شبكة همس الشوق - مابقى فيني كلام ولا عتاب ولا قصيد

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - مابقى فيني كلام ولا عتاب ولا قصيد (https://www.hamsalshok.com/vb/t17297.html)

مابقى فيني كلام ولا عتاب ولا قصيد

:

مابقى فيني كلام .. ولا عتاب .. ولا قصيد
مابقى بي غير دمعة عالقة ترفض تطيح ..

~

كاتم آهات وعبره .. لا أقول ولا أعيد
فاقد صدر ٍ حنون ارتمي وسطه وأصيح ..

~

عايش عالم رتابه .. وكل ما حولي بليد
لا عواصف .. لا سحاب .. ولا مطر .. أو صوت ريح

~

أقضي الساعات أبني عالمي الثاني البعيد
عالمي .. مافيه ظالم .. لا كسير .. ولا جريح

~

وأحلم .. إن بكره بجيه .. وأنولد به من جديد
وأسكنه دايم ربيع ورد انسامه تفيح ..

~

راحل .. وبجمع غموضي وشعري وقلبٍ وحيد
وجهتي عالم خيالي وش لي في واقع شحيح !!

~

وشلي في ‘‘ دنيا الذيابه ‘‘ ياتصاد ويا تصيد
حكمها ‘‘ قانون غابه ‘‘ مايصح فيه الصحيح

: