شبكة همس الشوق - خلطه تصفي البشره و توجد اللون وتخفي اثار الحبوب نهائي

" بسم الله الرحمن الرحيم "

السلام عليكم ورحمة الله وبركاته

أخبار الامورات إن شاء الله بخير
طبعاً كلنا نبي نطلع ببشره جميله نبيها صافيه مثل المرايه
وكلنا نبي اللي ينبهرون فينا
ويقولون وااو بشرتك متغيره وش مسويه ويتعلقون فيك لين تقولين لهم السر

تبون اعلمكم بخلطه
توحد اللون وَ تصفي البشره وَ تخفي لك آثار الحبوب 100% + وإذا فيك حبوب تنشفها وتروح + مو بس كذا لا وتشد الرقبه بعد

وكلو طبيعي مافيه مواد كيميائيه
طبيعي 100% من مزارعنا ~> برااا

قبل نبدأ ..

فيه احد مايعرف اساسيات اي قناع (ماسك) للبشره .. ويقول ليه ماتطلع نتائج حلوه !!

اليوم راح أبدأ بـِ نصائح عند وضع القناع :

بسم الله ..

1- تدلكين بشرة الوجه ( 5 دقائق على الأقل ) بالحليب مع الماء
*حليب جاف يخلط مع الماء لين يصير مثل الكريم وتدهن به بشرة الوجه وسائر الجسم مع التدليك
بشكل دائري لمدة ربع ساعة ثم يغسل بماء بارد
" يستخدم الحليب مع الماء لتهيئة البشره قبل وضع القناع "
ليش طيب ندللك البشره ؟؟
انا اقولك ليش لأن التدليك للبشره عموماً مفيد
لانه يحسن مظهر البشره + يشد الجلد + وينشط الدورة الدموية

2- تنظفين بشرة الوجه جيداً قبل ماتحطين القناع , بإستخدام قطعة اسفنج أو ممكن الاستعانه بالبخار بعدها تسوين تقشير ثم تحطين القناع اللي تبين .

3- إذا حطيتي القناع لازم القناع يغطي الوجه والرقبة وعدم الإقتراب من منطقة العينين
(كل وجهك ورقبتك إلا عيونك ماتحطي عليها )

4- الإسترخاء عند وضع القناع حتى يجف او حسب المدة المذكورة

5- إزالة القناع بماء فاتر ثم بارد , وغسل الوجه صباح كل يوم بماء فاتر (دافىء) ثم بارد
لان ذلك يساعد على إتزان البشرة وتنشيط الدورة الدموية

لحين نجي للقناع اللي من جد روووووووووووووووووعه جداً جداً

ومقادير الخلطه

سهله مرره وبدون تعقيد

* 1 ملعقة سدر

* 1 ملعقة حليب بودرة
* نص ليمونه
" إذا بشرتك حساسة 3 نقاط او 4 تكفي "
* ماء نقي ( الأفضل ماء زمزم )
" الكميه لين يماسك القناع "

*سبحان الله هالخلطة فوائدها عجيبه خاصه يوم تخلط بماء زمزم

كلنا نعرف فائدة ماء زمزم وميزته*

الطريقة :

تفردينه على الوجه وَ الرقبه

لمدة : نصف ساعة

مدة الخلطه :

إذا عندك منآسبه قريبه تستخدمينها يوم إيه ويوم لآ
إذا ماعندك مناسبه خليه مرتين بالاسبوع او مره على حسب فضاوتك ..ماراح تستغنين عنه

بعد ماتشيلي القناع (الخلطه) :

اغسليه بماء دافي بعدها بارد

>بعدها امسحية بموية ورد الافضل تكون باردة
"تعطي توريد للبشره"

وآثقه جداً انها راح تعجبكم النتائج وَ راح تعتمدوا هالخلطه ببرنامج عنايتكم

مَآ بي منكم إلا دعواتكم لي بالتوفيق وَ السعاده في الدنيا والآخره

" دمتم بنقاء "