|
ماني بجاهل على الشدات تختبره مدري بكى حلم ؟ .. مدري ليلةٍ غبْرة ؟ نسيوني أحباب ولاّ ضاعت أخباري ؟ هي إتدبّر ؟ .. أو أقفَت مابها دِبرة ؟ ليت الليالي تقدّر غربة الساري مدري من اللّي من الثاني نفذ صبره ؟ لا يازمن .. من هو البايع من الشاري ؟ لا الوجه وجهك ولا النبرة هي النبرة مدري .. ولكن طرا لك يازمن طاري ماني بجاهل على الشدّات .. تختبره تشتدّ ياوقت .. وإصراري هو إصراري بالقلب ما تعرف العبرة من العبرة وبناظري غيمةٍ ما تمطر أسراري خلّيت الأحزان بأقصى القلب منثبرة ياكثر كذبي على نفسي وأنا داري قم ياقصيدٍ يعزّي لا إنتثر حِبره إليا حداني زماني تفزع أشعاري وإن بار فِيَّه رفيقٍ كنت معتبره أغلى من الروح .. ما نّزلت مقداري والله لو ردّ هاك الحبّ من قبره مارِدّ له .. لين تبرد غلّتي .. ثاري ماكلّ شقٍّ .. مداه السلك والإبرة وماكلّ عينٍ .. تجامل جرحي العاري إمّا يقولون .. طاح الضلع .. من كبره ولاّ يقولون .. ماهو للوطى ضاري كلٍّ تكلم.. وكلٍّ خـــابرٍ خبــره وبكره يبين الصحيح .. إن سهّل الباري البارحة ضقت .. وأثر البارحة غبرة مدري بكى حلم ؟ ولاّ ضاعت أخباري ؟ |
رد: ماني بجاهل على الشدات تختبره يعطيك العافية ع الطرح المميز |
رد: ماني بجاهل على الشدات تختبره شكرا لك على هذا التميز والابداع فابداعك ليس له رفيق دائما تتالق في القمه وكيف لا ونحن لا نجد لديك سوى كل جديد مفيد وشيق فانت دائما بمواضيعك الجميله كعلم يرفرف فوق ساريه التميز وفي صعودا للقمه دوما كل الشكر والامتنان على هذا الابداع |
رد: ماني بجاهل على الشدات تختبره سلمت اناملك على هذا الطرح الرائع سعدت جداً بتواجدي بين طيات متصفحك العطر .. بإنتظار جديدك القادم بكل شووق .. أسعدك الباري |
| الساعة الآن 03:20 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010