|
لحظة لحظة!! ترى ماجيت أقدم لك أعذار لحظة!! وبعده سوي اللي تسوين لحظة!! بصحح بيننابعض الأفكار وباقول لك حاجه قبل ماتقولين لاتحسبيني بانثر الدمع وأنهار وإلا اترجى وأطلبك ماتروحين روحي عسى دربك بساتين وأزهار روحي وغيري بالمخاليق تلقين صحيح لك بالقلب حشمه ومقدار لكن شسوي لك إذا ماتحسين لي قلب لامنه عشق حيل مدرار ومن الغلا عندي يكفي ملايين بس إن لقى صد وجفى صار جبار وأقدر أفارق واهجرك لاتخافين يابنت أنا لي عزتي وباخذ الثار وابغى انصحك لارحت اصحى تنادين ماني براجع لاتقولين وش صار؟؟ لاتسأليني ليه؟؟ أنتي تعرفين غيرك تمنوني وبالعب وباختار وأعشق بدالك ألف وحده بيومين وإنتي رصيدك بالغلا عندي أصفار ماهو بذنبي ماعرفتي تحبين وكل الذي لجلك كتبته من أشعار والله خساره فيك ماتستحقين حتى صورك اللي من العام تذكار بادوسها وإنتي قبالي تشوفين ياماعطيتك ألف إنذار وإنذار أقدر أفارق قلت لك لاتحدين واليوم أنا ليه أتعب النفس واحتار دامك جرحتيني وكنتي تسلين إن كنت حي ومن طويلين الأعمار لجرح بدال الجرح تسعه وتسعين والحين يالله خلي دموعك أمطار وباحاول أضحك طول ماأنتي تصيحين شـــعر:حـــامـــد زيـــد |
ليمونه حامضه .. << الآبداع .! صح لـ سانك .. ابيات في قمة الروعـه .. أقدم لكَ اعجابي بها بوح راقي. فعلاً لانندم بقراءة وتمعن ابياتك .. وتشرفت أن اكون اول من اطلع على قصديك الذووق .. ننتظر القادم بـ كل شووق تحيتي |
منوووور يالغلا اسعدني انك اول من يمر متصفحي وانك معطرها ومكمل جمالها بتواجدك الراقي والمشجع ليمونة |
| الساعة الآن 07:43 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010