شبكة همس الشوق

شبكة همس الشوق (https://www.hamsalshok.com/vb/index.php)
-   همس الشعر والقوافي (https://www.hamsalshok.com/vb/f283)
-   -   واليوم غني خلاص وعافك الخاطر (https://www.hamsalshok.com/vb/t3293.html)

نبضي عبدالله 13 - 3 - 2011 07:10 AM

واليوم أغني خلاص وعافكـ الخاطر
 
اللب لا من تعوّر بان بالقشره
والعين بيّن عليها كسرة الخاطر


جرحتني جرح .. ياكُبره ويا قُشره
ولا يهمك تشوف الجرح يتقاطر ..!

كم قلت لك غلطةٍ للشاطر بعشره
وانا انتهى الصبر م العشرات يا شاطر

طعنت حبك وشفت إدماه منطشره
بسيف نكرانك المتمرد الشاطر

هو كيف تنسا الصفا يا صافي البشره
مشيت درب الجفا .. من دلك إتخاطر ؟

ما تذكر .. التضحيه .. والطيب .. والعِشره ؟
ولاّ نسا غصن قلبك .. قلبي الماطر .؟

من حبنا كان حتى همنا خشره
مهما صغر همّنا .. لا بدّ نتشاطر

خذ الخبر موجزٍ .. مايلحقه نشره
من قلبي اللي بطر به قلبك الباطر

في حكمتي : من شرى في خوتك ف إشره
في وقت صار المعزب .. يكره الخاطر

القلب منضام .. والنبضه علي تشره
والصبر زوّد وصارت بكرته ؟ فاطر

بالأمس أغني لك ( أبصم لك على العشره)
واليوم اغني ( خلاص وعافك الخاطر)








للشاعر / سعيد بن مانع

وحدهـ حساسهـ 13 - 3 - 2011 11:47 PM

شـكــ وبارك الله فيك ـــرا لك ... لك مني أجمل تحية .

قصيده راااعه لامست وجداني

لك مني تحيه طيبه

نبضي عبدالله 14 - 3 - 2011 09:57 AM

في حضورك زاد متصفحي نورا


اسعدني تواجدك يالغلا
للروحك
باقه ورد....


الساعة الآن 08:02 PM

جميع الحقوق محفوظه للمنتدى
HêĽм √ 3.1 BY: ! ωαнαм ! © 2010


SEO by vBSEO