ.. وكانه زايد طوله.. شايب مودرن لابس بجامة.. ما اذكر أبوي لبس بجامة وهو اصغر من هذا المراهق.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة كان مضطر يروح شغله.. عندهـ إجتماع هام.. بس حالتها ماسمحت له يطلع من البيت ولا يعرف سبب تعبها.. كانت تبكي ولامة نفسها بقووة.. راجح\رشا ياقلبي صلي على النبي.. مايصير كل هذا.. مو أول مرة تجيك ولا آخر مرة.. رشا بزعل\خلاص راجح لا تخاف.. أنا بخير..ماعندي سالفة.. راجح\لا أنتي عندك شيء مخبيته علي.. قولي وش عندك..؟ رشا تقوي نفسها\ولا شيء ياقلبي.. بس شفت حلم ومتاثرة منه.. ألحين اقوم افطر واصير أحسن.. أنت روح الدوام تاخرت على إجتماعك.. راجح بشك\ماني مصدقك..بس راجع لك.. ساعتين وارجع إن شاء الله.. إذكري ربك وابعدي عنك الأوهام والزعل.. قبلها على جبينها وطلع من الغرفة.. دفنت نفسها بفراشها وهي تبكي بقهر.. كانت تظن إنها حامل.. كانت واثقة بحملها وتهربت من زيارة الدكتورة.. لانها تخاف يعرف راجح ويزعل عليها.. أنصدمت لما ادركت إن الحمل كاذب.. وإنها الإختبار المنزلي اللي سوته ماله صحة.. دعت من كل قلبها على اللي سواهـ.. حمدت الله إنها ماقالت لراجح.. أو كان بينصدم مثلها.. كانت بتكسر فرحته مثل ما أنكسرت فرحتها.. خذتها أفكار كثيرة.. أنتبهت على الوقت يمر بسرعة.. خافت يرجع راجح ويشوفها على حالها.. وبعدها مستحيل يتركها من دون مايعرف وش صاير معها.. قامت بخمول تحممت وبدلت ملابسها.. ونزلت تغير جوها في البيت قبل يرجع... فطرت غازي ولا قدرت تاكل شيء من تفكيرها في الموضوع.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛ أتمنـــــــــى بــهذا اليوم .. أن تصرخ الأرض.. تعلمهم بــأنـــي .. أحتـــــــــــاجهـ بجنوووووووووون .. فتحت باب بلكونة غرفته ودخلت عندهم.. كان يبدل ملابسه ويسولف مع ذياب.. اللي واقف بوسط سريرهـ .. ويشاهق كانه يطلب من ابوه يشيله.. هديل بمرح\صبــــــاح المــطر.. غازي يبتسم\صبـــاح العطــر.. هديل\كيف الذيب..؟؟ شالته من سريرهـ وقبلته بحنية.. هديل\أشووف عاجبتك النوومة بعيد عني.. أيا الخاين..نسيت امك..نسيت سوالفنا واسرارنا.. غازي بخبث\قلنا لك تعالي عندنا مارضيتي.. وترى مو لحالك عندك اسرار معه.. هديل بمغايضه\عادي وإذا صار بينكم اسرار.. كنت الأولى في حياته.. غازي\لأنك غدارة.. هديل\ألحيــ......... آآآآآآآآآي فك يا دوووب.. غازي\ههههههههههه فك أمك يا ورع.. هديل\شعري ذياااب فك يدينك.. غازي\تبين فزعة..؟؟ هديل\خذ ولدك قطع شعري..نذل ولد نذل.. غازي\هاتي الشيخ ولد الشيخ.. فك يدينك لا اتوطى في مصارينك.. حمامتي ما اسمح لك تضربها.. ضربته وهي تحاول تفك شعرها من ذياب.. هديل\ولدك ماراح بعيد.. كل يومين متعلق في شعري.. بأقــــــصه واصير مثلكم.. نزل غازي على الارض.. ولم يدينه حوالينها .. غازي\ويــلك تفكرين تقصينه.. أحبك بكل حالاته بس الطويل حالة خاااصة.. عرفتك وهو طويل أبيه يرجع مثل ماكان.. هديل\لانك تحبه طويل بأقصـــه.. غازي بخبث\ولو اقوولك إنك تربين ظفيرتك عشاني وش تقولين..؟؟ شهقت بصدمة من كلامه.. وابتعدت عنه بسرعة.. وهو كمل تزرير قميصه وصد عنها.. طلعت من الغرفة ووقفت على البلكونة.. ضمت يدينها في بعض لما لاحظت إرتجافها.. لاتبيني له شيء.. يقط كلام ماله اي معنى.. يعشم نفسه بكذبه هو ينسجها ويفصلها.. ناظرت في المزرعة.. وبعد ثواني حست بروحها ترفرف بعيد عنها.. بعقلها يخونها ويمكن ترمي نفسها من اعلى البلكونة.. عيونها في عيونه يبتسم لها ويأشر لها بيدهـ.. حطت يدها على قلبها اللي يخفق بقووة.. تبي تضحك وتبكي وتصرخ بنفس الوقت.. نست زعلهم نست وجعها منه وصدمتها.. وعدت نفسها تراضيه .. وهذا هو جاها وينتظرها تنزل له.. ركضت تبي تروح له.. دخلت غرفة غازي متوجهه لـ باب الغرفة الرئيسي.. مسكها وهي تركض وضمها له.. غازي يضحك\وييين وييين..؟؟ هديل بشووق\وخر عنننننني..بأرووح لأخووي وخر عني.. غازي\ههههههههه طيب صبر يا متهورة.. كيف تنزلين بلبسك هذا..؟؟ هديل\أخوووووووووووي..بأرووح له.. غازي\روووحي بس أول بدلي ملابسك.. هديل تحاول تفك نفسها من يدينه\والله ما ابدل وخررر عني بأرووح له.. غازي\طيب إصبري لا تتحركين.. فك يدينه عنها وراح يجيب لها بالطوا من عندهـ.. ألتفت لها ولا شافها موجودة.. توجه لـ البلكونة والبالطوا معه... نزلت الدرج تركض ولا ردت على ماريا اللي تكلمها.. كانت تطوف الدرجات ثنتين عشان توصل بسرعة.. فتحت الباب الكبير وخرجت من القصر.. تلفتت حوالينها تدور عليه.. وشافته لازال ينتظرها بنفس المكان قدام البلكونة.. صرخت باسمه وهي تضحك وتبكي.. هديل بشوق\هــــــــــــــــادي.. فتح يدينه لها وهي رمت نفسها بحضنه وتعلقت فيه.. قبلت جبينه وكتفه ويدينه.. ضمته لها وهي تبكي مبسوطة بشوفته.. هديل بصوت مبحوح\أشتقت لك.. وحشتنـــــي مووت..ضمني يا روووحي .. هادي بمحبة\فدييييييييييتك.. والله الدنيا من دونك ماهي بدنيا.. محروم من سنين يا الغالية.. منك ومني.. أشتقت لك والله العظيم.. أبتعدت عنه ويدينها على صدرهـ.. تاملته بعيونها وهي تعض شفايفها بحسرة.. هديل بغصة\كبـــرت كثير ياهادي.. تغير وجهك وماعدت تشبهني.. صرت ضخم وطويل.. أحس حالي قزمة عندك.. هادي\ههههههههه صرت اجمل.. أطيب من اول مهما قسيتي.. غمزاتك بانت اكثر..وصار عندك ولد.. هديل تضمه وتبكي بألم على حالهم.. وكأنها اول مرة يلتقون من بعد خمس سنين.. نست لقاهم الأول اللي كان كله وجع وحسرة.. نست غضبها منه وقسوتها بخصامه.. فاتت سنين ولا راح ترجع.. ولو ظلت قاسية وصادة عن الكل.. مستحيل ترجع.. تبي تقضي حياتها معه.. هو توئمها..اللي مافارقها خياله.. كل ماناظرت المرايه تشوفه في حالها.. أخوها..حبيبها..ولدها..وكل اهلها.. رفعت راسها من حضنه لما سمعته يكلم غازي.. ألتفتت على غازي اللي واقف على البلكونة.. هديل بزعل\ليش ماتجي تسلم على أخوي..؟؟ غازي يبتسم\سلمت عليه امس ورحبت فيه.. ناظرت هادي بصدمة\أنت هنا من امس..؟؟ هادي يبتسم\إيــه من امس.. وبعد جبت لك معي هدية.. هديل\ليييش ماشفتك امس..؟؟ هادي\جيت متأخر وأنتي كنتي نايمة.. أستقبلني غازي ونمت في الملحق.. هديل بعصبية\لييش ماقلت لي أن أخوي جاء..؟؟ غازي بهدؤ\كنتي نايمة ومقفلة جوالك.. هادي بهمس\من جدهـ زوجك يبي يعلمك إني موجود على الجوال.. أبتسمت لما فهمت قصد غازي.. وضحكت على كلام هادي.. غازي يقصد هي مقفلة ابواب غرفتها.. وبكذا مايقدر يصحيها ويقول لها.. بس هي تعرفه يقدر يدخل عندها براحته اذا هو يحب.. هديل\مخرف ماعليك منه.. غازي\خذي يا متهورة.. رمى البالطوا عليها ومسكه هادي قبلها.. هادي\وش تحسين فيه طالعة بهذا اللبس..؟؟ هديل بخجل\مشتاقة لك.. هادي\لبى عيوونك.. هديل\ابي حجابي إرمه علي.. غازي\أقوول أدخلي مع اخوك.. هديل\لا بنروح نمشى إرم حجابي علي.. غازي\خذي هذا.. رمى عليها وشاح كبير كانت لامة نفسها فيه امس لما حسوا با البرد.. تحلطمت وهو ضحك عليها.. هديل\يعني لازم البس البالطوا مع هذا..؟؟ غازي\أقول إلبسي لا أحش رجلينك.. هادي\يقولها عيني عينك ولا كأن اخوك موجود.. هديل\تشوووف يبيله سنع.. مشت مع هادي متشوقه تسمع اخبارهـ.. تطمن عليه طول هذي السنين اللي مضت.. تدري إن عيون غازي تراقبهم وهم يبتعدون.. حاولت تمنع نفسها لا تلتفت عليه وتشوفه.. ألتفتت وشافته واقف وذياب بحضنه على البلكونة.. صورتهم بعيد عنها وهي مقفية عنهم ارعبتها.. وطمنت نفسها.. أنتي راجعة لهم بس بتمشين مع هادي وترجعين.. أنتبهت لهادي اللي كان يسألها عن حالها.. وعن حياتها مع غازي بعد مارجعت له.. كانت تجاوبه مثل ماتجاوب الكل.. هي بخير ومبسوطة.. مروا من عند الإسطبلات.. ولما شافت الفرس عسوولة.. صرخت بفرح.. ركضت لها ولمت يدينها حوالين رقبتها وضمتها لها.. هديل\يافديييييييييتك يا عسووولة تذكريني.. مو مصدقــة..متى جيتي يا دوووبة.. هادي\ههههههه ماكس جابها امس.. هديل\وأنت مين جابك هنا..؟؟ هادي\بالمووت عرفت عنوان مزرعتكم هذي.. ماكس هو اللي دلني عليها وحكى لي عن الفرس.. إنها صديقتك وانتي ربيتيها.. هديل\إيه هي فرسي من اول ما ولدت.. وأنا سميتها عسولة.. هادي\هههههههههه ماكس يقول اسمها هوني.. هادي\مهبول مع حرمته كل شيء بكيفهم.. حتى ذياب تسميه وولفي.. هادي\أجل سميتيها عسولة..؟؟ هديل تبتسم\شفت كيف ماقدرت اسميها الا عسولة.. هادي بحنية\طمنيني عنك يا هديل.. هديل بغصة\أحاول اصير بخيــر.. هادي\سويتي عملية ذياب.. ماصار الوقت ترجعين لنا..؟ هديل بحسرة\تعال بعد سنة يا هادي.. يمكن يعتقني وارجع لكم.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة وقفت بمكانها مصدومة من كلامه.. شدت يدينها على عبايتها.. وعيونها مثبته بعيونه المخفية ورى نظاراته الكبيرة.. خلود\كيف اروح مع مســفر..؟؟ أنت جنيت ولا جنيت..؟؟ وش دخلني في مسفر اروح معه..؟؟ أنت زوووجي واروح معك انت.. مسفر بهدؤ\لا تضيعين علينا الوقت.. لازم تروحين مع مسفر ولا كيف تمرين من عند الجوازات.. خلود\أي جوازات واي بطيخ.. أعرض جوازك وأدخل مو صعبة.. ليه لازم مسفر يوصلني بوابة المطار..؟؟ مسفر\أنا لازم اروح المستشفى الحين.. عندي علاج لازم اخذهـ والقاك في المطار.. خلود\مافيه..رجلي على رجلك.. نروح المستشفى وبعدها نروح المطار.. مو كفاية حتى امي ماقدرت ازورها قبل اسافر.. مسفر\يازوجتي اسمعي الكلام.. أنا باكون مع رجال كثير في المستشفى.. وبانشغل عنك..روحي المطار مع مسفر.. ولما توصلين البوابة اكون جنبك.. خلود بعناد\مافيه..إتصل في تركي ومرام.. بأروح معهم..بس هذا اللي تقوله عنه ما اروح معه.. مسفر\يابنت الحلال أنا طالع الحين المستشفى.. إنزلي لــ وروحي مع مسفر المطار.. أغراضنا صارت تحت وبيحطها في السيارة.. خلود\قلت لك كلم مرام باروح معها.. مسفر\مرام ماهي فاضية لنا مع زوجها.. عيب نشغلهم..خلي هذا البطران الفاضي.. حفيدي النجيب يوصلك المطار.. طلع من الجناح بعد ماعاد لها نفس الكلام.. تطمن على إن الجوازات والتذاكر معه.. وبعدها دخل دورة المياهـ شال النظارات الكبيرة.. واللحية والحواجب والتعقيدة الوهمية بين حواجبه وعلى جبينه.. ضحك بصوت مصدوم من نفسه ومن تصرفاته الصبيانية الغير معقولة.. خرج من الفندق ورتب اغراضهم في السيارة.. اتصل على جوال خلود.. خلود\قلت لك ماباروح معه ماتفهم.. مسفر\يازوجتي إنزلي الله يرضى عليك أنا صرت قريب من المستشفى.. ألقاك في المطار يا قلبي.. قفل جواله وهي صارت تدور بمكانها من القهر.. قال قلبي قال.. والله ماتدري وين الله حاطك يا مهبول.. وهذا الحفيد أنا أوريه شغله.. يحسب إنه بياخذ راحته وهو ضامن إن الشايب ماهو بكامل قواه العقلية.. أنا اربيك يا مسفر الهم.. خرجت من جناح الفندق ونزلت تحت.. قابلته في الرسبشن.. ولما شافها اشر لها.. لو النظرات تقتل.. قتلته نظراتها.. لبس نظاراته الشمسية ومشى قدامها لـ السيارة.. ركبت ورى وقفلت الباب بقووة.. مسفر بهدؤ\ليه ماتجين قدام يا جدة..؟؟ خلود\ولا كلمة يا افضحك قدام الناس.. وصلني المطار وأنت ساكت.. نزل راسه مايبيها تنتبه على إبتسامته.. وأخذ طريق المطار.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ خرجت من القصر بعد مانيمت ذياب.. حتى مامرت على غازي بمكتبه ولا قالت له إنها طالعة لاخوها.. توجهت لــ الملحق فتحت الباب ودخلت تدور على هادي.. بس ماكان موجود.. جواله واغراضه موجودة وبكذا تطمنت إنه ماطلع من المزرعة.. مشتاقة تسولف معه.. عن كل شيء واي شيء.. المهم تكون معه.. غازي كان مسيطر على تفكيرها لأنه محاصرها طول الوقت.. بس من الو ما التقت بهادي.. حست بمدى غبائها وتنازلها عن اشياء كثير.. لازم ترجع لقرارها الأول بـ الإنفصال عنه.. ولازال ذياب مربط يدينها.. كانت بترجع القصر.. بس السماء أمطرت.. دخلت الملحق مرة ثانية تبي مظلة.. شافتها بغرفة النوم.. بس قبل ماتشيلها..ناظرت الباب اللي دلها عليه غازي.. توجهت له فتحته بالقوووة وبـ المووت فتح معها.. ناظرت الارض بعيدة عنها.. ماتقدر تنزل من دون ما احد يساعدها.. شالت كرسي ونزلته وقدرت تثبته.. نزلت ارجولها عليه بس ماقدرت توصل له.. ظلت معلقة بالهواء وصرخت بخووف.. ماقدرت تستحمل اكثر.. فكت يدينها وطاحت على الأرض.. ألتوت رجلها وصرخت بوجع.. ظلت بمكانها لامة يدينها على رجلها.. توجعت كثير وحاولت توقف.. أستندت على الكرسي اللي طاح معها.. وقفت وهي تحس بالم فظيع.. عاتبت نفسها.. أستاهل على اللقافة.. لو بطيت راسي كنت ميتة ما احد درى عني.. حتى جلمودي مابيدري عني .. هو السبب ليش يدلني على هذا السرداب.. مشت بتعب وهي تستند على الجدار.. وبــ الموت قدرت توصل لـ باب المكتب المخفي.. فتحته بهدؤ تخاف يشوفها غازي ويهاوشها... سمعت صوته وهو يتكلم بصوت جامد قاسي.. وكأنه يعاتب او يهاوش.. تجمدت بمكانها لما عرفت إنه يكلم هادي.. شافت هادي جالس مقابل لغازي.. وغازي واقف وبيدهـ أوراق.. كان يقلبها بين يدينه والغضب باين على وجهه وملامحه.. وكتمت انفاسها لما سمعت كلام هادي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة مسرح جريمة قصتي اكثر غموض من الحريق اللي تضيع به الدلائل والقرائن والتهم .. مافيه امر من الصديق لياتنكر للصديق ولافيه بالدنيا اهم من المهم الا الاهم .. الياصرت بالحالك فريق وفيه قدامك فريق وتخاف بكره لانهزمت يقال مسكين انهزم .. خذلك طريق تظمن انه بالنهايه مايضيق وان طعت شوري خذ طريق الله ترى مابه ندم .. رمى الملف بـ الأوراق اللي فيه على المكتب.. ركز عيونه بعيون هادي .. تكلمت بصوت جامد.. غازي\والمطلوب..؟؟! هادي\تطلق هديـــل.. غازي\هذا طلبها..؟؟ هادي\أمنيتها ماهو طلبها.. غازي\هديل ماني مطلقها.. وهذا الموضوع ماابيها تعرفه.. هادي\من دون ماتقول أنا ماراح اقول لها شيء عنه.. كنت ناوي اسجنك كم سنة وعندي أدلة ضدك .. لسؤ معاملة زوجتك اللي هي أختي.. بس سنين سجنك الماضية تكفيك.. ويكفيك اللي صار لك في السجن.. غازي بحدة\تعتقد إن كلامك يخوفني او يثير اي إهتمام عندي.. هادي بهدؤ\ماجيتك عدو ولا صديق.. أختي ماتحتمل حياتها معك.. غازي\عدوي احب علي من صديقي.. هادي\عرفت وين متخبي.. غازي بغموض\أدري وينه..ولو ابيه كنت وصلت له.. هادي\تدري..؟؟! غازي\إيــه أعرف مكانه ووين متخبي.. أنضم لزمرة ضالة وعساهـ معهم في جهنم.. هادي\اقدر أسحبه لــ محكمة دولية.. ونطلب تسليمة لـ السلطات السعودية.. غازي\ليه مهتم في أمــرهـ..؟؟ ماهو عدو عدوي صديقي.. وأنا عدوك وهو عدوي فليش مايكون صديقك..؟؟ هادي\بكل بساطة انت مو عدوي.. إذا معتبرني عدوك هذي مشكلتك.. غازي\تحاول تاخذ هديل مني.. إذاً عدوي.. هادي\كيف ورطوك في الموضوع..؟؟ غازي\السيد المحامي مايترك فضوله.. يمكن ماورطوني وأنا مجرم فعلاً.. هادي\تقصد إعترافك بالجريمة.. تعاقبت على شيء إنت ماسويته.. بس وش السبب اللي أجبرك تعترف وتقول إنت صاحب الأسلحة..؟؟ غازي بجمود\كنت طالب طب.. توني دخلت الجامعة..مرت شهور.. وبعدها بديت اصير مشتبه فيه.. كل فترة ويستجوبوني على شيء.. أنا في إستراليا ويسألوني عن اللي يصير في أمريكا.. في البداية سرقة آثار..بعدها تجارة مخدرات.. بعدها أسلحة وهذي القضية كانت دواعمها قوية عندهم.. وفي النهاية طغت التهمة الاخيرة.. جاسوس عسكري.. ما اعترفت بأي شيء..لأنه مالي يد في شيء.. جربوا كل أدوات التعذيب معي عشان اعترف.. وماكان عندي شيء أعترف فيه.. بس أعترف بكل جرائم نسبوها لي وقلت صح انا المجرم.. أنا المطلووب وانا القاتل والمهرب واللي تبون.. سكت عن الكلام ورجع يتذكر أيامه.. أيام سجنه وتعذيبهم له.. هادي أحترم سكوته وكان يتوقع كل شيء.. فكر كثير وش السبب اللي خلا غازي يعترف إنه جاسوس عسكري.. ليه اعترف ووقع على الاوراق.. كل شيء خطر في باله.. إلا هـــــذا الشيء.. غازي بقهر\................................ إلــــى الملتـــــــقى بإذن الله تعالى .. كونوا بخيــــــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة البارت الســـــابع والثمـــانون ... يا صغيرات!.. يلتقي ذات يوم في رحاب الردى جبان و باسل يلتقي السائر المغذ و من سار وئيدا.. كل الدروب حبائل يلتقي الطفل في الغضير من العمر و شيخ مغضن الروح ناحل ما ارتوى الطفل بالحليب و لا الشيخ رواه طوافه بالمناهل تتلاشى الحياء فهي سراب عند هذا و عند ذاك مخاتل يا صغيرات!.. ليس عند الليالي بعد طول العناء إلا المقاتل المرحوم بإذن الله تعالى..غازي القصيبي... سكت عن الكلام ورجع يتذكر أيامه.. أيام سجنه وتعذيبهم له.. هادي أحترم سكوته وكان يتوقع كل شيء.. فكر كثير وش السبب اللي خلا غازي يعترف إنه جاسوس عسكري.. ليه اعترف ووقع على الاوراق.. كل شيء خطر في باله.. إلا هـــــذا الشيء.. غازي بقهر\وقعت على اوراق الإعتراف.. لاني ماتحملت أشوف ابوي ينهان ويتعذب على يدهم.. علقوهـ قدامي شبكوا الكهرب بجسمه..جلدوهـ.. قلعوا اظافر يدينه..أبوووي يا هادي.. قلت إيه أنا جاسوس.. أنا كل اللي تبون..بس إتركوهـ.. وقعت على الإعترافات..وماتمت محاكمتي.. انسجنت كرأي عام فقط..أنت متهم أنت مسجون.. بعد شهر وصلني خبر موته..مات وانا متعفن بجروحي.. مات لا شفته بعد ضربهم ولا بست رجلينه.. صاحب الدنيا لبسني التهم وطق هارب.. كل شيء يخص جرائمه مدسوس بين اغراضي.. أستخدم تلفوناتي وارقامي لجاسوسيته.. هرب وثبتت التهمة علي بعد إعترافي.. هادي\بس الحكومة تدخلت في موضوعك.. غازي\لأني أعترفت ونسبت التهم لي.. صار موقفهم ضعيف وماقدروا يطلعوني.. كنت بحالة رفض لكل شيء..وهذا ماساعدهم.. لأني مقهور على موت ابوي واللي صار فيه بسببي.. سنين قضيتها في سجونهم.. انواع العذاب والإضطهاد.. حبيت انسجن وأنظام..أعاقب نفسي على اللي صار في أبوي.. بعد ثلاث سنين رجع راجح وطعن في حكمهم سجني من دون محاكمة.. ومن دون أدلة وتم إستجوابي مرة ثانية بحضور أفراد من حكومتنا.. قرروا بدء محاكمتي وتقديم أدلة برائتي.. عرفت من يكون عدوي واللي ورطني بجرائمه.. اول ماذكرت اسمه لهم عرفوهـ..طلع جاسوس معرووف.. وللأسف خاين لوطنه ولدينه..جاسوس لصالح إسرائيل.. 17 سنة ماطلع من تل ابيب..حكومات كثير تطالب فيه.. بتهمة الخيانة والجاسوسية..ولازالت إسرائيل تحميه.. وصلني خبر غير مؤكد إنهم إغتالوهـ .. هادي\سمعت هذا الخبر لما كنت في إستراليا.. بس غير مؤكد.. غازي\طردته دولته واعلنت التبرئة منه.. وصار دمه مباح في كل مكان.. هادي\وانت ممنوع من دخول إستراليا.. غازي\عندي حصانة دبلوماسية.. أقدر أروح لأي بلد ولا يتعرض لي حكومتها أو سلطاتها.. ولما اخذت هديل كنت واثق ما احد راح يتعرض لي.. حتى الشكوى اللي قدمها راجح ومسفر.. ماقدرت السلطات والسفارة في إيطاليا تتخذ أي إجراء.. لحتى جاء قسم خاص من السعودية وتكفل بـ المهمة.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛ عضت على يدها بقووة تمنع لا يطلع صوتها.. لايسمع شهقاتها ونحيبها.. ماتبيه يدري بوجودها قريبة منه.. مايبيها تعرف وش صار معه.. وماتبيه يدري إنها تعرف.. ألحين بس فهمت سبب كلمته في أحلامها.. في كوابيسها..سؤال كان يرددهـ عليها بوجع.. وهي جاهلة مضمون السؤال وإجابته.. بس بعد كلامه فهمت وش إجابت سؤاله.. وقفت بتعب ومشت كم خطوة وهي مستندة على الجدار.. حست بـ الألم يزيد وبحزنها يزيد.. جلست وصارت تزحف على ركبها ويدينها.. وصلت لباب الملحق.. وكانت واثقة ماراح تقدر تطلع من الممر السري.. إلا بمساعدة غازي لها.. أسنتدت ظهرها على الجدر.. ولمت يدينها حوالين ركبها.. والكابوس يتخيل لها.. قبل لا يموت سعود وقبل لا يهرب هادي.. كان غازي يهاجم أحلامها.. يسئلها نفس السؤال.. ولما ماتجاوبه يصرخ عليها.. يعاملها بقسووة ولما تبكي خايفة منه.. يحضنها ويقبلها بحنية.. ويعيد نفس السؤال وهي تجهل الإجابة.. ويقسى عليها في المعاملة والكلام ويرجع لحنيته.. عاشت سؤاله .. لو كان حسيــن يا هديل..؟؟ لو كان أبوها مكان أبوهـ.. لو كانت هي بمكانه..؟؟ بكت بخوف وهستريا وهي تتخيل أبوها ينضرب قدامها.. ينجلد وينصعق بالكهرب.. يدينه من دون اظافرهـ.. بتحلف إنها مجرمة.. بتقتل بتسرق بتسوي اللي يبون بس لا يلمسون ابوها.. هديل بخوف\يووووووووووووبـــــه... لا يوووبه ..إتركوا ابوووي لا تلمسوونه.. يا حبيبي يا ابوووي.. عاشت الوهم حقيقة.. وتهيئت صورة ابوها يتعذب قدام عيونها.. وهي محبوسة عنه ماتقدر تلمسه او تحميه.. أنهارت اكثر وصرخت باسمه يخلصها من الكابوس اللي تعيشه.. هديل\ياربييييييييييييييييييييييييييي ... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛ هادي\لو عرفت عنك كنت بأقدر أطالب سحب الحصانة.. وتنعاد سنوات سجنك..وتصير عندك خبرة في السجون الإيطالية.. غازي بسخرية\ولو سحبت الحصانة وهذا شيء ماكنت بتقدر عليه.. ماكنت باتركها لكم..ومثل ماتشوف هي معي اليوم.. هادي بهدؤ\أنت مديون لها.. بينكم إتفاق بعد مايتعالج ذياب تطلقها.. غازي بجمود\الإتفاق يكون بين طرفين.. وهي عقدت إتفاق معها ومع حالها.. أنا ماوافقت على شروطها ولا وعدتها اتركها.. هادي\هي بترجع معي ياغازي.. يعلم الله كنت ناوي ألبسك تهم إختطافها.. والإساءة لها..والحصانة ماكانت راح تفيدك.. بس كفاية عليك سنوات السجن اللي عشتها.. ولانك زوج أختــي وابو ذياب ولدها.. هذي أوراقك وتهمك.. ماراح اقدم عليك شكوى ولا اتسبب في سجنك.. وبكرهـ باخذ أختي ونرجع لحياتنا.. والله يرحم سعود ويهديك.. طلع من المكتب مايدري إن كلامه زاد بقوة تملك غازي.. راح لها فوق يبيها تجهز نفسها وولدها.. ماينكر إنه شاف قسوة على وجه غازي.. ويخاف لا يأخذها منه ويخفيها مثل ماسوى زمان.. دق على باب الغرفة بس ماردت عليه.. فتح الباب وكان مقفل.. استغرب إنها نايمة وهي وعدته تسهر معه في الملحق.. نزل وراح الملحق.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛ جالس ورى مكتبه بجموود.. عيونه تناظر الملف اللي رماهـ هادي على المكتب.. نبش الماضي ومواجهتي بسنين السجن ماراح تفيدك يا هادي.. وكأن الكلام عن هذيك الأيام رجع له القسوة اللي حصن فيها نفسه.. رجعت له آهات أبووهـ .. صراخه من شدة الألم.. والسنين اللي قضاها بعد موته بحسرة عليه.. طلع من المكتب وتوجه لـ الملحق مقرر يطلع هادي من المزرعة.. الليلة لازم يطلع من هذا المكان ويرجع السعودية.. لازم ينسى إن هديل تنتمي له او بينهم صلة وقرابة.. دخل الملحق وقفل الباب بقوووة.. صرخ باسمه بس مالقى جواب.. دور عليه بكل مكان.. ودخل غرفة النوم وماكان له اثر فيها.. شال شنطته وضربها في الجدار بقوووة.. قرر يجلس ينتظره في الملحق.. وكل تفكيرهـ في هديل.. مستحيل يتركها تروح او تهرب منه.. غصب عنها بتظل معه.. سمع صوت خافت وقف وتلفت في الغرفة.. أنتبه على الباب مفتوح.. أنصدم كيف قدر هادي يكتشف الممر.. قرب من الباب والغيض يسيطر عليه اكثر.. نزل بسرعة.. وانصدم لما شافها نايمة على الأرض وتبكي بوجع.. كان يتوقع هادي يكون هنا مو هديل.. رفعها وجلسها ساندها عليه.. غازي\هديل وش فيك..؟؟ وش تسوين هنا..؟؟كيف نزلتي..؟؟ تعلقت عيونها في عيونه.. تتذكر كلامه ونبرة صوته.. أبوهـ يتعذب قدامه.. يموت ولا يدري عنه.. عاشت مأساته لما تخيلت ابوها.. ولما بكت عليه ميت وهو حي.. لمت يدينها حولين رقبته وضمته لها بقوووة.. بكت بصوت مخنووق .. موجوعة عليــــه.. مقهورة على اللي صارله.. لم يدينه حوالينها ولمها بحضنه.. هتف قلبه بحب.. ويبون أتركك..يبون أبعدك عني.. كيف اعيش من دوونك..؟! أبتعد عنها ووقف سحب الباب وقفله.. مايبي هادي يدخل وينتبه عليهم.. أنتبه عليها لما فزت خايفة من صوت الباب.. نزل لها وضمها.. غازي بمحبة\هشششش إذكري الله.. ليه تبكين..؟؟وش فيك..؟؟ هديل بألم\طحت ع أرجولي.. تعورت وماقدرت امشي.. كنت اناديك بس ماسمعتني.. غازي\سلامتك يا قلبي.. أنا حذرتك ماتجين هنا من دوني.. بس ماتتركين لقافتك.. هديل بنحيب\طلعني من هنا.. أكره هذا المكان أكرهه.. غازي بحنية\أكيد باطلعك.. وين رجلك اللي تعورك.. خليني اشوفها.. هديل\لا اول طلعني من هنا.. ليه قفلت الباب..؟؟ غازي\بنطلع من الباب الثاني.. قومي معي.. وقفها واسندها عليه.. لاحظ رجفة يدينها اللي موثقة ذراعه. نزل عيونه عليها.. وأنتبه على عضها لشفايفها.. ودموعها تنزل من غير ماتبكي.. وقفها ولفها عليه.. غازي\وش فيــك..؟؟ هديل\...................... غازي\تكلمي..!! هديل تبكي\ما اقدر امشي.. نزلت راسها تخاف يكشفها.. تبيه يلتهي بإصابتها ولا يرجع يسألها.. ماتعرف غايته من إخفاء السر عنها.. مايبيها تدري وهي بتلتزم برغبته.. هديل\ما اقدر أمشي..رجلي تعورني. |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة رفع راسها له وركز عيونه بعيونها.. همس لها وهو يمسح دموعها.. غازي\إصدقيني القوول.. هزت راسها بالرفض.. وخبت وجها بصدرهـ.. ما اقنعته ولا قدرت تخدعه.. مد يدهـ لـ الباب يبي يفتحه.. بس أنتبه عليه شبه مفتوح.. أستغرب مين بيفتحه.. أستبعد تكون هديل لانها كانت طايحة هناك وتتالم من رجلها.. دخلها المكتب وكان بيجلسها بس هي مارضت.. هديل بتعب\لا بأروح انام.. غازي\خليني أشوف رجلك اول.. هديل\لا لا..مافيها شيء.. بأروح فوق..ذياب تركته نايم يمكن الحين يبكي.. غازي\أنتي مو طبيعية..وش فيك..؟؟ بكت ولا ردت عليه.. شالها بهدوء وطلعها من المكتب.. مشى على الدرج وهو ملاحظ كيف تخفي وجها عنه.. وكأنها بتدخل جوات صدرهـ.. أخذها على غرفته سدحها على السرير.. سالها وين تحس بـ الألم.. هديل\اليسار.. حرك قدمها بهدؤ ولما رفعها تالمت وطلبت منه يتركها.. هديل\لا خلاااص..والله تعورني.. غازي عقد حواجبه\أنتي وش كنتي تسوين هناك..؟؟ لو لا سمح الله انكسرت رجلك..او ماعرفت عنك.. ليش ماتنتبهين على حالك..مو عشاني عشان ذياب.. ماردت عليه لأن تفكيرها غايب عنها.. محصور في فكرة معينه.. الأب يتعذب قدام ولدهـ.. هي مجرد تخيلها لابوها قلب حالها وارهقها.. لف على رجلها بشاش طبي.. بعد ما حركها بين يدينه بخفة.. راح لذياب غطاهـ وقرأ عليه الأذكار.. وقف على البلكونة يناظر الملحق.. وفي باله فكرة وحدة.. هادي لازم يترك المزرعة.. ماراح ياخذها منه.. لابالطيب ولا با الغصيبة.. دخل وقفل باب البلكونة.. وتنبه إنها عنده في غرفته.. كان نقاشه مع هادي مسيطر على تفكيرهـ.. وتخطيطه لإبعادهـ عن المزرعة مشغله.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ هاتي بوسه قبل تسرقنا ..السنيييين !! لو كبرتي ماكبر حلمي معك... ولو نسيتي مايذكرك الحنين أنا همّي كيف بالقلب أجمــــعك... وانتي همّك كيف بكره بتكبرين ..!! أبتسم لها وهو يشوفها تناظرهـ.. قرب منها وجلس ملاصق لها.. غازي بحنية\حي الله حمامتي.. إبتسامته وترحيبه كانت مثل الصفعة على وجها.. واكتشفت إن تفكيرها بأبوهـ وابوها.. كان حاجز بين واقعها اللي تعيشه والوهم اللي غاصت فيه.. هي تدري إنها في غرفته وعلى فراشه.. أدركت هذا الشيء وهي تشوفه مبسوط بوجودها عندهـ.. لا هي مو مستعدة له.. ماعندها طاقة تهاجمه وتبعده عنها.. ماتقدر تردعه وتمنعه من شيء يبيه.. موجوعة من كوابيسها اللي تجسدت لها في الممر السري.. متالمة من حاله وأبوهـ ينضرب قدامه ويموت بعيد عنه.. ماعرفت عن دموعها إلا لما شافتها بيده بعد مامسحها من على خدها.. قبلها على جبينها وتوجه لدورة الميـــاهـ .. شالت وسادته وخبت وجها فيها وهي تبكي.. مقهوورة من نفسها.. لازم تنسى الموضوع.. معه حق هي المفروض ماتدري عن اللي صار.. يعرفها مجنونة بتعيش حالته غصب عنها.. بتتوهم تعذيبهم له ولابوهـ.. مايبيها تدري لانه يعرفها تعذب نفسها بتفكيرها.. نزلت وسادته على السرير وقررت تروح لغرفتها قبل يطلع.. أنتبهت على وردتها.. تحت وسادته..شالتها بأصابع ترتجف.. وناظرتها بحنييين.. هي دورتها تحت وسادتها بس مالقتها.. زعلت لما توقعت إن ماريا او احد الخادمات رموها.. رفعت راسها لما سمعته.. غازي يبتسم\وطلع تفكير المراهق صح.. فهمت قصدهـ..وغايته من كلامه.. زمان لما سألها عن الوردة.. قالت الوردة ماتعني لي شيء ورميتها .. كذبها وطلبها تعترف وين خبتها في ملابسها او تحت وسادتها.. وهي عاندت وقالت رمتها لأنها منه..ويبطل أفكار مراهقين.. كان لابس بجامة سوداء .. ومنشفته على راسه ينشف شعرهـ .. من دون وعي شدت يدها بقووة على الوردة.. وكأنها ممكن تنهيها او تنهي ذكراها.. راح لها بسرعة.. مسك يدها بين يدنه..وحاول يفك أصابعها عن الوردة.. غازي بهدؤ\لها مكانة كبيرة عندي.. لا توجعينها.. هديل بصوت مبحوح\ما احبها.. غازي يبتسم\كذابة.. لا فكي يدك عنها.. سمحت له يفك اصابعها من على الوردة.. رجعها بمكانها تحت الوسادة.. وهي تحركت بسرعة ناوية تهرب منه.. ماتقدر تواجهه بعد ماعرف عن الوردة.. إذا سألها وش تقول..؟؟ هي ماتعرف ليه احتفظت فيها.. من وين تلاقي جواااب..!! لم يدينه حواليها ومنعها تنزل.. غازي بتملك\ماهي ليلة هرووب.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة آتظاهرِ بـ آلغباءَ لكيّ أعيشِ .. بـ قليلِ منْ آلرِاحه ؛ معَ أن كلِ الأموِر وآضحه ! أتجاهلهَـــــا . . , فـ لمَ يعد لديّ مُتسعَ منِ الإحسآسْ لـ آشعَر بهآ.. جلست على مقعدها في الطائرة.. وقفلت الحزام عليها.. مر الوقت والناس يتوزعون باماكنهم.. تلفتت حوالينها تدور عليه.. بس ماشافته..خافت تطير الطيارة وهو باقي ماوصل.. قررت تنتظرهـ خمس دقايق إذا ماجاء بتنزل من الطيارة.. شتمته في خاطرها.. ألحين يمكن مصاب بـ الزهايمر ونسى إنه متزوج وزوجته في الطيارة.. أنا الغبية اللي ماشيته لو ظليت في الفندق او اتصلت بأمي تاخذني كان أأمن لي.. تنهدت براحة لما جلس جنبها.. ألتفتت عليه تبي تهاوشه.. وانصدمت لما شافت مسفر الشاب جالس جنبها.. مسفر بجمود\ولا كلمة.. الشايب بيجي في طيارة ثانية وطلب مني ما أتركك لوحدك.. أوصلك ماليزيا وبنلقاهـ هناك.. خلود بغيض\أنت ولا كلمة..ولا اسافر معك.. قله يوقف الطيارة.. مسفر بسخرية\عند اي إشارة يوقف الطيارة..؟؟ خلود بقهر\ألحين اوريك.. كانت بتفك الحزام من عليها.. بس يدينه منعتها وقيدتها بحضنها.. مسفر\لا تسوين لنا فضيحة.. أنا حفيد زوجك باوصلك له وارجع السعودية.. خلود تشهق\هئئئئئئئئ شيل يدينك شالك ابليس.. يا عديم الأمانة يا قليل الوفاء.. وبعد تبيني أأمن نفسي معك في سفر.. مسفر بغيض\خلاص قومي إنقلعي.. بعد يدينه من عليها وهي فكت الحزام ووقفت.. أكيد بانزل يحسبني بأضمنه واسافر معه.. أنتبهت إن الطيارة طارت من وقت ولا حست عليها.. ناظرت الطاقة وشافت السماء.. جلست بسرعة على مقعدها وهي تتنفس بقوة.. مسفر بسخرية\ليه ماتنزلين من الطيارة..؟؟ خلود\طارت...!! مسفر\إحلفي..!! خلود بخوف\ما ابي اسافر معك..رجعني البيت.. مسفر\لازم تسافرين معي.. مايصير تسافرين مع احد غيري.. خلود\جدك وينه..؟؟ مسفر بنظرة خاصة\قررريب.. صدت عنه وهي تحس بنفس الإحساس الغريب.. ماهو إطمئنان ولا راحة.. شـــــك وضيـــاع.. تحس بملعووب ينلعب عليها.. تخاف من الفراغ اللي بدأ يستوطن قلبها.. ماتبي تفقد الشايب ولاتبيه يغيب عن حياتها.. راحتها معه.. شوقها لأبوها بتحمله هذاك الشايب.. اللي أهملها ومعتمد على حفيدهـ.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛ خنتني مبروك يعني شـ ختلف ..؟! هذي آلدنيـا و هذآ آلكــون كون .. تحسب إن قلبي من آلصدمه وَقف ..! مـآ تأثر بس عرفتك من تكوووون .. جلست جنب أمها وجدتها.. ولمت يدها على كتف أمها.. ام علي تبتسم\كم تبين..؟؟ غادة\ههههههههه فديتك فاهمتني.. بس هذي المرة ما ابي سلف.. طالبتك طلب ماترديني.. ام علي\آآمري.. غادة \مايامر عليك ظالم.. يومه هديل.. ام علي بهدؤ\وش فيها..؟؟ غادة\كلمتها قبل يومين.. تسالني عنك وعرفت إنك ماتكلمينها.. ام علي\لاتدخلون بيني وبين بنتي يا عيال حسين.. ترى ما انتوا اغلى منها.. أنا ما كلمتها عشان مصلحتها..هي لازم تقرر لحياتها.. ما ابي اضغط عليها تقرر شيء مو مقتنعة فيه عشاني.. غادة باستغراب\أي قرار..؟؟ يوومه وش صاير معها؟؟ ام علي\ماصاير معها إلا كل خير.. هي قطعة من قلبي وأغلاكم كلكم.. اللي شافته ماهو شوي..ومازاد بعدها الا محبتها.. وقفت ام علي وطلعت من الصالة.. وسرحت غادة في كلام أمها.. حاولت تفهم مقصدها.. معقولة هديل غيرت رايها في موضوع الطلاق.. قالت بترجع بعد مايتعالج ذياب.. وهذا ذياب تعالج..فــ ليه ماترجع..؟؟! صرخت بخوف لما حست بضربة على ساقها.. الجدة\يالغبراء السرووق.. تعالي أشووف تعالي.. غادة مصدومة\يوومه خوفتيني وش فيك..؟؟ عبدالله\الله يسامحك يا جدة أبوي.. والله خوفتيها شوفي وجها.. الجدة بغضب\أقربي.. غادة بخوف\والله ما اقرب.. وش أنا مسوية يوم تضربيني..؟؟ وبعد تقولين اقربي..مهبولة أنا اقرب..؟؟ الجدة\عبدالله يا ولدي.. عبدالله بفزعة\لبيييه.. الجدة\قربها مني السرووق.. وقف عبدالله وسحب يد غادة.. عبدالله\قوومي مع كرشك.. الجدة نختني.. غادة\يومه والله ماسويت شيء.. ولا تنسين انا حامل.. الجدة\طيب بس تعالي هنا.. قامت وجلست جنب جدتها.. والجدة مسكت يدها وسحبت الخاتم من إصبعها.. الجدة بزعل\أفا يـ السروووق.. سارقة الخاتم من الطقم..؟؟ غادة\أي طقم..؟؟هذا خاتمي.. الجدة\تعقبين هذا لهديل ماهو لك.. غادة بشهقة\والله العظيم لي.. راكان أهداني إياهـ يومه.. يمكن انتي مشبهه.. الجدة\لا ماني مشبهه.. قومي معي وتأكدي بنفسك.. غادة\لحظة با مدعية هاتي خاتمي ما اضمنك.. وقفت ومشت مع جدتها لغرفتها.. وهي مستغربة من ثقة الجدة بكلامها.. وبنفس الوقت واثقة إن الخاتم لها والجدة غلطانة.. أبتسمت لما تخيلت وجه الجدة لما تعرف إنها ظلمتها.. غادة بمرح\هاهـ شفتي إنك ظالمتني..؟؟ الجدة\تعالي يالغبراء.. قربت منها وشافت الطقم اللي عرضته لها.. شهقت بصدمة لما شافت العقد والإسوارة.. كانت نسخة عن الخاتم.. هدية راكان لها.. هي سئلته عن باقي الطقم..بس ما فكرت في الموضوع.. ماطرى في بالها أبداً إنه مع جدتها.. غادة\يومه من وين لك هذا..؟؟ الجدة\من رويكن..يقول لهديل.. طلب مني أخبيه عندي لحتى ترجع وتاخذهـ .. تجمدت يدينها.. ونزلت دمعة حااارة من عينها.. أبتسمت بسخرية على حالها.. فسخت الخاتم وناظرت لجدتها.. غادة\أنا آسفة يومه.. اعجبني الخاتم وحبيت البسه.. ماظنتي إن أختي بتبخل علي بخاتم.. معك حق المفروض ما اخذ شيء ماهو لي.. دخلت الخاتم في مكانه الخاص في الطقم.. قفلته ورجعته لجدتها.. الجدة بمحبة\ياعساني فداك يـا غادة.. والله أمانة عندي لحتى ترجع صاحبته.. وابشري بطقم كامل لك من حر مالي.. غادة بغصة\لا وش هذا الكلام يومه.. عندي خير ولو كان في خاطري بأشتريه.. أو باطلب زوجي يشتريه.. طلعت من غرفة جدتها والعبرة تخنقها.. مصدووومة وماتقدر تواجه نفسها.. فكيــف تواجهه..؟؟ يهديها خاتم..ويهدي أختها باقي الطقم.. ليـــــــــــــه؟؟!! ليه يهدي هديل..؟؟ الموضوع القديم دفناهـ من سنين.. ليه يرجع راكان وينبشه..؟؟ طلبت من عبدالله يروح معها لبيتها.. ماتبي تروح مع السواق لحالها.. دخلت جناحها وهي كاتمة القهر في قلبها.. قررت ماتتكلم معه في الموضوع.. ولا تبين له إنها تعرف عن هديته لهديل.. بكيفه ينطق ألف مرة.. يهديها أو يمووت.. أختي ما بأخسرها عشان احد.. لاراكان ولا غيرهـ .. أنتبهت عليه يدخل الجناح ويقرب منها.. صدت عنه بسرعة ودخلت غرفتها.. قفلت عليها في غرفة تبديل الملابس.. وسمعته يناديها بس ماردت عليه.. راكان بحيرة\أذكر إني ماسويت شيء يزعلك.. تكفييين لا يكون رجعتي تتوحمين علي..؟؟ عطاها الحل من دون ماتفكر كيف تبعدهـ عنها.. قدم لها الجرح والدواء.. إيه ياراكان رجعت انقرف منك ومن حالي أكثثثثر .. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة ترى ما رحت من كيفي عشان أتحمَّل ذنوبك أنا شفت الزمن ناوي علينا وقلت له خذني... واذا قالوا رَحَل عنِّك حبيبك، فتِّش جيوبك تطمَّن قلبي بـ جيبك حبيبي لا تدوِّرني ... فزت من نومها وهي تصرخ بخووف.. حست بيدينه حواليها.. خافت اكثر وصارت تضربه وتستنجد.. هديل\لااااااااا..إبعد عنيييييييييي.. مو هو غازي مو هو والله.. إبعد عنـــــــــي.. غازي\بسم الله الرحمن الرحيم.. لا اله الا الله..هشششش هديييل.. هديل صلي على النبي..إهدي.. خلاااص إصحي..حلم ..انت تحلمين.. نفث ماء على وجها وهو يسمي عليها.. فتحت عيونها بقوووة ونفضت نفسها منه.. أبتعدت عنه وهي لامة المفرش عليها.. تلفتت حوالينها وكأنها تدور على احد ثاني.. غازي بهدؤ\إهدي مافيه شيء.. كنتي تحلمين.. هديل بخوف\بأروح غرفتي.. غازي بحنية\انا وعدتك ما اجبرك على شيء.. هديل بقهر\كذااااااااب..واللي كنت بتسويه..؟؟ غازي\قلتي لا وابتعدت عنك.. وبعدين فيه امور لازم تعرفينها قبل لا يصير بينا اي شيء.. هديل بزعل\أدري..تبي أخ لذياب.. ترى انت ماتحب ذياب أكثر مني.. غازي\أدري.. هديل\كيف ماتت رسل..؟؟ انصدم من سؤالها له.. ليه تفكر في رسل بهذا الوقت.. غازي\ماتبين تقولين وش كان حلمك..؟؟ هديل بإرتباك\شيء خاص مالك شغل فيه.. غازي\بس أنتي كنتي تناديني.. هديل\رسل كيف ماتت..؟؟ غازي بهدؤ\قلت لك من سنين كيف ماتت.. هديل\قلت امها أهملتها..كيف أهملتها..؟؟ غازي\أنا أهملتها وأهملت أمها.. رجع ظهرهـ على مقدمة السرير.. وحط ذراعه وراهـ.. ناظر فيها وشاف فضوول في عيونها.. غازي\هي سنين راحت ولا بترجع.. ماله داعي نتكلم فيها.. هديل\أبي اعرف عنها.. غازي\رجعت بعد ما أخذت شهادة الطب.. كان حلم بس كرهته وكنت امارس المهنة عناد في نفسي وقهر لها.. كانت سنين الغربة طوويلة.. ولما رجعت لـ السعودية ما انتهى شعور الغربة.. أكيد تعرفين هذا الإحساس.. نفس اللي حسيتي فيه وأنتي عند هلك.. هلك مو هلك..ديرتك ماهي ديرتك.. تدرين ليش حسينا بهذا الشيء..؟؟ لأني ماكنت متصالح مع نفسي.. وأنتي ماكنتي متصالحة مع نفسك.. كل شيء حوالينا طبيعي بس حن ماكنا طبيعيين.. لما اتصلتي علي وقلتي تحسين بغربة.. عرفت شعورك..وحجم معاناتك.. ماحبيت اخليك تعيشين نفس اللي عشته.. ماخفى حالي على امي.. وكنت اقول لها باترك السعودية وارجع ايطاليا.. قالت تزوج..المرهـ بتونسك وبتغير حياتك.. تزوجت وأذنبت في حقها.. كانت طيبة واصيلة..ماعليها منقود في شيء.. بس الخطاء مني أنا..طفشتها بإهمالي لها.. أنسى إني متزوج..انسى إن فيه حرمة تنتظرني في البيت.. ولدت بــ رسل واستمر إهمالي لها.. تعلقت في رسل كثييير.. كانت صغيرة بس تاسرني.. ماقدرت تكمل معي وقالت تبي الطلاق.. جرحتها بقوووة لما وافقت على الطلاق من دون نقاش.. حست إني ابي الخلاص منها..وأنا كنت ابيها تتخلص مني.. لأني اشوف تعاستها معي.. ماقدرت أسعدها..كنت عايش بقوقعة خاصة فيني.. أخر ليلة كانت لها معي تعذرت منها وقلت لها أنتي ماقصرتي بشيء.. واحلى مافيها كانت واثقة بنفسها وقالت أدري إني ماقصرت.. طلقتها وسمحت لها تاخذ رسل.. كنت من وقت لوقت اروح أزورها.. وافكر أخذها معي..بس انا أدرك إني ما اقدر أهتم بطفلة ولا ارعاها.. وبتكون بخير بحضانة امها..وأمها طيبة وحنونة.. هديل بغصة\ورسل..؟؟ غازي يتنهد\توفت بحادث.. هذا اللي صار.. هديل\أبي اعرف الحادث.. غازي\ماله داعي تعرفينه.. هديل\كهرب..؟؟ ناظرها بحدة\إنسي الموضوع.. كان بيقوم..بس مدت يدينها ومنعته.. هديل\عشاني قووول.. غازي برفض\عشانك ماراح اقووول.. هديل\ليه انت قاسي..؟؟ غازي بحيرة\ناوية علي أنتي واخوك اليوم.. هديل\ليه كنت تضربني..؟؟ ليه خبيت عني إني زوجتك..؟؟ غازي بجمود\ماراح يرضيك الجواب.. لأني مو راضي عن اللي سويته ولا عن أسبابي.. هديل\قلت أنت تعاقبت على جرمك قبل 16 سنة.. قلت انا ذنبك اللي تعاقبت عليه.. انااعرف جريمتك بس ما اعرف عقابك.. شد على يدها اللي بين يدينه.. سحبها له وهي تجاوبت معه.. ضمها على صدرهـ وصار يحكي لها عن عقابه.. قال لها عن سجنه بس ماذكر تعذيب أبوهـ ولا إعترافه.. هديل\وش كان دليلهم عليك..؟؟ غازي\شهادة زور.. من بعد السجن خلصت الطب.. وبعدها رجعت وتزوجت مثل ماقلت لك.. مات ابوي وانا في السجن.. وماتت رسل.. ثم مات سعود.. ابوي وماقدرت اعترض على موته.. مات بفراشه بمرض.. رسل أحترقت قضاء وقدر.. سعود مات مقتوول.. ماقدرت انتقم لاحد منهم.. بس لما عرفت قاتل سعود.. توعدت ما اترك حسرتي عليهم كلهم.. وكنتي انتي الأسيرة.. طالبت برجوع هادي وقص رقبته مع سلمان.. مافكرت في الصلح ابداً..وحلفت ما اصلح مع هلك.. أخوك وولد عمك هربوا وثبتت عليهم الجريمة.. كنت اشتعل نار وقهر لما اعرف إنهم هاربين وعايشين.. وهم اللي ذبحوا اخوي ويتموا ولدهـ .. جمعت كل المعلومات عن هادي..وعرفت إن له أخت توئم.. لما ذكروا اخت توئم له.. نسيت كل شيء..كل المعلومات الباقية عنه تجاهلتها.. وشلت فكرة القصاص من راسي.. كل همي وتفكيري أقهر هادي..وصورة هادي في بالي كانت مجرمة.. كنت اظنه شاب داج صايع مايعرف يصلي .. كنت راسمه تبع مخدرات وضياع.. ولما شفت صورهـ شفته عكس تخيلي له.. بس هذا مامنعني من اللي فكرت فيه.. قررت اتزوجك واخذك بعيد عنهم.. وانا ادري إني لو عرضت الزواج بيوافقون هلك عشان الصلح.. بس طلبتك جارية وهم يناقشوني في الزواج.. سحبت نفسها من بين يدينه.. وجلست مواجهه له.. عينها بعينه.. تبي تشوف كل ملامحه وهو يتكلم عن طلبه لها.. تبي تشوف الندم على سواياهـ بعيونها.. غازي بجمود\ضغطت عليهم وهددتهم.. وبنفس الوقت كنت احايلهم.. قلت لهم بتكون بخير..بتكون بخير.. كان موقفي ضعيييف..وماكنت متوقع ابداً يوافقون.. أنصدمت من إتصال عمك.. ولما التقيت فيكم وأنتي معهم كنت محضر العقد.. والشيخ موجود والشهود.. تزوجتك بهذاك اليوم..صرتي زوجتي وحلالي.. قلت لأبوك بكل قسوة..شيع جنازة بنتك.. مستحيل تشوفها مرة ثانية بحياتك.. منعته يودعك ويسلم عليك.. وبعدها اخذتك معي.. شيء غريب صار لي من بعد ماوقعت على العقد.. ماكانت اول مرة اتزوج..حسيت بتملك عظيم يسكن قلبي.. تذكرين اللي صار من اول ما اخذتك.. لما وصلنا إيطاليا حبستك في الملحق لمدة.. قررت فيها ارجعك لهلك ما ابي المسك ولا اجبرك على شيء.. مع العلم إنك زوجتي..اعلنوا وفاتك وهذا ماتوقعته يصير بسرعة.. كانت دموعها تنزل من دون صوت.. كل شيء صار من بعد ما عقد عليها تذكرهـ.. تذكر حبسه لها في الملحق..وبعدها اول لقاء بينهم.. وكان حرمانها من اسمها.. وكان اول مرة يضربها وأدركت إن حياتها بتكون جحيم.. هديل بغصة\لما قالوا يبيك جارية.. قلت تم..ظنيت إني باكون جارية في بيت هلك.. عند أمك واخواتك.. ماكانت ادري إنك بتحرمني من هلي.. بتغربني وتيتمني..ظنيت الأمور هينه.. ماكنت ادري وش ينتظرني..؟؟ قلت شهر شهرين ويملون من هذي اللعبة.. بعدها ارجع بيتنا ويكون اخوي بخير.. بس كل شيء كان عكس ماتوقعت.. صبرت نفسي وقلت بس يخوفك وبعدها يرجعك.. طالت الأشهر وصارت سنين.. وأنت مارحمت حالي وقلت أنتي زوجتي.. كل شيء يتنسى إلا معاملتي كزوجة لك وأنا ما ادري.. غازي\من بعد ماتعبتي لما تركتك بآخر المزرعة.. نقلتك عندي هنا في غرفتي.. ومن لحظتها زاد تملكي لك.. وكبرت فكرة زوجتي حلالي.. نمتي عندي وظليت اراقبك طول الليل.. أعرفك عنك اشيئا كثير.. وبنفس الوقت اكتشفت إني ما اعرف عنك شيء.. قررت ادخل في حياتك اكثر وأتملكك أكثر.. مع إن غضبي من نفسي وحقدي على حالي كان مسيطر علي.. أشغلتيني عن حالي فيك أنتي.. بعد مارجعتي الملحق ماقدرت إلا اقضي كل ليلة عندك هناك.. أراقبك..أسمعك تبكين..تخافين من الظلام ومن أصوات الريح.. تعلين صوتك وانتي تقرئين القرآن..وتخبين نفسك تحت فراشك.. كنت امنع نفسي لا اقولك أنا معك لا تخافين من شيء.. بس أسخر من نفسي وأقول انت اكبر مخاوفها.. بعدها بديتي تجذبيني لك اكثر..وأنا أتعلق فيك أكثر.. كنت باقولك انتي زوجتي واريح نفسي قبل اريحك.. خططت لوقت وطريقة معرفتك لهذا الخبر.. حسبت حساب كثير أشيئا..ولا حسبت حساب إجباري لك.. وقفت بعد آخر كلامه.. وهي تتذكر بهذي الغرفة أجبرها.. تبي تبعد عنه..تكلموا كثيير.. حقدهـ على حاله مثل مايقول هي تعرف سببه.. بسبب ابوهـ واللي عاناهـ من تعذيب.. خرجت من غرفته مخنووقة وهي تعرج.. وهي تردد بقلبها.. مالك عـــــــــذر..والله مالك عذر.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة إش فايدة نبكي على شي قد راح وإحنا قتلنا الحب من دون رحمة المشكلة جيتك وبي حب يجتاح جيتك طفل محتاج من الوقت ضمه جيتك وله وأشواق والشوق فضاااح رد الصدى ياصاحبي صاحبك راااح ومن يومها كل الفرح صار صدمة.. ضمت يدينها وعيونها تحارب دموعها.. ماتبي تصدق ظنونها.. حبت الكذبة اللي عيشوها فيها.. شايب يلبس مثل أبوها الغالي.. يهاوشها وحنون معها.. حبته..حبت الشايب..وتمنت يتزوجها.. تبي تعيش معه من شوقها لأبوها.. بس قلبها يتألم لان الشايب غدر فيها.. أهملها وصار عكس ماتمنت.. كانت بتضرب نفسها كف وتصرخ.. الشايب ماله وجود.. كذبة عشتيها وصدقتيها.. ناظرت رسالة مرام لها.. ..والله آسفة كل اللي سويته من محبتي لك صدقيني مسفر طيب بيحفظك ويرعاك.. رفعت راسها وناظرت بعيونه.. كيف كذب عليها..كيف اوهمها..؟؟ كيف قدر يخون ثقتها فيه ويغدر فيها.. جلس قدامها وحط عينه بعينها.. زاد قهرها من ثقته بنفسه.. من جرئته وخداعه لها.. أثبت لها إنه نذل وماله أمان.. متزوجها بـ الخديعة.. بتطعن في الزواج..وبتطلب الخلع منه.. بتقول إنها ماكانت على بينه.. بتقتله بيدينها.. وقفت وشدت على عبايتها.. خلود\رجعني السعودية وطلقني.. مسفر بهدؤ\كنت واثق إنك شاكة في الموضوع.. بس تعلقك في الشايب ماسمح لك تحاولين تثبتين شكوكك.. خلود بقهر\لا تحاول تحلل نفسيتي يا غدار.. تزوجتني بـ الكذب..ابي ارجع لامي.. أنت خدعتنا وكذبت علينا.. مسفر\امك تدري إني مو شايب.. وهي وافقت على زواجنا بقناعة.. خلود بقهر\لااااا لااا هي ماتدري.. أنت وخالتك النذلة الخاينة.. أنتوا غدرتوا فيني اوهمتوني بكذبة.. وقف وقرب منها.. مسفر بهدؤ\كانت فكرة علاج.. وانتي تعلقتي في وهم ماهو حقيقة.. خلود بغصة\أنت علقتني في هذا الوهم.. أنت اوهمتني إنك ابووي.. مسفر\إهدي وإسمعيني... خلود بقهر باكي\لا ما ابي اسمعك.. أنت كذاااااب..نذل.. ما ابيك ابي هذاك الشايب.. ابيه يرجع هو يشبه ابوي كثيير.. رجعه لـــــــي.. مسفر بحنية\انا الشايب..أنا الحنون اللي تدورين عليه.. أنا ابوك إن كنتي تبين اب.. خلود تبكي\لاااا أنت النذل.. اللي كذب علي واخذ ابوي الثاني مني.. قتلتوا ابوي مرة ثانية.. حرمتوني منه.. مايحق لك تعذبني كذا والله مايحق لك.. صرخت بقهر لما ضمها له بقوووة.. كان يهمس لها إنه جنبها وماراح يئذيها.. وهي ترفض قربه وتطلب منه يرجع الشايب لها ويكون حقيقة.. خلود تبكي\أريد ابووووي.. قتلوووهـ..خذووه مني..يتمووني.. ليه قتل ابوووي لييييييه..؟؟ والله ابوي طيب يصلي ويخاف ربه.. ليه ماقتل المجرمين مثله..؟؟ المجرمين كثار في الدنيا..ليه ماقتلهم وترك ابوي الطيب..؟؟ فجعني في ابوووي..ياليته مات مريض.. ياليته مات حادث..مو مقتول بيد مجرم حقييير.. أشتقت لريحته لحضنه لضحكته.. اشتقت أكون بخير وهو موجود.. اكرهك يا مسفر واكرهم كلهم.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛ كانت بتطلع من جناحها لما ناداها توقف.. التفتت عليه وواجهته.. راكان يبتسم\بعدك متوحمة علي..؟؟ ماصارت كم ليلة وانتي مو طايقتني.. متى ينتهي وحامك..؟؟ غادة ببرود\بعد الولادة.. راكان\غادة وش فيك..لاتقولين الحمل.. غادة\الحمل.. راكان\بتنامين في غرفة سارة..؟؟ غادة\إذا تحب اروح بيت هلي عادي مافيه مشكلة.. راكان بطولة بال\لا مو حاب تروحين بيت هلك.. بس إذا حابة انتي تروحين فراحتك راحتي.. غادة بسخرية\أوووف قووية راحتي راحتك..؟؟ تصبح على خير.. راكان\غادة وين خاتمك..؟؟ غادة بصد\رميته.. طلعت من جناحهم وتوجهت لغرفة سارة.. قفلت عليها وأنسدحت على فراشها.. بكت بقهر وهي تكتم صوتها ماتبي احد يسمعها.. مهما اوهمت نفسها إن الموضوع ماجرحها.. بس هو جرحها..طعنها بقوووة وقهرها.. فتحت جوالها وكان فيه رسالة من راكان.. تغيرنا ولا ندري من اللي غير أطباعه ياقلبي قول لاتسكت وش اللي جابنا أغراب؟! سألتك ليه تتنهد بصدرك آه ملتاعه تصب الملح من عينك تناثر دمعك المرتاب؟! جنوني واللذي خلد غلاك بخافقي راعه سكوتك يكسر ضلوعي وفيني مابقت أعصاب أبعرف بس من يقدر يكدر خاطرك ساعه أبعرف بس من غيري يفتح في هواك أبواب؟! ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛ وعدتك.. أن أحسم الأمر فورا وحين رأيت الدموع تهرهر من مقلتيك ارتبكت وحين رأيت الحقائب في الأرض أدركت أنك لا تقتلين بهذي السهولة فأنت البلاد.. وأنت القبيلة وأنت القصيدة قبل التكون أنت الدفاتر.. أنت المشاوير.. أنت الطفولة وأنت نشيد الأناشيد أنت المزامير أنت المضيئة أنت الحبيبة... نزار القباني... دخلت القصر وهي متضايقة من سفر هادي.. تمنت لو يظل معها اكثر.. طلب منها تسافر معه وترجع السعودية بس هي مارضت.. مابينت له السبب..ولا قالت له عن مشكلة ذياب.. قالت ظروف خاصة تمنعها ترجع معه.. ألح عليها وسالها وش تكون ظروفها بس ماجاوبته.. بكت وهي تحضنه وتودعه.. وهو مصمم يظل معها او ترجع معه.. أقنعته إنها بخير ومرتاحة مع غازي.. وبينزلون السعودية بوقت قريب.. كانت بتطلع تجيب ذياب.. طلب هادي يسلم عليه قبل يسافر.. بنص الدرج سمعت صوته.. ألتفتت لتحت وهي تشهق مصدوومة.. نزلت تركض وجلست على ركبها عندهـ.. بكت وهي تاشر على نفسها بضعف.. هديل بغصة\أنا ميـــن..؟؟ ذياب يتنفس بقوة وينطق\مــ...ــه هديل ضمته وهي تصرخ\يارووووح أمك وقلبــــــــــــها.. لبيييه يا ذياب لبييه يا ابووووي.. غاااااااازي تعال شووووف.. عيدها ياقلبي..تكفى عيدها ابي اسمعها.. صار يصفق بيدينه ويشاهق مبسووط.. وهي تضمه لها وتبووسه.. لم يدينه عليها وفتح فمه على خدها.. هديل بحب\ههههههههههه فديييييتك انا.. ذياب تكفى قول ماما.. ابي اسمع صووتك يا قلبي قووولها.. ذياب\ممممــه.. هديل\الحمدلله ياربي يا حبيبي.. ألف الحمدلله والشكر.. نزلته من حضنها وسجدت في مكانها وهي تبكي.. سجدت لله شكر على نعمته ورحمته فيها وفي ولدها.. ولدها نطق يعني هو بخييير.. غازي يبتسم\مبروووك.. هديل تبكي\ناداني.. غازي بمحبة\اول مانطقها نزلنا ندور عليك.. الحمدلله على سلامته.. هديل\ذياب نطق..الحمدلله..الحمدلله ياربي.. غازي يعين هو الحين بخير..ماراح ينعمي صح..؟؟ ماراح أفقدهـ..؟؟مابيمرض..؟؟ غازي بهدؤ\ذياب تعالج من بعد العملية.. والنطق تاخر وهذا شيء طبيعي.. عمليته كانت ناجحة..وهو مايحتاج أخ.. كانت خدعة مني عشان تظلين هنا.. يــ الله كيف قلب شعورها.. كيف غير كل قراراتها.. مصدووومة من جرئته على خداعها للمرة المليوون.. ظنت إنهم تخطوا مرحلة الكذب والخدعة.. كيف يقدر يعذب بهذا الشكل.. من بعد العملية وهي عايشة عذاب نفسي.. عايشة خوفها على ولدها وخوفها من فقدانه.. كانت خايفة ماتقدر تنقذهـ وتجيب أخ يساعدهـ.. ليه ماراعى خوفها منه ورحم حالها.. لازال يحاول يجبرها ويكبلها بقيود الإكراهـ.. وقفت وهي ترتجف.. قربت منه مستنكرة كل كلمة يقولها.. ومستنكرة ثقته القوية بنفسه.. ضربته على صدرهـ ودفته بقوووة وهي تصرخ فيه.. هديل بقهر\بســــــــك ظلم..بسك قهر لي وإذلال.. الحب ماهو غـــصب..ما ابييييييييييك.. متى بتفهم إن لي حق أقرر واقول لا ما ابي اظل معك.. ليش ماتفهم إني رافضة وجودي معك مجبووورة.. أنا من حقي أقرر..من حقي أظل برضاي او اتركك.. انا راح أظل رافضتك طول ما انت تجبرني على الحياة معك.. ماراح اقدر أتقبلك وأنت تجبرني عليك.. مالك حق تغدر فيني اكثر مما غدرت.. كيف اقدر أثق فيك واسلمك روحي وانت ماتنصفني.. من حقــــــــــي أقول ما ابـــــــي أظل معك.. ومن حقــــــي أقوول أبيــــــك.. وأنت اللي جنيت اليوم.. انا بأرجع مع أخوووي...وما ابييييييييييك.. شالت ذياب وطلعت من القصر.. كانت تعرج وتتألم من قلبها قبل جسمها.. جلست جنب هادي وهي ضامة ذياب لها بقوووة.. هديل\رجعني يا هادي.. فمان الجـرح لا والله فمان احـــزاني ..] الكُـبـرى فمان اغـلى ثلاث سنيـن [ مِـتّ ] بْـها عشــان اعيش فمان الحب }~ واحـلام القلوب البيض والخضرا فمان الآه مـن كثــر الزعـل والشـــوق ~.. والتطنيش فمان عيونك اللي مالها بين العيون ..{ اُخرى فمان [ غــرورك ] اللي علّـم الطاووس نفـْـش الريش فمان عطورك اللي تسكن { انفاسي } وبالأحـرى فمان انفاسك اللي تسكـن عطـوري ومدري ليش ..؟! فمان الليل ]/.. واحضان الدفــا ومصافح القمـرا فمان البــاب والشبّـاك يــوم اواعـــدك { ونطيش .. فمان التوت والرمــان واحلى فاكهــه [ حمـرآآ فمان الضحكه اللي كنّـها مـن مبسمك .. بخشيش فمان { غيابك } اللي ما ترك لمْواصلك بُشرى فمان الشـك وظنــون الخطــأ },, والكـذب والتشويش فمان [ العيد ] كنـّي به يجيني وحالتي تزرى يطبْطبْ فوق أكتـافي حزن ويقــولَ لِي "معْـليش" فمان الجوع و احساس ]/.. العطش ومفارقك صحرا [ تعبت .. افتـّــش ْلواحاتـــها و اضـنــاني التفتيش فمان { ضلوع .. مكتـوب ٍعلى أنحاءها اليُسرى "هُــنا توجـد جـروحي" لو تكــرّمتي: بـلا تنبيش فمان [ دموع ] لا تـُسمن ولا تُغني من الذكـرى وانا اللي ماقدرت اطلع من { اجوائي ,, معك بشويش فمان الشـارع اللي كلّما جيـته [ وآنآ آقــرآ .. معانـاتي ..} من اوّل يــوم فـي وصـلك إلى التهميش فمان { الشاعر } اللي يجمع بتجربْـته الصغرى فكر بــدْر [ ورومانسيّة نزار ] وفلسفة درويش فمان [ الخوف ,,, ويدينك جنود وأضلعي أسرى وانا فينـي مــن ’’ الإحبــاط }~ ما يكفي هزيمــة جيش فمان اشيــاء ما تنقــال للعالم { ولا تــطرى ~ ممـالك ’’ حـب }~.. دمّـرها اللعب وسْياسـة التطفيش فمان الإيش..!؟ ما أدري ولكنّ الزمان ادرى وانا اللي ضاع ما يدري حبيبه ضيّـعه لجل ايش؟! فمان الله ياقلبـي }~ مع انّــك جــرح ما يبــرا كتب ربّي عليّ اعيش من دونك { وانا ما اعيش .. إلـــــــــى الملتـــــقى بإذن الله تعالى الجمعة الساعة 10 مساءً.. رجــــــــــــاء وطلب من جميــــــــــــع أحبتــــــــــي .. أتمنى تواجد جميـــع أحبتـــي مساء الجمـــعة القادم الساعة العاشرة مســـاءً.. قد يكون آخر لقـــــاء لي معكم فكونوا بقــــربي .. كونوا بخيــــــــــــــــر .. صدووود’’’ |
رد: أما غرام يشرح الصدر طاريه و إلا صدود و عمرنا ما عشقنا للكاتبة صدود كاملة السلام عليكم ورحمة الله وبركاته ... صبـــــــــــــــاح\\ طيور النورس .. تحلق على شواطـــىء الأمان.. مســـــــــــــــاء\\ ودآآآآآآع يتلووهـ لقــاء بإذن المولى .. كيـــــــــــــفكم الــ ليلااااااااااااس..؟؟ أحبتـــــــــــــي في كــــــــل مكـــــــــان ...؟؟ لكل من سجل وتعنى عشـــــاني.. الله يعلي شــــــأنكم ويسعدكم.. شرف كبييير لي حضووركم أحبتـــــــــــي ,, وشكــــــــــــــراً بحجم السمــــــــــاء.. لكل القلوووب اللتي وقفت بقربي.. إما مشجعة ومحبة.. أو ناقدة بصدق قلب ونية صافية .. أحبــــــــــكم في الله ,,, البــــــارت الثــامن والثمـــانون .. حنانك يا قلب .. فيم الخفوق وهل كان ما كان إلا خيالا ؟ وفيم تحن إلى عهدها وقد أرقتك الليالي الطوالا ؟ دع الوهم يا قلب .. ماذا جنينا من الحب لما عشقنا المحالا ؟ حنانك يا قلب .. بعض الهدوء فصدري كاد يجن أشتعالا أتجسر أن تستبيح المدى وتطوي إليها الدجى والرمالا ؟ وهبك وصلت الى صرحها وهبك هدمت السدود نضالا فماذا ستفعل يا قلب ؟ تجثو على قدميها .. تذوب ابتهالا ؟ وتسألها : أتحبينني ؟ فيطوي الظلام الرهيب السؤالا وترجع عنها وفي جانبيك جرح تئن .. وتأبى اندمالا فديتك يا قلب لن تستباح ولن ترتمي في التراب مذالا سنصمد يا قلب للعاصفات ونوسعها ثورة ونزالا ستعرف ياقلب أنا انتصرنا وأنا هزمنا الهوى والجمالا المرحووم بإذن الله تعالى..غازي القصيبي ,,, شالت ذياب وطلعت من القصر.. كانت تعرج وتتألم من قلبها قبل جسمها.. جلست جنب هادي وهي ضامة ذياب لها بقوووة.. هديل\رجعني يا هادي.. هادي بحيرة\قلتي بتظلين هنا.. هديل بقهر\طلــــــــعني من حياته.. إنزعني من قلبـــه وإقهرهـ علي.. هادي بهدؤ\صلي على النبي..أبشري بأخذك معي.. جوازك واوراقك معك..؟؟ هديل\........لا معه.. هادي\بأروح اجيبها. نزل من السيارة وقبل يبتعد عنها.. أنتبه على ماريا قريبة منه.. مد يدهـ وأخذ اللي بيدها.. ماريا\هذهـ أوراق تخص السيدة ديل.. طلب مني السيد إعطائها لك.. هادي يناظر مدخل القصر\شــــكراً لك.. جلس جنب هديل وحط الأوراق بشنطته.. هادي\أرسلها لنا قبل اطلبه إياها.. هديل\............... أخيــــــــــراً فهم.. وارسل أوراقي من نفسه وبدون غدر.. كان ذياب يتحرك بحضنها بعصبية.. ويضرب على شباك السيارة.. لمت يدينها حوالينه وضمته لها.. حرمها تفرح بعلاج ولدها .. كذب عليها وعيشها بخووف تفقد ضناها.. أو تسلمه نفسها مجبوورة.. قبلته على جبينه وهي تكتم عبرتها.. هديل\أبووك دووم يكسرني.. رفع راسه لها وبدأ ينطق بكلمات متقطعة.. ماتفهم منها إلا ..مـــه..وبالمووت تطلع منه.. ضمته لها اكثر وبكت لما طلعوا من اسوار المزرعة ولا التفتت وراها.. ماتبي تودعه ولا تشوفه.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لاصرت تدري ليه تبكي عوآآآفي على الأقل تدري وش اللي بكيته .. الموت من يبكي على شي خافي ومن دون ادنى ذنب كانك جنيته..! خرجت من دورة المياهـ وهي لابسة روب الإستحمام.. ولامة منشفة على شعرها.. كانت تحس بدووخة وتعب بكل جسمها.. جلست على السرير بتعب.. وشالت المنشفة وحاولت تنشف شعرها.. بس الضعف مسيطر عليها.. من بعد ما كشف لها إنه زوجها وكل شكوكها اللي تجاهلتها صح.. انهارت ودخلت بحالة صدمة صعبببة.. ضمها وهي رفضت حضنه.. تحس بخيانة منهم كلهم.. من امها ومنه ومن مرام.. كانت تشك باشياء غريبة.. وحال الشايب وحال الشاب.. يتشابهون..بس كان يغشها بـ التجعيد اللي يحطه عل جبينه.. والنظارات واللحية البيضاء.. حبت الوهم اللي شافته..ولا سمحت لـ عقلها يكذبها.. عاشت الكذبة وتعلقت بوهم.. بعد نزولهم من الطيارة.. مروا بـ الجوازات..كان جوازها معه.. وكانت تحاول تلغي فكرة الخدعة من بالها.. وتاكد لنفسها إن الشايب بيوصل قريب.. مسكه ليدها وقربه منها.. خلاها تدرك إنه محرم لها بصورة غير اللي وضحها لها.. ومع ذلك كذبت هذا الإحساس واستمرت في خداع نفسها.. ظلت هادية معه تخاف تهاوشه او تتكلم فيهدم كل خيالها الكاذب.. مد ذراعه على كتفها وضمها له.. بقت ساكنة متجمدة .. انتظر منها صراخ وهواش.. صمتها أكد له إنها صارت متاكدة إن له حق يلمسها بهذا الشكل.. دخلوا جناحهم في الفندق.. وجلست على الكنبة بعبايتها وحجابها.. وشنطتها الصغيرة لامتها بحضنها.. طلعت جوالها وفتحت رسالة وصلتها.. كانت رسالة مرام.. رفعت راسها بآآآسى .. ثبتت عيونها بعيونه.. وكانت تسأله بصممممت ورجاء تكذيب ظنونها.. فهم نظراتها وقرر ينهي الموضوع.. مسفر بهدؤ\إيه انا مسفر الشايب والشاب.. وأنا زوجك..اللي توصلتي له صح.. واللي عشتيه كان وهم.. الشايب ماله وجود.. رمت المنشفة وهي تبكي.. إنهيارها كان نقطة ضعف كبيييرة عليها.. سمحت له يكون القوي.. سمحت له يحضنها ويهتم فيها.. بعد ماضربته وبعدته عنها.. قفلت عليها في غرفتها.. وظلت طول الليل تتذكر أبوها.. ترسم ملامحه في الظلام وتمحيها.. نامت ع السرير.. وهي تتذكر إن شنطتها برا الغرفة.. غمضت عيونها وغابت عن وعيها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ تبسمي بعض البكا في التبسام.. واقسى الحزن في النفس مكتوم.. وصلوا روما من ساعتين.. اتصلت على دار الأزياء.. وطلبت من صوفي تزورها في الفندق باقرب وقت.. طلعت من غرفتها بعد مانيمت ذياب.. وجلست قريبة من هادي.. رفع راسه وابتسم لها بحنية.. حست بالم فظييع بوجهها ومو قادرة تبتسم.. صدت وجهها عنه.. وتكلمت بصوت مبحوح.. هديل\متى رحلتك ع السعودية..؟؟ هادي\بكــرة..بس أجلت الحجز يومين.. لأني ماقدرت احجز لك على نفس الرحلة.. هديل\خلنا نطلع من إيطاليا.. نروح فرنسا ومن هناك نرجع السعودية.. ما ابي أظل هنا.. هادي بحنية\لاتخافين من شي وانا معك.. بترجعين السعودية اكيـــد.. هديل بآسى\لاتقول اكيـــد وتغلط غلطتي.. قوول إن شاء الله ياهادي.. هادي بضيق\هديل ماكان هذا حالك امس.. وش اللي مزعلك كذا..؟؟وش صار مع غازي..؟؟ هديل بغصة\لاتقول إسمه.. وبعدين هذا إتفاقنا..يتعالج ذياب ونفترق.. هادي\ما اقنعني جوابك.. هديل\مو ضروري يقنعك.. لأن حياتي كلها ما اقنعتني.. وقف وجلس قدامها.. مسك يدينها بيدهـ.. كان يتمنى لو ترفع راسها وتناظرهـ.. بس فضلت تظل صادة عنه.. هادي\في خاطري كلام كثير أقووله لك أنتي.. بس مشتاق أعرف وش كثر في خاطرك من وجع.. هديل تكتم العبرة\أنت توئمي.. تقاسمنا ظلمة الرحم مع بعض.. كنت اشكي لك ولو نغزتني شوكة.. ماعدت تملك الحق تعرف وش اللي في خاطري.. لأنه غزى الخاطر و التمني.. خاطري محكوم إعدام من دوونه.. ما ابي أشكي لاحد غيــرهـ.. ولا ابكــي إلا بين يدينه.. ياكثر اللي في خاطري ودي أقوله له.. بس حنيتي على نفسي تمنعني.. هادي بحسرة\قلتي كلمة جرحتني حييل.. قلتي بلحظة إنهيارك إن غازي أبووك.. وتاكدت وقتها..إنك ماتقدرين تتخلين عنه.. هديل بجمود\لا اقدر أتخلى عنه.. وحتى أقدر اتخلى عنكم.. أنا عشت من دونكم وشفني حية.. هادي\صح عشتي من دونا.. وعشتي معه.. هديل\تعتقد ما اقدر أعيش من دونكم ومن دونه..؟؟ حتى أنا هذا كان ظنــي.. بس الله اكرم منكم ومني.. وقدرت.. هادي بحيرة\مافهمت.. هديل بيأس\تدري إن غازي أحسن منكم.. إيه أحسن بكثيير.. هادي بقهر\أحسن منا حن هلك..؟؟ هديل بغصة\إيـــــــه.. أنتوا جرحتوني وضيعتوني.. ولما رجعت لكم مالميتوني ولا حاولتوا تعوضوني.. صديتوا عني..أنت وابوي وكلكم.. عاقبتوني بتقصيركم.. أما هو..صح جرحني وماقصرر ابد فيني.. بس ندم..ولازال نادم وبيظل.. يحاول يصلح شيء من خطاياهـ.. رغم إنه مايملك اي وسيلة مباحة تساعدهـ.. أستعمل الغلط مرة ثانية وثالثة.. تجبر بقرارات جديدة.. يبي يهدم بقايا ماضي ويبني عليه مستقبل جديد.. يبي يمحي كل آسى مر علي معه.. وأنا واقفة أتأمل محاولاته وأوقع عليها بـ الفشل.. ماساعدته وهو يحاول يساعدني.. أشوفه يحاول يراضيني..وانا اصد مليون مرة.. أبيه يفهم مانقدر نبني حياة جديدة على ركام حياة قديمة.. هو فاهمني..بس خانته الحيلة.. ولو ارجع له بعد سنين مابيسوي سواتكم.. هو الوحيد اللي مستحيل يصدني.. لأنه غلط بحقي ومؤمن إن لي كل الحق في الصد والهجران.. بيعذرني مهما قسيت.. بس أنتوا ياهادي حملتوني وزر النوايا.. دخلت غرفتها تنام بعد ما انهت كلامها مع هادي.. تدري إنها جرحته.. بس تبيه يظل متأكد إنها مابتنسى صدهم عنها لما رجعت لهم.. مابتنسى هروبهم منها.. ولازم يتحملون صدها عنهم مثل ماغازي يتحمل.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ أدري إنَّك .. في حيآتك .. لي .. بديل وإنت تبحث .. عـ الفآرق .. من زمآن الله هو حسبي .. وهو .. نعم الوكيل المفآرق .. صآر .. والله المستعآن ! يعني شوفك .. في حيآتي .. مستحيل يعني مرَّة .. مآ أشوفك بـ أيَّ مكآن شال جواله ومفاتيحه.. صد عنها بعصبية ناوي يطلع من الغرفة.. وقف لما سمعها تكلمه.. غادة\بأروح بيت هلي.. ما ابي أظل هنا..تعبانة.. راكان بجمود\إنطقي في بيتك.. غادة ببرود\بأروح يا راكان.. راكان بسخرية\ليه يا مدام بعدك واحم..؟؟ غادة بسخرية مماثلة\لا مو واحم..بس قرفانة منك.. راكان بهدؤ\تصدقين نفس الإحساس.. قرفت منك ومن كذبك وتظاهرك.. محسبتني ميت عليك وعلى وصالك..؟؟ غادة بقهر\أدري بخاطرك شيء.. وتبي أي مشكلة تصير عشان تقول اللي في قلبك.. عادي يا محترم قوول اللي تبيه.. طلع كل اللي في قلبك مابقى شيء متخبي.. راكان بهدؤ\وش اللي في قلبي وابي اقووله.. أطربيني يا غادة.. غادة بحدة\تدري وش اللي يقهر..؟؟ إنك راكان..مصدوومة تكون أنت كذا.. راكان بطولة بال\أبهريني كيف أكون..؟؟ غادة\تبي تتمسخر..أوكي يا راكان باقوول.. لأني مو متحملة.. بانجن من تصرفاتك..مو قادرة اصدق والله.. أنت نبيل كبييير يا راكان كيف تسويها كيييف..؟؟ راكان بحيرة\غادة وش اللي سويته وذبحك..؟؟ غادة تبكي\إيه ذبحتني..هذا اللي أنت سويته.. راكان بهدؤ\كملـــي..!! غادة بصوت مخنوق\لقيت باقي الطقم تبع الخاتم.. راكان بإستغراب\طيب وبعدين..؟؟ غادة بقهر\أقووولك لقيت باقي الطقم.. إللي أنت مخبيه عنــــــــي..؟؟ راكان\إهدي وصلي على النبي.. انا ماخبيت عنك شيء.. وإن كنت ماقلت لك وين الطقم فلأن هذا الشيء ما يعنيك.. غادة بصدمة\مايعنيني..؟؟! ليه تهديها وتهديني..؟؟راكان ليه كذا ليييه..؟؟! راكان بحيرة\أهديت ميين غيرك..؟؟ غادة\لا تحاول تتوهني بكلامك.. أهديتني الخاتم وهديل اهديتها باقي الطقم.. لييييه تسوي كذا..؟؟ راكان أنت وش ترتجي من تصرفك..؟؟ راكان\مدري وش أرتجي..؟؟ أنتي خبريني وش أخطط أنا..؟؟ غادة\الاجووبة عندك مو عندي.. راكان بجمود\طيب أجاوبك.. أنا لما عطيتك الخاتم وش قلت لك..؟؟ غادة\....................... ما اذكر نسيت.. راكان\مو قلت لك وصلت الأمانة.. ولبستك إياه بيدك.. غادة\إيـــه.. راكان\الخاتم مو مني يا غادة.. كل الهدايا اللي جبتها مني بس الخاتم لا.. الخاتم عطاني إياهـ غازي يقول من هديل.. وباقي الطقم طلب مني أعطيه جدتي.. تحفظه لهديل لحتى ترجع لاهلها.. غادة بصدمة\من هديل..؟؟! راكان بجمود\إيه يا محترمة من هديل.. ولو فرضاً فكرت انا اهدي هديل شيء.. صدقيني ماراح اقدر..تدرين ليه..؟؟! لأن مافيه شيء يوصل مستواها.. وقبل لا تسوين دراما ومآسي.. وتفترضين إن هديل بخاطري.. أبيك تعرفين شغلة وحدة.. هديل أخت صغيرة لي من قبل لا اتزوجك أو أحبك.. وبعد اللي سواهـ سلمان وهادي فيها.. كبر قدرها وصارت تستاهل نحفى لها كلنا.. وهذي هي أهدتك وأنتي توجعينها من وراها.. المهم لا تعرف هي بأفكارك..كفاية مافيها.. وياليت تكبرين عقلك شوي.. وصدقيني ياغادة لو ماكنتي حامل.. كان بيكون لي تصرف ثاني معك.. بس مقدر حالتك ونفسيتك.. أبتعد عنها وطلع من الجناح معصـــب.. حطت يدينها على فمها تمنع شهقاتها ونحيبها.. جلست على الكنبة بضعف.. وهي تحس برجفة قووية بجسمها.. كلامه يتردد في بالها.. هدية من هديل.. من اختي الوحيدة.. اختي اللي تغربت وأنحرمت منا.. أدركت إنها مقصرة كثييير في حق أختها.. ياما تمنت رجوعها من المووت.. ولما رجعت لهم حية.. أحتضنتها اول ايامها.. وبعدها لهت عنها في حياتها ووحامها.. وهي كانت تشوف وجعها اللي تحاول تخفيه.. تشوف جرحها من هلها اللي صادين عنها.. وكم مرة سمعتها تتكلم بمرارة وضيق.. ماسألتها ليه تبكي..؟؟ ليـــه ضايقة ومكتئبة..؟؟ كانت تخاف من الإجابة.. حالها حال أبوها واخوانها.. كلهم خافوا من إجابتها المخفية عنهم.. صدقوا كذبتها الظاهرة.. واوهموها إنهم مصدقينها..فضلوا نفسهم عليها.. بكت بنحيب وهي ضامة نفسها.. وحست بشوووق كبيير لهديل.. لأختها المغدوورة من هلها ومن الزمن.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ تكفى يابو قلبي وعمّه وخاله تكفى يابو كل الجروح القديمه تكفى تعزيني بجرحن بقاله في خاطري مثل انتظار الهزيمه.. عقدت حواجبها بإنزعاج.. فتحت عيونها بتعب وضيق.. ناظرت حوالينها وتذكرت هي وين.. لازالت بغرفتها في الفندق.. بس ماكان هذا هو وضعها.. رفعت يدها لجبينها.. وأنتبهت لوجود بلاستر على كفها.. ولابسة قميص وردي طويل.. آخر شيء كانت لابسته هو روب الحمام.. جلست لما أنفتح الباب ودخل مسفر.. أبتسم لها وهي صدت عنه.. مسفر بهدؤ\صبـــاح الخير.. خلود\..................... مسفر\الحمدلله على السلامة.. بصراحة صدمتيني..كنت أظنك عاقلة.. بس تصرفك أثبت العكس.. خلود\إطلع برا.. مسفر\خلود أنا ما ابي منك شيء.. كل اللي أبيه راحتك.. خلود بغصة\راحتي أرجع لامي.. وماتدخل غرفتي ولا تلمسني.. ولا توهمني بكذبة أنت بطلها.. مسفر\دخلت غرفتك لاني كنت خايف عليك.. يومين ماطلعتي من الغرفة.. حرمتي نفسك الأكل والشرب وكان بيصيبك جفاف.. إن كان لك رأي عبري عنه.. بقول أو فعل..بس ماهو بهروبك وإنهزامك.. خلود بقهر\إطلع برا..ما ابيييك في حياتي.. أبي ارجع لامي.. وأنت بتشوف كيف راح تعاقبك على خداعك لنا.. مسفر\لازلتي تلعبين دور الضحية.. أمك عندها خبر انا من أكون.. خلود بصدمة\أمـــي..؟؟!! أمي أنا تدري عنك..؟؟ مسفر\إيه تدري.. هي مارضت اتزوجك بخدعة.. بس أنا اقنعتها.. وقفت وهي ترتجف من التعب والقهر.. قربت منه غير مهتمة بلبسها وشكلها قدامه.. خلود برجفة\خذيت مني أبوي.. وخليت امي تخدعني..؟؟ أنت مين دخلك حياتي..؟؟ ليه متسلط علي..؟؟وش تبي منـــي..؟؟ مسفر\قلت لك ..أبي راحتك يا زوجتي.. خلود بغيض\ماني زووجتك.. ومالك حق تلمسني وتبدل ملابسي.. مسفر برفعة حاجب\كان لازم البسك.. لأن الطبيب يبي يفحصك.. خلود بقهر\ما ابي طبيب ولا هم.. مالك شغل فيني.. إنت مو زوجي.. ماكنت على بينة لما تزوجتك.. خدعتنييييييييي..خدعتني.. تراجعت لما قرب منها.. منع نفسه لا يلمسها ويخوفها منه.. مسفر\أنا زوجك يا خلود.. أنا الشايب وأنا الشاب.. إذا حابة اردد هذا الكلام الحين وبكرة ماعندي مانع.. خلود بغصة\أنت النذل مسفر.. وخالتك النذلة الخاينة مرام.. ليييه نصبتوا علي..؟؟ لأن مالي أب..ماعندي عزووة..؟؟ لو أبوي حي ماكنت بتخدعني.. ولا كان بيسمح لك تجرحني.. بيمنعك تقهرني .. مسفر بحنية\الله يرحمه.. خلود تبكي\مــــات..!! قدام عيوني..وبين يديني.. قتله ببرود..طعنه بقسوووة.. ضربني لما كنت ابي ادافع عن ابوي.. ككـــ...كــ ....ـــان فيه ثنين..واقفين بعيد عنا.. ماساعدونا..كانوا يتفرجون على ابوي وهو ينقتل.. ابن الحرام هرب..وأنا اضم ابوي.. ماعرفت كيف أتصرف..؟؟ كان ينازع ويطلبني أذكر الشهادة.. ماقدرت..وكاني أقدر أمنع الموت عنه.. ضغط بيدينه علي بقووة..يصرخ وروحه تطلع.. حطيت كفي على أذني..واقوله ماراح تموت.. كيف تموت وتخلينا..؟؟أنت ابونا لاتموت.. بس مارضى يظل معنا.. مات.. لأنه طالع مشوار مع بنته مات.. لأن القاتل مطرود من وظيفته قتل ابوي.. لأن أنـ..................... حط يدهـ على فمها بلطف.. منعها تكمل لوم وتفسير غلط.. مسفر بهمس\ولأن هذا قدرهـ مات.. قدرهـ يموت مقتول.. وقدرهـ يموت بين يدينك انتي.. قدرك تكونين آخر من يحضنه ويضمه.. قدرك أنتي تسمعين آخر كلماته .. خلود بإنكسار\أبووي مات.. مسفر\الله يرحمه.. خلود تبكي\كان طيب.. مسفر\ذكرهـ حي..واعماله تشهد عليه.. خلود بحسرة\ليييه خذيت الطيب اللي يشبه ابوي..؟؟ لييييييييييييه..؟؟ مسفر بحدة\الطيبة ماهي بس لـ الشواب.. أنا الشايب وانا الشاب..وبأظل أرددها.. أنا الطيب اللي تبينه..والشيب كان قناع.. ضمهاوهي تبكي .. تتذكر كل تفصيل مر عليها بلحظة موت ابوها.. كرهت كل الرجال.. واحد قتل أبوها..وثنين ظلوا يتفرجون عليه وهو يموت.. وحتى لما هرب القاتل.. ظلوا واقفين بمكانهم .. ما ساعدوها فيه ولا ذكروا له الشهاده قبل يموت.. واللي طلبوا الصلح بدم ابوها رجال.. واللي قبل الصلح بعد رجال.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛ تذكرِينْ !! الليلْ ، اللهفَه ،السَهر ،، السُوآلفْ ،وَالحَنيــنْ ! تَذكرِينْ !! البَرد ، وَ المِطر .. وَ رِيحْ العِطر .. الليْ بِـ كفُوفك .. » سجِينّ ! تَذكرِينْ .. الوصَايآ .................. وَ الوعُود .. ......................... وَ حلفْ اليَمينْ ! .......................................... « مآ نتفآرقْ ! » وانْ تَفآرقنَآ : إمآ أجِي , والآ تجِينْ ! تذكرِينْ !! تَذكرِينْ الوَدآع !! الليْ وَصفتِيه بِ ' ضَيآع ' وَ طآرِيْ الفَرقآ آ اللِي كِنتيْ .. تكرِهينْ ! تذكِرينْ هَذآآآك .. الليّ يَنوووووومِك .. وتُوعدِينَه .. فِيه بِ تَحلمِينْ !! يَــا عزّتيْ لَه ! هَذا هُو بِ كلّ حَيله ( يَصرخّ ) وآنتِي , ولآ تَسمعِينْ .. كنتْ آسولِف لِك .. وكنتِي تَخجلِينْ ..‘ يَوم اشّر لكْ علىَ صدرٍيْ ... وآقُول : ........ منْ هُو هِنآ !! ..... مَن هُو هِنآ !! كنتْ انآظِر فِيْ عُيونك ... ومنْ خَجلك ... تَغمضِينْ ! وَ هذِيْ اللّيلهَ آسولِف لِ الغيآبّ كآنتْ هِنآ .. كآنتْ هِنآ .. كآنتْ هِنآ .. ولِ الأسسَسسفْ ... مآتسمعيـن ... !! تذكِرينْ هَذآآآك .. الليّ يَنوووووومِك .. وتُوعدِينَه .. فِيه بِ تَحلمِينْ !! تَذكرِيييييينْ .... ! البقية: . . . تذكـريـْـنْ ..؟؟!! جالس على البلكونة.. وعلى نفس المقعد اللي ضمها معه .. يتذكر آخر ليلة لهم في البلكونة.. يذكر لبسها..عطرها.. خجلها طاغي عليه خوفها.. يذكر بكاها وهي تحكي له عن مآسيها.. عن هربها منه.. عن صدمتها في خبر موتها عند أهلها.. وحكت له عن حملها.. وكيف عرفت إنها حامل ومتزوجة.. غمض عيوونه وهو يسترجع ريحة عطرها بشالها.. عطرها اللي ذوبه فيها اكثر.. ولما طلبها تنام عندهـ مارضت.. يشكرها في قلبه لأنها مارضت.. لو وثقت فيه ماكان بيتركها.. أبتسم وهو يتذكر خجلها منه.. لما يناظرها بوله.. يحرجها وتطلب منه مايناظرها.. يعند وهي تغمض عيونها خجلانة.. ولما صرح لها إن حلمه بحجم حمامته اللي يعشقها.. صدت عنه تخفي معالمها عنه.. ضم وشاحها على وجهه.. ويتمنى لو يعرف هل هي حلمت فيه.. قال لها إحلمي فيني يا أغلى من سكن قلبي.. ناظر الورقة اللي بيدهـ.. مكتوبة بخط يدها.. قبل ولادتها بذياب.. كتبت الرسالة له.. كانت تظن إنهها بتموت.. كتبت رسالتها له هو.. مو لأبوها ولا امها.. ولا حتى ولدهـــا.. لجلموودها القاسي.. رسالة وداع..إعتراف..حرمان.. أول مرة قرأ الرسالة .. انصــــــدم .. ماتوقع يكون له هذا المكان بقلب هديل.. كانت اكبر طموحاته إبتسامة كاذبة منها.. راضي بأي شيء تقدمه سواء قسوة او رضى.. المهم تظل معه.. صار يدور في مكتبه.. ويحس بطيييش كبيير يتحكم فيه.. كان بيروح لها يواجها برسالتها ويقول كافي صد .. أحبــــك حبيني.. بس هو واثق إن هديل ماتبيه يعرف اللي برسالتها.. تبيه يعرف إذا كانت ميته.. بس مادامت حية فإعترافها بـ الرسالة راح يجرحها وبتهرب منه بدون رجووع.. نهــــــــاية البارت ,, كونوا بـــــــــــــــخير ... صدووود’’’ |
| الساعة الآن 01:33 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.