شبكة همس الشوق - قصيدة سليل الطيب والمهابة مجاراة بين شاعرين

. "حمد.. وسام الطيبين" .
ســلامي على اللي صـدق الـقـــول ومـعـــناه
فـي حـمـد والـنـاس كـلهـم مـثــلي يقـــولونه

ســـلامـي على اللي يجــيب الخـــير طــرياه
بــطـيـب قــوله وفـعـــله الـنــاس يــطـــرونه

ســلامي على اللي العــيون ســاسه ومـنشـاه
مربى جود وكرم وطيب الممدوح ما يذمونه

مخـافة الله مـغــروسـة فيـه وفــي شـــرواه
قـلـيـــل مــــن الـنــاس الـلـي يـشـــبــهـــونه

الـحـــمـــد لله مـــــــيــز عــــقــلـه و زكــــاه
ورفــــع قــــدره وقــــدر غــــيـره مـــن دونه

الله يجــعـل الصـحة والعـافية فـاله وملفــاه
ويـقـــلـل اعــــداه ويـكـــثر الـلـي يـحـــبـونه

أخـــلاقه فـــخـر لـلـمـخــالده وقــهـر لـعــداه
وكـــثره لحــبايبه ومــثــال للنــاس يقــلدونه

هـذي خــواطر مـتواضعه تبحـث عن ارشــاه
والا مـحـبـة حـمـد بــين الاضــلاع مـكــنـونه

وصــــلاة ربــي عـلـى الـلـي لـديـنـه هـــــداه
مـحـمـد عـدد اوراق الشجر وعـدد اغـصــونه
الشاعر/ حسين أحمد السهلي.
=======================

رد الشاعر/ حمد بن فهد المخالده السبيعي :ـ
. <{ سليل الطيب والمهابة }> .
ياحسين عليكم السلام عد هتان سال ماه
وإعداد الأشجار والثمار اللي منها يجنونه

حر شهر واشتهر بالطيب من عرفه يفـداه
أستاذ ماهر في تعليمه وطلابه يحترمونه

دين وأخلاق وأحسن منه على الدين رباه
احمد بن حسين السهلي الرجـال يعرفونه

أبو أحمد رجل كريم وشهم وعظيم الجاه
عسى عمره على الطاعة طويل ويحبـونه

والرأس شامخ مثل الجبل قوي لا تحـداه
من سـلالة قوم عند الشـدايد ما يهـزمونه

ولمن أقـبل على المجالس فز الكل وحياه
هيبة من تواضعه لله ثم لمن هم يقدرونه

نعم الرجل طيب وطيبه من طيب مجناه
ويزيد الطـيب طـيب من قبـل لا يطيبونه

نعم ذرب اللسان خطل الأيادي ربعه تذراه
لفضه لجل المعاني تنساق له ما يسوقونه

والخـتم صلوا على من زاد الله في تقـواه
محمد خاتم الأنبياء سيد البشر لا تنكرونه
الشاعر/ حمد بن فهد المخالده السبيعي