شبكة همس الشوق - اخر جوبات الغرام

خذي مني اخر جوابات الغرام واحسبيها جد

......... مواثيق الغلا ماتت عسى الله لا يرجعها

تصورت الزمان يموت لما قلتي لي ببـــعد

......... وانا مهما يجير الوقت نفسي صعب اقنعها

تفكر اني بمد ايدي .. جعلها ما تنخلق من يد

.......... تنزل راسي بارض الغشاما واسمي مطلعها

انا اللي عشت في ارض الكرامه جزرها والمد

.......... ادلعـــــــني على القمه وانا بالعــــز ادلعــها

تهون العشره لو ضاعت وماني راجيٍ من حد

......... اقبل له طرف خشمه وانا قادر اضيعهــــــــا

وبعد يوم الوداع .. اذكر بقدم لك هدية ورد

......... وورقه انكتب فيها مواقف كيــــف مشنعها

تفتكر منخلق غيرك يبادل نشـــــوتي بالود

......... اجل عيشي يا عين المستحيل وربي لفجعها

لضوي الشمس من عين الغروب وابتدي بالعد

......... ولاطرح من غرور النفس في نفسك واقنعها

عمر ما تنكســـر حلم القلوب ولو هدمها الصد

.......... وعمر ما يفترق الاحباب دام القلــــب مضجعها

خذي اخر جوابات الغرام وحزمــــةٍ من ورد

........... بقايا من ورق عمري محال الوقت يجمعـــــها