شبكة همس الشوق - دام ما هزك غيابي

وش يهمك .!!
ليه غبت ؟
و وين غبت ؟
وليه جيت ؟..
دام ما هزّك غيابي وش يهزك.. لا لفيت ؟!

ما تعوضني دموعك .. عن صدودك .. والجحود..
ليتني ما قلت أحبك .. ليتني لك.. ماحكيت !

ليتني ما جبت طاري.. ليتني.. ريحت بالي
و ليتني في مثل حبك .. بالمحبة.. ما وفيت !

كنت ما آفهم بالخيانة.. كثر ما آسمع.. بالخيانة!
و كنت وافي بالمحبة.. كثر ما عني.. سليت !

و كنت أشوف الناس مثلي .. غلطتي و أكبر ذنوبي
آآيه لأني بالمحبة .. في هواك انت .. ابتليت .!!

آآيه لأني في عيوني كنت أشوفك شي ثاني ..
وش أشوفك شي ثاني ؟! كنت ملكك ! ما حييت..

كنت أردد في غيابك.. أجمل بيوت القصايد..
كنت أررد ( من يقول اني بنسيانك.. نويت ؟ )

ثم أردد ( و أن قويت أنساك ؟ نسيانك صعب ! )
و كنت أرددها بصوتي في غيابك.. بيت.. بيت..

طحت من عيني حسايف من مكانـ(ـن) كنت فيه
ما رقى به شخص غيرك..!! لا و لا غيرك.. رضيت !

لأنك أول شخص عندي و آخر انسانـ(ـن) أبيه
و لأنك انت اللي ملكني و لأنك انت اللي قويت ..

يسكن بوسط الحنايا و ان جرح قلبي يمون ..
ساكنـ(ـن) وسط الخفوق وفي عيوني له مبيت..

جفني الأول فراشه وجفني الثاني غطاه..
و لو عطيته كل عمري أعتبرني ما عطيت ..!!

كنت مفرط في حناني .. وك نت مفرط بالغرام..
لين صرت انسان عادي.. في عيونك لو بكيت .!

من غلاتك ,, من قساتك ,, من جحودك للوفا ..
من ضياع سنين عمري.. و أروع أحلامـ(ـن) بنيت..

أصبحت مثل الحطام اللي تطاير في هبوب ..!
ودي أستدرك شتاتي.. لا ضميت.. ولارويت ..!!

غير حبك.. يوم حبك .. ضيّع سنيني معاه.. !!
حسبي الله..ان صدفتك .. و حسبي الله ان طريت..

وين ما لديت وجهي.. ألمحك تضحك علي
ألمحك تضحك علي ..!! وغير ربي ما شكيت ..!!!

مات قلبي وش بقى بي ؟
أسألك بالله حي ؟!!!
و الخفوق اللي رميته في هواك اليوم ميت ؟!!!

كيف أنسى ؟!.. و كيف أسلى ؟!..
أسألك بالله كيف ؟؟!!
و لو اقول اني نسيتك .. يعلم الله
ما نسيت ..!!!

طعنتـ(ـن) أدمت جروحي .. من كفوف اللي عطيته..
كل شيـ(ـن) في حياتي... و إعتبرني ما عطيت .!!!!!!!

أكرهك ؟!!
و أكره حياتي ؟!!
و أكره سنيني معاك..!!
و أوعدك ما احب ثاني .. طول عمري ما حييت ..!!!

وش يهمك !!
ليه غبت ؟
و وين غبت ؟
وليه جيت ؟
دام ما هزّك غيابي .. وش يهزك.. لا لفيت ؟!! ..