خل حزنك يسولف واذكر الله ونام خل حَزنكْ يسولف .. واذكر الله ونْام ! همـس 22همـس 22همـس 22 توّك اللحين تدري فالهوى .. والهيام ؟! ............يوم جفّت - من طعونك - .. دموع الجفون !! جاي تشكي لي همومك وقلّ المنام ............تحسب إنّك إلين اللحين .. خل .. وتمون ؟! جاي (بأصدق بدايه) .. وأنته .. (أكذب ختام) ............تحسب إن الخيانه .. من تعدي .. تهون ؟! من سهر يا (سهيري) .. لا يخاف الظلام ............ومن طعن يا (غريمي) .. لا يهاب الطعون من متى و(الجريح) يطيب عقب (الكلام) ؟! ............من متى و(العيون) تحبّ (دمع العيون) ؟! كفّ دمعك ؟! ترا توّي بديت الملام .. ............يا خي بدري على الدمعات .. توهم يجون !! لا تسولف .. ترا الفرقا تهد العظام ............لا تسولف تراني صدق .. صدق امغبون خل حزنك يسولف .. واذكر الله .. ونام ............وحطّ راسك على صدر (الفراق الحنون) وان صدفت (الهوى) قلّه : (عليك السلام) ............وان صدفت (الحزن) قلّه : (عساها تهون) انت ضيعتني عقب الجفا .. والخصام ............وانت علمتني كيف الخيانه .. تكون منت قد المسامح .. والوفا .. والغرام ............أنت واجد عليك .. (تحب .. يوم .. وتخون) !! مما اعجبني |
رد: خل حَزنكْ يسولف .. واذكر الله ونْام ! طرح في غايه آلروعه وآلجمال سلمت آناملك على الانتقاء الاكثر من رائع ولاحرمنا جديدك القادم والشيق ونحن له بالإنتظار,,~ |
رد: خل حَزنكْ يسولف .. واذكر الله ونْام ! آسعـدني هــذآ آلــحضور آلرآقـي .. جـزيل شُكري وآمتنآني لك.. لروحــك وردي وودي ,,~ |
رد: خل حَزنكْ يسولف .. واذكر الله ونْام ! يعطيك ربي العافيه يالغلااااا ويسلم يميناك على الطرح المتميز والإبداأإأإع و بكل شؤؤؤق ننتظر إبدأعاتك وودي لروحكـ |
الساعة الآن 09:55 PM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010