شبكة همس الشوق - قالت انت اللي بديت الغمز يا فلان

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - قالت انت اللي بديت الغمز يا فلان (https://www.hamsalshok.com/vb/t100485.html)

قالت انت اللي بديت الغمز يا فلان

قالت انت اللي بديت الغمز يا فلان
وما انكر اني معجبه بعيونك العز

ما انكر وشخصيتك صياد غزلان
صدتني من يوم قام الرمش يهتز

وما انكر المكنوز الين اقبلت هتان
وما انكر ان الدمع لو اقفيت يرتز

وما انكر ان النظرة بْشوفتك تزدان
وما انكر ان السّهْم بحْشايَه تمرْكز

وانت حظك يا مليح العين شبعان
تركب الشاصين وتغني وتغمز

حيف تغمز لي وانا ما عزني شان
الرّدى حظي واشوف الحظ مخنز

يستحيل البس من المعروض فستان
ويستحيل البس مخيط لْدودة القز

ويستحيل استر من المستور لو بان
ويستحيل يْكون لون اللبس قرمز

وانت دام انك تشوف الفرق ينبان
ليه تحرجني معك وتخزني خز

ليه تجرحني بْسهام الطيش والجان
وليه تشعلني دموع وتوقد القز