شبكة همس الشوق - يا حزين الحرف كم فيني لبثت

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - يا حزين الحرف كم فيني لبثت (https://www.hamsalshok.com/vb/t20736.html)

يا حزين الحرف كم فيني لبثت

صَدري المُوجوع للرّمْق الأَخِير

و ريقْ صَبرِي بلّله بعْدك " هَوا ..

صاحبي ‘ والدّمع في عِيني كثير
قمْ نفلّ الحزْن / ونغنّي سَوا !

أنا شِـ اللي معنّيني وأفكّر بالجفا والضيْق

. . مدام الله مقدّر لي قضَائي يعْني ارضى بِه

أنا لازم أشوف الضحْك واسعَى للفرَح وافيق
. . وأحسب حْساب أحلامي واسكّر للعَنا بابه

أنا من هالمِسا بعْلن تمرّد ضحكة التّوريق
. . بنسّي قلبي الذكرى مع انّه ذنْب ما تابِه

بشطّب من ورَق دفتر حياتي بالقلَم تفريق
. . شتات الجَرح والطعنات وهْمومي وما شابَه

بحمّل خافقي يبْصر خًفايَا والنفوس تْطيق
. . كلافَة نظرتي ‘ وإلا وجيه الناس (تتشابه)

ببطّل سآلفة باني اجَامِل وابْلتع هالرّيق
. . إذا قالوا لي أخبارك ! وقلت : بْخير , واهْنا به

أنا يَ هالفرح كنّي تنفّست القَهر بشْهيق
. . ولا ألحقتَها زفرَه .. وبان مْن العنا نابِه

بعلّم حلمي يْعانق بِعاد الغيْم ؛ والتّشريق
. . وافهّم ضحكتي تجبر غُصون الجرح واسرابِه

كفايه والحزٍن شايب قضَى بي عمْره بْتحريق
. . رُماد الذكريات وطال دربِي بعد ما شابِه

خلاص ! وقلتها لأني تعبْت شْهور من تلفِيق
. . حكايات الفرح ، والضيق ماودّا ولا جابِه

(أنا) بنهي تعاقُد قلبي وعُمري معَ هالضّيق
. . وبدعِي ربي يْقوّي عزيمَة نفْس مِرتابه ()"

يا حَزين الحَرف كم فيني لِبثْت ؟!
صاحِبِك من آه ما ذاق ‘ المَـرَاح
وانّ نِشدْك النّاس عن شعرٍ [ نفَثْت ]
قلّهم : بطّـل تعاويذِه .. ورَاح !
قلّهم : بطّـل تعاويذِه .. ورَاح !
قلّهم : بطّـل تعاويذِه .. ورَاح !