شبكة همس الشوق - ياحسافه دخلوها والحشا يغلي لهيب

ياحسافه دخلوها والحشا يغلي لهيب..
وأحكموا قيد البنيه وإسجنوها بإلتفاف..

ودعتهم وهي تقول حسبي الله [الحسيب]..
رحلتي ماهي طويله ورجعتي بعد القطاف!!

سافرت عن دار أهلها وقلبها خطر [وصويب]..
سافرت مع منهو خطفها من أمانيها الضعاف..

خايفه مستوحشه والعرق منها صبيب..
وقلبها ينبض بذكرى ماضيه فيها إختلاف..

حاولت ترضى بقدرها وللحدث هي تستجيب..
بس عيت تقتنع وعشقها ذاك <الضفاف>..

هو سألها جاوبيني ليه دمعاتك (سريب)..
ليه لي ماتنظرين وأنا زوجك شخص واف..

قالت بنبره خجوله أنا في وضع" رهيب..
غصب عني زوجوني وإطعنوني بالرهاف..

هو سكت لحظة تأمل وش أسوي يامجيب..
عقله وقلبه نطقها صاحب النخوه يعاف..

قال منهو غير حبي يسكن بقلبك نجيب.
من تولى عرش قلبك إهتني به ياعفاف..

وباكر الرجعه تراها وإمسحي الدمع العجيب.
خايف إني أمسكك وأقترف ذنب إقتراف..

إضحكت ضحكه وقالت مابعد هالطيب طيب..
الله يجازيك عني بالأجر ويسر الطواف..

إرجعت وقالت رجعت ياأهل الشرع الغريب
بنتكم جتكم ولكن من بعد ذل وحساف.

وإبعثت مرسول عاجل أنا جيتك يالحبيب.
النذر اللي نذرته صار وافي يامناف?!

إجلست يوم وتأخر لارساله (ولامجيب)
وعقلها يمه تشتت وبدت بالغيبه تخاف

مرها طفل صغير وإسألت عن الصحيب
قال مات ليلة زفافك وإندفن بعد الزفاف

ناحت بحسره وطالت الليالي والنحيب
وودعت قبل اللقاء حلمها الزاهي وطاف

إقتلوها مرتين وشابت ماقبل المشيب
وذاب قلب" قد تعلق والبصر جاه الكفاف

</3أليمة</3 :'مماا راق ليے