شعر يموت من الضحك فيروس هجرك عطل القلب تعطيـل=ودمر ملفات الفـرح فـي حياتـي ياللي سكنت القلب من دون تحميـل=متـى لموقعنـا تشـرف وتـاتـي عنوانكم ماهـوب ياهـو وهوتميـل=عنوانكـم روحـي و قلبـي و ذاتـي كم مرةٍ أرسلـت لـك عبر الإيميـل=وأدورك فـي منتـداي و شـاتـي وأرسلت لك يازين فايـلٍ ورى فايـل=فيها الغلا والحـب يا أغـلى أمنياتـي وأرسلت لك قصة عذابي مع الريـل=ياللي غيابك هـو سبايـب شقاتـي دايم عليك أبحـث بياهـو و جوجيـل=وأنـت ولا تسـأل علينـا بتـاتـي خابرك بنتم فـور أصلـي و إنتيـل=لكن خسـارة غيـروك الوشاتـي وكان الهكر غروك بالقـال والقيـل=بأدعي عليهم في سجودي وصلاتي ياجعلهـم بقعـاء وطيـرٍ أبابـيـل=ترمي عليهم بأمـر ربـي حصاتـي يرضيك من حبك غدى منهك الحيـل=ريقي غدى ناشف ويبسـت شفاتـي أقضي الليالي دمع عينـي هماليـل=لا مـن طريتيلـي تـبـدد مبـاتـي صحـراي جفـت مالفانـا مخاييـل=وأنت المزون اللـي تـروّي نباتـي وياشين حالي لا قريـت المراسيـل=في الأوتلوك أذكر قصص ماضياتي منك حزين الحرف شـاف البهاذيـل=وقلبك مثل قرصٍ صلب في القساتي موقعك في وجهـي مقفـل بتقفيـل=حتىالبروكسي مانفـع وش سواتـي بمفضلـة قلبـي عطينـاك تفضيـل=انـت المفضـل عندنـا يا غنـاتـي ويا زين هجرك عطل القلب تعطيـل=ومن غير شوفك وش تساوي حياتي كني بدونك قرص فـارغ ولا فيـل=فاسـد ومرمـي بسلـة المهملاتـي ماعدت أفرق بين اكسس و أكسيـل=وماعدت أفرق بيـن بلتـك وشاتـي و اشكي على الكيبورد كثر الغرابيل=وأكتب على الوورد المطور وصاتي وهذي النهاية حطها وسـط تظليـل=لا مـت ف غيابـك سبايـب مماتـي |
كلمات جميلة جداااا دومـآ نتطلع لجديدك المُفعم جُل تقديري وعظيم إمتناني لك |
كلمات جميلة جدااااااااا اسعد الله قلبك وامتعه بالخير دوماً واحلا تقييم |
يسلـم بوحـك ودام نبض قلبك ونزف قلمك كل الروعـه رأيتهـا تعانق سطورك ,, لروحك حدائق الياسمين . |
حروفك أنتظمت لــ تشف عن رقي ذآئقتك وأوتار سطورك لها نغم مميز أبدآع يحتويها وجمال يلازم مضمونهاا سلم حرفك ونبض أبدعك طبت و طابت أيامكـ |
الساعة الآن 08:21 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010