|
خلوني اقضي لزومي واضرب الباب خلوني اقضي لزومي واضرب الباب يغنيني الله ولابعض الميانه ياليتني ماوثقت ببعض الاصحاب لاعاده الله ولايسقى زمانه العام عشان عينه نزعل احباب و انقوم و انطيح يوم الشان شانه و اليوم صرنا في عينه مثل الاجناب حتى سلامه علينا فيه اهانة عزالله إنا جنينا بيضة غراب لاهي زبيدي . ولاهي عُنصلانه يا جامع الشمل جنب خاطرن طاب لا عاد اشوفه تراها معك أمانه لا عاد تندب علي الا ليا غاب جات الجفية و مسينا بطانه لا تحسب المشكله طبنا و لا طاب المشكله ما سلمنا من لسانه و الهرج ما عيّب الطيب و لا عاب ولا ينزل رفيعن من مكانه الهرج ماله عن الاجواد مجناب لو جنّب اهل المجامل والجبانه اللوم كله على ابو زيد وذياب لا قام كلن على صهوة حصانه تم العرب عن بعضها صارت احزاب تبكي على الرافدين أرض الكنانه عزالله اني ضحية بعض الاسباب هقيت لي هقوة ماهي تكانه لو شيمة الشخص مع الاسما والالقاب قبل اسم جنسيته واسم الديانه ماشيف مثلي عرب تخدع وترتاب وتذوق طعم التنكر والخيانه من طوع شوري يجنب شجرة الداب أحياناً البُعد نوع من الفطانه بعض الرياجيل يبرالك وكذاب ما غش بعض الملوك الا البطانه اما توفقت في عكفان الاشناب اللي ذراها على الصاحب حصَانه ولا اقطع الصوت مره واغلق الباب واكتب على الباب مغلق للصيانه |
رد: خلوني اقضي لزومي واضرب الباب رووعه الله يعطيك العافيه |
رد: خلوني اقضي لزومي واضرب الباب صح لسانك، رأيت هنا انسكابا لما يعتمل في القلب من مشاعر شتى، تراكمت في الدواخل كلمات كأنها الجبال ثقلا و طولا، سلم قلمك و سلم قولك و سلمت من كل قول تقصد قلبك سهما مسموما. تقديري. |
رد: خلوني اقضي لزومي واضرب الباب سلمتِ وسلمت يدآك ربي يعطيك ألــــــف عـآفيه الله يسعد قلبك يآرب ولا يحرمنا منكِ ومن آطرحآتكِ الرآئعه لك كل احترامي وتقديري |
رد: خلوني اقضي لزومي واضرب الباب يعطيك العافيه كلام جميل |
| الساعة الآن 02:03 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010