شبكة همس الشوق - كلمات انشودة ياراعي الادمان

شبكة همس الشوق (https://www.hamsalshok.com/vb/index.php)

- - كلمات انشودة ياراعي الادمان (https://www.hamsalshok.com/vb/t44029.html)

كلمات انشودة ياراعي الادمان

ياراعي الادمان

ليه الطريق اللي يدمر حياتك .. وليه السموم اللي تعجل مماتك
وليه الحبوب اللي تبعثرشتاتك .. وليه المعيشه بين ذل وحقران
ياراعي الادمان ناظر حواليك .. دقق وشف وشهي نهاية مساعيك
إما روطت وحطوا القيد بيديك .. والا قضت روحك وصرت بخبر كان
العمر يمضي والدقايق سريعه .. وانت انخدعت وطعت راع الخديعه

وبيعك شيء مابودك تبيعه .. واصبحت عقب الربح خسران خسران
في كل يوم تجيب لاهلك مصيبه ..ولاهي على شرواك حاجه غريبه
وكل دعالك بالنهايه القريبه .. لنك بفعلك صرت ماكنك انسان
والدك راسه في ثرى القاع وطويت..وانت الذي في جوف حجره تربيت
لاهو اهتنابك وانت به ماتهنيت .. اقفا عن الدنيا وهو منك غضبان

وامك بعد ماكنت بذرة حشاها ..صرت السبب في كل حزن غشاها
ولاجيتها في يوم تطلب رضاها .. حارت ودمع العين بالعين حيران
لكن نصيحه واسمع لقول من قال ..حتى تبدل حالك المظلم بحال
ويصير لك في المجتمع دور فعال ..وتصير صاحب طاعه وبر واحسان
اسلك مسارات الدروب الصحيحه .. واترك دروب اهل الفعول القبيحه
واعلن بصدق القول توبه صريحه ..واجهر بها واصدع وقل لاللادمان