|
يصحيك الزمان اللي يصحي كل من نامي احمدك واشكرك واثني عليك بما علي انعمـت تزودني وفا قـدر العشير ووصـل الارحامي ولجك الفجر ياليل الذهول اللي علي اضلمت بعرضك واقع الماضي بعيني عرض الافلامي ولهتك يالنديم اللي على صافي وفـاك اضرمـت بصفحة ذكريات العام واللي من ورا العامي بعد تقرير مشوار التجارب نجحك واجزمت بان السيف سيفي والعصا والمحزم احزامي عطتني عزلة اخلاصي معك نسيان من نادمـت كتبتك وانطوت صحفي عليك و جفـت اقلامـي اباهي لا ابالي واتبيسط كل ماقدمـت اشب النار قدام العرب واشيد اخيامي نهاري حر شمسه يستحي منها لسـان الشمـت وليلي ترقب نجومه ملامة كل من لامي على ضو الكلام اللي كشف عنا ستار الصمـت عرفت اني تحت برق الامل في روض الاحلامي احسب انك تيمم با اتجاهي ويـن مـا يممت واثر ما انت بورايه في الطريق ولانت قدامي مصيبه لاتدنت قيمتك فـي عين مـن قيمت يشوفك بالسهل وانته تشوفه بالسمـا السامي كثر ماحن قلبي للونيس وكثر ما درهمت فجر صدري حنيني واتعب الاقدام درهامي عيون الصد وعيون التجافي حول مهما اكرمت تشوف المجتهد كسـلان والبناي هدامي مدام ان جانبك شام لجنابي وانت عني شمـت كثر خيرك وانا مانيب لاجايع ولاضامي اشوف انه علي واجب ليـا مريتكم سلمت مرور اكرام تربطه الكرامه عند الاكرامي على شان الخفوق اللي على عرشه قعدت وقمت حجب عنك الدجى لين اشرقت لك بيض الايامي ختام السالفه ياطيب العشره كرمت ودمـت هذا حقك علي وحق شرهاتي على اوهامي مصير الوقت يشرح لك دروسه وان غفلت ونمت يصحيك الزمان اللي يصحي كل من نامي تذكرني لامنها خابـت اوهامك فمـن وهمت وشفت الفرق في حب الخشوم وحب الاقدامي |
رد: يصحيك الزمان اللي يصحي كل من نامي - حَرف بآذخ الجمَال نثرت روائع المعآني والكلمآت سلم يمينك |
رد: يصحيك الزمان اللي يصحي كل من نامي رووووووعه الله يعطيك العافيه |
رد: يصحيك الزمان اللي يصحي كل من نامي يا لهذا, يعجز كلمي عن وصف جمال ما حاكته معانيك لا خلا و لا عدم من حرفك الشاهق المتعالي. دمت و دام لك الإبداع خليلا |
| الساعة الآن 11:18 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010