شبكة همس الشوق - الليل دايم للهواجيس جذاب

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - الليل دايم للهواجيس جذاب (https://www.hamsalshok.com/vb/t22436.html)

الليل دايم للهواجيس جذاب

الليل دايم .. للهواجيس جذاب
واليا ادّلهم في وحشته كبر واغرور
يلف به .. سبعين طاري ويرتاب
بالٍ وقف .. يرقب طواريه مبهور
واعظم طواريه الوله والوله ناب
اليا انغرس بي ينزف اشعار واشعور
شعراً عن احكايات الاشواق ماتاب
حبره سحايب والورق قاع ممطور
لبيه ياعشقٍ ربى خلف الاهداب
وعاش بْ وطن صدراً من الودّ معمور
واواه من شوقي على شوف من غاب
عنّي وقلبي من عنا البعد ممرور
ولفٍ ليا منّه حظر !! يلغي احباب
ويبعث بروحي نور من عشق واسْرور
فيه الحلا والملح والغنج منساب
ومْن الخجل ! كنّه من الناس مذعور
وروحه مكامن مسْك وانفاسه اطياب
واقباله اروع من ضيا فجّة النور
عشقه قدر واطباعه وْزينه اسباب
والعبد ب الاقدار منهي ومامور
يا احلى قدر قادر على سلب الالباب
يا ساحر الاحساس يا عسجد السور
من غبت عن عيني جميع الملا غاب
واصبحت من كثر الغرابيل .. مدمور
ليتك تجي .. لو كلّ ه الناس غيّاب
لان البشر في حظرتك مالهم دور
وحدك مليت العين والقلب بك ذاب
وحدك ملكت ابخافقي عشق واقصور
ومن كثر حبك ترخص ل عينك اقراب
ياللي ب كثرة زينك اتباهي الحور
على كثر ماجاك من شعري اسهاب

عجزت لا اوصف ربْع زينك ومعذور
وعلى كثر ماشفت من زين واعجاب
ما تلّني غير انت يا ساطع النور