|
اصوت لبنتين وبيدي بنتين نوره مضاوي عايشه مي يارا ساره وحسين ,, حبوا بعض مثل اي عشاق .. وفرقهم الزمن .. مرت الأيام والسنين وساره اصبحت معلمه في احدى مدارس الأبتدائيه .. والمفاجأه الكبرى انها شافت حبيبها جاي للمدرسه يبغى يسجل بنته وجت ساره قالت قصيده تشكي لصديقتها نوره ... ويالله اسمعواا وقولوا لي رايكم ... قالت ساره .... يانوره بالله اسمعي لا تصدين يابنت حر ن مركزه بالصداره شي جرالي قسم القلب قسمين وابلا ملامه افهمي للعباره باول دوام المدرسه يوم الاثنين معلمه في وجه باب الاداره وقفت باللجنه على سادس اثنين مثل المجند ينتظر للاشاره هذي تنادي وهذي ابله انا وين زحمه وتو اليوم باول نهاره اصوت لبنتين وبيدي بنتين نوره مضاوي عايشه مي يارا وسمعت صوت رجع الوقت لسنين صوت الذي اسمه بنقش السواره " اختي عن اذنك ناقل البنت هالحين تفضلي الاوراق و الاستماره" عجزت لا اجاوب ولا ارمش العين طول سكوتي وهو طال انتظاره حسيت كن الدم مثل البراكين شريان قلبي وصل حد انفجاره ورفعت راسي وصارت العين بالعين ولمحت في عينه سواة الشراره هو هو والا واهمه يامسلمين زوله ورفعة حاجبه مع سماره لاماتغير فيه ياكود شيين حف الشنب والشيب زاد بوقاره اتلا علاقتنا ثلاثه وتسعين باول حلاة العمر قبل انكساره الشاهد الله ماحصل بيننا شين ولا يخدش احساس بنت وعذارا نعم الحبيب اللي الطيب والزين ونعم الرفيق اللي حفظ حق جاره ياوجه ابوي الوجه مرحب وسهلين لا يابعد روح ومعاليق ساره ودي المه وودي اصيح بس وين مثل الكسير اللي نشب وسط غاره مايستطيع المشي من دون رجلين وحوله جنودتشتهر بالشطاره ياللاسف هالحين صرنا غريبين حكم القدر واصدر علينا قراره الهم والغربال والفقد والبين وانا اسيره تنتظر للزياره ويلي علي لاماك ويلاه ياحسين يامن يجمعنا واسوق البشاره ساره!!! وسكت له لحظة كنها سنين واقفا واشوفه يوم شب الزقاره! هذا رد من حسين يامرحبا ياغايتي يا هلا وين يابنت عودن فيه طيب ونعاره لايابعد كل البنات المزايين يافرحت المظلوم يوم انتصاره من يوم ماغبتي وانا ماني بزين ضايق واحس القلب طال انتظاره دايم على بالي وانتي تمرين واقول يفدوها جميع العذاره لو الليالي ترجع لعشرة سنين ماكان شفتي الشيب زاد بوقاره لامانسيتك من ثلاثه وتسعين وشلون ابنسى حب واضح مساره تدرين شاللي هزني بيوم الاثنين واللي ذبح قلبي باول نهاره زولك لمحته يوم كنتي تمشين بين الصفوف اقبال باب الاداره وفز الخفوق وقلت ياربي تعين هي هي ولاهي شبيه لساره جيتك وقلت ابنقل البنت هالحين تفضلي الاوراق والاستماره طول سكاتك والبلا العين بالعين ضقت واحس بضغط مدري حراره وخانتني الدمعه وطاحت من العين كني طفل يبكي مضيع دياره بحط بنتي عندك بسادس ثنين عشان اكثر جيتي بزياره واليا دخلتي الصف لازم تخشين اسمي لانه مسجلن بسواره وامانتك انك عليها تخافين لحدن يضايقها بايت عباره بصارحك في شي يمكن تحسين ان الزمن اقفى علينا قطاره انا سمعت ان اكبر عيالك حسين وانتي أكيد انك سمعتي بساره هكذا العقل عندما يتكلم بلغة العاطفه ويمتزج بالمنطق ليكونان الصدق..والوفاء...الصغار اسمهما ساره وحسين..والكبار اسمهما ساره وحسين..والحدث لساره وحسين والعنوان : العفه. تفاعل الكثير من الشعراء بهذا الموقف رد شاعر سعودي قريت قاف حسين ثم سالت العين ولا ادري علام الدمع زاد انهماره ياحسين مالومك تحسر على الزين عشرة عمر والعشق واضح مساره بقيت وافي له من سنين وسنين واكبر دليل مسمي البنت ساره ولجل الغلا سمت ولدها على حسين عزالله انك تستحق الصداره احسين تدري ليه ابكي من البين وقلبي كسير وزاد فيه انكساره ذكرتني ياحسين ياحسين ياحسين بالغالي اللي له بقلبي وقاره علمي بهم ياحسين اربع وتسعين وهالحين ماادري وين صارت دياره قفّت من الخفجي ولاادري على وين وانا نقلت الجوف وعيني لداره ياحسين حبه ساطين بالشرايين وعساي اشوفه مثل ماشفت ساره للموضوع نكهه خاصه..بعالم المحبين بدنيا الواقع. منقول |
رد: اصوت لبنتين وبيدي بنتين نوره مضاوي عايشه مي يارا الله يعطيك العافية على مجهودك الرائع |
رد: اصوت لبنتين وبيدي بنتين نوره مضاوي عايشه مي يارا بعض الحضور يصنع المعجزات يجعل من الصحراء واحات هكذاأنت أرض خضراء مترف العطاء رائعٌ ما سطره قلمكِ شكرا لرقي الكلمات |
رد: اصوت لبنتين وبيدي بنتين نوره مضاوي عايشه مي يارا كل الشكر والامتنان على روعهـ الموضووع .. وروعهـ مانــثرت .. وجماليهـ طرحكـ .. دائما متميز في الانتقاء سلمت على روعه طرحك نترقب المزيد من جديدك الرائع دمت ودام لنا روعه مواضيعك |
رد: اصوت لبنتين وبيدي بنتين نوره مضاوي عايشه مي يارا الله يعطيك العافيه ... بانتظار روعة ذائقتك القادمه .. لك جنائن الورد واصدق الود |
| الساعة الآن 07:59 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010