|
رواية جنوبية برت حالي ولا أدري وين ديرتها https://up.hamsalshok.com/do.php?img=30975 رواية جنوبية برت حالي ولا أدري وين ديرتها مقدمة تعريفية: * أحمد وعلي تؤام الأول عنيد والثاني خاضع ولكن بسبب قسوة والدهم يقرر أحمد مغادرة المنزل خاصة بعد أن يعرف أن والده يريد تزويجه دون علمه ولكن بسبب الهجر وأختفاءه الذي لا يعلم أحد عنه شيء يقرر الرجوع ولكن قسوة والده كانت له بالمرصاد فما الذي سيقوم به وهل هناك سر يخفيه .. * علي الابن الخاضع يقرر والده تزويجه بدل أحمد ولكن ظروف كثير تحول دون استمرار الزواج لينتج عنه ولد ولا ينتهي تسلط الجد هنا حيث سيقوم باخذه من والدته؟ * محمد يعمل في العسكرية ولكنه شخص غيور جداً وعصبي جدااااااا المرأة عنده عبارة عن كائن يجلس في البيت عنيد في احد الايام يدخل للمستشفى لإجراء عملية ليكتشف أن الدكتور أعتذر عن العملية وأن من قام بإجراء العملية دكتورة فكيف ستكون ردة فعله ؟ * أحمد يعمل في العسكرية طيب وحنون يحب والدته ولا يرفض لها طلب ولكن السؤال هل ستقدر الأم هذا الحب ؟ أحداث كثيرة تنتظرنا مع أحمد ؟ * ريم مدرسة في إحدى القُرى البعيدة تحاول نقل وظيفتها لكن لا من مجيب حيث أن الطريق للمدرسة خطر جداً فما الذي ينتظرها في الطريق ؟ * أشواق دكتورة مجتهدة في عملها دخلت طب تحت رغبة والدتها تتعرض لكثير من المواقف في عملها إلى أن تنصدم في أحد الأيام ب... خلوها مفاجأة؟ .. * ندى دكتورة ولأنها تنتظر أوراق التعيين تقوم حالياً بمساعدة أختها تنتظرها العديد من المواقف تابعوها .. * خزامي عمرها ١٧ سنة قررت في احد الايام ترك الدراسة للعمل في مجال الإعلانات في احد الايام تقوم بعمل إعلان لأحد التجار ولكن ماالذي سيحدث في ذلك اليوم ويقلب حياتها راساً على عقب ؟ * فارس على غير أخوانه قرر عدم إكمال دراسته فقرر أن يفتح مشروعه الخاص لكي يستطيع الزواج ولكن حصل معه موقف غير حياته سنعرفه خلال عرض الرواية .. شخصيات كثيرة تنتظرنا ولكل شخصية قصة وحكاية ( الجدة هيلة ، الجد محمد ، جميلة ، الأم عائشة ، عبدالله ، ....،.....،.... ،..... ) |
رد: رواية جنوبية برت حالي ولا أدري وين ديرتها البارت 1 المكان : المنطقة الجنوبية قرية الخضراء التابعة لسودة تبعد عن مدينة أبها حدود25ك الوقت /:3فجرآ درجة الحرارة12 واقفة تنتظر سيارة النقل وكل كآبة العالم تسكن صدرها! هدوء المكان واصوات حشرات الليل زاد من كآبتها.! واقفه في المكان ذا وبنفس الوقت من اربع سنوات ،،؟ حاولت تسبح تستغفر عجز لسانها كأنه معقود.. اخذت نفس عميق وهي تشم روائح زكية من الأشجار العطرية المزروعه في الحوش رفعت عيونها لفوق وهي تهتف يارب يارب يارب والباقي وحدك تعلمه.! والباقي تعلمه،؟ جالت بنظرها على كل شي في الحوش بغير هدف تشوف الضباب اللي مغطي كل شي حولها ،،؟ حتى البوابه الكبيرة ماتشوفها بوضوح رغم وجود كشافات كبيرة إلا ان الضباب مغطي كل شي،؟ رفعت يدها وهي تشوف الساعه باقي3و33دقيقة والنقل ماجاء غريبة ولأول مره تتمنئ فعلا مايجي تحس ودها تغيب ملت من الطريق؟ملت من وضع المدرسة المزري،!ملت من تسلط المديرة ،؟ملت من كل شي ،؟حتى السواق نفسه شينه ،؟مافي اي شي يساعد ادوام ،،؟يالله الصبر من عندك ،؟ التفتت وهي تسمع صوت أشواق تكح وهي تقترب منها؟! أشواق بصوت مبحوح ومن اثر الزكام والبرد وهي تبتسم : صباح الخير كنت ناويه اخوفك لكن الكحه خربت علي،؟ ريم وهي تشوف خشم أشواق ووجها المحمر من الزكام وهي تحاول تلم نفسها من البرد : عادي مااخاف ابشرك تبلد احساسي كل الاحاسيس عندي ماتت .! أشواق وهي تشوف مدى الكآبه والحزن المرتسم على وجه اختها قربت منها وهي تحط يدها على كتفها : ياقلبي ليش كل ذا،؟ ضحكت ريم وهي تناظر بلا هدف : تسألين ماكأنك تعرفين،؟ وبلحظة انهيار أشواق افهميني انا تعبت والله ماعاد فيني صبر فهمي أمي على الاقل اخذ اجازه بلا راتب اريح نفسي على الأقل والله حرام 8سنوات وانا في حالة رغب وخوف،؟ أشواق وهي عاجزه تقول اي شي : ريم حبيبتي أمي تبغى مصلحتش تحسب الإجازه والغياب يأثر على النقل وتعرفين امي كل شي عندها إلا الوظيفة امي تحبش وتخاف عليش وتبغى لش الخير ومن تروحين لين ترجعين وهي قلقانه عليش.،! وانتي شفتي بنفسش اول ماتعينتي في جزيرة فرسان كيف تعبت معش وحاولت لين جاك نقل هنا وكيف كانت تداوم معش في المدرسة ذي اسبوعين، وبعدين انت صبرتي سنتين تداومين في جزيرة في فرسان ماتقدري تصبري على الدوام في قرية .،؟ ريم :والله تمنيت مانقلت على الأقل في فرسان اهون سكنت في جزيرة فيها خدمات وربع ساعه في الفلوكه الى المدرسة في الجزيرة الثانية وإذا العباره تعطلت او الأمواج مرتفعه ماعاد نداوم ثلاث اربع ايام ونكلم مكتب الأشراف جوال وخلاص .!والمديرة طيبة واخلاق وتراعي وضعنا كانت اخر الأيام من الدراسة ماعاد تخلينا نجي اللي من خارج المنطقة صح ان السكن والحياة في الجزيرة غالية بس على الأقل في جوال ونت وخدمات ومستشفى مو مثل قرية (سيال)احسها خارج الخريطة مره ،،؟ اشواق : حبيبتي اصبري ووكلي امرش لله صدقيني أمي تبغى مصلحتنا شوفي كيف هي تعبانه بس تفكر فينا اكبر دليل انها ماتاخذ من رواتبنا ولا ريال ويوميآ تقوم معش لين تداومين يعني حتى هي تتعب زود على تعبها همها الوحيد انت ذحين تبغى تكمل الفلوس علشان تشتري لش فله وتكتب عقدها وترتاح رغم اني كلمتها قلت ريم عندها محلات ويجيها دخل مادي ممتاز منها رفضت إلا تشترين فله.! ريم/اعرف انه من حرصها وحبها لي تسوي كذا الله لا يخليني منها،؟ أشواق/ التفتت وهي تسمع صوت أمها وهي تهلل وتستغفر وتمشي بشويش من آلم رجولها وبيدها عصاها اللي ماتفارقها .! شوفي ماترتاح قلت لها تنام وانا بوقف معش لين تروحين ومارضيت إلا هي تجي.! قربت منهم وهي تشوف وجه ريم المتغير وهي تسلم على يدها وراسها وتحضنها وهي تستنشق ريحتها،؟ ريم : يمه والله اني احبش ادعيلي .! الأم عائشة : وانا احبش انت واخواتش ولا عندي اغلى منكم الله يحفظكم ويسر لكم كل عسير..! مسكت يدها ريم وهي تسمع السواق يفتح البوابة وبلهجة جنوبية بحته اكتسبها من طول إقامتة عندهم.؟ 20سنه كانت كفيله بأن العم ايوب يحب هذا المكان ويحبهم هذا البيت واهله ويتفانا في خدمتهم وحرصه وخوفه عليهم ..! ايوب : صبحش الله بالخير ياعمه كيف اصبحتي اليوم من ضيم رجولش،؟ الأم عائشة وهي ملتفه بعبايتها ومتغطيه : الله يصبحك بالخير الحمدلله بخير ابشرك،؟كيف اصبحت انت بشرني عنك وعن سليم .! ايوب/الحمدلله كلنا بخير نايم سليم ،؟ الأم عايشة :/حرص عليه يقوم بدري .! ينزلني تهامة معي حلال ببيعه وسمن وعسل ،؟ وانزل المنحل البرد زاد عليه هنا معي ندى وخزامى عندها اعلان هناك.! |
رد: رواية جنوبية برت حالي ولا أدري وين ديرتها البارت 2 ايوب/ابشري على هذا الخشم وهو يأشر على خشمه تزهبوا وهو بيكون جاهز بعد الصلاة إن شاءالله،؟ وعلاش وجه الله ماعاد تقومين ياعمه ذا الحزه برد علاش ريم انا بقوم معها احتري السواق،؟ ريم/ وهي تقرب منه وتشوفه ملتف في الفروه،؟ لحيته اللي ماليه وجهه كلها شيب قضى كل حياته عندهم جاهم سواق وهو صغير ولحد ذحين هو معهم،؟يكفي انه حافظ لكتاب الله وذا شي يخليهم يطمنوا و معه نسافر ونروح كل مكان،؟ هو اللي يروح يقضي للبيت يرعى حلال امي ،؟ يهتم في المنحل ،؟! المزارع اللي في الحوش كلها هو اللي غرسها،؟ وعلشان كثرة مشاويرنا جاب ولد اخته سواق يساعده بس امي مستحيل تخلينا نركب مع ولد اخته لوحدنا لازم هي معنا .! واذا بنروح وحدنا ايوب هو اللي يودينا.! شافت آمها تخرج بعد السواق لما وصل النقل لفت تشوف الدنيا ظلام وزاد الضباب الكثيف،؟ ركبت وهي تسمع أمها تعيد نفس الأسطوانه على السواق ،؟؟ امش على مهلك ،؟لا تسرع العقبه كلها ضباب واذا جيت بتوقف علشان يصلون انزل انت اول تفقد المسجد ولا تروح تصلي لين يصلون ويركبون وقفل السيارة زين وبعدها تسهل انت صل ،؟ معك سلاحك وإلا نسيته مثل كل مره،؟ السواق عبدالله بنفس شينه مايحتاج سلاح الحمدلله آمن وامان .! عائشة وشخصيتها القوية : اذا انت وحدك ماعلي منك لكن معك بنات رجال وبذمتك ،؟ عبدالله وعلشان يخلص من الأسطوانه ذي اللي ترددها العجوز عليه من 4سنوات قال : طيب يصير خير،,وهو يحرك السياره ويمشي .؟ لفيت اشوف أمي باقي واقفه هي والسواق يناظرون فينا .،! اربع سنوات وانا وهم على هذا الحال كل يوم اودع اهلي بقلبي وانا اتوقع ماعاد بشوفهم حست في السيارة تمشي بسرعة نفس كل مره السواق الغبي ذا مايهتم كأنه راكب طيارة وزود على شين اخلاقه وشين سيارته وسواقته .! رفض ماياخذ منا إلا 2500ريال .! استغلال غير طبيعي من السواقين .! ظيمنع ظيمنع الرياض جلسة أرضية بدرجات البني والبيج و العودي صوت القارئ المنبعثة من شاشة البلازما اللي محتلة نصف جدار الصالة يبدد هدوء وكآبة المكان..؟ امرأة في 50 عامآ.. تحرك حبات المسبحه بيدها وتحاول قدر ماتقدر انها تركز وهي تستغفر وتسبح.. معلمة التحفيظ قالت لهم لازم يكون القلب حاضر عند الذكر مرات تتغلب على الشيطان وتستغفر وتسبح بقلب حاضر و خاشع.. ومرات كثيرة يغلبها الشيطان ويفتح لها ماضي عجزت تنسااه..؟حاولت قد ماتقدر انها اتكون راضيه بحكم الله لها.،لكن كل ماجلست لوحدها جاها الشيطان وفتح لها باب لو ..؟ لو انها دافعت عن ولدها..؟لو انها وقفت في وجها زوجها الظالم ..؟لو انها راحت مع ولدها ماكان ذا حالها..؟علشان يكون عندها عذر انها سوت شي لو بسيط..؟ قاعده تلوم نفسها وتموت في اليوم الف مره وهي تذكر خبر وفاة ولدها أحمد..؟عجزت انساه وكيف انساه وانا باقي اتذكر ادق تفاصيل حياته وهو في بطني الى خبر موته..؟ تذكر لما زوجها ابوها لولد عمها محمد وهي كانت صغيره مره على الزواج كان عمرها 14او15سنه.. رفضت أمها الزواج فهي ابنتها الوحيده ..؟ بس عاداتنا البنت تتزوج ولد عمها،،؟كان ابوها شيخ قبيلتهم وكان يحب محمد ولد اخوه الوحيد كان يشوف فيه الرجوله والشدة وقوة البأس قرر يزوجه بنته الوحيدة ماكان يهمه صغر سن بنته كان يقول ولد عمها ولا بيضرها ..! أمي ماكان لها رأي كلمة ابوي هي اللي تمشي على الكل قالت عندي شرط بنتي تجلس عندي سنه صغيرة ولا بتعرف تدبر نفسها وافق ابوي ماكنت ادري ايش معنى زواج .. تذكر ليلة زواجها كان الزواجات تخلص بعد المغرب اخذتها امها ودخلتها على زوجها وهي تتمسك في آمها سحبتها امها بقوه ودفتها داخل الغرفة وهي تبكي وترتجف خاصه ان زوجها ولد عمها محمد تخاف منه معروف عنه عصبي .! وقفت عند الباب وهي تبكي شوي تنادي امها وشوي تنادي أبوها وشوي تنادي اخوها علي بس محد رد عليها ... ومارحم صغرها ولاضعف جسمها ولا قلة خبرتها .. ومن ذيك الليلة تسلط عليها صارت تخاف منه .. بعد الزواج ب5 شهور لاحظت بروز في بطنها قالت لها أمها انتي حامل .. وهي جاهله بكل شي وصتها بس تهتم بنفسها ولا تتحرك كثير اللي تذكره ان شي كان ينمو في قلبها .؟ حب للكائن اللي داخل بطنها..مضت الأيام وجاء وقت الولاده وتعسرت عليها بحكم صغر سنها ثلاث ايام وهي في طلق مستمر ولا يوجد مستشفى في قريتهم الجبيلة الوعره ..ثالث يوم ولدت بمعجزه من الله ..ثم مساعدة طبيبة شعبية لما شافت كيف تتألم وتصرخ طلبت امها لحاف وحطوها فيه وقالت لهم كل اثنين يشيلونها من طرف وحركوها اكثر من مره قالت لهم بحكم خبرتها الطفل مقلوب في رحمها رجوله تحت وراسه باقي فوق استمروا يحركونها في اللحاف لين تعدل وضع الطفل تيسرت ولادتها بعد تعب شديد لهم ولها وكانت المفاجئه انها ولدت توأم أولاد |
رد: رواية جنوبية برت حالي ولا أدري وين ديرتها البارت 3 ماشافتهم إلا بعد ثلاث ايام لانها كانت تعبانه ..لما شافتهم راح كل تعبها ..فرح زوجها محمد خاصه انهم اولاد ذكور..ورغم شدته وعصبيته إلا انه كان يحبها ويغار عليها ولا يعرف كيف يعبر عن حبه لها..كان حبه لها مقيدها مايسمح لها تخرج مكان من شدة غيرته عليها .. وهي استسلمت له .. مرت الأيام وهي تزداد ضعف ويزداد محمد معها تسلط كان من عادتهم ان الطفل الذكر لايتم ختانه إلا بعد ما يتجاوز سن 6_ 7سنوات .! كان يوم الختان يوم فرح يحضر كل الأقارب ويتم الختان في الساحه الأمامية للمنزل .،؟وتذبح الذبائح وتدق الطبول وسط اهازيج شعبية يمدح بها الأب والجد والعائلة بشجاعة والقوة .. كانت واقفة امام نافذة المنزل المطلة على الساحة وهي تشاهد تجمع الناس في انتظار الشخص الذي يقوم بعملية الختان .. حضنت عيالها بقوة وهي تدعي الله التيسير لهم خايفة عليهم من بطش وغضب أبوهم..؟ شافت زوجها جاي للبيت وعرفت ان الشخص الذي يقوم بعملية الختان قد حضر .. دخل زوجها بطوله الفارع وجسمه الضخم ارتداء خنجر والبندق بيده الثانية .. مسك عياله وهو يقول بصوت كله تهديد : ذحين بنروح والله يامن بكئ منكم ماغير اذبحه الرجل يغدي رجل.. خرج معهم وهي انهارت تدعي ان اليوم يمر بسلام..؟ شاهدت تجمع الناس على عيالها وبعد مدة من الوقت تفرق الناس وصوت الرمي من البنادق والرصاص يصم الاذان،،؟ شافت زوجها وابوها وبعض الاقارب مسوين حلقه حول عيالها اللي يلعبون على اصوات الدفوف والاهازيج .،؟ شافت كيف الآلم واضح على تقاسيم عيالها وساكتين..! جلست على الأرض وهي تحمد الله انها تمت على خير..؟ كانت شايله هم غضب زوجها على عيالها..؟ وقفت بسرعه وهي تشوف ولدها أحمد داخل عليها وجهه احمر مثل الدم من كثر ماضغط على نفسه ومعه اخوه ملابسهم كلها دم..؟ حضنتهم وانا ابارك لهم.،! دخل محمد بعصبيه وسحب مني أحمد وهو يهزه ويقول ليش خرجت ليش ماكملت لعب مع الرجال،، تعبت ماقدرت تتحمل منت رجال،،؟ها وهو يهزه!!،. حاولت افكه الا انه دفني بقوة بدون مايحس احمد ناظر فيني وانا متكومه على الأرض ..؟ ويقول بعصبية إلا رجال بس خلاص ماخلاه يكمل كلامه وهو يصفعه على وجهه ويسحبة بقوة هو واخوه.،؟ ظيمنع ظيمنع ومرت الأيام والسنين وكل يوم اقول بيتعدل محمد بيخف غضبه وعصبيته وشدته على عياله وكل يوم يزيد عن اللي قبله..وانا اسكت مغبونه اذا كلمته قال مالش دخل بيني وبين عيالي خليني اعلمهم المرجلة وقوة البأس .! كان ياخذ عيالي معه عند الحلال من الصباح الى وقت النوم .،؟ واذا ضاعت الحلال او جاها شي رجع يضرب فيهم،،؟ كنت اوقف عاجزه اني احميهم.،؟ رحت كلمت ابوي قال عياله وهو حر فيهم خليه يعلمهم المرجله..ابوهم هو اعرف بمصلحتهم .. كان احمد طبق الأصل من ابوه دمه حار كان يرادد ابوه ولا يسمع الكلام والنتيجة كانت ضربة او سجنه عند الحلال لوحده في ايام كلها مطر وظلام علي كان نفس شخصيتي ضعيف مايتكلم ولا يرادد تنهدت بقوة وهي تستغفر بصوت مرتفع وهي تمسح عيونها الماضي يتعبها عجزت تنسااه عجزت حيل..! رفعت راسها وهي تشوف فارس داخل عليها بروحه المرحه اللي تغير نفسيتها،، قامت وهي ترحب به : حياالله من جاني يامرحبا فارس وهو يدخل : علي الطلاق ماتقومين وهو يحضنها المرحب باقي يالشيخه هيلة . قالت له وهي تضحك : عليك الطلاق من مين . فارس وهو يضحك : من زوجتي ياجده اللي مالها نيه تجي حسبي الله عليها .. وهو يشوف دموع عيونها المختلطه بكحلها قال : افا ليه الدموع بنات الشيوخ مايبكون.. وهو يجلس جنبها ويمسك يدها : ايش الجمال ذا وايش العيون ذي الله يجعلني كحل في عيون محبوبي وهو يضحك فديت العيون ياناس.! جدته دفته عنها رجع مسك يدها وهو يبوسها : ايش عندش ترحبين فيني ماكأني الفجر معش.! لا تكوني تبغين مشوار تسيرين اعرف الحركات ذي.. وهو يضحك،? جدته بحب : لا والله فديتك ماابغى مكان إلا استفقدك مامريت علي من بعد ماخرج الصباح والدنيا مطر فارس /اليوم الدرسه معلقه وخرجت مع اصحابي وبعدها مريت جدي وبعدها الخبله اميره فرفرت بي السوق لين دخت ..؟ جدته بحب وهي تناظر في وجهه : هون على اختك وهب شانك بها،،؟ وفارس /والله ياجده انها ماخذه حقها دبل ماغير انا الضعيف هنا.،؟ قال لها اسمعي يابنت هادي معي لش مفاجئه بس كم تدفعين ،؟ جدته قالت : الله يعطينا خيرك ايش هي ،،؟ فارس : لا اول كم تعطيني.،؟ هيلة وهي تشوف اللي داخلين عليها وبلبسهم العسكري وقفت : مرحبا مرحبا فديت ذا الفال مرحبا الف ولا تسد في ذمتي اني صادقه.، وهي تشوف عيال ولدها يقطعون المسافه بينهم .. |
رد: رواية جنوبية برت حالي ولا أدري وين ديرتها البارت 4 محمد وأحمد حضنوها ويسلمون عليها جلست وجلس محمد جنبها واحمد من الناحيه الثانيه ،، تمسك يد كل واحد فيهم فديتكم ابركها ساعه وبحنان وحب وينكم ماجيتوا الشهر اللي راح فقدكم وقلبي معكم .،؟ محمد وهو يحضن يدها بين يديه الكبيره : والله مرابطين ياجده مره ومافي فرصه نطلع ؟ رجعت تناظر لأحمد سمي ولدها الغالي كل ماشافته تذكرت ولدها احمد وانت ياأبوي كيفك بشرني عنك احمد /بخير ياجده مانسأل إلا عنكم،،؟ الجده/ ارب جاكم مطر.،؟ احمد/ لا والله ماغير برد ينخر العظم نخر.،؟ الجده/ بروحي عنكم ادعي لكم ليل نهار مسكت يد محمد : بشرني عن أذنك ابوك يقول انك تشكي منها وبتسوي عملية .! محمد/لا ابشرش بسيطه ويمكن مااحتاج عملية اروح ويعطوني قطر وحبوب وخلاص .،؟ فارس وهو يناظر في اخوانه : ليش تدخلون ذحين كنت بسويها مفاجئه مااسرع جيتوا من عند أمي.،؟ احمد بضيق : نايمه امي .. شاف جدته تقوم مسك يدها : وين ،؟ قالت : بقوم اقهويكم .،؟ قال : والله ماتقومي،؟ انا بقوم.،؟ ومن عند الباب دخل ابوهم بفرحه وهو يشوف عياله : فارس يقوم يقهوينا كلنا ..! فارس وهو يشوف اخوانه يسلمون على ابوه " كل شي فارس تحرك داخل للمطبخ المفتوح على الصالة ..! علي وهو يشوف التغير والتعب الواضح على اولاده : بشروني عنكم كيف الأوضاع ؟ محمد/ الحمدلله بخير دعواتكم .. أميرة دخلت وهي تنادي فارس شهقت بقوه وهي تشوف احمد قدامها وقف وهو يضحك لها تحركت له بسرعه وهي تحضنه وبحب خاص له : فقدك مره فقدك جعلني مااخلى منك .! احمد وهو يشد عليها : وانا فقدتش وفقدت امي بعدها عنه وهو يقول لها بشويش روحي سلمي على اخوش علشاني .! أميرة حست انها متوترة ماتحب تحتك في محمد اخوها تقدمت له وهي تشوفه جالس جنب جدته ولا كلف نفسه حتى يوقف كانت تحاول تصلح شي انكسر بينها وبينه بس هو ماساعدها مره كل مره يثبت لها انه يكرها وهي ماتكرهه ولا تحبه وبنفس الوقت ماتبغى يصير له شي اخوها مهما كان لما قربت منه وقف اخيرآ رفعت عيونها له وهي تشوف نظراته الباردة المستفزه لها مدت يدها له علشان تسلم عليه وهو مد يده لها جفاء المفروض هي اللي تزعل ماهو هو وعلشان تخلص قالت بسرعه : الحمدلله على السلامه وفكت يده ولا اهتمت يرد او لا .،! تحركت مبتعده عنهم داخله المطبخ عند فارس اللي كان يحوس في المطبخ وما خلا درج مافتحه.! اميرة / ولد ليش الحوسه ذي تدور صحن صح وهي تشوف ثلاجة القهوة بيده .! فارس/بطفش اجل ايش بدور القدر احط فيه الثلاجة .! اميرة وهي تفتح اول درج وتطلع صحن وتحط الثلاجه والفناجيل فيه وتشيله خارجه من المطبخ.! حطت الصحن على الطاولة وهي تشوف عبدالله اخوها داخل يسلم على اخوانها ..اخذت القهوة والفناجيل وهي تصب قهوه وتعطي ابوها اللي مبتسم لها على طول وبحب وهو ياخذ الفنجال من يدها : سلمت يدش ياقلب ابوش ،،! كملت وهي تقهوي اخوانها وجدتها.! فارس وهو يقرب منها : ها كل شي جاهز ! أميرة /ايوه بس كيف راح نقول لجدتي اخاف ذا يخرب علينا تقصد محمد.! فارس : والله لا تستبعدين عليه شي لانه نشبه اتوقع ان امه كانت تاخذ حبوب منع الحمل علشان ماتحمل به بس انه نشبه حملت به مسكينة وهي تستخدم الحبوب ..وترى برجه برج النشبه.! اميرة وهي تضحك على فارس : مافي برج اسمه النشبه .،! فارس وقف وهو يغمز لها موجه كلامه لأبوه : ياابو محمد مساك الله بالخير ولا تهون جدتي ولا اخواني الغالين التفت لأميرة وهو يضحك قال اخس يا انا ماعرفت نفسي وانا رسمي وعاقل رفع عيونه للأبوه اللي يضحك ومتعود على خباله : عندنا كلنا مفاجئه لشيخه هيلة في الديوانية وابغاكم تجون معنا تشريف لا تكليف وهو يضحك .،! علي وهو يضحك على فارس قال : تستاهل والله الشيخه هيلة من يروح معها وهو يوقف قال لعياله يله نشوف ايش عند فارس واميرة وبعدها ترتاحون .؟ فارس تحرك مسرع لجدته وهو يقول : انتوا روحوا قدامنا..مسك يد جدته فديت اليد الناعمه.! هيله وهي تسحب يدها فكني من خبالك يافارس .؟ فارس رجع مسك يدها وهو يضحك : امزح معش خرج معها وابوه واخوانه لين وصلوا مدخل الديوانيه محمد/فارس لا يطلع مقلب بايخ في جدتي وانت ساحبها من الصالة ومتعبها ماراح يصير لك خير .! فارس ناظر فيه وهو يقول : انت ليش نشبه كذا جدتي مااتوقع شكت لك طنشه وهو ينادي اميرة خلاص .! اميرة بسرعه وهي تثبت الكاميرا وتشغل السماعات والليزر طفت الأنوار وهي تتاكد ان كل شي مرتب رفعت صوتها ايو ادخلوا خلاص .! فارس/سمي بالرحمن يالشيخه هيله وادخلي برجلش اليمين .! علي وهو يدخل معهم ضحك على خبال ولده : ماشاء الله ماشاء الله حفله ايش المناسبة .! |
رد: رواية جنوبية برت حالي ولا أدري وين ديرتها البارت 5 هيلة وهي تدخل وماتشوف زين قالت : فارس انت واميرة ظلمه مااشوف .؟! فارس مسكها وهو يدخلها : راح تشوفين ان شاء الله صبرش شوي .؟! محمد وهو يشوف التجهيزات طاولة وعليها كيكة متكوب عليها مبروك حفظ عشر اجزاء من القران يالشيخه هيلة وحاط حرف f ومناديل عليها ملاعق وشوك وصحون وورد منثور على الطاولة كامل .! وكيسين هدايا..وبكل بساطه راح وفتح النور وفصل سلك السماعات سمع شهقت اعتراض من اميرة وطنشها وهو يجلس.! فارس رفع عيونه لمحمد ولا تكلم يعرف انه إنسان يحب النكد اذا مانكد عليهم فرحتهم مايرتاح مسك يد جدته وهو يقول : يله قطعي الكيكة ياجده ذي بمناسبة انش حفظتي عشرة اجزاء وهو يأشر لأبوه واخوانه تعالوا نقطع معها وانتي يا اميرة جيبي الكاميرا وصوري .! خلصوا تقطيع جلسوا وقف فارس وبيده كيس هدايا كبير اخرج منه علبه كانت عبارة عن طقم ذهب كبير تفضلي يالشيخه هيله وتستاهلين اكثر الطقم ذا مني انا واميرة واخواني لش واعذرينا.! ومسك الكيس الثاني وهو يطلع جوال ايفون الذهبي ويفتحه وهذا جوال لش هديه ياجده ايفون اتحدى وحده من صديقاتش عندها ايفون مثله.! هيلة بحب : فديتكم وكثر الله خيركم جميع الله لا يخليني منكم ! الطقم باخذها والله يستر على من تكلف والجوال ذه ولا باخذه جوالي الصغير يكفي وذه ولا جدتك بتعرف له ،! فارس وهو يفتحه : إلا بتعرفين له شوفي ذا السناب شات تفتحينه وتضغطين هنا وتسولفين وإلا تصورين طبخش وترسلينه.! هيلة/هو ذه السناب اللي يخرج كلام العرب وصورهم .! فارس/ايوه هو ياجده .! هيلة /لا والله لا روح علي وانا بنت هادي،! فارس /خلاص اذا ماتبغين سناب عندش الواتس اب ولا تقولين ما اعرف اكتب مايحتاج تضغطين ذي وهو يأشر على التسجيل وتتكلمين وترسلينها وتفلح ياجده .؟ هيله بعدم معرفه " وين تفلح.! فارس يضحك هو وابوه واخوانه : مثلا انت تبغين جدي تضغطين على ذي وتقولين وينك يامحمد فقدتك جعلني قبلك ،! هيلة بزعل من سمعت طاريه : الله يجعلني افقده مثل مافقد احمد وهو باقي في عز شبابه قم عني لا بارك الله في عدوك .! اميرة خصلت تصوير وراحت صورة غداهم : اللي طلبته من الأسر المنتجه وماقصروا .؟! حتى الترتيب وكل شي محل لبنات سعوديات يجهزون حفلات وكل شي .،! وقفت بدون ماتنتبه لشخص كان يراقبها صورة رجولها وبس ماتدري ليش.! وفي اقل من جزء من الثانية كانت الكاميرا تطير من يدها وتضرب في الجدار وتتحول لقطع منثوره في الأرض.! الكل انفجع من الموقف ولا يدرون ايش اللي صار .! اميرة وعيونها مثبته على قطع الكاميرا فيها كل لحظاتها الحلوه فيها كل الصور كل مكان تطلع تصور..رفعت عيونها لمحمد اللي يبادلها النظرات قربت منه وهي تقول ليش وهي تأشر على الكاميرا ليش كسرتها .! محمد بغضب : علشان حضرتش قاعدة تصورين نفسش وكم مره حذرتش من التصوير.! اميرة نفس كل مره كل وجع يجيها يكون مصدره نفس الشخص اخوها محمد هو الوحيد من بين اخوانها ناشب لها على كل صغيرة وكبيرة هو اللي احرمها حلم حياتها انها تدخل تمريض هو سبب في انها عاطلة ذحين دخلت قسم ماله مستقبل وظيفي .،قربت منه وكل الماضي يرجع لها: انت متى تفكني من شرك متى .! كم مره قلت لك مالك دخل فيني .! احمد كان مصدوم فز واقف وهو يعطي ظهره لمحمد ومقابل لأميرة مسك يدها وهو يقول : خلاص حصل خير وابشري بالعوض مني والله ان تجيش اطلق منها.! اميرة : اعرف اني بتعوضها بس الفرحه اللي كل مره يسلبها مني اخوك مين يعوضها .! محمد وهو يثور : لو تبكين دم بدال الدموع ولو يجيني خبر انك تتصورين ذبحك راح يكون على يدي.؟ علي اللي واقف عاجز مسك محمد : الله يهديك ياولدي خف عن اختك شوي ..! محمد وعلشان ما يتكلم كلام يندم عليه خرج بسرعه.! علي تنهد وهو يسمع امه تنادي على ولده حضن اميرة : والله ان تبشرين بالعوض وهو يخرج بطاقة الصراف حلالش خذي اللي خاطرش فيه.! اميرة وهي عارفه ان محمد اخوها ماراح يتغير ابد مسكت يد ابوها : جعلك سالم يبه اذا محتاجه راح اطلبك .! وعلشان ماتخرب فرحة جدتها وشوفة احمد حاولت تكون طبيعية .راح تاخذ الذاكره الصور موجوده يله الغدا برد تفضلوا جلسوا كلهم وهي تناظر في جدتها واقفه تنادي على محمد حب جدتها وجدها وابوها لمحمد .؟ لفت راجعه لهم دقوا على اخوكم يجي يتغدا فارس وهو يوزع الأكل جده تعالي انت تغدي يد الجوع طويلة على قولتش محمد ماينخاف عليه محد يحب الأكل كثره .! هيلة وهي تجلس معهم : اذكر الله على اخوك ساد الصمت بينهم وهم يتغدون دخل عليهم اخر شخص توقعوا انه يدخل وبصوته الجهوري : السلام عليكم ويتبعه محمد سميه .! الجد (محمد )توسط الديوانية بطوله وضخامة جسمه باقي بصحته رغم انه في 60من عمره .! والله محد يقوم تموا على غداكم وانا بتغدا معكم هو يأشر لمحمد تعال وانا اجلس جنب اخوك .. |
رد: رواية جنوبية برت حالي ولا أدري وين ديرتها البارت 6 وهو تعمد يجلس مقابل لزوجته هيلة اللي عيونه تعلقت فيها من دخل زوجته اللي حرمته على نفسها من مات ولدهم .! فارس وهو يرفع عيونه لأخوانه اللي مستغربين وجود جدهم معهم ..شاف اميرة تناظر فيه كأنها تقول له ايش جابه ذا بعد .،! فارس حتى هو ماتوقع حضروه ..الصباح مرّ عليه في المزرعة متعود لازم يجلس مع جده ويسولف واعتذر من جده انه مشغول وجده متمسك فيه إلا يجلس معه قال له مشغول مع اميرة بنسوي حفله لجدتي علشان ختمت حفظ عشر اجزاء من القران سكت وهو يخرج بطاقته الصراف وقال اسحب المبلغ اللي تحتاجونه واشتروا لها اغلى طقم واي هديه تشوفها انها مناسبه ولا تدري جدتك انها مني .،! رفع عيونه وهو يشوف جدته تقوم وتخرج بسرعة والضيق على وجها ماتقدر تجلس في مكان جده فيه من زمان حاولوا يصلحون بينهم وجدته رفضت .،! شاف جده يقوم وهو يقول جاد الله على من تكلف وخرج وحنا نقوم بعده غسلنا وسلموا عليه اخواني.؟! محمد(الجد) دخل الصالة مع ولده وعياله شاف هيلة جالسة قدامه انتبهت لوجوده اشغلت نفسها بالمسبحه اللي بيدها ..تحرك لها لين وقف عندها وهي جالسه دنق وهي يبوس راسها مبطي ماشافها وكل ماجاء ماتظهر له ولا تخرج من غرفتها تعاقبه : كيفش ياهيلة حس فيها وهي توقف وتحط يدها على صدره وتدفه وهي تقول : حالي تخبره ولانت بجاهلن به وتجاوزته داخله غرفتها.! حس بالقهر من حركتها له خاصه قدام ولده وعياله اللي ساكتين يراقبون الوضع حس بدمه يفور في عروقه تحرك وهو يلحقها لازم يكلمها تعب منها ومن صدها عنه من مات ولدها وهي حالفه ما تسكن معه بمكان واحد وطلبت من ولدها علي يبعدها عنه وعن الجنوب كله وراحت مع ولدها وانا ماتحملت اعيش بعيد عنها وعن ولدي والوحيد وعياله لحقتهم الرياض واخذت حلالي وشريت ارض وسويت لي مزرعه وصرت اعيش فيها اعترض طريقه عيال ولده محمد واحمد وفارس رفع عيونه لهم بغضب : خير ايش عندكم .! احمد وهو يحط يده على لحيته : طلبتك ياجد تخليها هي معصبه وانت معصب وجدتي تعبانه .! فارس/جد خلاص مره ثانيه وانا راح اكلمها .؟ محمد/جد علشان خاطري المره هذي اعتقها اللي فيها يكفي ماحسبنا انها تقدر تتجاوز اللي صار ،! محمد(الجد) بغضب وهو يسمع كلامهم ضرب يد احمد اللي ماسكه لحيته ودف فارس عنه وهو يقول : كلكم ذحين تخرجون يله واولكم هذا وهو يأشر على ولده علي اللي واقف وساكت .،! وبعصبية يله انت ويااه وقفلوا الباب وراكم ..! تحرك داخل عندها وهو يشوف ان الباب مفتوح ماقفلته لانها ماتوقعت انه يلحقها توقعت نفس كل مره يجي وبعدين يروح دخل غرفتها اللي ماعمره شافها ..قرب منها وهو يشوفها سادحه على سريرها حاطه يدها على وجها سمعها تقول فارس ابوي انت انا بخير راسي اوجعني شوي اذا صليت العصر خرجت لكم ،! اخذ نفس عميق من ريحتها اللي منتشره بكل مكان في غرفتها قرب منها لين وقف عندها مباشره وهو يشوف يديها البيضاءالمزينه بحناء اصابعها الطويلة الخواتم محتله جزء منها .،نفس جمالها ماتغير بمرور السنين .،! هيلة مستغربه من فارس اللي مارد عليها على غير عادته كان يجلس معها لين غصب تخرج من الغرفة شالت يدها بسرعه وهي تحس بثقل معها السرير انصدمت من زوجها اللي بحركه سريعة رجعها على الكرسي لما شافها تحاول تجلس وصار يشرف عليها من فوق نفس نظراته المرعبه ماتنساها اذا عصب وزعل وبرجاء محمد تكفى اعتقني منك احشم شيب راسي ولدي وعياله برا .،! محمد(الجد) ولا كأنه يسمعها كان يشرف عليها بضخامة جسمه كان يحس بنبضات قلبه المتسارعه من زمان عن القرب هذا منها دنق لها وهو يحط خشمه في رقبتها ويشم ريحتها وهو يحس فيها تقاومه وهو ماتحرك فك شعرها ودفن خشمه فيه وهو يسمع اعتراضها ومقاومتها الضعيفه ..: الى متى ياهيله ماتخافين الله فيني 17سنه وانتي ظالمه فيني هيله تقومه وهو ماتحرك :مالك شي عندي قلت لك اذا رجع احمد تعال وابشر بي .! محمد(الجد) بغضب وحسره وندم على ولده : انتي ماتخافين الله وحافظه القران وتصلين ترى والله ماتدخلين الجنه وانا غضبان عليش لو تصلين وتصومين وتحفظين القران كامل .؟! هيله دفته عنها وهي تبكي : وانت والله ياربي ماغير يعذبك بكل دمعه وقهر مني على ولدي اللي احرمتني منه.؟! محمد(الجد)شاف دموعها وندم على كل شي بس عمر الندم مايصلح الغلط قام عنها وهو يعدل شماغه وخرج ..! |
رد: رواية جنوبية برت حالي ولا أدري وين ديرتها البارت 7 من الماضي/ ولأول مره يصير شي في حياته غصب عنه هو الآمر الناهي محد يتكلم قبله ولايتخذ قرار إلا بعد شوره وكلمته هي اللي تمشي ومحد يكسر كلمته يحس الدم يغلي بوسط عروقه من قهره من ولده أحمد اللي منه عرفه وهو عاصي فيه ضربه سجنه مافاد فيه رباه على الشدة والقسوة هو واخوه علشان يداحر بهم الرجال ويستند عليهم كان يبغاها هو واخوه نسخه ثانيه منه وقبل مايستند عليه كسره أحمد ولده كان نسخه منه في القوة والشدة ماكان يهاب ولا يخاف من احد حتى مني انا ضربته سجنته مافاد به اللي براسه يسويه حتى لو مايعجبني خلص الثانوي هو واخوه وقال راح نسجل في كلية اعداد المعلمين رفض أنا حلمي ان عيالي عساكر وضباط ..عاند احمد وراح سجل هو واخوه في الكلية وكسر كلمتي رحت الكلية وسحبت ملفه وضربته قدام الناس وسجلته في التجنيد في خميس مشيط هو واخوه علي غصب عنه وبعد ماخلصوا الدورة خطبت له بنت صديقي ولا قلت له لاني اعرف انه راح يرفض كنت ابغى احطه قدام الأمر الواقع وقبل الملكه بيوم قلت له وصار اللي كنت خايف منه عصب وثار وقال والله مااتزوجها لو تنطبق السماء على الأرض وخرج من البيت وماعاد رجع وانا متفشل من صديقي وعزمت الناس كلهم وماكان بيدي حل إلا اني ازوج علي بداله اللي كان يخاف مني ولايقدر يرفض لي طلب تزوجها رغمآ عنه علشان مااتفشل وأحمد اللي خرج وماعاد رجع كأنه ملح وذاب ماعرفت له أرض من سماء ماخليت له مكان مادورت له فيه وماحصلته حتى الدوام قالوا متغيب عن دوامه من زمان قهرني ولدي وبدال ماافتخر فيه صرت ادعي عليه ليل نهار تم زواج علي وحلفت أمه ماتحضره وهي ماتدري وين ولدها ومن وقت ماخرج ودموعها ماجفت تبكي عليه ليل نهار ..وكل من سألني عنه قلت جعله يروح مراح جدي اللي راح وماعاد رجع ..احس مثل النار تكويني وانا اتذكر انه فشلني كنت اتمنى انه يجيني خبر موته علشان ارتاح على الأقل انه مات وتبرد نار صدري لاني كل ماتذكرت سواته شبت النار بصدري حاولت انساه ولا قدرت مرت ايام وشهور طويلة وأحمد مانعرف عنه شي وبعد سنين غياب وجفاء جاني مرسول من الشيخ ناصر بيجيك بجاهه مع ولدك أحمد طالبين رضاك عرف لو جاء وحده ذبحته لكنه جاني من الشق الثاني وعرف اني مستحيل ارد جاهة الشيخ ناصر بيني وبينه حب وغلا لو جاني يطلب علي ماقلت له لا . زفر بقهر وهو يناظر في الحوش المفروش بزل احمر وكراسي مرصوصه جنب بعض وشبة النار في الوسط حولها دلال القهوة والتمر والبخور والمقهوي يزين القهوة ..حوله عيال عمه وخواله دعاهم اليوم يوقفون معه في استقبال جاهة الشيخ ناصر وقف لما شاف علي ولده يدخل من البوابه المفتوحه يبه الجماعه وصلوا وقف بكل شموخ وصلابة بطوله الفارع وضخامة جسمه وحوله جماعته يستقبل الجاهه دخل عليهم الشيخ ناصر معه مايقارب 100رجل مابين شيوخ ونواب قبايل معروفين لابسين بشوت وكل واحد سلاحه بيده واللي لابس مسدسه و جنبيته بوسط عرضه.. الشيخ ناصر بصوت جهوري وهو يتقدم الجاه : السلام عليكم وكيف انتوا .،! محمد وجماعته/بصوت واحد وعليكم السلام يالله حيهم ومرحبآ الف من ممشاكم الى ملفاكم .. الشيخ ناصر/المرحب باقي جيناكم يا ال هادي بجاهه والقبايل ماترد الجاهه وحنا ياشيوخ ال مسفر جيناكم لاجل اللي طاح وانكسر ظهره وابطت به سنينه عن مجالس ابوه وعيال عمه واخواله ولا احد سالم من الزله وبعد الشينه تجي الزينه وجميع الناس تخطي والله يلعن الشيطان واذا انت يامحمد بندق مالك غنى عن محزمك المليان ..وحنا يا ال شيوخ مسفر في وجهك يا محمد ماتردنا وبلمح البصر كل واحد في الجاهه حذف شماغه وعقاله وبشته وسلاحه عند رجولي ..حاول انه يثبت يكتم قهره تقدم لهم الله يرفع قدركم ولا مثلكم ينرد لو جيتوا طالبين واحد منا .. الشيخ ناصر بفرحه : الله يرفع قدرك وهذا العشم فيك التفت وهو ينادي أحمد تعال سلم على ابوك واستسمح منه .! محمد/ خطوتين او اكثر كانت تفصله عن ولده .! من شاف الجاهه اللي جابها وهو يدوره بين الجموع يبي يشوفه وطغى حب الأبوه على حب التسلط والانتقام مهما كان قاسي يظل حنان الأب مايتغير حس بشوق له مهما كان ولده وفرح سنينه لمحه وهو يخرج من بين الصفوف لابس ثوب ابيض وشماغه على كتوفه جثى على ركبه وهو يبوس رجول ابوه وبعدها وقف قدام ابوه رفع عيونه لأبوه وهو يلمح نظرات الغضب فيها حضن ابوه ويبوس يده وراسه .. محمد(الأب) وكل نار في صدره ترجع تشتعل دفه عنه وهو يتقدم لشيخ ناصر ومن معه ارحبوا حياكم الله اقلطوا على واجبكم وكرامتكم .. |
رد: رواية جنوبية برت حالي ولا أدري وين ديرتها البارت 8 خلص العشاء وراح الضيوف ومابقي إلا انا وعيالي رفعت عيوني لولدي احمد كان جالس جنب علي وماسك يده بدون مايتكلم متغير مره وجهه صار اسمر بدال ماكان ابيض شعره الطويل الواصل لكتوفه كله صار شيب هذا الشعر اللي اكثر مشاكلهم عليه كانت ابغاه يقصه وهو يرفض ..عنده فضول وين كان ولده السنين ذي كلها ..سألته وين ايامك يااحمد وارتحت يوم كسرت كلمتي . أحمد وهو يرفع عيونه لأبوه : في ارض الله الواسعه والله يشهد ماارتحت انت يبه ماخليت لي خيار كيف تزوجني بدون شوري .! محمد بغضب : من متى انا اشاور واحد فيكم . احمد وقف علشان يخرج يعرف نفسه مايتحمل تسلط ابوه ومل من البعد عن اهله خاصه امه اللي يموت شوق لها ولاخوه الوحيد : عن اذنك يبه بقوم اسلم على أمي. محمد/ انثبر مكانك لين اخلص كلامي مو انك جبت جاهه اني خلاص بنسى فعلتك اللي كل يوم تصبح تمسي بصدري جديدة . احمد وبصبر : سم يبه اسمعك. محمد (الأب)/ انا ماسامحتك إلا علشان الجاهه اللي لويت ذراعي بها.! وإلا انت عندي ماتسوى شي ولو انك جيتني وحدك كان فضيت المسدس بصدرك ولا فكرت فيك.! احمد يحاول قد مايصبر يتحمل علشان امه واخوه اللي يموت الف مره شوق لهم : اسلم يبه . محمد(الأب)/ اسمع ابغاك ذحين توعدني وعد رجال تكون تحت طوعي وشوري وماتخالف لي كلمه.! وإلا قم ارجع مكان ماجيت بيتي يتعذرك وتروح لشيخ ناصر وتقول له انك خرج انت من طيب خاطر .. أحمد صار بين نارين غمض عيونه وهو يحاول قد مايقدر انه يتحمل : يبه ابشر على خشمي بشين يرضيك ويرضيني ابوه بغضب وهو يحذفه بفنجال القهوة ومن متى انا اهتم لرضاك.! أحمد وهو يقوم ويخلي ابوه وهو ينادي عليه يعرف لو جلس اكثر راح تخرب بينه هو وابوه خرج من المجلس بسرعه علشان مايسمع تهديد ابوه وصل داخل البيت وهو يشوف أمه جالسه في الصالة لما سأل علي عنها قال ان محد قال لها انه بيجي وصل لعندها وجثى قدامها يبوس رجولها ويحضنها .. هيله مصدومه ايش فيه علي يبكي عند رجولها ماشافته من الظهر مع ابوه عندهم ضيوف ضعف بصرها ونظاراتها في الغرفه دنقت وهي تمسك يده : علي ابوي ايش بك ابوك خاصمك . وقف احمد وهو يمسك يدينها : يمه انا احمد ..! هيله بقلب أم مكلومه عرفته ميزته عن علي لما قرب منها صارت في موقف مافي مجال انها تتكلم حضنته في صدرها شوي تبوس وجه وشوي تتلمس وجهه ومره تشمه كانت تحاول انها تخبيه داخل صدرها بكل قوتها وبلهفه : ياقلب امك وعيونها انشهد انك احمد ريحتك مانسيتها حتى لو خذلتني عيوني .. دخل محمد (الأب) بقوته وجبروته ليش خرجت وانا باقي ماكملت كلامي تحسب اذا خط شنبك اني ولابقدر اكسر ضلوعك. أحمد ساكت وحاضن أمه مايبغى اي شي يخرب عليه اللحظه اللي كان يتمناها وينتظرها من سنين. محمد(الأب) استفزه سكوت ولده وهو معطيه ظهره. مشى لين وقف وراه وهو بحضن أمه سحبه بقوه لين صار مقابل له وهو يهزه .. أحمد وصبره نفذ فك يد ابوه بقوه وقال : يبه تكفى داخل على الله ثم عليك اعتقني منك ذا الليل . هيله وهي تشوف زوجها ثاير بوجه ولدها قامت وهي تحاول تمسكه وتبعده عن ولدها : يامحمد تعوذ من الشيطان فك الولد منت صاحي الله يكفينا فيك. محمد وكل شياطين الأرض راكبته وبدون قصد دفها بقوته كلها على الأرض؟! أحمد لما شاف امه متكومه على الأرض ثار وبغير وعي لف على ابوه : ليش تدفها ايش سوت لك وهو يمسك يد ابوه ويلفها بقوه اخر مره اشوفك تمد يدك عليها دف ابوه وهو ينزل يقوم أمه ويساندها لين جلست على الكرسي وهي تتحسب على ابوه.! احمد معطي ابوه ظهره وهو يعدل الطرحه على شعر أمه حس مثل الصاعقة ضربته على ظهره عرف انه ابوه ضربه حاول يتحمل بدون مايلف لأبوه ضغط على نفسه ويحس بألم بكل عرق في جسمه : يمه قومي خذي عبايتش وتعالي معي والله ماتجلسين عنده وهو دفك متعمد.!بروح لخالي علي واقول له اني باخذش معي. محمد(الأب ) بعصبية قرب من ولده والعصا الكبيرة بيده : تخسى والله ماتتحرك شبر من هنا..وانت يله توكل بيتي يتعذرك .. احمد/ ابركها من ساعه بس أمي معي شاف امه انهارت وهي تبكي فرحه ماتمت من زوجها وهي تتمسك في ولدها والله ماتروح علشاني يا احمد كبدي انحرق عليك وعيوني عميت من بعدك .. احمد بغضب : ماعاد لي جلسه هنا يمه وانت معي . مسكه ابوه وهو يدفه لين اخرجه مع الباب اخرج قبل اقتلك الليله.! |
رد: رواية جنوبية برت حالي ولا أدري وين ديرتها البارت 9 وخرج أحمد ولاعاد شفته إلا وهو مكفن ورفضوا افتح وجه مستعجلين علشان يلحقون يصلون عليه مع باقي الجنائز بعد صلاة المغرب ثاني العيد مات ولدي يوم عرفه بعد صلاة العصر وفاه طبيعية بكيت عليه بقلبي بدال عيوني وحتى وانا اخذ عزا ولدي كل من جاء يعزيني يقول الله يرحمه ادع له وسامحه علشان يرتاح ولدك بقبره يحسبون اني ماسامحته انا سامحته من وقت ماخرج كنت ادعي بلساني عليه وبقلبي اقول يارب لا تستجيب دعواتي .. كل يوم وخيال ولدي يطوف حولي احسه باقي معي ماتهنيت بنوم من بعده إلا وانا اقوم انادي واهوجس به كل ماسمعت اسم احمد انتفض قلبي شوق لراعي الأسم . بعد موته رحت الأحوال وانا اطلع برنت بأسمه ابغى اشوف يمكن تزوج يمكن عنده عيال الحاله الأجتماعيه اعزب ولدي ماتزوج .. مات وهو وحيد لا ذريه يحملون اسمه من بعده ندمان اني قسيت عليه واخرجته من البيت وانا اقول بيرجع ماراح يصبر عنا لكنه خرج وصمل وماعاد شفته إلا في احلامي اشوفه واقف يناظر فيني وساكت بنظرات كلها عتاب واذا تكلم يقول كلام عجزت افهمه تصدقت عنه حفرت ابار كفلت له ايتام عسى الله ان يغفر لي ذنبي في ولدي . زوجته رفضته وقالت مايجمعني معك سقف بيت واحد وانت سبب موت ولدي اخذت العزبه ذي واخذت لي حلال وراعي وجلست هنا والندم يأكل روحه .. غمض عيونه على ذكرى مؤلمه ونار الندم تكويه بكل لحظه سمع الراعي السوداني يناديه فتح عيونه لما حس انه قرب منه. الفاتح /ياعم الناقه ماتت وهي تولد وخمس خرفان ماتت.. محمد(الأب) وبندم : ماعاد هي اغلى من احمد اللي راح يالفاتح ..صار يشوف كل خسارة بعد ولده مايعتبرها خساره. ظيمنع ظيمنع في أكبر مستشفى خاص في المنطقة قسم الجراحه رجال صوته واصل نهاية الممر اخوانه والمدير المناوب ومدير شؤون المرضى لهم نص ساعه يحاولون فيه يهدأ علشان يشرحون له الوضع إلا ان محمد ماترك لهم مجال ماغير يسب ويشتم المستشفى والكوارد الطبيه وبعصبيه : مستشفى ذا وإلا زبالة موجه كلامه للمدير اللي حس ان الكلام مع الإنسان ذا ضايع تنهد المدير وهو يناظر في وجه محمد اللي قلب احمر وعروقه بارزه من كثر ماهو معصب حتى صوته راح .. اخ محمد ايش المطلوب ذحين اللي تأمر فيه حاضرين. محمد بعصبيه : غصب عنكم تخدموني بخشم الريال فلوسي دافعه لكم.. المدير اللي يحاول يضبط اعصابه : طيب والمطلوب. محمد /تبرر لي الحركه السخيفه اني ادخل غرفة عمليات على اساس انه الزفت الدكتور مهند هو اللي راح يسوي لي العمليه وفي النهاية اكتشف انها دكتورة يشد بقوه على السرير من كثر ماهو مضغوط من الموفق كامل لأنه مستحي من حكاية العملية ذي بس ماعاد قد يتحمل خاص مع الدوام.. المدير/اخ محمد كل ما في الأمر ان دكتور مهند تعرض لنوبة سكر قويه فقد فيها الوعي اثناء العملية وماكان في حل إلا ان الدكتورة تكمل العملية وعلى فكرة الدكتورة ذي من اكفأ الكوادر الطبية في المنطقة والتصرف هذا هو الصح. محمد/ ماشاء الله طبيعي جدآ تمدحها لو كانت حتى عاملة نظافة عادي تخليها تكمل العملية اهم شي عندكم الفلوس وإلا ارواح الناس عندكم رخيصه وبتهديد وهو يرفع يده في وجه المدير لاتحسبني راح اسكت والله مااخليها لكم راح تدفعون ثمن حركتكم السخيفه ذي. المدير رفع عيونه عنه وناظر اخوانه اللي ساكتين رجع ناظر في مدير شوؤن المرضى واشر له وقبل يخرج قال : من ابسط حقوقك تقدم شكوى وخرج. فارس وهو يحاول يمسك نفسه من البداية لا يضحك ناظر في اخوه وهو يقول ليش انت معصب وزعلان غيرك يحسدك على العملية حاول يمسك نفسه مايضحك بس ماقدر انفرط ضحك وهو يشوف محمد يحذفه بعلبة المناديل وبتهديد فارس اسكت عني تراها واصله معي الى هنا ويأشر على خشمه. فارس وهو يمسح عيونه ويحاول يتكلم ولا قدر رجع يضحك بشكل هستيري وهو يستند على حافة السرير سمع ضحكة احمد اخوه رفع راسه وهو يشوف حتى محمد اللي كان معصب يحاول يمسك ضحكته .لما شاف ان محمد ضحك شوي وضمن سلامته قال نعلبو غيرك الحوسه ذي كلها علشان دكتورة هي اللي مسويه لك العملية غيرك يتمنى ولايحصل له ناس تتمنى وحمير تتهنى" وبحركه كوميديه فارس يستقبل القبلة ويقول يارب تجيني بواسير وهو يضحك ويلف وجهه لمحمد اللي بينفجر باقي لك وجه تشتكي هي المفروض اللي تشتكي . وقبل لا يكمل كلامه شاف اخوه يحذف عليه علبة المويه نزل راسه بسرعه وهي تطيح عند رجوله.. أحمد وبطبعه الهادي وقف وهو يشوف محمد اخوه يحاول يقوم حط يده على صدره ويرجعه على السرير : محمد انت صادق ذحين ماكملت حتى ثلاث ساعات مسوي عملية وانت تقوم وتهابد ارتاح الله يصلحك بس .. |
رد: رواية جنوبية برت حالي ولا أدري وين ديرتها البارت 10 لف لفارس وهو يشوفه ماسك علبة مويه بيده وماسك ضحكته غصب وانت الثاني لاعاد اسمع لك صوت . رجع وهو يجلس على الكرسي. سكت الكل وكل واحد مشغول بجواله ومحمد ماغير يهوجس في اللي صار رجع ناظر في احمد اللي جالس وقريب منه قال احمد لما جيت من غرفة العمليات كيف كان وضعي . احمد يناظر اخوه : عادي ليش تسأل. سكت وهو يتنهد ويحس بنار في صدره كيف الكلبة ذي جتها الجرأة تسوي عملية مثل كذا لرجل وين الخجل مايستغرب عليها وهي بين الرجال. كل خوفه لا تكون متدربه من طلاب الأمتياز وعادي عندها تصوره سناب مايستبعد شي البنات يموتون بالتصوير. باقي دمه يفور وهو يتذكر لما بدء يفوق من البنج بشكل تدريجي جته الممرضه بأكل وعلاج رفضه وقال انا ابغى اخرج علشان ابوه مايشك في الوضع لانهم قالوا له عملية بسيطه وبدون جراحه تقدر تطلع بنفس اليوم وهو قال لأبوه ان له موعد وبيخلصه وبيروح يسلم على أمه ومعزوم هو واخوانه عند اصحابهم رحلتهم من الرياض كانت الساعه ثلاث الفجر.. الممرضه قالت له ماتقدر تخرج لين تشوفك الدكتورة وبعدها تقدر تطلع انصعق لما سمع كلامها معقوله دكتورة اللي مسويه له العملية مستحيل الدكتور مهند هو كشف عليه من اسبوع تقريبآ وحدد له موعد العملية رجع سأل الممرضه دكتور اللي مسوي له عمليه وإلا دكتورة قالت له لا دكتورة لما سمع كلامها عصب ونسى عمليته قام واقف وسلك المغذي بيده ويصارخ الممرضه لما شافته انفجعت وخرجت بسرعه رجع يستغفر لو انه تحمل الألم احسن من المهزله والفشيلة ذي سمع صوت جواله يدق رفعه وهو يشوف ابوه المتصل نزله بدون مايرد ..سمع احمد يقوله رد ترى حتى انا اتصل اكثر من مره هو وجدي ولارديت علشان ترد انت ويطمن اكثر اذا سمع صوتك انك بخير لان فارس قال لهم انك سويت العملية رفع عيونه لفارس اللي من سمع كلام احمد فتح الباب وهو يخرج . محمد بعصبيه ايش اسوي في فارس الخبل اللي مستحيل انه يمسك كلام رجع جواله يدق قرر انه يرد فتح الخط حاول يخرج صوته عادي هلا والله علي بحنان غمر عياله فيه اخذ على نفسه عهد مايضيق صدر عياله يعاملهم بكل حب واحترام خاصه محمد ولده البكر اللي كان ضحية زواج فاشل نهايته طلاق وحرمان طفل من أمه كان لولده الأم والأب : الف سلامه عليك ياروح ابوك ما تشوف شر ماعندي علم بك إلا مع فارس اتصلت اطمن عليكم قال انك سويت العملية الظهر . محمد /جعلك تسلم تدوم ياتاج راسي ابشرك انها عملية بسيطه مجرد تنظيف للأذن مثل ماقلت لك وبعد شوي بطلع وامر امي اسلم عليها وبعدها معزوم انا والعيال وإن شاء الله نرجع بكره او بعده. علي/استودعت الله فيك خذ جدتك قلبها معك .! محمد بحب لجدته وأمه الثانية وهو يسمع صوتها ولهفتها عليه ارحبي ارحبي .! هيله/مجار والف سلامه ماتشوف شر ليته بروح جدك كيفك اربك بخير بشرني عنك.. محمد بمجرد ماسمع صوت جدته تعدل مزاجه حطه على السماعه وهو يضحك لازم تجيب سيرة جده وتدعي عليه : الله يجيرش وابشرش اني بخير. هيلة/الله يصلحك قد قلت لك لا عاد تثور اذنك بالمفتاح والعيدان لو انك حطيت زيت زيتون كان سلمت من العملية .! محمد انفجع من كلام جدته ولاعاد عرف ايش يقول لها اخر شي قفل الجوال وهو يرفع عيونه لأخوه احمد اللي ميت ضحك على شكل اخوه وكلام جدته .! عصب وقال : احمد لو سمحت اخرج خلاص مااحتاج مرافق روح ارتاح في الشقه وانا اذا خلصت بجيكم. احمد اللي حس انه غلط لما ضحك ومحمد زعل بس غصب عنه ضحك على كلام جدته قام وهو يدنق على راس اخوه ويسلم عليه : المعذره والسموحه . محمد بعصبية : خلاص اطلع وقفل الباب معك . شافه وهو يخرج ويقفل الباب حس بقهر ايش اليوم ذا اللي ماله نيه يخلص على خير تذكر كلام جدته وزاد قهره وحمد الله ان فارس ماهو موجود ماكان راح يسكت . غمض عيونه وهو يحس بصداع فضيع كان متردد من العملية وراح اكثر من مستشفى علشان يحصل جراح ممتاز يسوي له العملية ويقدر يخرج بسرعه من المستشفى مايبغى احد يعرف انه مسوي عملية الكل مدح الجراح مهند يشتغل في مستشفى خاص في أبها وياليته ماجاء ولا تنوم عندهم فتح عيونه على صوت الباب اللي اندق ثلاث مرات وبعدين انفتح شاف نفس الممرضه تدخل وبعدها دخلت وحده ثانيه اكيد انها الدكتورة قربت منه وبيدها اوراق اعطاها نظره شامله طولها المميز وسع عيونها رموشها الكثيفه الواضحه من النقاب الواسع بياض يديها ساعتها الماركه بالطوا ابيض وتحت لبس العمليات الأخضر لفت نظره بطاقتها الطبية المعلقة اسمها والصورة (استشارية جراحة وجراحة المناظير والقولون والمستقيم وامراض الشرج والسمنه) |
رد: رواية جنوبية برت حالي ولا أدري وين ديرتها فصول مشوقة واحداث تستولي على فضولنا فتملانا تشويقا واثارة بالمتابعة لاحداث هذه الرواية الجميلة شكرا لنقلك وجلبك المثمر يعطيك الف عافية تحياااتي :h: |
رد: رواية جنوبية برت حالي ولا أدري وين ديرتها البارت 11 تكلمت معه بصوت مبحوح : كيف حالك اخ احمد قالوا انك تبيني وتبي تطلع . احمد بتقزز منها حاول يصفي حنجرته وبنبره فيها استهزاء : انتي اللي مسويه لي العملية وهو يناظر فيها من فوق لتحت .. أشواق وهي قد ماتقدر تكون طبيعية في الرد عليه :لو سمحت الدكتورة أشواق وهي ترص على كل حرف تنطقه ايه نعم انا واعتقد ان الأستاذ عبدالمحسن فهمك السالفه كلها وماعاد له داعي نعيد ونزيد فيها وإذا عندك كلام غير ذا تفاهمك يكون مع المدير مباشرة وذحين قولي كيف حالك تحس بأي اعراض آكلت رحت الحمام خروج الغازات طبيعي . محمد انلخم منها ومن طريقة كلامها فيها غرور وقوة حتى في نظرات عيونها ماتركت له مجال يرد عليها نطق لا بأختصار وبقرف منها .. اشواق طنشته وهو تشوف نظراته لها وبمهنيه : بعد شوي راح يجيك أكل اتمنى تأكل علشان نشوف حركة ونشاط الأمعاء وبعدها اقرر اذا تقدر تخرج الليله طيب تحس بأي آلم . محمد وهو يبغى يعاندها : ايوه احس بآلم قوي مكان العملية . اشواق وهي تناظر فيه بأستغراب: مستحيل يكون آلم قوي يمكن وخز بسيط يروح مع المسكنات لان العملية ليزر.. محمد وهو ناوي يقهرها : وليش ماتكون عمليتش فيها خطأ. اشواق /وهي تحس انه استنزف طاقتها وهي مو ناقصه تعب من الساعه 8 الصباح وهي في غرفة العمليات وبعدها مرت على كل الحالات اللي سوت لهم العملية وذا جاء يكمل الناقص. العملية 100%ناجحه ويمكن الآلم طبيعي بحكم انها ثلاث عمليات بوقت واحد. محمد وهو مصدوم وبصراخ : بأي حق تسوين ثلاث عمليات لي على كيف أبوك هو . أشواق حاولت تتحمل اسلوبه الغبي المستفز : آخ محمد انت في مكان محترم ماله داعي الصراخ وقلة الآحترام ولا تجيب سيرة أبوي على لسانك انا دكتورة واعرف ايش اسوي صح كان المقرر عملية بواسير فقط.. بس اثناء العملية حصلت ان عندك ناسور عصعصي وكنت مضطره اشيلها مع بعض علشان ماتضطر تسوي مستقبلآ عملية ناسور وكان فعلا ملتهب وينزل منه صديد.؟ محمد وهو ناوي مشاكل معها قال: حتى ولو ماكان له داعي تسوينها بدون أذن مني الدنيا ماهي على كيف أبوك. أشواق تعد من واحد الى عشره وهي تحاول تمسك نفسها ماتحذفه بعلبة المويه لان الشخص اللي قدامها مستحيل يكون طبيعي نظرات الأحتقار اللي تشوفها وبهدوء : يعني انتظرك لين تصحى من البنج واستشيرك انت وقعت على العملية قبل تدخل ولازم انا اكمل العملية والجرح مفتوح و لو سمحت أبوي لاتجيب سيرته فاهم. محمد باستهزاء : ليه زعلانه هذا اذا كان عندك أب مثل الناس .؟ اشواق انصعقت من رده ماعاد قدرت تقول كلمه كل اللي سوته اخذت علبه مويه وبحركه سريعة حذفته بها على خشمه وبتهديد : والله العظيم لتدفع ثمن كلامك ذا والله ماغير اخليك تندم وارفع عليك قضية. وخرجت وهي تضرب الباب وراها بكل قوتها محمد يحس بصداع قوي وسائل حار ينزل حط يده على خشمه رفعها كلها دم . . . اشواق / داخله مكتبها وهي تحس عيونها بتطلع من قوة الصداع ماتدري كيف حذفته بعلبة المويه وكيف خرجت ووصلت مكتب المدير وقالت له كل شي قال لها من حقك ترفعين عليه قضية قذف خاصة انك في مكان عمل كنت ابي اخليه عبره لغيره خلصت تعبئة استمارة البلاغ واخذنا صورة اثباته الشخصي من الأستقبال انصدمت انه من المرابطين على الحد الجنوبي تنازلت عن البلاغ من طيب خاطر والتنازل كان رد جميل له لأنه بعد الله سبب في حمايتنا غمضت عيونها بقوة والصداع باقي مستمر هي بطبعها الهادي ولا تعصب وتتحمل بس اليوم ماتدري ايش جاها يمكن ضغط عمل وبنفس الوقت ماندمت على اللي سوته فيه وفخوره بنفسها لأنها اخذت حقها بيدهاولو ما سوت الشي ذا كان اعتبرته عقوق لأبوها اللي من فقدته وجاء طاريه بخير او دعوه انهزم كل الثبات اللي بداخلها حنين وشوق له كيف لو شخص معتوه ومريض نفسي يقذفه .. تحتاج تكلم أمها وشريكة النجاح والتوفيق اللي هي فيه وبمجرد ماسمعت هلا بروح أمها راح الصداع وتحسنت نفسيتها ..بطبعها ماتحب تشتكي ابد طبعها كتومه وصابره لما قررت تدخل مجال الطب قالت لها أمها انا ماعندي مانع بس كوني قد القرار اللي اتخذتيه ومن وقتها وهي تحل مشاكلها بعيد عن أمها واخواتها ولا يدرون عن اي شي مهنة الطب على انها مهنة إنسانية عظيمة إلا انها اكثر مهنة ينظر لها فئة من المجتمع نظرة سلبية وقفت قدام الرف الخشبي البني وهو تشوف الشهادات الحاصله عليها .! بكالوريس الطب والجراحة جامعة الملك خالد الزماله الكندية في الجراحه وجراحة المناظير والقولون والسمنه. جائزة عسير لتفوق العلمي |
رد: رواية جنوبية برت حالي ولا أدري وين ديرتها البارت 12 كل الشهادات اخذت منها الكثير اخذتها حتى من نفسها رغم كل انجازاتها ونجاحها والمستوى اللي وصلت له إلا انها تعبانه من الداخل تحس انها مثقله بالمسؤولية تجاه كل مريض من صارت دكتورة وهي ماتملك نفسها ولا وقتها صارت تقضي اكثر وقتها في المستشفى مابين عمليات ودروس تطبيق طلاب الامتياز وعيادتها الخاصه.. سفرها كل شهر لرياض موقعه عقد معهم لمدة ست شهور وفوق كل هذا شايله هم أمي واخواتي . وقفت قدام الزجاج العاكس وهي تشوف كيف تكثف الضباب عليه وصارت تمسح بيدها لين وضحت لها الرؤية تحت الضباب مغطي كل شي حتى انارة الشارع والمواقف التابعه للمستشفى .. شافت أب مبلل من المطر وحاط المظله على عياله الصغار وهو يجاري خطواتهم الصغيره لين وصلهم السيارة اثر فيها الموقف حيل وهي تدعي الله لايحرمهم من بعض فقد الآب شي يكسر الظهر ابوهم على كثر سفره الدائم إلا انه كان سقف يحميهم : جميلة/ تحس بتعب وخمول رغم انها ما تتحرك ولا تشتغل كثير ضيق بصدرها غصب تتنفس اخذت البوم صورها وهي تقارن بين شكلها زمان وذحين كانت جميلة وكل من عرف ان اسمها جميلة يقول اسم على مسمى بياض بشرتها المشرب بحمره خشمها الحاد عيونها الحور شعرها الطويل الكثيف جسمها المتناسق اللي ماتأثر مع الحمل والولاده. كانت مغرمه بنفسها واثقه ان جمالها ماراح يتغير جمالها كان سبب في حب زوجها لها وتفانيه كان يعشق ادق تفاصيلها كان مغرم بها لحد النخاع مايرفض لها طلب حتى وهي تتغلى عليه كان يزيد حبه لها. زفرت بقوة وهي ترمي البوم صورها الضيق صار ملازم لها فقدت حيويتها نشاطها روحها المرحه وقفت وهي تحاول تتوازن من الدوار اللي تحسه وقفت قدام التسريحة وهي تشوف وجها اللي تغير كثير التصبغات المنتشره السواد حول عيونها الفراغات الواضحه في شعرها بسبب التساقط. صارت هيكل ماتقدر تأكل شي وإذا اكلت غصب ترجعه. حاولت تتعايش مع حالتها وكانت اضعف من انها تتحمل ثبتت يديها على التسريحة وهي تمنع نفسها ماتكسر المرايا حست فيه وهو واقف وراها ويحضنها من ورا ماكانت ناقصه وجوده في الوقت ذا بالذات ماكان لازم هو يشهد على انكسارها وضعفها، مسكت يده تحول تبعده عنها. علي شد بقوه عليها وماكان محتاج اصلا لقوه بسبب ضعفها لفها له وهو يشوف عيونها اللي كلها حزن ودموع : جميلة قولي لي ايش اللي يرضيش ايش اللي بيرجعش لجميلة القديمة وانا حاضر لو اعطيش عمري اعتبر نفسي مقصر. جميلة تناظر في تقاسيم وجه زوجها رجع كأن عمره27 وهو أكبر منها بسنين. ناظرت فيه وهو يقربها منه لين لصقت فيه وهي تغمض عيونها وريحة عطره العود المعتق تخنقها القرب ذا بحد ذاته يوجعها حيل هزها وهو يشوفها تهرب منه وهي تغمض عيونها. علي/ اطلبي حتى لو عمري ياجميلة مايغلى عليش ريحيني وقولي لي النهاية ايش هي. جميلة ماعندها الشجاعة تكلمه وهي تناظر فيه قررت تتكلم وهي مغمضة عيونها : كيف تعطيني عمري اللي انا عطيتك ياعلي. علي بطول صبر وهدوء تميز به زفر وهو يحضنها بقوة : جميلة لا تخليني اكره نفسي وانا اشوفش كذاوالله اني برئ منش ومن كل شي صار ورفض واصريت على رفضي بس انتي لويتي ذراعي بخالي واخوانش وهم داخلين على وخالي يرمي شماغه تحت رجولي يقول طالبك تتم لجميلة مابتسوي. وتذكرين كم شهر وانا مااكلمش علشان تتراجعين عن القرار هذا. جميلة :صادق في كل اللي قلته ماجبرتني ابد انا عطيتك من طيب خاطر كنت اخاف فكرة انك تموت وعيالي يصيرون ايتام. كنت اخاف اني افقدك ياعلي ما تتخيل وانت كل ماتروح تغسل كلى وترجع وانت تعبان كنت اموت ألف مره عليك. علي /اعرف انش تبرعتي لي بكليتش من حب وخوف وجميلش في رقبتي ماانساه بس انتي شايفه حالتش كيف انت طيبه والحمدلله كل نتائج الفحوصات سليمه اللي تحسين فيه مجرد وساوس ووهم انش مريضه ساعدي نفسش علشان تقدرين تتجاوزين الحال اللي انتي فيه علشان خاطري وخاطر عيالش حضن وجها بيديه جميلة خلينا نروح عند طبيب نفسي يمكن ترتاحين. جميلة وكأنها ماس صعقها دفته عنها بقوه لدرجة انه ضرب في السرير اللي وراه استغرب من وين لها القوه ذي وهي تصيح : انا مو مجنونه ولا مريضه علشان توديني خلاص ماعاد صرت تبغاني ماعاد صرت اناسبك اعرف توديني هناك علشان تجيب تقرير طبي وتتزوج على اعرف لفت على التسريحه وتحذفه بكل شي تمسك يدها. علي انفجع منها وهي دخلت في حالة هسيتريا انصدم موقادر يسوي شي وهو يتصدد لا يجيه شي شاف عياله داخلين على صوت صراخ امهم اللي هز البيت كامل. أحمد مسك أمه بقوة وهو يرصها على صدره مفجوع من شكلها يمه سمي بالله تعوذي من الشيطان. |
رد: رواية جنوبية برت حالي ولا أدري وين ديرتها البارت 13 جميلة وهي تصارخ وتقاوم ولدها : خله يطلع من قدامي أحمد وقلبه يتقطع على أمه : اهدي بيطلع ابشري رفع عيونه لأبوه :جعلني فداك اخرج شوي. شاف ابوه يخرج وهو يمشي بحذر علشان الزجاج المنثور في الأرض. أحمد حس في أمه تهدأ شالها بين يديه كأنها طفله من خف وزنها اخرجها لين الصالة سدحها على الكنب وجلس بحضنها يمسح دموعها بيده مسك يدها النحيله بين يديه الكبيرة وبنبره كلها حنان : اخذت ضيمش يمه ايش تحسين فيه مين مضيق صدرش يالغالية شافها تناظر في الأرض دون ماترد عليه. وقف ونزل لين رجولها وصار يبوس كل رجولها وهي تحاول تبعده عن رجولها. رجع جلس بحضنها وهو يقول : يمه ريحيني ترى وضعش ماعجبني ولاتحسبين اني ساكت راضي بحالتش. جميلة وهي تشوف عيالها حولها أحمد بكرها وفرحة حياتها الابن البار اللي مستحيل يقول لها لا خادمها المطيع. وعبدالله الحنون وفارس روح البيت وأميرة وحيدتها رفعت يدها لوجه ولدها : انا بخير ياحبيبي بس انفجرت شوي على ابوك وهو مسكين ماغلط علي . أحمد وكلامها مااقنعه : يمه انتي تعبانه لازم اخذش المستشفى حالتش ذي ماعجبتني كل يوم اخس من قبل تكفين يمه ريحيني. علي وهو راجع يطمن عليها : أحمد امك طيبه مافيها شي اخر مره سافرت انا وهي ترى مارحنا مكه مثل ماقلت لك رحنا الأردن وكل شي سليم والدكتور قال لها بنفسه ان كليتها والوظائف تعمل بشكل ممتاز حتى قال تقدر تحمل وتولد طبيعي مشكلة امك الوساوس اللي ذبحتها امك عندها وسواس الموت ان كليتها الثانيه بتفشل وتموت علشان كذا حارمه نفسها من بعض الأكل علشان ماتضر كليتها والنتيجة مثل ماتشوف وهو يأشر عليها. جميلة وهي تسمع كلام زوجها اللي صح وصادق بكل كلمه قالها تخاف يجي يوم وتفشل كليتها وماعندها إلا هي وتضطر تغسل وهي شافت زوجها كيف كان يتعب من الغسيل تخاف تموت وتترك عيالها وخاصه اميرة حتى النوم ماتقدر تنام إلا شوي وتقوم. احمد يقوم لين وصل عند ابوه وبكل احترام يبوس راسه ويده : يبه خلني مع أمي شوي . ويلتفت لفارس وأميرة وعبدالله وانتوا لو سمحتوا لما اخلص راح اناديكم جلس بحضنها وبرجاء يمه كل شي عندش سليم ليش التفكير هذا يمه حاولي تتغلبين على الوساوس يمه حاولي علشاني انا اللي اروح الجنوب وقلبي هنا وعلشان أميرة اللي نفسيتها تعبانه علشانش وعلشان اخواني يمه ترى تعبش هذا مأثر علينا كلنا وساكتين خليني اروح انا وانتي طبيب نفسي يمه يشوف ايش عندش و والله محد يعرف غيري انا وانت،هذا وعد مني وخاصه ابوي ..يمه ترى اذا رحتي طبيب نفسي ماهو عيب وانك خلاص يعني مجنونه . وبرجاء يمه علشاني انا اللي يضيق صدري كل ماجيت من الحد احصلش في غرفتش منعزله يمه ارحميني تراني اتعذب وانا كل مااتصل عليش تقول أميرة نايمه ،يمه لو مره وحده خاطري اجي من الجنوب واحصلش في استقبالي يمه تكفين لا تحرميني منش احاف اموت هناك وانا ماشبعت منش جميلة وكلام ولدها يقطع قلبها ولابيدها تسوي شي وهو صادق مقصره في حق عيالها كثير وكل وقتهم مع جدتهم مسكت يد ولدها : حبيبي انت الله لا يحرمني منك انت واخوانك لا عاد تقول الكلام ذا ترى قلبي معك من تروح لين ترجع لو اروح طبيب نفسي قالوا اني مجنونه وياخذها ابوك عذر ويتزوج علي واصير علكة بحلق اللي يسوى واللي مايسوى. احمد عجز معها وهو يشوفها كذا وقف بعد ماباس راسها ويدها يمه انا الليله راجع الجنوب ومعش 10ايام تفكرين في كلامي وبتصل واسمع ردش اذا اصريتي على الرفض ترى انا اقول لش من ذحين انسي ان عندش ولد اسمه احمد وماعاد تشوفين وجهي ولا تسمعين صوتي ماعندي استعداد اشوفش تموتين قدامي واسكت . جميلة وهي مصدومة من كلام ولدها بتنجن لو راح ولدها كفايه عمه اللي خرج ولا رجع وهي تعرف ولدها حتى لو انه ساكت وهادي لكن اذا قال كلمه مايتراجع عنها وبخوف : حبيبي احمد استغفر وهي تحاول تمسك يده. احمد وهو خارج : اللي عندي قلته وانت بكيفك وخرج. جميلة وهي تبكي : يارب استودعتك. . . علي وهو جالس مع امه شوي يسولف معها وشوي يتابع الاخبار وبقلبه يدعي الله يحفظ عياله .. ماعاد له قدرة على الفقد والموت ابد من بعد موت اخوه التوأم احمد صار يخاف من الموت يخاف يفقد احد . يكفيه موت أحمد اللي كسر ظهره وفعلآ صار وحيد من بعد موت أحمد اللي موته كان موجع له انحرم منه حي وميت والسبب أبوه وتسلطه وعناد اخوه احمد ورغم ان أحمد إنسان عصبي إلا انه معه شخص ثاني حنون كان يدافع عني لما اسوي شي غلط كان يقول لأبوي انا اللي سويته علشان ابوي مايعاقبني يقول عادي ابوي يضربني انا بس انت يا علي لا مااتحمل اشوف ابوي يضربك. |
رد: رواية جنوبية برت حالي ولا أدري وين ديرتها البارت 14 ابوي كان شديد علينا ماعنده تفاهم ابد كان يضربنا على اتفه غلط كان يتفنن في ضربنا كان يتوقع الضرب يصنع منا رجال ماكان يحسب انه بكل ضربه يكسرنا الف مره بدون مايحس كنا نكره أبوي كره غير طبيعي كره بحجم العذاب اللي نتعذبه بسببه كنا نتمنى يموت اليوم اللي يسافر فيه أبوي عندنا عيد اذكر مره جاء المدرسة والمدير شكى من احمد وحنا بثاني متوسط قام وضرب احمد قدام المدير والمعلمين . ذاك اليوم مستحيل انساه باقي اذكر شكل احمد يتلوى من الضرب وهو عصبي ولاهو قادر يبكي ولما روحنا كمل الناقص . مره قومنا لصلاة الفجر وكانت الدنيا مطر وبرد شديد وقال الحقوني المسجد لما شفنا المطر والبرد صلينا في البيت ورجعنا ننام. ورجع ابوي والمسجد وعقاب لنا خلانا في الحوش تحت المطر حدود ساعتين واقفين كان احمد ياخذ يديني ويحطها بين يديه ويحركها علشان البرد. واستمر ابوي على هذا الحال واستمر أحمد في العناد ابوي كان يتحكم حتى في ملابسنا نلبس الشي اللي يعجبه هو حتى اصدقائنا كان هو اللي يختارهم وكنت انا عادي ارضى بأي شي خوف من بطش أبوي بس احمد كان يعارض ويرفض ويسوي اللي هو يبغاه والنتيجة معروفه ضرب او سجن له في مخزن المزرعة. حتى سجلنا في القطاع العسكري غصب عنا وخطب لأحمد بدون مايدري ولما عرف حلف مايتتم زواجه وهرب من ابوي قبل الملكه بيوم و ماكان قدامه إلا أنا زوجني البنت بدون اي اعتراض مني لاني اخاف منه كان صعب علي اتزوج وحده اكبر مني بثلاث سنوات واتزوج وحده كان اخوي بيتزوجها ولا اعرفها وكنت مخطط انا وأحمد مانتزوج إلا اخوات علشان نكون مع بعض ولا نفترق لكن أمر أبوي وتزوجتها مكره وجاني منها ولدي محمد نسخه من جده وعمه أحمد وحتى وانا متزوج ابوي كان يتدخل في حياتي بكل شي زوجتي ماقدرت تتحمل تدخل ابوي بكل صغيرة وكبيرة في حياتها طلبت الطلاق وابوي اول من وافق وجبرني اطلقها ونكاية فيها وفي أهلها اخذ محمد من عندها وعمره شهرين واحرمها منه .. وبنفس الأسبوع خطب لي جميلة بنت خالي وبدون شوري وتزوجتها والحمدلله حياتي معها كانت مستقرة حاولت قد مااقدر ان علاقتي في عيالي تكون مبنيه على الحب والتفاهم كنت حريص كل الحرص اني مااعيد اللي سواه ابوي معنا كنت ابغى يكون حب عيالي لي حب طبيعي مو حب خوف مني . ولا اذكر مره اني ضربت احد من عيالي بدون سبب في الفترة اللي كان احمد غايب حنا كنت احس فيه لما يتعب لما يتضايق لاني كنت انا اتعب ويضيق صدري كنت احس فيه وهو بعيد ويوم وفاته تحديدآ يوم عرفه ضاق صدري حتى نفس ماقدرت اتنفس من الصباح وانا تعبان لين الظهر اخر شي ضاق صدري مره وانا اصيح واشق ثوبي واغمي علي لمدة ساعتين اثاري احمد كان يحتضر .. كان عندي أمل ان احمد بيرجع بس مارجع وبعد موته جاني مرض وثلاث سنوات وانا في المستشفى واخر شي جاني فشل كلوي حتى الدكتور يقول اول حاله اشوفها كذا الفشل الكلوي يمر بمراحل قبل ماتتوقف الكلى عن العمل بس انت بسرعة الكلى توقفت عن العمل واستمريت وانا اعاني من الغسيل سنوات وانا اغسل كلى كل ثلاث ايام في الأسبوع تدهورت صحتي نزل من وزني 16ك بعد موت احمد مباشرة واستمريت اغسل لين تبرعت لي جميلة بكليتها والحمدلله تحسنت صحتي ..لكن باقي احس بوجع فقد أحمد اخوي كأنه اليوم مات مسح دمعته وهو يسمع أمه تناديه .! علي/لبيه سمي يمه. هيلة بخوف/بسم الله عليك اناديك ولا ترد ماغير تناظر الأرض تشكي من شي. علي تنهد : يمه لي حدود شهر وأحمد الله يرحمه يزورني في نومي ويقول لي كلام ولا افهمه اخاف يمه عليه دين ويتعذب به. هيلة ووجع موت ولدها يهزها : انت صادق حلمت في أحمد وبلهفه كيفه ياعلي وهي تبكي .! علي وهو يمسك يدين أمه ويمسح دموعها نفس عادته : يمه شكله ماتغير ماكأنه ميت حتى شعره الطويل نفسه. هيله وهي تبكي : ليه ياأحمد ماتزور امك واشوفك ياعلي اخوك من مات ولا حلمت به مره باقي زعلان علي لأني مارحت معه يوم طلبني. علي وهو يهدي أمه : يمه هو حلم ويمكن من الشيطان .! هيلة/الله وحده يعلم خذ صرافتي واسحب اللي فيها كله وتصدق به ومر على كل البرادات اللي في الشوارع وشوفها تشتغل وإلا طافية . ظيمنع ظيمنع اشواق / يمه انت عاجبش وضع خزامى كذا تحول منازل يمه وهي شاطرة الأولى كانت ع الفصل . عائشة(الأم) /عجزت عنها اختش تقول ماتقدر توفق بين الدوام والأعلانات. أشواق/ يمه كيف عجزتي منها وين كلمتش اللي محد يقدر يعارضها.!تذكرين لما كنت انا وندى وريم نبغى نغيب وترفضين حتى وقت المطر والبرد ندوام حتى وحنا تعبانين ليش خزامى مو قادره لها يمه وضعها ماعجبني مره ولو كنت ساكته سنه ونص راحت من عمرها وهي على السناب يمه وفوق ذا متعبتش معها كل يوم وانتوا بديرة علشان الأعلانات .. |
رد: رواية جنوبية برت حالي ولا أدري وين ديرتها البارت 14 ابوي كان شديد علينا ماعنده تفاهم ابد كان يضربنا على اتفه غلط كان يتفنن في ضربنا كان يتوقع الضرب يصنع منا رجال ماكان يحسب انه بكل ضربه يكسرنا الف مره بدون مايحس كنا نكره أبوي كره غير طبيعي كره بحجم العذاب اللي نتعذبه بسببه كنا نتمنى يموت اليوم اللي يسافر فيه أبوي عندنا عيد اذكر مره جاء المدرسة والمدير شكى من احمد وحنا بثاني متوسط قام وضرب احمد قدام المدير والمعلمين . ذاك اليوم مستحيل انساه باقي اذكر شكل احمد يتلوى من الضرب وهو عصبي ولاهو قادر يبكي ولما روحنا كمل الناقص . مره قومنا لصلاة الفجر وكانت الدنيا مطر وبرد شديد وقال الحقوني المسجد لما شفنا المطر والبرد صلينا في البيت ورجعنا ننام. ورجع ابوي والمسجد وعقاب لنا خلانا في الحوش تحت المطر حدود ساعتين واقفين كان احمد ياخذ يديني ويحطها بين يديه ويحركها علشان البرد. واستمر ابوي على هذا الحال واستمر أحمد في العناد ابوي كان يتحكم حتى في ملابسنا نلبس الشي اللي يعجبه هو حتى اصدقائنا كان هو اللي يختارهم وكنت انا عادي ارضى بأي شي خوف من بطش أبوي بس احمد كان يعارض ويرفض ويسوي اللي هو يبغاه والنتيجة معروفه ضرب او سجن له في مخزن المزرعة. حتى سجلنا في القطاع العسكري غصب عنا وخطب لأحمد بدون مايدري ولما عرف حلف مايتتم زواجه وهرب من ابوي قبل الملكه بيوم و ماكان قدامه إلا أنا زوجني البنت بدون اي اعتراض مني لاني اخاف منه كان صعب علي اتزوج وحده اكبر مني بثلاث سنوات واتزوج وحده كان اخوي بيتزوجها ولا اعرفها وكنت مخطط انا وأحمد مانتزوج إلا اخوات علشان نكون مع بعض ولا نفترق لكن أمر أبوي وتزوجتها مكره وجاني منها ولدي محمد نسخه من جده وعمه أحمد وحتى وانا متزوج ابوي كان يتدخل في حياتي بكل شي زوجتي ماقدرت تتحمل تدخل ابوي بكل صغيرة وكبيرة في حياتها طلبت الطلاق وابوي اول من وافق وجبرني اطلقها ونكاية فيها وفي أهلها اخذ محمد من عندها وعمره شهرين واحرمها منه .. وبنفس الأسبوع خطب لي جميلة بنت خالي وبدون شوري وتزوجتها والحمدلله حياتي معها كانت مستقرة حاولت قد مااقدر ان علاقتي في عيالي تكون مبنيه على الحب والتفاهم كنت حريص كل الحرص اني مااعيد اللي سواه ابوي معنا كنت ابغى يكون حب عيالي لي حب طبيعي مو حب خوف مني . ولا اذكر مره اني ضربت احد من عيالي بدون سبب في الفترة اللي كان احمد غايب حنا كنت احس فيه لما يتعب لما يتضايق لاني كنت انا اتعب ويضيق صدري كنت احس فيه وهو بعيد ويوم وفاته تحديدآ يوم عرفه ضاق صدري حتى نفس ماقدرت اتنفس من الصباح وانا تعبان لين الظهر اخر شي ضاق صدري مره وانا اصيح واشق ثوبي واغمي علي لمدة ساعتين اثاري احمد كان يحتضر .. كان عندي أمل ان احمد بيرجع بس مارجع وبعد موته جاني مرض وثلاث سنوات وانا في المستشفى واخر شي جاني فشل كلوي حتى الدكتور يقول اول حاله اشوفها كذا الفشل الكلوي يمر بمراحل قبل ماتتوقف الكلى عن العمل بس انت بسرعة الكلى توقفت عن العمل واستمريت وانا اعاني من الغسيل سنوات وانا اغسل كلى كل ثلاث ايام في الأسبوع تدهورت صحتي نزل من وزني 16ك بعد موت احمد مباشرة واستمريت اغسل لين تبرعت لي جميلة بكليتها والحمدلله تحسنت صحتي ..لكن باقي احس بوجع فقد أحمد اخوي كأنه اليوم مات مسح دمعته وهو يسمع أمه تناديه .! علي/لبيه سمي يمه. هيلة بخوف/بسم الله عليك اناديك ولا ترد ماغير تناظر الأرض تشكي من شي. علي تنهد : يمه لي حدود شهر وأحمد الله يرحمه يزورني في نومي ويقول لي كلام ولا افهمه اخاف يمه عليه دين ويتعذب به. هيلة ووجع موت ولدها يهزها : انت صادق حلمت في أحمد وبلهفه كيفه ياعلي وهي تبكي .! علي وهو يمسك يدين أمه ويمسح دموعها نفس عادته : يمه شكله ماتغير ماكأنه ميت حتى شعره الطويل نفسه. هيله وهي تبكي : ليه ياأحمد ماتزور امك واشوفك ياعلي اخوك من مات ولا حلمت به مره باقي زعلان علي لأني مارحت معه يوم طلبني. علي وهو يهدي أمه : يمه هو حلم ويمكن من الشيطان .! هيلة/الله وحده يعلم خذ صرافتي واسحب اللي فيها كله وتصدق به ومر على كل البرادات اللي في الشوارع وشوفها تشتغل وإلا طافية . ٠ ٠ اشواق / يمه انت عاجبش وضع خزامى كذا تحول منازل يمه وهي شاطرة الأولى كانت ع الفصل . عائشة(الأم) /عجزت عنها اختش تقول ماتقدر توفق بين الدوام والأعلانات. أشواق/ يمه كيف عجزتي منها وين كلمتش اللي محد يقدر يعارضها.!تذكرين لما كنت انا وندى وريم نبغى نغيب وترفضين حتى وقت المطر والبرد ندوام حتى وحنا تعبانين ليش خزامى مو قادره لها يمه وضعها ماعجبني مره ولو كنت ساكته سنه ونص راحت من عمرها وهي على السناب يمه وفوق ذا متعبتش معها كل يوم وانتوا بديرة علشان الأعلانات .. |
رد: رواية جنوبية برت حالي ولا أدري وين ديرتها البارت 15 عايشة /خزامى جت على كبر سن وجت على عجزي وتلوي ذراعي اذا قالت لو كان ابوي حي كان ماخلا في خاطري شي اضعف لا شفتها تبكي وجيلها غير عن جيلكم! ندى/ ماشاء الله حنا من العصر الحجري يعني هذا انا بكيت عندش شهر علشان ماادخل طب وعادي خليتني ابكي لين سكت من نفسي وهي تضحك وسويت اضراب عن الأكل ومحد جبر بخاطري وقال لازم تاكلين حتى لما قالت لش ريم اني مسوية اضراب عن الأكل قلتي خلوها اذا جاها الجوع بتاكل ولا طيبتي خاطري بكلمه ولا خفتي علي يجيني اكتئاب ودرست وتخرجت بتقدير ممتاز لكن الله يزين حظي مثل حظ خزامى أشواق /والله لو انش طاوعيتنا وخليتها تنثبر بلا اعلان بلا شهره وتنتبه لدراستها وحنا ماراح نقصر معها مستعده انزل بحسابها كل شهر ست آلاف ريال بدال اعلاناتها ذي اللي مابلعتها ابد ولا راضيه عنها الأم عايشة/ خلوها على راحتها وبعدين رزقها يابنتي ميسر في هذا الجوال يدخل حسابها مبلغ ماهو بسيط وهي مرتاحه لا نقطع رزقها. رفعت عيونها لندى وعلشان تضيع سالفة خزامى وانتي متى ناويه تقدمين على اختبار الهيئة الصحية اشوفش ناسية مرت سبع شهور وانت جالسة في البيت. ريم وهي تضحك : كان سكتي احسن . ندى وهي تقوم وتخلع بلوفرها اللي لابسته و تروح وترميه عند رجول امها وتمسك يدها : انا داخله على الله ثم علاش امنعيني ذا السنه خليني ارتاح والله ياضيم طريق جازان أني احسه في ظلوعي لحد ذحين خمس سنوات وانا سردادي مردادي طريق أبها جازان وبأستعطاف وهي تناظر وجه أمها اللي ماتلاحظ عليه أي ردت فعل من كلامها يمه انتي مستوعبه خمس سنوات قضيتها من عمري في الطريق لدرجة ان نقطة التفتيش ماعاد صارت توقفنا خمس سنوات يمه وانا في جهاد شوفي وجهي كيف مرقع من شمس جازان وهي تأشر على وجها هنا ابيض هنا اسمر هنا اسود . قامت من عند أمها وهي تشوفها تحاول توقف بصعوبة وهي مطنشتها وموجه كلامها لأشواق سجلي اختش في الأختبار ماابغى يجي الترم الثاني إلا هي مداومة وخرجت على نظرات ندى المصدومة وهي تشوف أمها تمشي مطنشتها وتخرج. ناظرت في خواتها وهم يضحكون وبصوت عالي علشان يوصل لأمها اللي خرجت طيب وأنا يمه ايش وضعي على الأقل قدري الدراما اللي سويتها قبل شوي قدري البلوفر اللي خلعته ورميته عند رجولش جعلني فداها قدري اني فصخت الحيا وتعريت قدامكم طاحت على رجولها وهي تسمع ضحك اخواتها قالت ايش الحل . ريم/ ماعاد معش إلا خير خذيها قاعدة أمي اذا ناقشتيها وهي ساكته ولاردت يعني ان كلامش ماراح يغير من قرارها شي، ندى وهي تروح ترمي نفسها بحضن أشواق اللي خافت منها : بسم الله خير ندى بأستعطاف : واللي يخلي لش أمي لا تسجليني تكفين وإذا سألتش قولي لها مافي إمكانية في المقاعد أشواق وهي تدفها عنها : لا والله تبغين اكذب على أمي مستحيل ولاعمري كذبت عليها .! ريم/ واصلآ أمي ماشاء الله عليها حدسها مايخيب ابد وتكشف الواحد لما يكذب،. اشواق/ طيب انتي ليش ماتبغين الوظيفة غيرش يتمناها. ندى/ لاني مليت ابغى ارتاح سنه ع الآقل وكلكم عارفين اني دخلت طب علشان أمي وبس.! وكش عليكم يااخواتي ماعندكم إنسانية ولا وحده فزعت معي . ريم : لو كلمتي مسموعة كان انا ذحين في إجازة بس خلاص اقتنعت وتبلد احساسي لدرجة صرت اتمنى ادوام حتى في الويكند علشان تمشي الأيام بسرعة واخلص لعل وعسى انقل السنة ذي.! اشواق وندى بتعاطف مع ريم وحالتها: إن شاء الله يجيش نقل هنا أبها من حيث لا تحتسبين وربي يعوض صبرش خير . . اشواق اليوم الجمعة من أجمل الأيام والويكند الوحيد. حتى يوم السبت عندي دوام في عيادتي الخاصه وباقي أيام الأسبوع مابين دوام في المستشفى الحكومي وتدريب طلاب الأمتياز اخرج من البيت الساعه 8 الصباح وارجع 10في الليل .. الجمعة اليوم الوحيد اللي اجلس مع أمي واخواتي وسعادة الكون كلها تحتويني وأنا اشوف أمي حولنا واسمع سوالفها وضحكتها وادعي ربي مايغيب حسها عنا يوم .. الليله شابين النار في الحوش الدنيا ضباب وبرد وحنا جالسين حولها اقتراح اختي ندى جهزت الشاي والقهوة والكرك على الفحم ..وخزامى ترتب السفرة مو حبآ فينا علشان بس تصور عندها هوس تصوير وياويلنا اذا آكلنا قبل ماتصور .. ريم في المطبخ تحط لمساتها الأخيرة على العشاء الراحة اللي تحتويني الأن اعجز اوصفها ناظرت أمي اللي سادحة على كرسي حديد ماتقدر تجلس وقت طويل وانا اتعوذ بالله من يوم بدونها..أمي أعظم أم ..أمي المرأة المكافحة العظيمة صنعت أشياء يعجز الرجال عن صنعها..مات أبوي وترك في ذمتها اربع بنات وبلا مصدر دخل ثبات ورغم ثقلنا على عاتقها إلا انها صنعت منا اشياء عظيمة زرعت فينا قوة الشخصية الأعتماد على النفس .الثقة .القوة في اتخاذ القرار وتحمل نتيجة اتخاذ القرار.. |
رد: رواية جنوبية برت حالي ولا أدري وين ديرتها البارت 16 من عرفت أمي وهي قوية ماعمري حسيتها ضعيفة حتى في اصعب المواقف ماعمرها وضحت لنا انها ضعيفة او محتاجها كانت تلبي كل طلباتنا أم حازمة شديدة وصارمة في قراراتها عندها بعد نظر في اتخاذ اي قرار وكل قراراتها صائبة ورغم انها أمية لا تقرأ ولا تكتب لكنها كانت حريصة كل الحرص على مستوى التعليم لنا انا واخواتي من الأوائل على المدرسة أمي تقدس التعليم والعمل والوظيفة تقول شهادتش سلاح لش طول العمر وفيها حنان الكون كله لما نتعرض لشي. شفت ريم خارجها من باب الصالة معها العشاء طبعآ هي طباخة من الدرجة الأولى عليها نفس في الطبخ ماشاء الله وكلنا نطبخ حتى الطبخات الشعبية بأمر من أمي وماعندنا شغالة ابد رافضة فكرة الشغالة تقول عندي اربع بنات واجيب شغالة ليش وطبعآ قرارها لانقاش فيه ولاتراجع عنه. ريم وهي تحط حافظات الأكل عند خزامى : خذي ورتبي ذا السفرة بسرعه خلينا نتعشاء . خزامى منهمكه ترتب ولاردت تحاول شغل الشموع وتطفى من الهواء وما استسلمت . ريم /خزامى الأعلان اللي مسويته لمستوصف الأسنان امس مخيس صراحه! خزامى رفعت راسها وهي تناظر فيها : وليه مخيس.! ريم/الكرستال اللي مركبينها لي صحيت اليوم م ماحصلتها مكانها.. خزامى/مشكلتش والله يمكن اكلتيها، شوفي انا باقي مكانها وهي تفتح فمها وتأشر عليها. ندى/حتى انا باقي مكانها .. أشواق/حركات متى رحتوا.! ريم/امس جيت من الدوام وخزامى ناشبه لأمي تبغى تروح الأعلان وأمي تعبانه ومستحيل تخليها تروح هي وندى لوحدهم مع السواق وعلشان اريح أمي رحت أنا معهم وسوينا تنظيف اسنان وتركيب كرستال وبعدها اعلان ثاني لمطعم مارجعت إلا هلكانه مدري كيف أمي متحمله .. أشواق /حلو ماشاء الله استفدي من خزامى واعلاناتها انتي وندى. خزامى تناظر في أشواق : هيا انتي اصه اكثر وحده استفدي من اعلاناتي اكثر مني حتى قولي لي بأمانة متى اخر مره رحتي السوق الساعات الماركة والعطور والشنط والفنادق اللي في الرياض تتبطحين فيها ببلاش وحجوز الطيران .. أشواق وهي تضحك : حتى ولو مو مثل كل يوم غداء او عشاء في مطعم، خزامى: مااشره عليك حريم ناكرات المعروف. اخواتها يضحكون وانت ايش مثلآ! خزامى /انا غير وهي توجه كلامها لأمها صح يمه انا غير .! عائشة (الأم) وهي مستمتعه بسوالفهم :انا اشهد انش غير عن كل مخلووق، خزامي وهي تناظر في اخوانها : اتوقع جتكم الشهادة من اصدق إنسانه وهي تقوم وتحضن أمها فديتش ياأجمل أم وهي تبوس راسها وتمسك جوالها وتفتح تطبيق السناب وتمسك يد أمها يمه صح أنا احسن وحده في بناتش .! امها وهي تضحك : كلكم مثل بعض غالين .! خزامى : لا يمه مااسرع مغيره كلامش! وهي تسمع اخواتها يضحكون .. ندى :اقوى مسخره احذفي السنابه احسن بس! خزامى :والله ماغير ارسلها مالش صلاح.! ارسلتها وهي ترجع تمسك يد أمها يمه فديتش لا تفشليني عند 6000متابع تكفين يالغالية.! فتحت السناب وهي تسأل نفس السؤال،؟ أمها وعلشان تفتك منها قالت انتِ احسن واجمل وحده في بناتي يله اذلفي قبل تلعب العصا ذي على ظهرش، ضحكت وهي تكتب عصبت نبع الحنان وارسلتها.! : علي يحب يقضي اغلب وقته مع أمه هي في المطبخ اللي مفتوح على الصالة وهو يتابع اخبار وبقلبه يدعي الله يحفظ عياله ويستودعهم الله . كان رافض فكرة دخولهم المجال العسكري بس ابوي كعادته المسيطر وقراره وكلمته هي اللي تصير كل واحد من عياله متخرج من الثانوي بتقدير ممتاز وكان لكل واحد أمنيه وحلم بس قرار جدهم صادر كل احلامهم وأمنياتهم وعياله مستحيل يرفضون لجدهم كلمه او يعارضون اي قرار منه وابوي يحبهم حب كبير لدرجة اشك انه يحبهم اكثر مني ويحمد الله وهو فخور فيهم كل واحد رتبة عالية الحمدلله؟ وعبدالله الوحيد اللي دخل المجال اللي يبغى وجده لما عرف انها وظيفة ممتازه وافق وسانده . انتبه لصوت أمه وهو يلتفت لها وباين الخوف عليها وفارس يحاول يحضنها وهي تدفه وبعصبيه : الله ياخذ عدوك ياذا الخبل خرعتني انت ماترتاح لين تهب لي جلطه. فارس وهو يضحك : بسم الله عليش بسم الله عليش من الجلطه كنت بحضنش بس وانتي خفتي مااخبر بنات الشيوخ يخافون وهو ياخذ الأكل من يدها والسفره والله مايحضر العشاء غيري انت ارتاحي. اعطته وهي ترجف من الخوف كانت لاهيه في شغلها والخبل ذا جاء وحضنها بقوه من ورا. خرجت وهي تجلس جنب ولدها اللي من شافها قال : هذا كله من دلعش له كم مره قلت لش لا تعطينه وجه وهو يشوف فارس خارج من المطبخ عليهم بالآكل انت ماتفهم ذا مزح تمزحه مع جدتك ماتفرق بينها وبين اخوانك واصحابك وهو يحذفه بالمفتاح على صدره . |
رد: رواية جنوبية برت حالي ولا أدري وين ديرتها البارت 17 هيلة بعصبيه : الله لا يسامحك ايش بك عليه ايش دخلك بيني وبينه محد مونسني غيره هو تقوم لفارس عورك المفتاح اشوف وهي تحط يدها على صدره بروح جدتك. فارس بضحكه : افا عليش اتعور انا فارس اسم على مسمى ذيب لا يهمش مو انا اللي اتعور من مفتاح وهو يناظر ابوه سمعت تقول محد يتدخل بيننا وهو يضحك و يرتب الآكل على السفره يله حياكم على قل الكلافه.. دخلت أميرة وهم يتعشون أبوها بحب هلا بأميرة أبوها تعالي تعشي معنا . أميرة وهي تدنق تسلم على راس ابوها وجدتها بالعافية : دوبي طلبت من المطعم شوي وبيجي .! هيله بحب لها : قومي يمه تعشي معنا احسن لش من اكلهم . فارس :خليها ياجده ماتحبه هي ماتحب إلا أكل الكفار تخيلي ياجده يطبخون لحم كلاب ولحم حمير . أميرة بتقزز : فارس اسكت يع مقرف. علي وهو يعرف ان الحرب بتقوم بين فارس وأميرة : بس انت وهي وجه كلامه لأميرة امش وينها. أميرة /نايمة علي زفر وهو يكمل اكل وساكت . هيله/ لا حول ولاقوة ياولد شف حرمتك ايش بها الحرمه ماهي بخير كل يوم وهي اخس من اللي قبله. علي/كفاية يمه ماخليت بها مكان وكل شي سليم يمه بنت اخوش طيبه مافيها إلا العافية بس وساوس ذبحتها . هيلة وهي حاسه بولدها انه تعبان مع زوجته : حاول فديتك أم عيالك وبنت خالك وتستاهل أم أحمد اصبر . علي/يمه جميلة ماهي راضيه تساعد نفسها علشان اساعدها رافضه تتقبل مني حتى الكلام حابسه نفسها في الغرفة حتى عندش ماتنزل ولدها يروح الجنوب ولا تكلمه ولا تطمن عليه والله اني طفشت منها. هيلة/حاول معها شوفها اذا تبغى الجنوب عند اهلها وأنا عفى الله عنها لاتجيني انا اروح لها. . . ريم/ وهي في السيارة متوجهة إلى المدرسة هدوء يجيب الاكتئاب كل وحده فينا مشغولة بنفسها وتفكر في حالها ادوام ثلاثة الفجر وارجع البيت 3العصر تبعد المدرسة عن البيت حول 130ك نطلع من أبها وبعدين نوصل عقبة تخلع القلب من شكلها كأنها ثعبان ملتوية وسيد واحد بس ولا حواجز ولا إنارة ومعظم الوقت عليها أمطار والضباب حدث ولاحرج ما تشوف شي خاصة وحنا وقت الفجر . انهيارت العقبة ذي على الطول بسبب الأمطار يعني اتوقع وانا في الطريق تطيح علينا صخرة جحم السيارة مرتين ويوجد عقبة افضل منها بس لو نروح منها تكون المسافة اطول سندت راسي على شباك النقل ماادري ايش افكر فيه صرت اعجز حتى عن التفكير بس لما اشوف حال صديقتي احلام اللي من الرياض وكيف هي مغتربة وساكنة لوحدها في شقة مع مجموعة معلمات مغتربات وعيالها اللي يدرسون في الرياض عند أمها ولا تشوفهم إلا كل شهر يومين وترجع . لما اشوف وضع غيري اقول الحمدلله على الأقل انا مع أهلي بنفس المكان اللي يشوف مصيبة غيرة تهون عليه مصيبته . أمي جعلني قبلها رافضة فكرة إني اخذ إجازة تقول بتأثر على النقل عندها تقديس للوظيفة تقول تحملي واصبري مافي شي يجي بدون تعب انا أشوف أمي اعظم إنسانة علمتنا كل شي علمتنا كيف نكون اقوياء بها او بدونها علمتنا كيف نعتمد على انفسنا بكل شي اذا سألتها ليه يمه تعلمينا كذا مانحتاجة وانتي معنا تقول ماراح ادوم لكم ابغاكم من بعدي اقوياء كلمتها ذي تهزني غصب عني وبكل لحظة يارب لا نعيش يوم بدون أمي .تحبنا حب اعجز او صفة تحبنا اكثر من نفسها كل نجاح لنا او انجاز الدنيا ماتوسعها من الفرحة حتى رواتبنا مستحيل تاخذ منها ريال واحد او تخلينا ندفع منها شي للبيت تقول انا ربي منعم علي مااحتاج فلوسكم . حسيت في السواق وهو يوقف عند محطة قديمة وهي اخر محطة وبعدها ننقطع عن الأسفلت وشبكة الأتصال بها مسجد متهالك بس مالنا غيره ومضطرين ننزل فيه ونصلي .!كم مره فجعتنا بسه(قطة)كانت نايمه ازعجها دخولنا قامت تحوس حولنا مضيعة الباب وحنا ماغير نهابد في بعض من الخوف .! بعذرنا نخاف ندخل نصلي بعض الأحيان تكون منقطعة منه الكهرباء والموية ونضطر نشغل كشاف الجوال ونصلي ونخرج اذكر مره خرجنا من المسجد هجم علينا ثلاث كلاب كبيرة شكلها تخوف كنت أنا اول وحدة ركبت السيارة من الخوف ونورة معي واحلام ومنى من الخوف وقفوا هاجمتهم الكلاب وشردوا والكلاب وراهم لين مسكت فيهم يالله منظر الكلب وهو يسحب عباية احلام وهي متكورة على الأرض مستحيل انسااه،؟! ومنى رجعت المسجد وقفلت الباب عليها كلنا نصارخ وخايفين ولا وحده قادرة تنزل تنقذهم والمحطة مافيها احد والسواق اكيد اخذ له غفوه كالعاده في المسجد وماكان عندي انا و نورة إلا ننزل نساعدها بس كيف مدري شفت مع نورة ثلاجة قهوة كبيرة اخذتها ونزلت وأنا اشوف احلام تحاول تسحب عبايتها وتصارخ حاولت اتشجع مشيت لين قربت من الكلب .! وبلمح البصر فتحت الثلاجة وانا اكب القهوة على الكلب وارمي الثلاجة وفي اقل من ثانيه وانا في السيارة |
رد: رواية جنوبية برت حالي ولا أدري وين ديرتها البارت 18 كيف وصلت مدري والمشكلة اني قفلت الباب على نورة اللي نزلت تعزز لي واشوف من الشباك ان الكلب فك عباية احلام وراح وهو ينبح بصوت يخوف دليل على انه يتوجع حطيت يدي على قلبي وانا اسمي بالله والمشكلة انه كلب اسود وقهوة حاره عندي اعتقاد من وانا صغيرة أنا واخواتي ان كل حيوان لونه اسود جني .! وخرج السواق اخيرآ بعد ماشبع نوم اكيد وسمع الصراخ البنات واصوات الكلاب لانه لو كان صاحي من قبل كان سمع الأصوات اللي من قوتها احس ان صدى اصواتنا يتردد بكل مكان والمكان فاضي . وبكل برود ياخذ له كم حجر ويحذفه على الكلب واحلام تحاول تقوم وتنفض عبايتها اللي كلها تراب وبكل برود العالم اللي فيه ركب السيارة ولا كلف نفسه حتى يسأل احلام جاها شي وين باقي البنات تحتاجون مستشفى او شي . نزلت انا اساعد احلام لين ركبت وهي في حالة انهيار تبكي سميت عليها واحاول فيها تسكت واسألها تعورتي قالت لا بس مسك العباية سألتها تبين نرجع اذا تعبانه أشرت لي براسها لا ونورة راحت تشوف منى وجابتها معها من المسجد السواق ذا غبي لا يعرف عادات ولا سلوم لكن مجبر اخاك لا بطل ماعندنا غيره .! أنا مانزلت اصلي اليوم معهم ماكان عندي صلاة طلعت جوالي وانا اتصل على أمي واطمنها قبل ماتنقطع الشبكة .! حركنا من المحطة لين وصلنا بداية الوادي وانقطع الأسفلت ومسكنا طريق ترابي وعر.! فتحت شباك السيارة وانا اشوف الوادي الكبير اكبر وادي في المنطقة . واسمه( ملتقى الاودية)بمعنى ان كل الأودية في المنطقة تصب فيه علشان كذا الموية تجري فيه طوال السنة بس نسبتها معقولة نقدر نجتاز الوادي لكن وقت المطر مستحيل تقدر السيارة تمشي فيه منسوب الموية يرتفع بشكل كبير منسوب السيل يرتفع كأنه فيضان ويعزل القرية عن المنطقة مايقارب 4-6أيام لأنه اكثر من سيل يجري في الوادي . والمشكلة مو هنا المشكلة لما يجي سيل منقول، ومعنى سيل منقول(مطر جاء في المناطق المجاورة لازم تنزل السيول من الوادي ذا بأعتبار انه ملتقى الاودية لانه منخفض) وعدد الأودية اللي تصب فيه خمس اودية كبيرة . شد انتباهي لوحة كتب عليها(عزيزي السائق لا تخاطر بالعبور اثناء جريان الوادي) ضحكت احس مالها داعي ماعندنا إلا الطريق ذا احيانآ افرح لما يجي سيل منقول قبل ندوام علشان نرجع نوقع في مكتب الأشراف. ناظرت الوادي الكبير الواسع وحوله اشجار ضخمه كثيرة ومتنوعة اشهرها اشجار السدر والعرعر واللبخ) واشجار عطرية متنوعة كثيرة تنمو طوال العام مثل العكبر، .والشيح.والشذاب.والوزاب. وحشائش خضراء تكسو معظم الوادي وتحتل جزء كبير من الوادي وتحوم حوله بعض الطيور بأشكال مختلفة وحيوانات منتشرة بشكل كبير مثل البقر والجمال والغنم بأنواعها كان شكل الوادي عبارة عن لوحة فنية سبحان الله الخالق. ورغم الجمال هذا ولا عمري استمتعت فيه ابد. ماكنت اصدق اننا نجتاز الوادي بسلام اكثر من مره توقف السيارة بوسط الوادي رغم انها من النوع الدفع الرباعي إلا ان اختلاق الطين بماء الوادي يعيق حركة السيارة وتغرز السيارة ويجينا خوف وهلع من السيول المنقولة ونخاف من المجهولين المنتشرين بكثرة في المنطقة النائية البعيدة عن نقاط التفتيش . رفعت يدي وانا اشوف الساعة وكانت 6و15دقيقة ساعة ونص تقريبآ وحنا نقطع الوادي نتأخر كثير بسبب الأحجار لازم نمشي بشويش علشان ماتحك في السيارة وتخرب. وصلنا مدرستنا المتهالكه اكل عليها الزمن وشرب المضحك ان المدرسة ذي كانت بيت لشيخ القرية ويمكن هو ورثها عن اجداده كابر عن كابر.! وانتقل هو لبيت جديد وبما انه شيخ القرية وهو من طالب وسعى في إيجاد مدارس هنا كان عليه ان يوفر مدرسة وماكان عنده إلا بيته القديم قام بإجراء بعض التعديلات التي لم تفلح في تغير وضع المنزل المتهالك دخلت المدرسة اللي عبارة من 6غرف. اربع غرف منها فصول دراسية غير صالحه للأستخدام الأدمي !؟وكان لازم نمر غرفة المديرة زاهيه علشان نوقع وشايلة هم اني بتصبح في وجها وهي مادة البوز شبرين . دخلنا وحنا نقول بصوت واحد السلام عليكم صباح الخير ولا اهتميت ترد او لا . اهم شي اوقع واخرج قبل تبق بيني وبينها مااتحملها مره تستغفلنا تحسبنا مانعرف القرارت سمعت صوتها وهي تقول كالعاده متأخرين كلكم تحت الخط الأحمر ماراح اتساهل معكم. ناظرت فيها من فوق لين وانا اتعجب كيف ذي صارت مديرة لا اسلوب و لا اخلاق لكنه حظ هي من بنات القرية بس كانت كل حياتهم في الرياض وجاء تعيينها في قريتها وتسكن هنا بعض الأحيان نداوم قبلها ومانوقع لين تجي حتى لو تأخرت لان ببساطة دفتر التوقيع معها تاخذ كل السجلات معها علشان موية المطر اللي تنزل من سقف المدرسة . |
رد: رواية جنوبية برت حالي ولا أدري وين ديرتها البارت 19 قمة الظلم وذا سبب الحرب اللي بيني وبينها وطبعآ ماعندها مساعدات ومقسمه كل الشغل بيننا مكتب الأشراف اول سنة تعينت هنا ماشفنا احد شرفنا وجاء سنة كاملة السنه الثانية جتنا وحده ماغير تنافخ وهابد بعمرها والمديرة ماقصرت ماغير تحرش علينا. مع بداية السنة جتنا موجهه وحده وحضرت لي حصة اول متوسط وعجبها الدرس وتطبيق استراتيجيات مادة الرياضيات رغم ان تخصصي اقتصاد واستخدام وسائل تعليمية رغم ان بيئة المدرسة ماتساعد . وصارت تمدح فيني والمديرة ماغير تشمق ولا علقت ابد ولا عجبها.! وقدام المديرة طلبتني اقدم على مكتب التوجيه قالت نحتاج مشرفات معنا المديرة كأنه ماس مسكها قالت مااقدر اعطيها اخلاء طرف عندي عجز معلمات.! طبعآ انا رافضة فكرة التوجيه مره لأنها متعبة كل يوم في قرية ولا إجازات مع الناس ولا شي.! طنشتها وخرجت من غرفتها وانا اسمع المعلمات يناقشونها علشان التأخير . نزلت اغراضي في غرفتنا الصغيرة اللي يادوب تكفي اغراضنا وبدون مكاتب ماغير كراسي بلاستك وطاولة واحده بلاستك. شرينا قبل مكاتب فخمه وفرشنا الغرفة ودهنا الجدران بعد تنظيفها من دودة الأرض اللي مسوية احتلال لكل جزء من المدرسة كأنها تقول هذا مكاني انتوا ايش جابكم عندي، والمشكلة كانت في سقف المدرسة المتهالك. اذا جاء مطر غرق كل شي راحت المكاتب وانعدم الفرش وانعدم الفرش غير الحشرات والزواحف اللي ماعمري شفت مثلها حتى في قناة ناشيونال غرافيك وماعندنا حوش ابد صدق او لا تصدق ماغير سور صغير مايكفي علشان كذا مافي طابور اخذت اغراضي وانا اروح اشوف حصصي.! وكل يوم على نفس الروتين البائس .! : خزامى المشهورة اليوم كان متعب لها بشكل غير طبيعي من العصر وهي تسوي اعلانات وكالعادة أمي فديتها معي مستحيل اطلع أنا وندى مع السواق لوحدنا وندى بحكم انها عاطلة صارت المرافق معي بمعظم الأعلانات لأنها أقرب وحده من اخواتي لي واحبها واليومين ذي صارت نذلة لازم كل اعلان يكون لها نسبة منه وإلا ماتروح معي وانا ماستغني عنها مره . ويارب لك الحمد كل يوم تزيد عدد الأعلانات عندي بدايتي كانت قبل سنه ونص تقريبآ أمي أنا دلوعتها واخر العنقود اللي مستحيل ترفض لي طلب كنت مغرمة بالتصوير والتصاميم كنت اصور بالجوال كل شي كان تصوير احترافي رغم انه بكاميرا الجوال اول صورة كانت لسد أبها وكانت قبل الغروب ونزلتها انستقرام جاتني لايكات كثيرة وتعليقات وزاد عدد المتابعين عندي كثير وفرحت فرحه ماتوصف استمريت اصور كل شي وساعدتني اجواء أبها الفاتنة والمطر والضباب المستمر خاصة مكان بيتنا المرتفع في السودة ماكنت احتاج اضيف لها فلاتر .. امي معروف عنها انها طبيبة شعبية معروفة ومشهورة من زمان يقصدها كل الناس لطلب العلاج لكن قبل سنتين جاها أمر بالتوقف عن علاج الناس وإلا مصيرها راح يكون السجن . كنت اصور يوميات كاملة مع أمي اصورها وهي تطحن اوراق السدر بعد تجفيفها .. كنت اصورها وهي عند منحل العسل تقوم بأستخراج العسل من الشمع ووضعه في علب من اجل بيعة كنت اصورها وهي مع غنمها كل صباح ايام الويكند كنت اصورها وهي تعجن وهي تخبز بمهارة في الميفا (التنور) كنت اصورها وهي تسوي زبدة من لبن الغنم.كنت اصور يوميااتنا كااملة وسوالفنا وخرجاتنا مع بعض كنت يوم الثلاثاء اغيب عن المدرسة علشان اروح مع أمي سوق الثلاثاء المشهور تبيع فيه السمن والعسل وبعض الأعشاب العطرية وانا اوثق كل تفاصيل يوم الثلاثاء من وقت مانخرج الى وقت رجوعنا البيت وانزلها وكان عدد المتابعة كل يوم يزيد عندي واللايكات . وفي فترة بسيطه كان عندي في الانستقرام200 الف متابع،؟! اخواتي كانوا رافضين الفكرة نهائيآ حتى مستحيل اقدر اسجل سوالفي معهم وانزلها . بس أمي وقفت معي وقالت محد له شغل فيها .ومره كنت اصور أمي وهي تحمس القشر وتطحنه وتطبخه وتضيف عليه الزنجبيل والقرفة والسنوت أمي ماتحب تشرب إلا قهوة القشر ونزلت المقطع والكل سألني عن الطريقة وكنت اسجل أمي وهي تجاوب عن الأسئلة فكرت وقلت ليش مااخلي أمي تسوي القشر كامنتج خاص لها واسوي له اعلان لأن شفت كثرة الأسئلة عنه في البداية سوينا كمية قليلة يمكن حدود 50 علبة صغير حتى بدون علامة تجارية ولا شي نزلت الأعلان عنه (قهوتنا غير) وحصل شي ماتوقعته جاء عليه طلب كبير ومن وقتها صارت أمي تشتري كميات كبيرة من قشر القهوة الخولاني افضل نوع من اليمن يوفره لها واحد تعرفه في سوق الثلاثاء وتحمسه بطريقتها الخاصه على نار هادئة وبعد مايبرد تطحنه وتضيف له القرفة والسنوت والزنجبيل الجاف وضرب في السوق بشكل كبير وجانا منه دخل مادي كبير وكنت ابيع لأمي العسل ولقاح النحل والسمن عن طريق حسابي في الأنستقرام . |
رد: رواية جنوبية برت حالي ولا أدري وين ديرتها البارت 20 وبعدها نزلت السناب ومن وقتها بدية اعلانات كبيرة مطاعم ومشاغل اعلانات اسر منتجة وزاد عدد المتابعين في السناب الى 380 الف متابع وزاد عدد الأعلانات وصرت اغطي اعلانات في معظم الجنوب ، واروح الرياض بالوقت اللي يكون عند اشواق دوام هناك كل شهر ثلاث ايام وكنت أحاول اخذ اكبر عدد من الأعلانات وأمي كانت تروح معي . المدرسة كان صعب علي اني اوفق بين الدوام والأعلانات خاصة ان كل وقتي اكون على السناب والأنستقرام كلمت أمي أني ادرس منازل افضل من الغياب وكل يوم اغيب فيه اخذ عذر من مستشفى خاص لأن اشواق رفضت تعطيني اجازات مرضية ورغم انها تقدر تجيبها من المستشفى من عندها تقول والله مااغضب ربي علشان تسوي اعلانات وكلام فاضي أمي رفضت فكرة اني احول منازل رفض قاطع، وكالعادة ضربت على الوتر الحساس بكيت وماعاد كلمتها ولا اكلت يوم كامل وهي تخاف علي وتحبني بشكل مايوصف دخلت علي وانا ابكي جلست جنبي وانا اصد عنها وهي تعاتبني ليش ماكلمتها يوم كامل ولا جلست معها اخذتها فرصة بكيت وقلت لها لو أبوي كان حي ماكان رفض لي طلب وقتها فاضت عيونها وهي تحضني وتقول أنا أمش وأبوش وكل شي أنا خايفة عليش وابغى مصلحتش ..حضنتها بقوة قلت لها دام انتي معي ماعلي خوف ووافقت غصب عنها واخواتي كلهم معارضين ويمكن حدود شهر محد فيهم يكلمني بس عادي ماهمني اهم شي أمي يمكن في حدود ست شهور صار عندي راس مال كبير كله من الأعلانات ولا ادري ايش اسوي وماعندي اي خلفية عن الأستثمار بس كان عندي حلم اني املك مطعم نسائي متكامل اكلات شعبية مسكت معي الفكرة ذي وحبيتها يمكن علشان وأنا صغيرة كنت اروح مع أمي وتبيع أكل على الطريق خاصة وقت الإجازات الصيفية حبيت الفكرة وقلت لازم اطورها بشكل افضل بس كنت احتاج مبلغ مالي كبير كنت ابغى مطعم فخم من كل النواحي مره سويت اعلان لمهرجان في جازان وكان قيمة الأعلان كبير لأني بظل يومين في جازان والمهرجان كبير لفت انتباهي الأسر المنتجة هناك وطبخهم اللذيذ المميز قلت ليش ماافتح المطعم هنا فعلآ استأجرت ارض من شخص سبق وسويت له اعلان لمخطط فكرة ديكور المطعم كان بطابع جيزاني شعبي اهتميت في ادق تفاصيل المطعم بمساعدة وحده من متابعيني جيزانية مهتمة في الديكور وسلمت الفكرة لشركة وخلصت المطعم في الوقت المحدد في العقد معهم . كان عندي مشكلة كيف اوفر عاملات يتقنون الأكلات الشعبية بشكل احترافي . وشهرين وانا افكر لين الهمني الله قلت اسوي اعلان خاص لأهل جازان (طلب طبخات للمأكولات الشعبية) وجاني فوق 300طلب حددت لهم وقت زيارتي لجازان وطلبت منهم طبخات جيزانية شعبية . واخذت معي ندى وريم بحكم انهم كانوا في جازان ولهم علاقات و صدقات هناك . اخذتهم معي كمساعدة في التذوق والتقييم وكانت كل طباخة افضل من الثانية وترتيب ونظافة واخترت منهم عن طريق السحب في الانستقرام وكل شي كان جاهز مثل ما كان مخطط له . ووقعت عقود معهم.! وفتحت المطعم وكان الأقبال عليه فوق المتوقع وبعد شهر اضفت ركن قهوة وحلويات . وربي بارك لي في رزقي وبعدها صرت اسوي اعلانات اسر منتجة ببلاش دعم مني لهم .! وخصصت جزء من الأرباح لدعم مرضى السرطان ومرضى الكلى والسكر. طلبتني اكثر من قناة علشان تسوي معي لقاء رفضت أمي وأشواق كذا حالة إنسانية ساعدتها بعد الله في العلاج. من خلال نشر تقرير عن حالتها في حسابي بدون مقابل . طلبتني شركة سياحية اسوي لها اعلان في ماليزيا وكان المبلغ كبير كنت شايلة هم أمي كيف اقنعها اهم شي هي توافق لأنها لو وافقت اخواتي بيرحون غصب .كلمتها في البداية رفضت ولما قلت لها سعر الأعلان وافقت خاصة ان الشركة متكفلة بكل شي وأمي مخططه اشتري لي فله تقول ماراح ارتاح إلا اذا كل وحده فيكم عندها بيت لها ملك .! ومازلت مستمره في الأعلانات حتى احقق كل شي خطط له والشي اللي كسبته غير الربح المادي حب الناس والدعاء لي ! |
رد: رواية جنوبية برت حالي ولا أدري وين ديرتها طرح قمه الروعه في والجمال سلمت اناملك ويعطيك العافيه علي مجهودك في أنتظار المزيد من عطائك والمزيد ومواضيعك الرائعة والجميله ودائما في إبداع مستمر |
رد: رواية جنوبية برت حالي ولا أدري وين ديرتها البارت 21 فارس دخل هو يشوف أبوه وأمه وجده وجدته واخوانه مجتمعين.،!ولأول مره يكون جدي في كلامه جلس جنب عبدالله وجه كلامه لأبوه : يبه ولا يهون جدي ومن حظر أنا رجال صراحة ابغى اتزوج . علي بطبعة الهادي يسمع كلام ولده ويشوف الجدية في ملامح فارس اول مره يتكلم كذا وبأتزان له حدود أسبوع وفارس كل يوم يقول له نفس الكلام : طيب والمطلوب مني يافارس .! فارس /تخطب لي علي/ومن هي اللي بترضى فيك وانت حتى ثالث ثانوي ماخلصتها ولا وظيفة ولا شي .! فارس/مااحتاج وظيفة انت بتكفي وتوفي ماشاء الله تملك اكبر سلسلة xxxx في الجنوب وهنا او اتوظف في شركة . والبيت اتوقع مايحتاج ندور هذا بيتنا ايش كبره علي/تتوقع لو اتقدم لك عند ناس راح يقبلون فيك. فارس /اكيد بيوافقون لما تقول لهم كل شي عليك وانت مستعد. علي/فارس لاتحسب ان الزواج لعبه قوم توكل بلا حركات صغار خلص الثانوي وتوظف وابشر بالزواج. الجد محمد/كيف تتزوج واخوانك اكبر منك وموظفين ومحد منهم تزوج. فارس وهو يقوم بعصبية/اتوقع ياجد حنا مو بنات لازم نتزوج بالدور.. رفع عيونه لأخونه وبعدين في ابوه وقبل يخرج : انا بروح واذا كبرت عن حركات الصغار على قولتك راح ارجع لك وخرج .! جميلة/بخوف أحمد انت وعبدالله الحقوا اخوكم خرج زعلان وانت تقصد علي انت ماتقدر تطيب خاطره بكلمة ايش بينقص منك لو قلت له طيب حتى لو كلام. الجده هيلة /قوم ياعلي الحق ولدك وين بيروح .! محمد/جده جعلني فداش ارتاحي شوي وبيرجع ماراح يهاجر وبيرجع يعني ماتعرفون فارس.! أحمد/ وقلبه ناغزه وهو ياخذ جواله ويخرج لا والله انه جاد في كلامه. الجده هيلة/لاحول ولاقوة ياخوفي يخرج مثل ماخرج عمه احمد ولا يعود. جميلة بجزع/لا ياعمه الله لا يقولها وهي تقوم. عبدالله/يمه وين انتي رايحه احمد خرج وماراح يرجع إلا هو معه .؟! الجد وهو ساكت ويناظر في زوجته هيلة اللي من جاء وهي ساكته ماكأنه موجود حتى ماتناظر فيه شاف ولده وزوجته وعياله يخرجون رفع عيونه لها وهي تقول : طمني عن فارس يامحمد ودخلت غرفتها بدون ماتناظر فيه. قام وقفل باب الصالة ولحقها دخل عليها وهي تشيل طرحتها وتمسح عيونها علشان فارس . رفعت عيونها لما حست بوجود أحد معها في الغرفة وقفت بسرعة وهي تلبس شيلتها على شعرها بربكه من وجوده : محمد اخرج عني خلاص تعشيت الله يستر عليك ولا تحسب اني ساكته على وجودك عندي أني راضية لا والله ماسكت إلا حشمة لك لأنك ولد عمي وحشمة لولدي وعياله لاتزيد علي يكفي فارس اللي ماندري وين غدا. محمد وهو يناظر فيها بدون مايتكلم رغم تقدمها في السن إلا انها مازلت جميلة جمال رباني بياض بشرتها المختلط بحمره عيونها الواسعة اهدابها المصفوفة الكثيفة قرب منها ومسك يدها وبأمر اجلسي ياهيلة . جلست معه مجبره لا مخيره علشان تشوف ايش عنده ومهما اظهرت قوتها امامه إلا انها تضعف بسرعة مسك يدها البيضاء بين يديه السمراء وهو يناظر في حدود الحناء على اصابع يدها المزينة بخواتم ذهب هيلة نفس الجمال اللي فتن به منذ عرفها واصر على الزواج بها رغم صغر سنها. : هيلة لي حدود ست شهور وأنا احلم في أحمد الله يرحمه احلم فيه يتكلم معي كلام ولا ادري ايش يقول لابس احرام ابيض وبيده اغراض ولا ادري ايش هي.! حس في يدينها ترتجف بين يديه اول مره من بعد موت ولدهم يدور حديث بينهم وخاصة عن أحمد مايدري ليش جاء وقال لها .! هيلة والعبرة تخنقها وتبكي : أحمد زعلان من أمه ولا يجيها حلم كلكم تحلمون فيه إلا انا زعلان باقي مني مارحت معه يوم طلبني زعلان لأني مادافعت عنه منك. فك يدها وهو يحضنها وهي تنهار تبكي وتضربه بضربات ضعيفة مايحس فيها ليه ذبحت ولدك وذبحتني معه الله لا يسامحك الله يجعل ذنبي أنا وولدي في رقبتك ليوم الدين.! الجدمحمد وهو شاد عليها بقوة اول مره تكون بالقرب ذا منه من مات ولدها وهي محرمته على نفسها وبصراحة مستغربة منه ماعمره تكلم بشي يحس به طبعه كتوم وبنبرة كلها ندم : هيلة والله أن موت أحمد كسرني كسر مايجبر وندمان كثر مابكيتي وبتبكين لايغرش اني ساكت والله ياحسرته في قلبي انها كل يوم تصبح وتمسي نار في صدري. هيلة وهي تدفه /قم اخرج عني يامحمد أسألك بالله تحشم شيب راسي وشيبك واخرج ماعاد لي حياه معك حياتي وحياتك راحت مع أحمد. فكها وهو يقوم يخرج وكل ندم الكون يسكن قلبه الندم ماعاد يفيد بشي. وصل الحوش وهو يشوف عيال ولده واقفين وفارس ماهو معهم : اخوكم وينه اتصلتوا عليه . أحمد بخوف على اخوه بس ما وضحه : جواله مقفل ياجد وسيارته واقفه برا . |
رد: رواية جنوبية برت حالي ولا أدري وين ديرتها البارت 22 الجد(محمد)يحس كأنها سكينة انغرزت في صدره ماعاد يقدر يتحمل يفقد احد رفع عيونه في عبدالله ومحمد : ابوكم وينه.! محمد/طلع ينام .! الجد (محمد)/تعالوا ندور اخوكم والله يافارس انه فيه بلا ماهو طبيعي الولد ولاعمره يخرج ويروح ويخلي سيارته ويقفل جواله. محمد/بطفش جد وين ندوره ذا الليل فارس بيرجع لا تخاف.! محمد(الجد)بغضب : اص ولا كلمه قلت ندور يعني ندور انت وعبدالله روحوا اسألوا اصحابه وانا وأحمد بندور وبينا اتصال وخرج وهو يرجف يارب لا تفجعني في فارس يارب .! ظيمنع ظيمنع صلاة الفجر علي نزل علشان يصلي الفجر دخل قسم أمه علشان يقوم اولاده لصلاة الفجر لأنهم ينامون عندها من زمان دخل غرفتهم حصلها فاضية انقبض قلبه تعوذ من الشيطان وهو يخرج ويفتح باب الشارع وماحصل سياراتهم موجودة ماغير سيارة فارس وسيارة ابوه غريبة وين عياله مستحيل اولاده يسهرون الى الفجر خاصة محمد وأحمد وسيارة ابوه موجوده غريبة تعوذ من الشيطان وهو يروح المسجد صلى الفجر وهو يهوجس في عياله خلص الصلاة يخرج أول واحد من المسجد اخرج جواله واتصل على محمد ولده واكثر من اتصال مايرد وعلى احمد رد على طول : هلا يبه علي/وينكم يااحمد احمد وهو يتنهد : قريب يبه كنا ندور فارس ولا حصلناه علي بخوف: انت صادق من البارح واخوك ماجاء. احمد /هذا حنا ندور انا وجدي ومحمد وعبدالله وماخلينا مستشفى ولا شرطة وماحصلنا له خبر خذ جدي يبغااك.! زفر بقوة وهو يسمع صوت ابوه الغاضب : علي ولدك ماله آثر والله لو صار لفارس شي ياذبحك انه على يدي تصرف لايجي الظهر إلا فارس عندي وقفل الخط في وجهه. علي وهو مو قادر يوقف يعني نايم من البارح وولده ماله آثر لا يافارس لاتفجع ابوك . غمض عيونه وهو ياخذ نفس عميق استودعتك فارس يارب ماهي من عوايده يخرج مره ولا يتأخر تعوذ من الشيطان اكثر من مره وهو يطرد من عقله احمد اخوه وهو يخرج من البيت زعلان. رفع جواله وهو يفتح الواتس حصل رسالة من فارس قبض على الجوال بقوة علشان مايطيح من يده رسالة حس روح بتطلع لما شافها حاول انه يكذب عيونه رجع يتأكد انها من فارس . (يبه سامحني تمنيت اني مااحطك في الموقف هذا بس مجبر جيتك على اساس تحتويني وتسمع لي يبه انا اعاني وابغى احصن نفسي بالحلال فتن اشوفها وتُعرض علي واصد عنها بس انت ماساعدتني وصديت عني يبه بخلت علي بفلوسك تزوجني واكمل نص ديني لكن حصلت مين سمع لي وفتح لي قلبه قبل جيبه واعطاني اللي انت بخلت به علي اعطوني يبه ..لكن المقابل ثمنه كبير يمكن حياتي سامحني وإن شاء نلتقي في الجنة ) حاول يمشي ويتماسك لين وصل باب بيته وجلس ماعاد قدر يكمل ويدخل لا يافارس لا تكسر ظهري فيك تعال واعطيك عيوني .. رجع واتصل على جواله مقفل.! رفع عيونه وهو يشوف سيارة احمد توقف وينزل منها ابوه وهو معصب وصل لعنده وبغضب : عاجبك ذحين ولدك ماندري وينه .! أحمد وهو يشوف انهيار ابوه : جد صلي على النبي فارس ماهو صغير وراح نحصله ان شاء الله علي والشيطان لعب في عقله وهو يتخيل ولده راح في طريق ضيااع والله انه يتمنى يشوفه ميت بحادث وقدامه يهون احسن من يشوف ولده راح مع ناس تغسل مخه ويجي يحارب اهله ووطنه ويفجر .! رفع الجوال بدون كلام وهو يشوف ولده محمد وعبدالله جايين لهم اعطى أحمد الجوال وقال شوف اخوك ايش مرسل لي فارس كسر ظهري .! أحمد مسك الجوال وهو يشوف ايش كاتب اخوه وبجزع : الله ياخذ فارس الكلب الله ياخذه ! عبدالله كان قريب منه سحب الجوال من يده وهو يشوف المكتوب: اص ولا كلمة تعالوا ندخل تعالوا .! في المجلس الجد بعصبية : والحل ذحين كلها منك انت وهو يأشر على ولده المصدوم .! محمد/الكلب فارس الله ياخذه احسن ونرتاح منه كنت ملاحظ عليه صار منطوي وعلى اللاب توب كل وقته وفجأه صار مايخلي المسجد بكل الفروض .! عبدالله/صلوا على النبي لازم نتصرف بحكمة الموضوع ماهو بسيط ماراح نبلغ ابد إلا بعد مرور 24ساعة افضل .! . . الجد محمد/ وهو نازل من السيارة مايدري كيف وصل المزرعة وهو يفكر ويهوجس في فارس وين راح بيكمل يوم مختفي ماخلوا مستشفى ولا قسم شرطة في الرياض إلا سألوا عنه ولا حصلوا عنه خبر معقولة ماعاد بيرجع وتصير نفس خرجت عمه أحمد رفع عيونه لفوق يارب لا تكسرني بفارس واخوانه وفارس غير عن كل أخوانه يحبه ويغليه مستحيل يمر يوم كامل ولا يجيه فارس يطمئن عليه حتى اذا جدته مسويه أكل يعرف اني احبه ياخذ منه ويجيبه لي بدون ماتدري جدته انه لي واحيانآ يجي ياخذني من المزرعة ويقول والله لتجي ومانجتمع بدونك وجدتي عندي ماعليك منها.! |
رد: رواية جنوبية برت حالي ولا أدري وين ديرتها البا ت23 اول مره في حياته ينهار كذا يحس بثقل في راسه خاصة لما وصلت علي رسالة من فارس وسمع ايش كاتب حس كأن الأرض انخسفت به فكرة ان فارس يموت ذبحته كيف لو انه مع الفئه الظالة يارب سترك لا يغررون به ويجي يذبح لي اخوانه عساكر وعيال اخواله كلهم عسكر ياارب لطفك لما حس انه عاجز ضاق به المكان قبل يخرج مسك علي ولده وقال انا بروح المزرعه ووالله ان حصل لفارس شي ان ذبحك على يدي طلعه لو من تحت الأرض وهو ساكت ماغير يناظر في الأرض اعرف اني قسيت عليه واول مره من فقدت احمد وانا احاول اني اعوض علي لكن اليوم ماعاد قدرت اتحمل طفى السيارة ونزل ويشوف الراعي السوداني الفاتح جاي عنده : سلامات ياعم محمد ماجيت البارح ولاترد على الجوال .! محمد/خلها على الله يالفاتح صارت مشكلة عند الأهل وجلست لين ذحين وضاق بي الكون هناك ورجعت هنا.! الفاتح /لا والله سلامات عسى خيرر، محمد وهو يحاول يتماسك :فارس يالفاتح اختفى من البارح الساعة 11في الليل ولاندري وينه سيارته واقفة وجواله مقفل خرج زعلان. الفاتح وهو يناظر في عمه محمد كيف باين عليه التعب فارس ولد عمي علي ماغيره! محمد/ايه بلله هو . الفاتح وهو يلتفت لديوانية اللي داخل المزرعة قال: فارس هنا يا عم محمد من الساعة 12في الليل جاء مع كريم وسألته عنك قال مدري وينه.! محمد وهو مو مصدق مسك الفاتح وهو يرفعه من ملابسه: انت صادق ذحين . الفاتح وهو مفجوع : ايه بالله هذا هو هناك ويأشر على الدوانية دفه محمد من قدامه وهو يمشي بسرعه لين دخل الديوانية وهو يشوف فارس قاعد مقابل شاشة البلازما ومشبك البلايستيشن ومركب السماعات في أذنه ومندمج يلعب وحوله علب عصير ووجبات وموية وشبساات ومعطي الباب ظهره محمد يحس انه مو مصدق انه قدامه مشى لين جثى على ركبه ورا فارس وهو يحضنه بقوة فارس من الخرعه بغى يطير وجده يحضنه بقوة ولا تكلم وفارس يحاول يفك نفسه ماقدر نزل السماعات وهو يسمع صوت جده يعاتبه.! فارس/جد تعوذ من الشيطان ايش فيك.! الجد يهز فارس وحاضنه بقوة كأنه يخاف ينحاش منه : ليش يافارس ليش او جعتنا من البارح وانت هنا مبسوط وحنا في حال مايعلمه إلا الله ابوك منهار هناك واخوانك يدورون لك .! فارس مسك يدين جده وهو يبوسها ويشوف وجه جده وعيونه اللي كلها دموع حس انه غلط كان يبغى يخوفهم بس ماتوقع انهم يصدقون كذا ندم كثير خاصة لما تذكر الرسالة اللي ارسلها قبل الفجر على جوال ابوه . سحبه جده لين وقف وهو يستوعب ان فارس لعب عليهم وبعصبية : والله لو ما الخوف من الله لهبدك هبد على راسك ذه اللي مليان خبال وتغدي رجال نعلبوا غيرك انت صاحي وإلا خبل كيف لو اننا بلغنا عنك وانت متبطح هنا مثل الحمار فارس بندم بس ماوضحه : تستاهلون مو انتوا تقولون اني بزر خلاص هذي حركات البزران محمد الجد فكه قبل يعصب اكثر ويروح صدق منهم ولحد ذحين مو مصدق انه قدامه من كثر فرحته بشوفته نسي يدق على ولده يطمنه لكن يبغى يتفاهم مع فارس اول قال له تعال انت صادق تبغى العرس فارس /ايه بلله اني صادق الجد /اتوقع انك تعرفني وكلمتي تمشي على ابوك وعليكم زواجك علي كامل لكن بشرط افتح مشروع صغير على قدك ان بغيت انت تجلس فيه خير وبركة وان بغيت عامل ابشر به .اهم شي يكون عندك مصدر دخل اذا سألني ابو العروس اقول له ايه عنده المحل الفلاني وهذي الصرافة ( وهو يخرجها ويمدها له ) خذ المبلغ اللي يفتح لك مشروع وكون نفسك معك مهلة من 3-6شهور ووعد مني وانا أبو احمد ماتكمل السنة إلا متزوج وزواجك ومصروفك كامل علي وذحين قوم قدامي علشان اطمن ابوك واخوانك لا بارك الله في عدوك هيا ايش يخارجنا من اخوك محمد اللي شياطين الدنيا كلها في راسه منك . فارس بخوف وهو يمسك يد جده : انا في وجه الله من سميك ياجد امنعني منه مجنون والله ان يهبدني هبده تجيني منها جلطة ثلاثية الأبعاد .! الجد(محمد) وهو يفك يده: والله انك تستاهل ذحين تعال سوق ماعاد قدرت حتى افتح عيوني ركب وهو يخرج جواله ويتصل على ولده ومن اول رنه فتح الخط خايف ان ابوه بيجيب له خبر شين عن ولده : يبه لاتقول ان فارس فيه شي تكفى.! نبرة الخوف في صوت ولده عورا قلبه محد يلومه ولده وهو جرب نفس الشعور لما فقد أحمد قال له : علي صل على النبي ولدك طيب وهذا انا وياه جايين عندكم وولدك محمد اذا مايقدر يمسك نفسه لا اشوفه يخرج قبل اجي لان فارس في وجهي محد يقول له كلمة وقفل بدون مايسمع رد ولده دخل الجوال في جيبه وهو يلتفت يشوف فارس اللي يسوق ساكت الله زرع له حب وغلا غير عن اخوانه صح انه يحب محمد اخوهم بس فارس غير محد يوسع صدره ويسأل ويهتم له إلا فارس ولا ينسااه حتى ملابسه هو يفصلها له ويشتري له اغراضه الشخصية بدون مااقول له .! |
رد: رواية جنوبية برت حالي ولا أدري وين ديرتها البارت 24 وصلوا وهو يشوف ولده علي واقف عند الباب ومعه احمد نزل وهو يشوف علي يجي لهم حتى قبل ماينزل فارس فتح بابه وهو يحضنه بقوة : ليه يافارس ليه تسوي في ابوك كذا ليه ذبحتني ابعده من حضنه وبعتاب ليه يافارس ماعمري رفضت لك طلب ارسلت لي صورة سيارة وقلت يبه خاطري فيها وبعد ثلاث أيام شريتها لك جديدة وكالة وامس بس علشان قلت لك لا تسوي فيني كذا. فارس بندم وهو يشوف حال ابوه مسك راسه وهو يبوسه : اسف يبه والله ماحسبت انه بيصير كذا محمد(الجد) ىخلاص انزلوا ونتفاهم داخل .! نزل فارس وهو ماسك يد ابوه وجده دخل قدامهم شاف أحمد اخوه واقف عند الباب ناظر فيه بدون اي كلمة ونظراته تكفي عن الف كلمة وعتاب .! وصلوا المجلس وهو يشوف محمد جالس وشياطين الدنيا كلها فوق راسه ومن شافه دخل وقف وبصراخ : انت ماتفهم حمار انت والله منت رجال وهذي حركاتك وباقي تبغى تتزوج ،! الجد (محمد)وبعصبية : اص ولا كلمة ويله قدامي اخرج قبل اقوم اهبدك انت الثاني بالعصا ذي مالنا احترام عندك قلت فارس في وجهي مالك دخل وعلى الأقل فارس فكر في الزواج احسن منك اللي تتهرب من الزواج يله انقلع اخرج. . . بعد مرور شهر علي/ في مكتبه جالس ينتظر أميرة بنته تجي ومعها وحدة مشهورة تسوي اعلانات تقول يبه ماتسوي إلاعلان إلا يكون ناجح، كلمتها أميرة من شهر وقالت أنا خارج الرياض و ماعندي إمكانية اجي إلا نهاية الشهر واتفقت معها وحولت لها قيمة الأعلان قبل أمس. عنده مخطط عبارة عن 20 قطعة ارض دفع فيها مبلغ كبير وسماه مخطط الأميرة على اسم أميرة بنته حبيبة قلبه وبنته الوحيدة بين اربع ذكور وهو شغال في المخططات من حدود 7سنوات وكل مخطط يعرضه للبيع مايجلس اقل من شهر وينباع إلا المخطط ذا خمس شهور محد اتصل او استفسر عنه. حط لوحات عنه بكل شارع وماتيسر له بيع مره. دخلت أميرة ومعها فارس اللي معصب على غير العادة أميرة وهي تسلم على ابوها : يبه شوف فارس من خرجنا من البيت وهو ماغير ينافخ وجنني وهو يسوق. فارس /اقول لا يكثر واحمدي ربي اني جبتش علشان تقابلين المشهورة ياسخف عقلش يعني المشهورة مو إنسانة مثلش ايش الشفحة اللي فيش من يومين علشان بس بتشوفينها وعلى بالش اذا جلستي معها بتصيرين مشهورة خلاص.! علي بكل هدوء: فارس حبيبي هون على اختك، وبعدين هي جايبتها علشاني انا طلبتها . فارس /انت ماكنت تعرفها لين ذي قالت لك والله يبه اخاف انها تسحب عليك وانت محول لها مبلغ كبير علشان اعلان ابو خمس سنابات، أميرة بأندفاع : لا والله مستحيل خزامى تسحب او تخلف وعدها ذحين كلمتني تقول صارت قريب وانت بعينك شفت الزحمه كيف،! علي/فارس الله يصلحك ليش معصب ذحين ماصار شي جبتها وكثر الله خيرك، فارس/ لا والله إلا صار اني خليت شغلي ماعنده إلا العامل وانت تعرف الويكند يكثرون الزبائن أميرة وهي تناظر فيه : ماعرفتك يالتاجر الكبير ترى حدك عربه مدري كرتون وابريق شاي وحزمتين نعناع وصكيت راسي شغلي شغلي، وقبل يرد عليها فارس دق جوالها وهي تشوف اتصال خزامى قالت: يبه البنت وصلت ، وانت تقصد فارس توكل علشان البنت تاخذ راحتها. فارس اللي يناظر في أميرة يبغى يقوم ينتف شعرها بس ابوه موجود وعلشان يعاند لها : والله مااتحرك من هنا عناد أميرة/يبه شوف فارس كيف البنت تاخذ راحتها وهو متكي هنا. فارس /الله اكبر اللي يسمعك يقول البنت ماعمرها وقفت مع رجال اقول انثبري احسن قبل اسحبش ذحين وعلى البيت.! علي وهو يمسك يد أميرة :خليه يجلس عادي فارس وهو يناظر فيها بنظرات انتصاار طنشته وهي ترتب ضيافة على الطاولة وعلشان يقهرها اكثر قام عند الضيافة وهو ياخذ حبه حلا أوريو وحبه حلا لوتس وحبه حلا روشيه وصب له قهوة ورجع جلس وهو يحط رجل على رجل. أميرة بعصبية تضرب رجولها بالأرض: يبه شوف فارس فارش طنشها وهي ياكل الحلا بأستمتاع ويشرب القهوة وهو يطلع صوت وهو يشرب ولما خلص قال: يبه نسيت اضيفك وإلا انت راعي مكان مايحتاج اضيفك وهو يناظر في أميرة اللي منقهرة ويضحك أميرة شافت ابوها يضحك على فارس عرفت انه ماراح يقول له شي . تحركت للباب وهي تشوف خزامى تنزل من السيارة سحبت الستاير على الباب علشان محد يشوفهم من الشارع فرحانة وهي بتشوف خزامى حبتها بدون ماتعرفها معرفة شخصية بس تراسلها وخزامى اخلاقها عالية تنحب بسرعة من تواضعها .! خزامى وهي داخلة المكتب اول مره تغطي اعلان في الرياض ومحد معها أمها تعبانة وندى بتجلس معها وريم عندها دوام وأشواق جت معي الرياض بس عندها دوام وماتقدر تطلع. |
رد: رواية جنوبية برت حالي ولا أدري وين ديرتها البارت 25 واول مره في حياتها تركب مع سواق لوحدها الشركة سوت لهم أعلان ووفروا لها سيارة مع السواق دخلت خايفة ومرتبكه ارتاحت وهي تشوف بنت منقبه واقفه عند الباب اكيد انها أميرة اللي تواصلت معها علشان الأعلان سلمت على أميرة ودخلت معها المكتب اللي كلمة فخم قليلة فيه و ريحة العود الفاخرة سلمت برسمية وهي تسمع أميرة تأشر لها على الكرسي تفضلي هنا جلست ولا حتى رفعت عيونها لشخص اللي على المكتب ولا الثاني اللي كان واقف اخذت القهوة من يد خزامى وهي تشوفها تروح تقهوي أبوها سمعت صوته يقول : حبيبتي متقهوي جعلني فداش وبعدها جلست أميرة على الكرسي اللي مقابل لها. خزامى وهي تنزل الفنجال من يدها موجهه كلامها لأميرة : لو سمحتي خلينا نبدأ في الأعلان لاني مشغولة. أميرة/ ابشري يبه تفضل قول لها عن المخطط. علي مندهش من دخلت البنت ذي عليه يحسبها كبيرة في عمرها من صوتها قدر يميز انها صغيره كيف اهلها يسمحون لها تجي لمكان وحدها وبين رجال حتى ماقدر يرفع عيونه لها حس بقهر مايدري ليش.! أميرة ماقالت له انها صغيرة كذا والله لو عرف انها صغيرة كذا مايسمح لها تجي عنده الله غني من الأعلان.! هو مايرضى ان أميرة يلمح احد طرفها كيف تجلس مع رجال ماتعرفهم حاول قد مايقدر يكون طبيعي فتح الملف اللي بيده شرح لها بسرعة وحاول يختصر علشان تخرج من عنده وهو يشوف نظرات فارس لها من دخلت عندهم. سمع صوتها وهي تقول : لو سمحت ياعم اعطني الملف علشان اشوف الأعلان اعطاها الملف وهو يشوف بياض يدها والمناكير اللي مزينه اظافرها بها والخواتم والساعة واضحة بسبب اكمام العباية الواسعة .! اعطاها الملف وهو يقوم اخذ جواله وجه كلامه لأميرة : بطلع أنا وفارس علشان تاخذون راحتكم يحس بغيرة وقهر وين ابوها ذي واخوانها الله لا يبارك فيهم.! خزامى رفعت عيونها له وهو يتكلم شافت وجهه وارتاحت له ماتدري ليش التوتر والخوف اللي فيها ماعاد تحس فيه. شافته بيخرج قالت عم عادي اجلس اكيد بحتاجك. رجع مكانه وهي تقرأ الملف كامل وقفت وقالت له عم عندك صور للمخطط اوضح من ذي. قال لها موجوده بدون مايرفع عيونه لها طلع ورقة كبيرة اخذتها وهي تقول ملعيش عم بحتاج مكتبك شوي أميرة شيلي الأغراض فتحت ورقة المخطط الكبيرة على المكتب وفتحت جوالها، مساء الخير متابعيني واخص أهل الرياض مثل وعدتكم اليوم انا جايبه لكم مخطط اراضي سكنية لا يفوتكم.،! اخذت تصور المخطط بطريقة احترافية كل صورة من زواية لين خلصت وارسلتها . وبعدها فتحت سنابها وقالت متابعيني مثل ماشفتوا الصور اللي قبل شوي هي لمخطط الأميرة عبارة عن اراضي مساحة كل ارض تختلف عن الثانية المساحات في المخطط مابين 500_600_700 واجمل مافي مخطط الأميرة انه معتمد بصك سكني مستقل متوفر فيه اسفلت وكهرباء وإنارة والمخطط بعيد عن مجرى السيول وبنفس المكان مدرسة حكومية قيد الإنشاء انا اقول اللي بيشتري المخطط ذا محظوظ يقدر يسوي منه محطة وشقق ومحلات ، خاصة انها على شارع عام رئيسي .! في السنابه الجايه راح احط رقم جوال العم ابو محمد واكيد ماراح يقصر مع متابعيني.! علي وعيونه على مكتبة ويسمع صوتها وهي تتكلم بسرعة وثقة ماكأن حولها احد . كأنها دارسة المخطط رغم انها اخذت لمحه بسيطه عليه إلا انها ذكرت كل ميزة في المخطط؟ سمعها وهي تقول عم علي لاتقصر مع متابعيني رد بدون مايرفع عيونه لها ابشري انتي وهم وسكت.! فارس اللي ناشب لأميرة : قولي لها تجي تسوي لي اعلان ب 200 ولا راح ازيد هلله وحده. أميرة /انت من جدك تبغاها تسوي اعلان لشاي ونعناع وخرابيطك توكل بس.! فارس انقهر من أميرة طنشها وهو يقرب من خزامى : لو سمحتي عادي تسوي لي اعلان عندي مشروع عربة متنقلة وبكم سعر الأعلان عاد راعينا في السعر انا حافي منتف مو مثل أبوي .! خزامى وهي تناظر فيه يالبيه ايش الزين ذا الأب و ولده حلوين .! قالت : ابشر وين المشروع وايش فكرته رغم اني مااسوي اعلان إلا بعد ماتعطيني خبر قبلها لاني مرتبطه والله بس ابشر علشان العم علي واميرة .! فارس وهو بيطير من الفرح : مو بعيد من هنا ولما نوصل هناك اشرح لك بس تعالي معي ذحين.! خزامى ناظرت فيه :وين اجي معه ذا. لا السواق ينتظري أميرة راح ترسل لي لوكيشن الموقع ونتقابل هناك .! فارس لما حس انه جاب العيد معها ضحك وقال : طيب وهو يشوفها تسلم على اميرة وتخرج فارس وهو يرقص حواجبه ويغيض أميرة : مفكرة نفسك الوحيدة اللي تتواصلي مع مشاهير يبه خذ بنتك النشبة ذي معك رجعها البيت انا مشغول المشهورة خزامى بتسوي اعلان لي .. |
رد: رواية جنوبية برت حالي ولا أدري وين ديرتها البارت 26 علي/فارس خذ أميرة معك مايصير تكون مع البنت لوحدكم وخفف من نظراتك لها خاف الله شوي وتاكلها بعيونك. فارس : ابشر يبه على ذا الخشم ماراح اناظر فيها مره وهو يضحك يبه كيف مااناظر فيه ماتحس انها صعبه، وهي بنفسها جايه لوحدها ومسويه كم اعلان لواحد غيري وقفت على فارس الضعيف؟وأميرة ماراح تروح معي عناد فيها لانها رفضت تكلمها علي ماقدر يخلي البنت تجلس مع فارس لوحدها مايدري ليش حس انه مسؤول عنها قال : كلنا بنروح اجل يله ياأميرة .! وصلوا مع بعض بعد ماارسلت أميرة ا اللوكيشن لخزامى ووصلت هي بعدهم نزلت وهي تشوف فارس واقف مع أبوه ومعهم واحد ثاني وصلت لهم وهي تدور وين أميرة شافت فارس يقول لها : تفضلي ذي عربة متنقلة وجبات سريعة مشروع صغير على قدي خزامى تناظر في فارس اللي قريب منها وسامة وجمال تبارك الرحمن بياض بشرته خشمه الطويل عيونه الواسعه كأنه حاط كحل بعيونه طول وتناسق جسم لابس بلوزة تركواز على بنطلون جنز وشعره الطويل الوضح اطرافه من تحت الكاب الأسود ماركة نايك كان يشرح لها المشروع وهي تتأمل فيه في ذمتي انه اجمل من الأتراك كلهم انتبهت له وهو يقول مااتفقنا على سعر الأعلان حاولت تشتت نظراتها عنه قالت الأعلان ببلاش أبوه اللي كان قريب : لا يابنتي ذا تعبك اطلبي السعر اللي تبغين وابشري . رفعت عيونها له وهو لابس نظارات لما قال يابنتي حست بشعور غريب اول مره في حياتها تسمع الكلمة ذي ومن رجل : تسلم ياعم بس انا اسوي اعلانات ودعم المشاريع الصغيرة ببلاش خاصة مشروع الأخ فارس مره عجبتني فكرة المشروع إنسان طموح وفي العمر ذا ولا قال ماراح اشتغل واوقف في الشارع انا كثير معجبة بطموح اخوي فارس وإذا حنا مادعمنا مثل المشاريع الصغيرة ذي من يدعمها فارس تشقق من الفرح اول مره في حياته ناس تمدحه ناظر ابوه وضحك: اسمع المدح كيف خزامى سمعته وضحكت بشويش على كلامه قالت له : لو سمحت اخ فارس كم عمر المشروع واعطني المنيو علشان اصورة فارس وهو خاق معها وبقلبه الله يجلعني منيو ياشيخة اخذت المنيو من يده وهي تقول له : ادخل لو سمحت العربة علشان اسألك وانا اصور تحركت بعد ماشافته يدخل العربه وهي وقفت مقابل له فتحت السناب وهي تصور وتشرح فكرة المشروع وكل شي عنه. اهل الرياض جيت لكم الليلة بأعلان جميل هو عبارة عن مشروع صغير لشاب سعودي طموح المشروع عبارة عن مطعم صغير متنقل اسمه عربة الفارس تعالوا معي خلونا نشوف ايش داخل العربه الجميلة . •ذي ألة صنع البرقر ؟! •وهنا آلة صنع الوافل؟! •وهنا آلة القهوة بكل انواعها، وهنا شاورما الفارس ؟ وعصائر طبيعة ! ومشروبات غازية!' يعني العربة ذي او السيارة مطعم متكامل شد انتباهي النظافة داخل العربه ماشاء الله ،السنابه الجاي هي للمنيو كامل وفيه ارقام التواصل وحساباته تقدرون تضيفونه وتتواصلون مع فارس وعنده استعداد يتواجد في المهرجانات والحفلات الصغيرة اهل الرياض ادعموا ولدكم فارس يستاهل الدعم خاصة انه باقي طالب وقدر يوفق بين الدراسة والشغل خلصت وفارس يحس انه اسعد إنسان كلامها اعطاه طاقة إيجابية كبيرة.! خزامى وهي موجهه كلامها لعلي الواقف معهم طوال الوقت ويكلم واحد واقف معه شكله ولده .! قالت : عم علي انا خلصت وينها أميرة مااشوفها معكم رد ولده الواقف معه وهو يناظر فيني بأحتقار وبنبره كلها قرف : بنات الشيخ والحمايل مايوقفون في الشوارع.! يالله حسيت كلمته ذي ذبحتني كأنها غشواه على عيوني اشوف ابوه يكلمه وفارس بس مو قادرة اسمع شي من كلامهم له الشي اللي اذكره اني ناظرت في ابوه نظرات كأني اشكي له بدون مااتكلم وبعدها في فارس كانوا يتكلمون معي ولا ادري ايش قالوا لي وبعدها ركبت السيارة بدون ماارد عليهم مو اول مرة اسمع كلام مثل كذا بس ليش كلامه أثر فيني كذا .. ظيمنع ظيمنع محمد يناظر في ساعته تأخر على جدته وبخطوات سريعة دخل المستشفى الخاص جدته من يومين تعبت وتعبوا كلهم معها كان في الجنوب عند أمه واتصل يطمئن عليها وقال له ابوه انها تعبانة حاول يكلمها ماقدر ماغير يسمع صوتها تستفرغ وهو على الخط احس روحي بتطلع وانا اسمع صوتها وهي تتوجع جدته اللي تحبه وتحب اخوانه اكثر حتى من ابوهم يمكن وهو بالذات تحبه مثل روحها تعاملة كأنه ولدها من كبر وعرف الدنيا وهو في حضنها . رفضت تروح المستشفى تقول مااحبه وماراح أموت قبل يومي وإن مت ماعاد انا بأغلى من أحمد اللي مات وهو بعز شبابه وانا عارف انها رافضه المستشفى علشان مايكشف عليها دكتور. |
رد: رواية جنوبية برت حالي ولا أدري وين ديرتها البارت 27 يعجبني حياء وحشمة جدتي من عرفتها وهي تحب الستر طرحتها مستحيل تنزل من راسها . وغصب وافقت لما حلف لها عبدالله انها دكتورة اللي بتكشف عليها بعد ما اتصل على المستشفى وحجز لها موعد واخذها ابوي وعبدالله واحمد وانا على طول ركبت سيارتي ومسكت طريق الرياض بر مستحيل احصل حجز طيران .! وبعد التحاليل والفحوصات قالوا عندها مجموع حصوات في المثانة والحالب وعمليتها بتكون الصباح ووصلت بعد مادخلوها غرفة العمليات وكان ابوي واخواني كلهم هناك وجدي اللي حلف محد يدفع تكاليف المستشفى غيره وبدون ماتعرف جدتي اول ليلة انا كنت مرافق معها كنت ابغى ارد جزء بسيط من فضلها علي وبعد الظهر اليوم الثاني جاء احمد وجلس معها وانا روحت ارتاح . اول مره اتمنى ان جدتي عندها بنت تنتبه لها وتراعيها حنا ماقصرنا بس في اشياء احس جدتي مستحيه منا خاصة وهم مركبين لها قسطرة بول تعبانة ولاهي قادرة تشكي لنا ابوي قال أميرة ترافق معها رفضت مستحيل اخلي اختي بمكان مثل المستشفى وأميرة من النوع الدلوع اللي مااتكل عليها اتوقع بيكون كل وقتها وهي تصور وعلى جوالها دخل غرفة جدته وكانت نايمة احمد كلمه قبل يطلع من عندها انها اليوم كانت مره تعبانه السكر والضغط غير مستقر. دنق عليها وهو يسلم على راسها لف علشان يجلس على الكرسي القريب منها . استغرب شي موجود على الطاولة كوب كوفي وجوال ايفون والثاني جلاكسي وشنطة نسائية استغرب الوضع أحمد قال له تعال اجلس مع جدتي انا لازم اطلع عندي موعد ضروري وجدتي قالت له روح انا بخير ماعلي وبفضول عُرف عنه اخذ شنطتها وفتحها كان فيها مرطب وعطر وعلك وتعليقه فيها كذا مفتاح مصحف صغير خاتم تسبيح شاحن انكر متنقل وشبكة واي فاي هواوي واغراض مايدري ايش هي .! تذكر انه خرج مستعجل ولا شحن جواله اخذ شاحنها المتنقل والشبكة وحطها في جيب الثوب مايدري ليش ! اخذ البوك وفتحه وبلقافه طلع البطاقة الأحوال وهو يناظر في الصورة بتمعن حس قلبه ينبض بقوة يالله ايش العيون ذي ايش الجمال هذا حس يدينه ترتجف العادة يقولون صورة بطاقة الأحوال تكون شينة ذي جمال الكون كله فيه كان ناوي يرجع البطاقة مكانها حس انه غلط هو مايرضى احد يسوي في اخته كذا رفع البطاقة وهو يشوف الأسم ويضحك هذا الأسم اللي مستحيل ينسااه، الدكتورة اشواق خمس شهور مرت ولا نساها ابد حط يده على خشمه يتحسسه مكان ضربتها بينه وبينها تصفية حسابات، انا انضرب علي خشمي وفي النهاية غصب تتنازل ولا تنازلت إلا لما عرفت اني من المرابطين على الحد الجنوبي وانا جيت بشتكي عليها بس اول كلمت اخوي عبدالله بكل شي صار وماذكرت له اني انا اللي صار لي الموقف قال لي عبدالله بحكم شغله قول لخويك لا يقدم بلاغ ابد ماانصح ويحمد ربي انها تنازلت لو قدمت فيه بلاغ تحرش وقذف والله ليندم طول حياته سجن وغرامه. اخذ البطاقة ورجعها وشاف اكثر من بطاقة صراف اخذ من العلك اللي معها واخذ العطر وبخ منه بختين على ملابسه مدري ايش جاه .! اخذ المصحف الصغير وخاتم التسبيح قال ماشاء الله حلو انها تعرف ربي وهي مع الرجال .! نزل الشنطة ومسك جوالها الجلاكسي وكان بدون نمط وفتحه وكان على اليوتيوب وفاتحه على مقاطع قناة بداية قال اووف بداية ملاحقتني في كل مكاان أمي وجدتي وذحين ذي بعد ياكرهي للقناة ذي خرج من اليوتيوب وراح على الواتس وكلها قروبات تخص المستشفيات لفت انتباهه رقم مو مسجل يرسل من اول مافتح الواتس. فتح المحادثة وهو يشوف أشواق ردي كم يوم وأنا ارسل ولا تردين لازم نتقابل أنا حاليآ في الدمام انت وين علشان اجيك.! ويرجع يرسل لاتطنشي انا كل جنون العالم ركبني مدري ليه، حسيت قلبي انقبض مين ذا لايكون زوجها لا مستحيل ماشفت في يدها خاتم خطوبة لا يكون صديقها في الدوام العينات ذي ما اضمنها وهي مع الرجال كل وقتها .! حس دمه يفور وهو يشوف ايش مرسل لها حبيبي ردي علي ليه متصله ولا تردي. اعطيني اخر فرصة ارجوك اسمعيني لو مرة وحده قبل ماتتخذي اي قرار ارجوك .! حصل نفسه يكتب اقلب وجهك مو فاضيه لك. ورجع حذف اللي كتبه بدون مايحذف المحادثة نفسها وخرج من الواتس ويحس ضغطه ارتفع .! رجع فتح تطبيق السناب ماحصل شي. رجع فتح الأنستقرام مافيه حساب اصلآ فتح الاستديو وراح لصور وحصل كثير صور ماعنده وقت يفتح كل الصور ذي رجع قلب الجهاز وفتحه وطلع البطارية وهو يخرج الذاكرة وهو يضحك. والله ماغير يخليها تندم على يوم تجرأت وحذفته .! اخذها وقفل الجهاز ورجع فتحه وحتى الشريحة كانت بدون رمز. اخذ جوالها الايفون وفتح الواتس وفي محادثات كثيرة فتح قروب اخواتي اخر محادثه منها بنات فقدكم حيل طمنوني عن أمي اليوم كله وانا مشغوله في غرفة العمليات، حنا كلنا بخير .. |
رد: رواية جنوبية برت حالي ولا أدري وين ديرتها البارت 28 خرج من الواتس وقبل مايفتح السناب سمع صوتها وهي جاية تكلم في الجوال قفل جواله ورجعه مكانه وقام واقف وهو يتلثم بشماغه مايبغاها تعرفه وجلس على الكرسي مقابل جدته ومعطي الباب ظهره، . . أشواق لي يومين في الرياض وبكره بكمل اليوم الثالث ضغط عمل وعمليات بشكل غير طبيعي تحس ارهاق الدنيا كله فيها وغير كذا خزامى جايه معها الرياض علشان عندها اعلانات ولا ارتاحت لين تطمنت انها في الفندق التابع للمستشفى خليتها ترتب مواعيد اعلاناتها على مواعيد دوامي في الرياض علشان أمي ترتاح من السفر معها وأمي عليها قل صحه الأيام ذي مخوفتني، وصلت الغرفه وهي تنصدم من وجود الشخص الجالس مكانها. ماعرفت كيف تتصرف اغراضها كلها على الطاولة اول مرة في حياتها تحس بخوف مدري خجل تشجعت وهي تحاول يخرج صوتها بوضوح : السلام عليكم لو سمحت ممكن شوي علشان اخذ اغراضي، محمد من سمعها وهي تتكلم قال نعلبوها ذي ايش الصوت ذا يحسها تعزف ماتتكلم دف الكرسي وهو ساكت وقاام ورجع لورا وتحرك مبتعد عنها، هي على طول اخذت اغراضها ولفت بسرعة علشان تخرج وقفها صوته الحاد : كيف المريضة اليوم.! أشواق وقفت وهي تلتفت له كان اطول منها حيل لابس ثوب اسود شتوي وجاكيت ومدخل يدينه في جيوب الجاكيت ومعطيها ظهره. قالت برسمية : الحمدلله احسن بكرة الصباح امرها إن شاء الله واكتب لها خروج رد وهو باقي معطيها ظهره :الحمدلله، خرجت بسرعة وهي تحس بشي قبض قلبها خوف ما تدري ليش تعوذت من الشيطان وهي ماتدري كيف قطعت ممرات المستشفى كيف نزلت من المصعد خرجت من المستشفى لين وصلت الفندق التابع للمستشفى وكل شوي يزداد نبض قلبها وصلت جناحهم وكان معها الكرت ودخلت وعلى طول خلعت عبايتها واخذت لها ملابس ودخلت الحمام ورغم برودة اجواء الرياض إلا انها تحس بحرارة بكل جسمها. فتحت الموية الباردة تحتاج شي يطفي الحراره اللي تحسها خلصت وهي تنشف شعرها وجسمها على السريع وتطلع وتمر خزامى وحصلتها نايمه، رجعت انسدحت في الصالة وهي تحس شي يعصر قلبها تعوذت من الشيطان يمكن ارهاق او من الجوع اليوم كله مااكلت إلا قطعة توست وجبنه الساعة 7الصباح لحد ذحين المفروض هي بعد العشاء تخلص وترجع الفندق بس انها مرت اخر مريضة لها وكانت عجوز تكسر الخاطر ماعندها بنات ومسوية عملية وتعبانة مرافق معها عيال ولدها جيت اشوفها على اساس اكتب لها خروج لأن عمليتها تعتبر من العمليات اليومية بالمناظير بس كان السكر والضغط متذبذب .! حصلت ولد ولدها مرافق مع جدته وكان في قمة الأخلاق يكلمني ويستفسر عن حالة جدته ومارفع عيونه فيني، من شفتها كان ودي احضنها يمكن علشانها عجوز نفس أمي رغم أني احس انها اصغر بكثير من أمي رفضت تأكل ولا تاخذ العلاج مره وعجز معها ولد ولدها .! قالت له روح شوف شغلتك وانا بخير ماعلي محمد ذحين بيجي ماعلي خلاف. خرج من عندها وانا اقرب منها واسولف معها : خالة ليش مااكلتي لازم تاكلين علشان يعتدل السكر والضغط عندش . قالت بلهجه جنوبية أكلت قلبي : والله يايمه مالي به طريقة كلامها نفس كلام أمي فديتها حسيتها دخلت قلبي، قلت لها: يمه بجلس معش اسولف عادي قالت بلهجتها الجنوبية : الله لا يحييني عنش مسكت يدها بدون شعور وانا ابوسها وهي تحاول تمسك يدي علشان ترجع تبوسها وانا ارفض واسحب يدي من يدها. الله يرفع قدرش يابنتي. وجلست معها يمكن ثلاث دقايق اسولف معها واقنعها تاكل وتاخذ علاجها وكيف تهتم بنفسها وبعده جاني اتصال من خزامى فخرجت علشان تكلمها واتصلت في أمها واخواتها .! كنت احس بأرهاق وتعب وصداع حتى وانا اكلمها مو قادرة افتح عيوني من قوة الصداع وذحين تحس بضيق في صدرها وخوف ماتدري من ايش! . . خزامى/ وراسها بحضن أمها على غير عادتها هادية والكل ملاحظ من بعد رجعتها من الرياض وهي متغيره حيل وتحس بضيق بصدرها خاصة كلمة اخو أميرة باقي تحسها مثل النار في قلبها ماقدرت تنساها ناظرت اخواتها اللي مجتمعين ويسولفون. عدلت من نفسها بحضن أمها تناظر وجها اخذت يدها وهي تبوسها وحطتها على وجها وهي تشم ريحة أمها المميزة قالت :يمه بدون ماترفع يد أمها عن وجها . أمها بنبرة كلها حب: ياروح أمش وعقلها. خزامى /يمه تدرين أني احبش واني اضيع من دونش.! الأم عايشة وهي تحس بتغير خزامى من جت من الرياض وكانت حاسة ان فيها شي اول مره تخليها تروح وحدها وندمت انها ماراحت معها بنبرة كلها خوف /خزامى اصدقي معي من جيتي من الرياض وانتي متغيرة احد تحرش فيش ضايقش .. |
رد: رواية جنوبية برت حالي ولا أدري وين ديرتها البارت 29 خزامى من سمعت كلام امها تعدلت وجلست وهي تبكي وتشاهق بقوة كأنها طفلة وهي معروف ان شخصيتها قوية وبضعف : يمه ليش أنا ماعندي أب ليش يمه ماعندي اخوان ولا عم ولا شي يمه أنا مابغى فلوس ولا شهرة احتاج ابوي يمه احتاج لو مره انادي أبوي احتاج اخ يمه يخاف علي ويهتم يمه احس اني بلا سند بلا ظهر يمه تذكرين اعلان المخططات اللي قلت لش عنه اميرة كان اخوانها وابوها موجودين وسألت عنها قال اخوها بنات الشيوخ وبنات الحمايل مايوقفون في الشوراع يمه قدرتي تصيرين لنا كل شي إلا انش تصيرين لنا آب ليه. وهي تشد على كتف أمها انفجارها ذا جاء كله بسبب كلمة قالها رجل ما كانت كلمة عابرة كلمة استقرت في قلبها قبل عقلها يمه انا اتعذب يمه انا حتى مااعرف ابوي حتى الصور اللي عندنا ماهي واضحة يمه احتاج ابوي احتاج احضنه احتاج اتدلع عليه احتاج اشتكي له احتاج ابوي كثير في حياتي الآم عايشة وهي تغمض عيونها وتحاول تكون قوية ولا تبكي مع خزامى اللي شهقاتها تقطع قلبها وكلامها ذبحها. هي صادقة وفرت لهم كل شي قد ماتقدر وفوق ماتقدر بس عجزت تكون لهم أب وأخ وسند في النهاية تظل عاجزة انها تعطيهم شعور وأحساس الأب وهي في النهاية مثلهم ضعيفة قالت لها وهي ترفع راس خزامى : كم مره قلت لكم كلام الناس لا يأثر عليكم مهما كان وابوش مات الله يرحمه ولو أنه عايش ماكان يرضى انش تكوني ضعيفة كذا والله ماكتب لش اخوان ويمكن لو كان عندش كانوا ناشبين لش على كل شي . خزامى تمسح عيونها وبندم انها انهارت كذا وقدام أمها اللي عارفه انها شايلة حمل ثقيل ساكتة شايفة كيف صحتها كل يوم اخس من قبل اخذت يد أمها وهي تبوسها : يمه سامحيني كنت بس مضغوطة شوي وتوبة يمه ماعاد اروح اي اعلان إلا انتي معي وانتي تكفينا عن كل العالم الله يخليش لنا يارب اخواتها يناظرون فيها بعد ماخرجت أمهم وهي تمشي بخطوات ثقيلة متسندة على عصاها والضيق واضح على ملامح وجهها. من شافتها أشواق قامت تلحقها يمه وين العشاء باقي ماتعشيتي. أمها وبدون ماتلتفت لها : مالي به والله فديتش أكلت المغرب يكفي وبنام معي قومة الصباح بروح تهامة اشوف منحل العسل وخرجت لغرفتها. رجعت أشواق عند اخواتها وهي تناظر في خزامى وبعصبية : ترى ماكان له داعي تقولين لأمي عندش مشكلة كلنا نسمع لش بس أمي لا ياخزامى آخر مرة فاهمة أمي ماهي حمل لكلام مثل كذا وانت تعرفين ايش يضيق صدر أمي ودام انك اخترتي المجال هذا كوني قد اختيارش وتحملي اللي يجيش انتي اللي اخترتي مجال الشهرة محد جبرش وبعدين طبيعي الولد يقول لش كذا وانا مع كلامه وصادق وأي رجل غيور على محارمة طبيعي بيقول نفس كلامه وإلا متوقعة انه بيقول غير كذا خزامى للمرة المليون خفي على أمي وبلاش أنانية أمي مريضة ضغط وسكر وماخفي كان اعظم خلاص انتي كبيرة 17سنة بمثل عمرش فاتحين بيوت وعندهم عيال تحملي نتيجة قرارش اللي ماكنا راضين عنه ابد . وخرجت تشوف أمها اللي اكيد ان صدرها ضاق بعد كلام خزامى. ريم وهي تشوف خزامى تبكي مهما كان غلط خزامى إلا انها ترحمها وتحبها علشانها اخر العنقود وتحبها حاولت ماتزيد عليها الكلام اللي كانت تبغى تقولة أشواق ماقصرت .! لفت تناظر في ندى وحبت تغير السالفة قالت : خزامى حبيبتي خلاص اهدي وتعالي معي سالفة خطيرة حصلت لي أمس في المدرسة وابغى كل العالم تدري عنه عاد انتي مشهورة ومتابعينك كثير ماراح يقصرون. جلست جنبها وهي تفتح جوالهاظ¦ شوفي ايش صورت اليوم وحنا راجعين من قرية سيال . فتحت الصور على صورة نمر عربي تخيلي امس كان استنفار في المدرسة والقرية بكبرها بعد ماانتشر خبر وجود نمر في القرية بعد ماحلصوا بقايا الماشية اللي أكلها انا طبعآ متوقعة اي شي في قرية سيال لانها عبارة عن غابة فطبيعي نشوف حيوانات كثيرة بس يطلع لنا نمر مرة وحدة مشكلة المهم ان المديرة وقتها ولأول مرة في تاريخها تسمح لنا نخرج بدري تخيلي وحنا نقطع الوادي لازم نمشي بشويش علشان الأحجار. وهي ترفع عيونها في ندى اللي تسمع بتركيز وخزامى اللي ساكتة بدون اي ردة فعل . تخيلوا شفته بعيني شفته على الطبيعة اكثر من مرة وانا افرك عيوني قلت يمكن اني اتخيل من كثر ما اهوجس فيه شفته بطرف الوادي ياكبره انا في وجه الله وجنبي احلام كلمتها تناظر معي يمكن اني اتخيل ولما شافته شهقت بقوة وكل البنات انتبهوا له . وكلمنا السواق وبكل برود قال عادي ماعلينا منه شي هو بطرف الوادي كلنا قمطنا من الخوف وماخلينا ايه ولا دعاء إلا رددناه صورته اكثر من صورة ومقطع فيديو وانا اسوي زوم عليه لين صار واضح ! |
رد: رواية جنوبية برت حالي ولا أدري وين ديرتها البارت 30 ندى وهي تجلس جنب اخواتها وتشوف الصور : يمه يخوف مرة كبير حيل ريم. ريم وهي تناظر في خزامى اللي ماشدها الخبر شفتيه . خزامى /بضيق ايه شفت والمطلوب . ندى / خزامى خير ايش التنفيس ذا اختش من اول تقول انشري المقطع والصور متابعينش ياكثرهم يمكن احد يكون سبب بعد الله في نقل ريم بما انها موثقة كل شي ذحين الوزارت وغيرها ماتتحرك إلا بهشتاق في الترند. خزامى اخذت جوالها وهي تمده لندى : خذي رسلي المقطع له وارسليه على الانستقرام وسناب وتويتر وسوي هشتاق واكتبي التفاصيل انا مالي خلق حتى اتكلم وخرجت. ريم وهي تناظر فيها وهي تخرج : اول مرة تعطينا جوالها احس فيها شي غير اللي قالته خزامى أنا اعرفها. ندى وهي ترسل المقاطع من جوال ريم لجوال خزامى : دلوعة بكرة راح ترجع طبيعي ويمكن علشان عليها الدورة فصارت نفسية وغثيثة. ريم وهي تناظر في ندى اللي مشغولة بالجوال : ندو تتوقعي راح استفيد من الهشتاق ذا شي ، تتوقعي راح يشوفونه مسؤولين بالوزارة ترى صورته وماكان في بالي إلا انكم انتوا بس تشوفونه. ندى/ والله مااجزم لش بس نقول إن شاء الله مثل ماتشوفيني صارت الاخبار في السناب والانستقرام وتويتر توصل بسرعة البرق والتجاوب سريع واذا الوزارة ماتحركت على الأقل حماية الحياة الفطرية تجي وتشوف حل له خاصة انه نمر عربي اتوقع شفت واحد يشبه له في قناة ناشونال جيوغرافيك وتوقعي يمكن ياخذون معش لقاء بس علشان انه نمر وبعدها يسحبون عليش وهي تضحك. ريم : بحزن لا ندو ليش تقولي كذا انا بمجرد التفكير بس اني انقل فرحت اجل كيف لو نقلت فعلآ والسبب بعد الله اني صورت نمر . ندى وهي تشوف وجه ريم وهي مكشره : ياعمري مافي شي مستحيل على الله لو ربي كاتب لش نقل راح تنقلي مهما كان ويمكن ان نقلش يكون على يد واحد ماجاء على بالش ويمكن النمر يهجم عليكم في السيارة قبل ماتجي حماية الحياة الفطرية ، ضحكت وهي تشوف معالم الخوف في وجه ريم اللي اخذت جوالها وقامت : الغلط علي انا اللي جالسة معش . ندى وهي تشوفها تخرج : تعالي يابنت امزح معش تعالي شوفي الهشتاق صار ترند يابنت ايش ارد عليهم . ضحكت وهي تشوفها تخرج ومطنشتها فتحت السناب وهي تشوف المشاهدات ترتفع والرسايل في الخاص ماوقفت والانستقرام نفس الشي . وتويتر التاق كله مولع استفسارت ما بين مكذب ومصدق حست نفسها انها تورطت وهي تشوف الخاص كله اسئلة وطالبين رقم لتواصل لتأكد من الخبر، يالله علشان نمر بس الاستنفار ذا كله والمعلمات محد معبرهم ولا احد قال كلمة وحده تخص المعلمات ومدى الخطر المتربص بهم رغم أن اصواتهم في الفيديو واضح فيها الخوف والهلع . وزارة التربية والتعليم وكل مسؤول كل معلمة مغتربة وحياتها هي امانة في اعناقكم عند الله تجتمع الخصوم كل يوم تخرج ريم وحنا نستودعها الله هي وكل معلمة نفس وضعها. قامت وهي ناوية تشوف سالفة خزامى ماصدقت الكلام اللي قالته لهم تحس ان فيها شي ثاني. دخلت غرفة النوم المشتركة بينهم اخواتها محد موجود اكيد عند أمي احسن علشان تاخذ راحتها وتشوف ايش عند خزامى فتحت النور وقفلت الباب وهي تجلس على طرف سرير غزامى وتسحب البطانية عنها. ندى/ خزامى قومي اعرف انش صاحية يله قومي ابغى اتكلم معش . خزامى وهي تحط يدها على عيونها : ندو مالي خلق اتكلم خليها لين بكره. وقفت ندى وهي تسحب يدها لين جلستها وجلست جنبها.، ندى وهي تناظر في وجه خزامى : اسمعي قولي ايش صار لش في الرياض غير سالفة اخو أميرة. خزامى وهي تلعب في طرف خواتمها ناظرت في ندى وبعدين رجعت تناظر في الباب تتأكد انه مقفول . قالت بكل صدق :ندو تصدقين لو قلت لش اني ندمت الف مرة على اعلان الرياض اللي رحت له تمنيت اني مارحت.، ندى /ايه اعرف واكبر دليل وضعش المزري من جيتي اخلصي علي بقوم أنام وراي قومة من الفجر علشان اعطي أمي فطورها وعلاجها. خزامى/ندى انا اعلنت لواحد اسمه فارس سكتت وهي تحس بمرارة الكلمة قبل تنطقها وهي تناظر في ندى . ندى/ ايوه شفت يمكن السنابه الثانية وانت تصورين العربة والباقي سويت له اسكيب المهم ايش فيه خزامى/بكل صراحة وهي تنهار وتبكي ندو حبيته ي ندو حبيته مرة من شفته حسيت شي هنا وهي تأشر بيدها اللي ترجف على صدرها ندو انتي متخيله اني مو قادرة انسى تفاصيل وجهه لدرجة حفظت السنابات وكل شوي ارجع اشوفها ندى/ياحظه فارس ذا حب واعلان ببلاش .. |
رد: رواية جنوبية برت حالي ولا أدري وين ديرتها البارت 31 خزامى/يهبل ياندو يجنن شلع قلبي شلع اول مرة يصير معي كذا كم سويت اعلانات ومعظم الأعلانات رجال ويمكن انتي شفتي وانتي معي وعادي الوضع ، بس فارس غير عنهم مدري ليش وهي تبرر ترى لاتحسبين اني راضية عن نفسي بس عجزت وانا احاول انساه عجزت . ندى/ الله لا حسد أن أمي او اشواق يسمعون كلامش والله ماغير يشلعون جلدش مثل مافارس شلع قلبش يا أم قلب . وهي تضحك اسرع خقه في العالم عمومآ اكيد انها مشاعر مؤقته او اعجاب عابر نصيحة احذفي كل حساباته مرة والمقاطع اللي له عندش، حنا ياماما مالنا ومال الحب وكل ماطرى فارس على بالش تذكري عصا أمي وهي بتمحطش بها طول وعرض تعرفين أمي سم قلبها وعمى عيونها الكلام اللي مثل كذا حتى صديقات أمي رافضة الفكرة نهائيآ صديقة بس وقت الدوام وغيرة مافي . وهي تدفها على صدرها نامي يا أم حب ابو ريالين خلي عنش الخبال . خزامي وهي تغطي نفسها وتحس انها بدوامة مالها نهاية وكلام ندى صح بس قلبها من يقنعه ان اللي تحس به غلط. ظيمنع ظيمنع محمد/ طلعت جدته من المستشفى من يومين والليلة مسوين لها عشاء ابوه واخوانه وعمته جميلة وجدتي هيلة من طلعت من المستشفى ماعندها إلا الدكتورة اللي مسوية لها العملية ما غير تمدح فيها المشكلة انها قالت لي ابشرك حصلت لك عروس ماقد وصف بزينها. قلت لها من هي ذي ياجده. قالت الدكتورة اللي مسويه لي العملية انشهد انك كبير حظ لو اخذتها الله اكبر ياحلوها وحلو كلامها قلت لها وانا اضحك ايش اسمها ومن وين هي قالت والله ماادري نسيت اسمها جدتك خبله. ضحك وهو يقول كيف تخطبين لي وحده ماتعرفين حتى اسمها . قالت اعرف انها من الجنوب تقول لكن اروح انا وانت المستشفى ونسأل عن اسمها قال جده انت صادقه ذحين اصلآ انا ماافكر في الزواج ذحين ودكتورة او ممرضة مستحيل اتزوجها يرضيش يالشيخه هيلة ان زوجتي تكون مع الرجال جدته لا والله مايرضيني لكني شفتها بنت حلال وارتاح لها قلبي. قلت لها يمكن طيب انها متزوجة ياجده . جدته لا والله ماشكلها متزوجة مره عودها راوي ماقد عسفه رجل . حس انه استحى من كلمة جدته مايدري ليش وعلشان يخليها تنسى السالفة طيب هي حلوه انا شرطي تعرفينه تكون حلوه جدته/ والله لا بكذب عليك واقول اني شفت وجها الكذب خيبة لابسه نقابها ماخلعته لكن عيونها المشكى على الله كأنها بحر ربي مااعطى إلا روحها. محمد/في قلبه انشهد ان عيونها فتنه ياجده ومو بس انتي انفتنتي بها الله يرحم حاله اخذ صورها علشان يذلها ويعذبها لكن العكس صار بمجرد مايفتح صورها تعذب هو بعيونها كل الصور وهي لابسه نقاب ولا صورة لوجها مره . احتار مابين عقله وقلبه وبين أشياء كثيرة خاصة انها اكيد متزوجة وهو شاف المحادثة. لكن مجرد فكرة انه يتزوج اشواق او دكتورة جاب له غثيان وهو يتخيلها مع الرجال لا حياء ولا شي . واخذ الذاكرة ولا استفاد شي جلس يفكر كيف ينتقم منها صور مستحيل حتى لو حصل صورة لوجها مابيقدر ينشرها كيف يهتك ستر مسلمة وهو على الحد الجنوبي كيف ربي يستجيب دعواته وهو ينشر ويفضح وحده يخاف على أميرة او أمه او ربي يبتليه لكن مازال حب الأنتقام مسيطر عليه مايدري كيف يقهر اشواق الله ياخذها الكلبة أم عيون .! شاف جده يدخل وقف وهو يشوف ابوه واخوانه يوقفون يسلمون على جده واستغرب وجوده بالعاده جده مايجي هنا إلا نادر علشان جدته. سلم عليه وجلس وهو يشوف جده يدنق ويسلم على راس جدته اللي سادحه على الكرسي خاف من ردة فعل جدته بس ارتاح انها ماسوت شي جلس جده جنبه وعبدالله يقهوينا وأميرة توزع تمر وحلا الكل ساكت ومحد تكلم كأنهم مستغربين جيت جدي مثلي لين قرر فارس يكسر الصمت كالعاده فارس : اكتشفت ياأهلي ان ماعندكم إنسانية مع احترامي لأبوي وأمي وجدي وجدتي مدشن مشروعي العظيم ومحد قال لي مبروك ولا بيض الله وجهك ولا شي اخواني وهو يأشر عليهم كلكم شفتوا سناباتي وانت يامحمد كنت موجود ومحد رفع معنوياتي ابد ماكأني سويت شي أميرة /نبارك لك على اساس ايش وتدشين ايش ياشاطر وانت تبيع فيها من شهر فارس /انتِ بالذات ماراح ارد عليش مقهورة مني ماالومش ابد المسخرة اللي حصلت لش من محمد تكفي . وهو يضحك تخيلوا بس اني اتابع مشهور واتمنى اشوفه واجلس معه وفي النهاية يجي اخوي يقول انثبر يافارس والمشكلة ان المشهورة ذي صديقتها ولا بينهم إلا كم خطوة. وهو يضحك اااااخ مسخرة ياأميرة مسخرة. أميرة باقي مقهورة من محمد اخوها اللي مايرتاح إلا اذا نكد عليها راحت مع ابوها وفارس على اساس تكون معهم لأن خزامى بتسوي اعلان لفارس وكانت مع ابوها وفارس في السيارة ينتظرون خزامى |
رد: رواية جنوبية برت حالي ولا أدري وين ديرتها البارت 32 محمد كان بيروح المستشفى مر على فارس يشتري وجبة وقهوة مستعجل بيروح لجدتي المستشفى. شافهم وافقين في السيارة وسألهم ايش عندكم هنا. فارس طبعآ قال له كل شي وانه رافض أني اجي معهم بس ابوي جبره اني اجي . كالعادة حلف اني ماانزل من السيارة. أميرة موجهه كلامها لفارس : انقهر على ايش ياقلبي شفتها عند أبوي فديته واتوقع انك شفت بعيونك وبعدين لاتنسى انها سوت لك اعلان عشاني انا وببلاش. فارس وهو يقهرها : عاادي اهم شي انك مانزلتي من السيارة يامسخرة. جميلة وهي تشوف كيف أميرة منقهرة من فارس : وبعدين معك انت ماترتاح لين تناقر اختك. فارس وهو يشوف امه معهم من زمان عن جلستها معهم وهو غصب خلاها تنزل وعلشان يضيع سالفة أميرة .! قال : يالبيه يا لابس النيلي الله يجعلني فدوه له وهو يقوم ويجلس جنبها ويحضنها :ايش الجمال هذا يا أم فارس ماعرفتش والله. . . عبدالله اللي معجب في فارس ما توقع ابد ان فارس يستمر في مشروعة معروف فارس عبيط وماخذ الدنيا ضحك وهبال بس انبهر وهو يشوف كيف انه مجتهد يروح من المدرسة ولا يرتاح وعلى طول يروح عند العربة ويشتغل لين 12 في الليل .، عبدالله موجه كلامه لفارس : كيف تحس الأقبال في المطعم عندك بعد الأعلان . فارس /والله ياعبدالله شي ماتوقعته ابد يمكن بعد الأعلان بساعة زحمة غير طبيعية لدرجة ان البرقر والخبز خلصت تخيل في يوم ونص كان الربح حدود 3000الف ريال وجاني اليوم عرض في مهرجان لمدة 3شهور عبدالله /ماشاء الله وقبل الاعلان كيف كان متوسط البيع اليومي عندك. فارس /عادي ايام الدوام افتح من العصر لين 11 في الليل وماابيع إلا ب حدود200واحيانآ 100 وفي الويكند 500او 700 علي /البنت ذيك ربي مبارك فيها مخطط الأميرة اللي شريته له خمس شهور محد حتى اتصل ومن بعد الأعلان جتني اتصالات كثيرة وبعضها مالحقت ارد عليها والحمدلله في ثلاث بعت منها 15قطع ارض قبل شوي كلمني ابو نايف منصور يقول والله ماادري ان معك مخطط إلا مع اهلي قبل شوي شايفين سناب وحده يتابعونها تعلن لك وبجي اشوف المخطط ونتفق أحمد/حلو والله على كذا وسائل التواصل ذي صارت متصدرة على كل شي كم مبلغ الأعلان. ابوه/ 30 الف وأسأل أميرة هي محوله لها المبلغ كلهم بصوت واحد : اووووووف كثير مره يبه كيف حولتها لها كل السالفة سناب وتصوير وخلاص. محمد وهو منقهر : علشان تعرف ان المشاهير ذولا قاعدين يستغلون الناس استغلال غير طبيعي. عبدالله/ وانا شفت السناب اتوقع انها ماتتجاوز 8سنابات. أميرة/من حقها طيب وتقول والله انها تاخذ اكثر من كذا وبعدين ابوي مخطط كبير غير انها جت من خارج الرياض وابوي يقول انه ربح كثير وماتوقع ربح كذا فاارس /والله ياعيال انها تستاهل المبلغ قسم بلله ياهي جريئة وهي تتكلم في السناب وبسرعة ولا غلطة. غير كذا انها دعمتني ومدحتني كثير ركزوا على كلمة مدحتني والمقطع ارسلته على القروب وجتني اضافات على السناب والأنستقرام كثيرة وكمان البنت يعني جميلة والله اجمل من ذي وهو يأشر على أميرة ويضحك شكلي بخطبها والله خلاص هي شريكة النجاح . أميرة/ ماشاء قاز البنت قز وبلا كذب منقبه كيف عرفت انها جميلة فارس وهو يحط يده على قلبه يديها ياأميرة اخذت عقلي الساعة والأسوار والمناكير شلعت قلبي ، وماحس إلا بعلبة المنايل تضرب وجهه منصدم وهو يشوف ابوه معصب : اسكت خلاص انطم لاعاد توصف بنت ماتحل لنا خاف الله.، محمد/يبه اذا ماوصفها فارس بنشوفها في السناب اذا هي ماحفظت نفسها لاتلوم فارس يبه الله يخس بعض الرجال انا غسلت يدي منها وهي واقفه معنا وعادي الوضع وجايه مع سواق لوحدها تدوج لا حسيب ولا رقيب. أحمد وهو منقهر اكثر شي عليها خاصة انها باقي صغيرة قال لأميرة تعرفينها صديقتش هي . أميرة وهي منقهره من اخوانها : لا مااعرفها هي من الجنوب بس عرفتها اول شي من الانستقرام وسناب . احمد/طيب وين ابوها اخوانها، أميرة /مااعرف والله هي ماعمرها صورت ابوها او اخوانها او خواتها بس تصور أمها عجوز . جدتهم/ من هي ياأميرة أميرة /جده تذكرين البنت اللي اسمعش وهي تسولف مع امها وتصورها وهي تعجن وتخبز هيلةالجده /ايه ذيك البنت يازينها وزين منطوقها ياحلوها، أميرة/جت وانتي في المستشفى ياجده وسوت اعلان لأبوي وفارس. جدتها/ياغشي والله ليتني شفتها، محمد/ ضحك وهو يقول حتى انتي ياجده تتابعين المشاهير، جدته/ أميرة فديتها توريني سوالفها هي وأمها والله لو تسمع كلامها ماتشبع منه ماودك انها تسكت . محمد /إلا الحمدلله اني مااسمعها ناس فاضية |
رد: رواية جنوبية برت حالي ولا أدري وين ديرتها البارت 33 المكان قرية سيال ريم/ وهي تطل من شباك غرفة المعلمات رفعت يدها تناظر في الساعة وكانت تشير إلى 11صباحآ..! وكأن الوقت المغرب من شدة الضباب اليوم زخات مطر خفيفه من توسطنا الوادي ولحد ذحين .،! ومآشر الخوف بدأ يرتفع عندها . وهي خايفة من السيول والنمر العربي. ومن وقت مانشرت الفيديو وصور النمر والأتصالات عليها ماوقفت بيبون معلومات إلا ان أمي رفضت اي تصريح مني لهم إلا بشرط. تتدخل الخدمة المدنية في الموضوع وتضمن نقل لي. إلا انهم قالوا حنا جمعية حماية الحياة البرية ومالنا اي صلاحية في التعليم قالت لهم أمي اجل قدامكم قرية سيال والوادي ياكبره روحوا دورا خلال ثلاث كان تواجد جمعية جناية الحياة البرية مكثف . علامات كثيرة ولوحه تحمل شعار حماية الحياة الفطرية منتشرة بشكل كبير. كاميرات حرارية خاصة مزودة بأجهزة استشعار حركي تم تركيبها في الوادي لتتبع حركة النمر وضعت هذه الكاميرات في اماكن شوهد النمر يتواجد فيها حسب كلام اهل قرية سيال حتى مدرستنا المتهالكه بما انها تطل ع الوادي كان لها النصيب من الكاميرات. واعضاء جمعية حماية الحياة الفطرية عقدوا اجتماع بأهالي قرية سيال وتم تحذيرهم من قتل النمر ، لآنهم يبونه حي لانه من الفصيلة النادرة وحنا اللي حياتنا معرضه للخطر محد درى عنا انبحت اصواتنا وحنا نطالب في النقل او تغيير مدرسة او تعديل الطريق محد تجاوب معنا حياة النمر أغلى من حياتنا صوت أحلام وهي تدخل بفرحة :ريم ابشرك المديرة وافقت نطلع ذحين تخيلي انا والبنات لنا ساعة نكلمها علشان نطلع قلنا لها المطر يمكن يزيد ينزل الوادي وننحجز هنا ثلاث او اربع ايام ومافي طالبات اصلا من سمعوا بحكاية النمر ثلاث ايام ولا طالبه تداوم والحمدلله وافقت يله البسي بسرعه ريم /الله لا يكثر خيرها دوبها ذحين توافق نطلع حسبنا الله ونعم الوكيل مريضة المديرة ذي والله احلام وهي تلبس : والله غصب وافقت شوي ونقوم نحب راسها علشان توافق. ريم/تخسى والله مااحب راسها ذي ماتستاهل اي شي وزين اني مارحت إلا كان جت بيني وبينها قلت لكم لا تروحون لها شوفي مدرسة العيال مقفلة الخالة تقول المدير قال للمعلمين لا احد يداوم بما ان الطلاب محد يداوم والشينة ذي ناشبه لنا اسأل الله ان النمر يتغدا بها قبل نمسي ذا الليل، احلام وهي تضحك : ايش الدعاوي ذي يا ريم دعاويكم يااهل الجنوب تخوف مره يله امشي بسرعه البنات اخذوا اغراضهم من قبل خرجنا وركبنا السيارة والسواق نفسه شينة ما غير يدعي على المديرة وانا اردد بقلب خاشع اللهم امين . تحركنا والمطر كان خفيف رش بسيط بس صواعق قوية مرة تضرب بكل مكان رياح قوية يالله لطفك فينا باقي ماتجاوزنا حتى ربع المسافة من الوادي حاولت قد مااقدر اني اتماسك وانا اسمع اصوات البنات اللي تبكي واللي تكلم السواق يوقف ونرجع ولا يخاطر ونجتاز الوادي. والسواق آذن من طين وآذن من عجين طلعت المصحف وجلست اقرأ وحاولت اني اركز ووكلت امري لله بعد يمكن عشر دقائق حسيت السيارة وقفت بوسط الوادي واللي كنت خايفه منه حصل السيارة غرزت في الطين وحنا بعرض الوادي يارب لطفك . وانا ساكته ماغير اسمع هواش البنات مع السواق انا طبعي لما اعجز اسوي اي شي او شي يقهرني اسكت او تجيني حالة هستيريا والحمدلله اني ساكتة افضل حاسة انه بيصير شي مستحيل نطلع سالمين إلا اذا كتب الله لنا ربع ساعه مرت والسواق يحاول يمين ويسار يطلع السيارة وبدون فايدة ومحد حولنا يجي يساعدة طلعت الجوال ولا بررج واحد موجود ومدري ليه طلعته اصلا مافي ابراج هنا في الأيام العادية إلا في مكان معين من القرية وبعيد شوي اجل كيف ذحين والدنيا مطر وضباب. طلعت الجوال يمكن اني اتشبث بأخر أمل رجعت جوال الكشاف في الشنطة وجوالي الثاني في جيب تنورتي .! تفقدت عباتي واشد نقابي بقوة وانزل يدي من تحت العباية واتآكد اني لابسه سروال طويل او لا الطبع ذا فينا كلنا من كنا صغار أمي محرصه علينا لازم نلبس سروال طويل تقول ستر لكم اليوم حنا بين خطرين سيول /هجوم نمر سند راسي على شباك السيارة شريط حياتي يمر قدامي أمي واخواتي هل باقي بشوفهم ؟ هل باقي بكمل فلوس الفله اللي ناويه اشتريها ؟كيف بيكون وقع الخبر على أمي ؟كيف بتتحمل وهي ماتتحمل يجينا شي ؟كيف بيكون وقع الخبر على اخواتي اشواق ندو وخزامى اخر العنقود واحب اخواتي لقلبي كأنها بنتي يالله الفقد موجع موجع حيل. في اقل من جزء من الثانية وانا اسمع صوت صراخ السواق برا وبعده اصوات البنات اللي يصرخون مع السواق ولا يدرون ليش يصارخ وصوت تكسير في السيارة وشي قووي ضرب فينا من الخلف. القزاز كله تناثر علينا اصوات صراخ البنات |
رد: رواية جنوبية برت حالي ولا أدري وين ديرتها البارت 34 ريم مر أسبوع على اللي صار وهي مو مستوعبة اللي صار كأنه حلم وباب السيارة ينفتح بقوة واشوف رجل اسود متلثم بشماغ عيونه حمرا يتكلم كلام مافمهنا منه شي ويأشر لنا نخرج والبنات يصيحون ويبكون وانا ساكتة اناظر فيه ورغم الخوف اللي فيني من شكله قدرت اربط الأحداث بسرعة صوت صراخ السواق وسكت فجأة وصوت ضربة في السيارة عرفت أنه اثيوبي سبق وشفنا كثير منهم منتشرين في القرية ايش المصيبة ذي تمنيت انه نمر او سيل على الأقل لو اموت بسبب سيل او نمر اهون علي من اثيوبي ليته يقتلني بسرعةبدون مايلمس فيني شي كمية غبنة وقهر جتني وعجز وقلة حيلة محد حولنا يساعدنا حتى لو صرخنا يومين متواصل حنا بعرض الوادي والأشجار مغطية كل شي عنا . ناظرت فيه وهو ماغير يرطن بكلام ما فهمته بس واضح انه يبي ننزل نزلنا وهو يسحب الشنط حقتنا كل البنات يصيحون يقولون له خذ كل شي وخلنا و يرطن علينا ولافهمنا منه شي شنطتي فيها بطاقة احوال الصورة فقط وجوال الكشاف والبوك فيها حدود 70ريال وكم غرض. جمع الشنط واخذها وراح خلف السيارة واسمعه يكلم بالجوال البنات جلسوا على الأرض اللي كلها مليانه مطر وطين يبكون وانا ماغير ساكتة اناظر حولي بدون هدف و فجأة البنات سكتوا كأنهم يتنظرون النهاية انا تذكرت معي مسدس صغير أمي معلمتنا على استخدام السلاح كلنا تقول يمكن تحتاجونه و اكثر شي صارت محرصه علي اخذه لما عرفت ان السواق ماياخذ سلاح معه صرت اخذه معي على طول واحطة في جيب التنورة . حاولت اني اشجع نفسي وانا اخرجه ويديني ترجف اول مرة في حياتي استخدمه ما كان عندي حل إلا اني استخدمه واخلص نفسي واللي معي بما ان السواق ماله صوت اكيد الأثيوبي قتله مسكته بيدين وانا ارجف واردد يارب ساعدني تحركت من مكاني وانا اتلفت ابي اعرف وين راح الأثيوبي رحت مكان ماراح ولا وحدة من البنات سألتني وين بروح مشيت وانا ارجف من الخوف شفتة معطيني ظهرة مشغول يفتش في الشنط ويكلم في الجوال منزل راسه لشنط رفعت المسدس واطلق رصاصتين ورا بعض في راسه وأنا اصرخ بكل قوتي احس ان الرصاص في راسي واسمع اصوات البنات يصيحون وينادون بأسمي رجعت لهم وانا ارتجف واهذي بكلام كثير قتلته والله قتلته جتني قوة مدري من وين حاولت اوقف وما اطيح طلعت جوالي الأيفون معلق برقبتي واتصل على الرقم 112 محفوظ عندي أمي قالت يمكن تحتاجينه وبسرعة ردوا علي حاولت اتماسك وانا اتكلم مع الرجل اللي رد علي وانا ارجف قلت له لو سمحت حنا معلمات في وادي ملتقى الأودية جنوب السودة التابع لقرية سيال هاجمنا اثيوبي وقتل السواق واحتجزنا وانا قتلته الله يخليك ساعدنا وبعدها قفلت الجوال وانا اجلس جنب السيارة وغمضت عيوني احاول افتحها ماقدرت وانا احس بصداع قوي وتنمل في جسمي كله . اسبوع مر وهي مو قادرة تنسى لو دقايق كأنه حلم وتتمنى تقوم منه. كل اللي صار قاعد يتكرر عليها الشريط يعناد بأدق التفاصيل اللي تنخر روحها من الألم النفسي تحاول تكون قوية بس مجرد ماتتخيل الموقف ترجع تنهار مو مستوعبه انها ذحين سالمه هي وصديقاتها على الأقل جسديآ مو مستوعبه انها قتلت إنسان . الحقيقة ذي متعبتها رغم انها كانت تدافع عن نفسها. كانت بين خيارين ياتستسلم. يا تقتله منظر الأثيوبي وهو يطيح على وجهه ودمه مثل النافورة صوت حشرجة صدره شكله وهو طايح ويرفس برجوله باقي معلق في ذاكرتها كل تفاصيل الحادثه حاضره معها حتى في لحظات نومها المسروقة لحظات نومها اللي بفعل الحبوب المنومة كانت تفاصيل الحادث حاضرة والتحقيقات اللي استمرت ثلاث ايام كانوا بين مصدق ومكذب ولكن قدرة الله فوق كل شي تذكرت الكاميرات اللي في الوادي وقالت لهم اذا مو مصدقين عندكم الكاميرات ارجعوا لها وفعلآ كان الفيديو واضح مصور كل شي بدقه عالية. من بداية دوامهم الى وقت رجوعهم وتوقف السيارة كل شي كان مصور السالفة ذي صارت حديث وسائل التواصل وكم من قناة طلبتها من اجل لقاء تلفزيوني ماراح تستفيد منه شي. هم بس اللي مستفيدين عدد مشاهدات رفضت هي وامها رفض قاطع إلا بتصريح من الخدمة المدينة بقرار نقل وكعادتها الخدمة المدنية ماكأن الأمر يعنيها ابد. تنهدت بقوة تحاول تطرد تلك الأحداث من ذاكرتها شافت أمها وهي داخلها عليها تتسند على العصا ومعها ندى بصينة أكل ماتدري من متى مااكلت مو قادرة تبلع شي ماغير مويه وبس . واشواق تركب لها مغذي وقفت وهي تشوف أمها تمشي بصعوبة الشي اللي صار لها آثر على أمها بشكل كبير لدرجة ان السكر انخفض عندها 60 قالت لها ندى. |
رد: رواية جنوبية برت حالي ولا أدري وين ديرتها البارت 35 .عائشة(الأم) وصلت لريم وهي غصب تتنفس جلست جنبها تشوف شحوب وجه ريم اللي حصل لها ماهو شوي لكن حاولت قد ماتقدر تقويها ماتحب تشوف بناتها ضعيفات مسكت يد ريم : كيفش ذحين إن شاء الله احسن. ريم وهي تشد على يد أمها بكل قوتها تبي توصل لها انها بخير بس بوجودها معهاتحس ان لسانها ثقيل حتى من الكلام حتى عيونها عجزت تبكي تحس شي متكوم في قلبها . عايشه(الأم) قربت من ريم وحضنتها : انتي قوية من عرفتش ولا يهزش شي خلاص لازم تتجاوزين اللي صار و والله انش كسبتي الجميل ورفعتي راسي والله ان سيرتش ومافعلتيه ان كلن يحكي به وانا في قسم الشرطة ان كل ماشافني وعرف انش بنتي يقول كفو والله انها بنت رجال وعلمها غانم وجاني ابو احلام وباقي البنات وجابوا ظرف فيه 50 الف قالوا لريم اللي انقذت حياة بناتنا تستاهل الكرامة لكني انا رفضت و قلت لهم مااحتاج فلوس الحمدلله احتاج تروحون تسعون في نقل لريم وبناتكم انتوا رجال ولكم معارف في كل مكان . أشرت لندى الواقفه : تعالي يمي قربي الأكل من اختش انا الليلة حلفت ان مااكلتي مايطب بطني الزاد ندى وهي تقرب الصينية وتحطها بينهم بعد ماتعدلت ريم بجلستها ندى : ريم ياقلبي كلي لقمة وحده بس علشان أمي اللي من الصباح مااكلت شي وانتي تعرفين السكر كيف يلعب فيها اذا مااكلت ريمرفعت عيونها لوجه أمها اللي خط عليه الزمن علامات تقدم السن الوجه ذا اللي من تشوفه ينزاح عنها كل شي. مدت يدها وهي تحاول تأكل فعلا لازم تجبر نفسها لازم تتخطى العقبة هذي هي قوية قوية مررره من عرفت نفسها وأمها خلاص ماعاد هي صارت حمل شي يالله تقدر تقوم بنفسها وهي تشوف صحتها كل يوم اقل من اللي قبل. ظيمنع ظيمنع علي خارج من غرفته بعد حرب مع جميلة. اول مره من تزوجها يعصب عليها كذا وينفعل بس خلاص طفش منها ومن وضعها ماعاد عنده ذرة تحمل وصل اقصاه منها ماكأنه متزوج حاول معها تكلم وهي ولا همها هو ماينكر انه يحبها وهي أم عياله ولها عليه فضل كبير بعد الله ومهما قدم لها مستحيل يقدر يرد لها لو جزء بسيط من فضلها. بس في النهاية هو رجل وله متطلبات وهي تستكثر عليه كل شي عجز منها عجز يفهمها انه طيبة ومافيها إلا وساوس كل مرة يقرر انه يتزوج عليها ومن حقه وهو ربي رازقه خير كثير وباقي بصحته وشبابه اللي يشوفه مع اولاده يقول اخوهم . لكنه يرجع يتذكر اولاده ويتذكر اميرة ويتذكر خاله وعياله وآمه اللي ماترضى على جميلة بنت اخوها رغم انها مقصرة معها بس تحبها تقول ذي بنت اخوي لو قصرت معي بكون لها ستر وغطاء ويكفي انها آم احمد وعبدالله وفارس واميرة ولها جميل عندنا كلنا . ويتذكر حبه لها هو يحبها ماينكر وما يتوقع ان في وحده بتجي لو ربع جمالها ويتذكر ايام ماصبرت عليه وتحملت جت معه الرياض وتحملت الغربة افضالها علي كثيرة ورابطه يدي فيها وانا عجزت اتحمل حتى حقوقي الزوجية رافضتها مرة تقول اللي عطيتك يكفي واذا حصل شي يحصل وهي مكرهه وتبكي وانا إنسان عفيف نفس ولا احب اخذ شي غصب مليت صراحة. دخل عند أمه وهو يسمع صوت فارس كعادته يناقر أميرة وأمه اللي نشف ريقها وهي تحاول تهدي بينهم اولاده هم اللي مالين عليه حياته حاول يكون طبيعي علشانهم . سكت فارس بمجرد ماشاف ابوه يدخل وقام هو واخوانه محمد واحمد وعبدالله كعادتهم لما يدخل ابوهم او جدهم لازم يوقفون لهم. جلس في صدر الجلسة بعد ماسلم على راس أمه. أشر لأميرة وجلست جنبه وهو يحاوطها بيديه ويقربها منه يبوس راسها وهي ترجع تبوس كتفه : ايش فيه فارس عليش. أميرة /مدري عنه مريض ولدك وهي تأشر عليه. فارسوهو يضحك : يبه فهم بنتك ذي لازم تتقبل وجهات النظر والحوار مو راضية تقتنع انها شينة . علي/حدك يافارس عن أميرة كل شي إلا هي أجمل ماخلق ربي وهو يرجع يحضنها ويشم فيها ريحة أمها اللي محروم منها ومن قربها . عبدالله اللي كان ماسك جواله : اف عيال شفتوا هشتاق معلمة تقتل اثيوبي فارس /ايه من اسبوع الهشتاق في الترند والله انها كفو وبنت رجال تخيل انها تدرس في منطقة نائية وتعطلت السيارة وجاء الأثيوبي على اساس انه بيساعد السواق بس الخبيث قتل السواق وهجم على البنات. محمد بعدم اقتناع : الله ايش الفلم الهندي لا تصدقون كل شي في تويتر والأنستقرام. فارس /لا والله إلا صدق وفي مقطع فيديو كامل من تعطلت السيارة لين جت الشرطة والاسعاف. احمد /شده الموضوع كيف طيب منطقة نائية وتصوير عبدالله/قبل اسبوع او اكثر كان هشتاق وجود نمر عربي جنوب السودة جمعية الحياة البرية ركبوا كاميرات بكل مكان علشان يرصدون تحركات النمر وسبحان الله الكاميرات ذي صورت الحدث كامل ادخلوا وشوفوا الهشتاق. |
رد: رواية جنوبية برت حالي ولا أدري وين ديرتها البارت 36 أميرة وهي تشوف ابوها مندمج يسمع السالفة قالت: يبه تذكر البنت اللي سوت لك الأعلان ناظر في بنته قال : ايه ايش فيها. أميرة : المعلمة اللي قتلت الاثيوبي تصير اختها الكل نااظر فيها هيلة الجده قالت : يالله سترك على بنات المسلمين علي بأعجاب : كفو والله انها بنت رجال والله انها تستاهل الكرامه.، فارس بذهول : أميرة انتي صادقة ذحين أميرة /اذا منت مصدق ادخل حساب خزامى الجنوب وشوف القصة كاملة. فارس : انشغلت وماعاد صرت اتابعها وهو يحط يده على قلبه وهو يقول لااله إلا الله ايش القوة ذي فيها تقتل اثيوبي مره وحده انا لا شفتهم بس صورة اتروع كيف هي. عبدالله/ والله انها كفو واعجبني تصرفها بنات الجنوب يااخي غير ولا قصور في باقي البنات تستاهل التكريم في ذمتي. احمد بتأثر : المعلمات حالتهم صعبه في منطقة نائية ولا سواق مثل الناس ولاشي وهو وين عقله ينزل ويطلب مساعدة من اثيوبي مجهول . فارس بتفكير : هب ياوجها كيف تعلمت على المسدس وهو يناظر في جدته الله طعني عن بنات الجنوب علي ماعلق ابد وهو يتذكر خزامي رغم صغر سنها إلا انه قدر يحلل شخصيتها قوية جريئة وهي بالسن ذا قدرت تكون نفسها اجل اختها كيف معجب فيها وبتصرفها . رجع يناظر في عياله محمد منسدح وراسه في حضن جدته كالعادة مغمض عيونه . جدته اللي ربته من وهو صغير الله يسامح أبوي جابه من عند أمه وهو باقي صغير وتكفلت فيه أمي جيت محمد عند أمي نعمة من الله لها انشغلت به شوي عن موت أحمد . محمد ولدي نسخه من أبوي وعمه أحمد عصبي وعنيد واللي في راسه يسويه وزاد عليه دلال أبوي وأمي له. اولادي متعلقين في أمي مره أكثر من أمهم ومن تولد جميلة أمي تتكفل بهم تحبهم أكثر من نفسها هي وابوي حتى اشك احيانأ انهم يحبون عيالي اكثر مني. انا شفت قسوة أبوي علي وعلى اخوي احمد وكيف كانت حياتنا لما جوني عيال عاهدت نفسي اني مااسوي معهم نفس أبوي حتى لو غلطوا خليت لهم مساحة في الحوار والتعبير حاولت قد مااقدر اني اكسب عيالي اخوان واصدقاء كنت ابغاهم يحبوني حب فيني مو حب جبر وخوف مني. رجع ناظر في ولده أحمد نسخه ثانية منه بكل شي هادي وحكيم وحنون واستشيره في معظم قراراتي واعتمد عليه بشكل كبير واثق في قراره. رجع ناظر في عبدالله الشخص الغامض والعادي نوعآ ما مايحب يدخل نفسه بشي إلا بعد مااحد يطلبه موظف في هيئة التحقيق والادعاء العام. ناظر في فارس روح البيت وفرحته مايدخل مكان إلا يغيره كل مااشوفه اضحك على تصرفاته وهو نسخه من جدته سبحان الله بياض بشرته عيونه وحدة خشمه شعره الكثيف الطويل اللي عجزت معه انه يقصه كل يوم طالع قصه جديدة ولا ابغى اضغط عليه وكل اخوانه نفس حركته كل واحد مطول شعره بس انهم اهون من فارس شوي عندي قناعة انها فترة وتعدي ويقتنع من نفسه انا بنفسي شعري لين رقبتي وكم مره ابوي يكلمني عن قصات فارس وانها تشبه بالكفار . واقول له يبه فارس في مرحلة مراهقة شوي وهو يقتنع من نفسه ويحلق دعى من كل قلبه ان يحفظ له عياله اللي من شافهم نسى جميلة وكل شي مايبي يضيق صدورهم ابد هو مستحيل انه يتزوج مستحيل يكون سبب في ضيق عياله. مهما كان أمهم مستحيل يرضون عليها. ناظر في محمد وهو يعدل جلسته ويقعد سأله متى راجعين الحد انت واخوك. محمد وهو يقوم ياخذ جواله : الليلة انا رايح بمر أمي في أبها واجلس عندها اسبوع وبعدها بنزل نجران إن شاء الله وانت يقصد أحمد بتروح مع أخوك. أحمد :لا عندي كم شغله بخلصها هنا ثلاث ايام وبعدها بروح إن شاء الله. قلبه ماتطمن مايحب عياله يروحون إلا مع بعض. شاف محمد اللي قرب منه وهو يبوس راسه ويده بعد ماسلم على جدته . استودع الله فيهم الله لايفجعني فيكم .. . . اشواق بعد ماتطمنت على ريم تحس اليوم انها احسن مر اكثر من اسبوع ثقيل علينا وعليها هي بالذات الشي اللي صار لريم وانخفاض السكر المفاجئ لأمها كلها احداث ثقيلة على روحها غير جدول دوامها المزحوم ما تقدر تاخذ يوم واحد إجازة مرتبطة بتدريب طلاب الأمتياز ودوام رسمي في مستشفى حكومي عيادتها الخاصة تحس انها مقيدة بشكل كبير مرات تحس انها ندمانة انها دخلت مجال الطب المجال هذا اخذ منها كثير وهي بطبعها صابرة بتتحمل بس تحتاج تنام سنة قدام وترتاح تحتاج ترتاح تعبانة نفسيا اكثر من جسديآ. بس لازم تكون قوية وتمثل قدامهم انها قوية وتتحمل علشان أمها اللي تعتمد عليها بشكل كبير اكثر حتى من ريم وعلشان اخواتها خاصه بعد اللي صار مع ريم دخلت عند أمها وهي تشوفها قاعدة على سريرها والتعب واضح على معالم وجها تورم جسمها خاصة رجولها صعوبة التنفس ومستحيل تشكي لهم . |
| الساعة الآن 10:49 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010