|
اخوك يعزمك بدون بناتك بقلمي يسعدلي مسائكم وصباحكم يعني اليوم صار هالموقف بسراحه ما اضحكني ولا ابكاني ولكن صعب القرار فيه لو صرتو بهالموقف وش ردة فعلكم اخوك يعزم لحضور زواج ابنه اختك ويقول بناتك لايجون بسبب زوجته اخوك يعزم زوجك ومايعزمك ذا واقع حصل بسراحه شي ماقدر اقرر فيه انتم وش ردة فعلكم بقلمي المنقهر قيود |
رد: اخوك يعزمك بدون بناتك بقلمي اهلين ي قلبي لاتنقهرين ولا شي ...بالعكس بعض المواقف قد ماهو قوي وصعب قد مايخدمك وترى يمكن هالموقف خيره ...عذرااا يعني انا لمست ان فيه استهياف لاخته وبناتها >>>يارب مااكون ضايقتك قيود بالموقف ذا اذا ماصار لها ردة فعل راح يتكرر الاستهياف لها ولبناتها ومن الكل ومهما كان غلا اخوي ...مااكسر بناتي واخذلهن واحسسهن انهن منبوذات ...اللي ما قدر مشاعري ولا قدر ضناي مو هامه لا انا ولا تقديري له ولا لولده وزوجته وحتى لو هامه >>> يعني وش اللي مطيح قدرنا ورافع قدرهم ....لو بناتي فيهن شي ومايشرفنه ..اوك اتغاضى ويكون هالشي مبرر ....وانا اروح عشان ماانكد ع امي وخواتي وعشان العالم ماتتفرج علينا لكن اذا بناتي مافيهن شي واللي نبذهن ان زوجته ماتبيهن ....لا والله مااخذلهن ولا اسمح لاي احد مهما كانت مكانته ومهما كان غلاه ينزل من قدرهن ....ولا ادوس بساط اللي مايقدرهن ويتشرف فيهن ان شاء الله ان كلامي مافيه قطاعه لكن احيان ردود الفعل مطلوبه ....عشان تردع الفعل ...لان اذا الوضع استمر كذ اكيد بتصير القطاعه وبقوووه |
رد: اخوك يعزمك بدون بناتك بقلمي بسم الله الرحمن الرحيم بنسبه لرأيي اختى العزيزه الامور العائله تبقى في اطارها افضل لكل شئ خصوصيه للأنسان للاخوان للعائله .... افضل دوما ان تبقى ضمن اطارها بدون مشاركتها معا احد خارج المحيطها ... اما بنسبه للأخوه ف الأخوه هي من اعظم الروابط قربا لشخص أعتبرها رابط لابد للانسان انه يعطيه الكثير من الاهميه لا يستطيع احد ان يجد له اخ يتكئ عليه فأحبذ ان يبقى اي خلاف بينهم بلا تدخل وان لا يسمح بدخول الحزازيات لانهم يستطعون التحاور والتفاهم بينهم بلا تدخل من احد قريب او بعيد اما من طلب عدم الحضور قد يكون من الأشخاص الذين يعبأون بالكلام وهذا خطاء والمفروض مهام كان ان يبتعد عما يجرح اخوه لكن ارى ان على اخوه الحضور سواء بأبنائه او بدونه و التحدث معه فيما بعد عن هذا الخلافات دوما تأتي وتزول الاهم ان لا تفرق كل الود الراايق |
رد: اخوك يعزمك بدون بناتك بقلمي كلام سليم اخوي الرايق ... بس احيان يحدد تعاملك الشخص اللي قدامك هو وعقله وشخصيته .....انت تطلبها تتصرف صح مع الانسان الخطأ. وانا اقول لكل فعل ردة فعل .....وحضورها راح يخذل بناتها ويكسرهن ...والبنت اذا انجرحت ماتنسى ابداااا ولا تسامح من اعماقها ...لوكان الموضوع يخصها هي وااخوها كان عادي لو داست ع نفسها عشانه ...لكن الموضوع متفرع ...ظلم اني الغي بناتي وكرامتهن عشان اخوي بيونس زوجته ع حساب مشاعرهن الموضوع مافيه قطاعه ...فيه انها تحط اعتبار لبناتها بس >>>> اصلاا المناسبات ذي مابها غير الذنوب...ولو راحت وبناتها ملغيات ماراح تفرح ابد بالعكس تنجرح بزياده وممكن قلبها يشيل بزياااااده عليه بينما لو فيه ردة فعل ممكن هالشي يخليه يراجع نفسه او يفتح مجال لاخوانهم يعاتبونه ويفتحون عيونه على خطاه وبرضو ممكن تكتفي مشاعرها بردة فعلها ويروح الزعل مع اقرب اعتذار صادق من اخوها |
رد: اخوك يعزمك بدون بناتك بقلمي هلابك اختى سديم صحيح اختى ان الشخص الي امامك يحكمك بطريقته لكن اشوف ان الاخوه مهما كان في اخوي عيوب لا زم اتغاضى شوي هذا الاخ لابد اننا ما نسمح بدخول الخلافات ابدا بينا مهما كان او مهما تعارضنا تكلمه تعاتبه تقول الى في قلبها عادي وهو الافضل ان معك انه هو اصلا مفروض ما يسمع كلام احد لان الزوج لازم يفهم مرته من الاساس ان العائله خط احمر بس حنا مانتحكم في الناس وطريقتهم لكن رغم انه غلطان ما اشوف انه صحيح بداء قطاعه تكون المشاكل العائله طبيعي لكن الى مهو طبيعي انهم يزعلون او يقطعون في بعض والبنات هذا خالهم او عمهم يجب عليهم احترامه سوء كان مخطاء او لا لاهنتي اختى على ردك |
رد: اخوك يعزمك بدون بناتك بقلمي احترم وجهة نظركم جميعا الرايق وملهمه لكن المشكله مو بحضوري للزواج او لا المشكله ان حضرتي راح تصير مشاكل بسبب زوجاته يعني اصلا زوجته وخواتها في المشاكل ممتازين درجه اولى يعني ممكن يوقعونك بمشكله انت مالك ذنب العتب ع الاخو يوم انه صار بلمه مايعرف يحكم الاموور وبث .. |
رد: اخوك يعزمك بدون بناتك بقلمي هلا بك ي روحي طيب قيود اذا هو استثنى بناتك عشان زوجته ...ماعندة مشكله يستثنيك لو حبت زوجته وعشان بناتك ..او عشانك ...افضل ماتروحين...دام زوجته تجاوزت وطلبت مايحضرن البنات وماردعها ...راح تتجاوز بزياده ووقتها توقعي اللامتوقع ..لانه ماحط لها حد من البدايه من امن العقاب ساء الادب ... |
رد: اخوك يعزمك بدون بناتك بقلمي احس اني لكيت بالموضوع بزياده ...وماودي اثقل عليك او اجرحك ..لكذا اكتفي باللي قلته ..بس والله اوجعني حيييييييل الموضوع |
رد: اخوك يعزمك بدون بناتك بقلمي اممم قد القلب مجروح ياخيتي خذي راحتك بالموضوع انا نزلته يوم خلاص شفت الامور وصلت لهالحد عسى الله يعين ع دنيا تفرق احباب ... |
رد: اخوك يعزمك بدون بناتك بقلمي ولشو القهر والزعل اللي مايريدني ربح مااريده خساره اصلا لو انا مكانك اروح اطلع مع صحباتي بشي مطعم وافرح ولا كانوا شي حصل واللي يبيع الاخوة هو اللي يندم بعدين لانو استهان باهله واحبابه واللي ماله خير باهله ماله خير بزوجته واولادة والدنيا دواره يوم لك و10 عليك هههههه ومايدوم الا وجه الكريم بلاه القهر ياغاليه افرحي ولا تهتمي |
رد: اخوك يعزمك بدون بناتك بقلمي لا عجب ولا قهر يا غاليه فيه من يطرد اومه من بيته عشان رضي زوجته وفيه من يبيت شبعان واخوانه ايتام جنب بيته لا يعلم بحالهم الا الله زوجة الا خ عديمة تربيه ولاخ شخشيخه في يدها ماله كلمه انا من راى لا انتي ولا بناتك تحضرون اى مناسبه لهم الله لا يكثر خيرهم |
رد: اخوك يعزمك بدون بناتك بقلمي ااسف اختى كل شوي ارجع اكتب لكن تدرين خلاص اقتنعت بكلام الى مرو هنا اشوف انه لابد الليله من اغتياله ... شباب بنات على هونكم شوي اخواني لا تزيدون النار حطب هذولي أخـــــــــوان لا تسعون الى قطيع وانما الواجب ان نسعى الى الوصل نخفف عنها نتكلم بعقل برويه اقل شي اننا نحاول نمنعها من اتخذا قرار الان تصبر تتأنا شوي ندع للأيام وقت يضمدم الجراح لا توقعون انها نزلت الموضوع او قررت انها تنزل موضوع كذا لا اكيد انها وصلت لحدودها من القهر والضيق وأتخذت قرارها لكن واجبنا اننا نحاول نمنع القطيعه ان تكون أختى الغاليه قيود اعلم انك ما تضايقتي كل هذا القدر الا لأنك اكثر من يوفي و يعز خوانك ولا توقعتي هذا منه ابدا واعتقد ان هذا ليس اول موضوع او امر يحزك ويجرك و متاكد انك اول من بيكون جنبه لو قال أااخ من شوكه اختى هذا الوالد و الوالده و الاخوان ليس لنا فيهم اختيار قد نرا منهم امور سلبيه لكن لا بد اننا نحافظ على الوصل بناتك الله يحفظهم لك ويحفظك لهم بكره يجري الزمان ويتزوجون الله يوفقهم وكل وحده منهم تلها ببيتها وعيالها لكن الاخوه هي الرابط الي ما يلها عنها احد ما نعلم وش يخبأ لنا الزمان لو يصير شي من أمور الدنيا بعيد الشر عنكم عليه وانتم متقاطعين وش بيكون موقفك !! ما رح تنفعك ياريت وقتها ولا فيه شي راح يعوض الى ضاع ولا كلامي ولا حديث اي احد الدنيا انما هي ك شجره تنمو صغيره الى ان تصبح خضراء وتخرج ثمارها ويأتي الخريف فيقطف اورقها .... فلا تضيعها لا تخلين شي يخليك تاخذين امر غير الى ما تحبينه انتى ... و لا انتى تكونين سويتي الي تبغاه هي وتريحينها وتقاطعين اخوك احيانا تحتاج الامور الى اننا نجابها ما نمش يعها بنفس التيار ضعفاء لا تخلين الموضوع يأثر عليك كثيرا ... بعيدا عن المشكله اسمعي قرارت نفسك لصوت الموجود داخل صدرك واعتذر منك على تطفلي والاطاله والله يهدي بالك والله يبعد عنكم كل شر واختم حديثي بقصه قبض الحجاج بن يوسف الثقفي على ثلاثة أشخاص في تهمة ووضعوا في السجن ثم أُمر عليهم أن تُضرب أعناقهم وحين قدموا أمام السيَّاف لمح الحجاج إمرأة ذات جمال تبكي بحرقة فقال : أحضروها فلما حضرت بين يديه سألها: ما الذي يبكيك؟ فأجابت: هؤلاء الذين أمرت بضرب أعناقهم هم (زوجي وشقيقي وابني فلذة كبدي) فكيف لا أبكيهم؟ فقرر الحجاج أن يعفو عن أحدهم أكراماً لها وقال لها: تخيري أحدهم كي أعفو عنه وكان ظنه أن تختار ولدها. خيم الصمت على المكان وتعلقت الأبصار بالمرأة في انتظار من تختاره ليعفى عنه. فصمتت ثم قالت: أختار « أخي ». ففوجئ الحجاج من جوابها وسألها عن سرِّ اختيارها لأخيها؟ فأجابت : أما الزوج فهو موجود " أي يمكن أن تتزوج برجل غيره " ؛ وأما الولد فهو مولود " أي تستطيع بعد الزواج إنجاب الولد " ؛ وأما الأخ فهو مفقود " لتعذر وجود الأب والأم ". فذهب قولها مثالاً وحكمة وأُعجب الحجاج بحكمتها وفطنتها فقرر العفو عنهم جميعاً. اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه |
رد: اخوك يعزمك بدون بناتك بقلمي ع قولتك ع شو الزعل بس الاخ مفقود مايتعوض ياخيتي الله يصلح الحال |
رد: اخوك يعزمك بدون بناتك بقلمي كلامك يا احمد والرايق ع عيني وراسي لكن اصلح الله الشان وحسبنا الله ع بشر يفرقون ... |
| الساعة الآن 09:43 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010