شبكة همس الشوق - كلمات غنية تتنفسك دنياي

كلمات : انور المشيري
الحان : احمد الهرمي
توزيع موسيقي : سيروس
وتريات : تامر الفيظي
جيتار : شريف فهمي
ناي : ايمن برجاس
قانون : محمد اسيري
ايقاع : ابراهيم حسن
مجموعة : كورال البحرين
مكس وماستر : جاسم محمد
اشراف عام : انور المشيري

مو بس أحبك..أنا تـتـنَـفّسِك دنـيـاي
وإتخَيَّل إني وصلت إلمرحلة في الروح
خجلان من طيفك اللي متـعبـه ويّاي
من زود مَنتـه على بالي تجي وإتروح

الله لو تـدري قلبي وش كثِـر مـمـلاي
شوق ٍلعيناك وْشوق إلوَجهِك المملوح
وش قد أرتّـب كلامي لك قبِل ملقـاي
وش قد يضيع الكلام بْشوفِتِك والبوح

غلاك عـوقي وهو نفسه لِـعوقي إدواي
كِن بُعدِك اليَم وْوَصلِك هو سفينة نوح
ما تـبـتـهِج نفسي إلاّٰ وإنتَ في يمنـاي
وْما يلوي ذراعي إلاّٰ ضيـقتـك والنـُوح

وجودك بعمري شي مثل الهوى والماي
وغيابك أبسط تـعاريـفه شِـقـا و جْروح
ردّيت روحي بْرجوعك يا بْعدي و مْنـاي
وْيـالضحكة اللي أصير إلها فِدا وآروح

لِك يا هنوف الخِصال مْحبِّةٍ في دْماي
‏تملا بلاد الضباب اللي بشذاك إتـفوح
كنت الحبيب وْ غِديت اليوم كل دنياي
من توأم الروح إلين أمسيت إنتَ الروح