قصيدة المرجلة إذا المراجـل لبسـة شمـاغ وعقـال *****قـل للـعـذارى يلبـسـنّ العمـايـم ما عاد يفـرق زول حرمـه ورجـال***** دام الفعايـل تشبـه البـعـض دايــم المرجلـه مـا هيـب كلمـه وتنقـال *****وتروح مـا راحـت هبـوب النسايـم وإلا خشونة صوت أو رفـع الأثقـال *****أو رزة صــدور وفـعـل الـزلايـم ولا هي بعد مفتـاح موتـر وجـوال***** وإلا ردى لسـانـن حديـثـه شتـايـم المرجله شيمـه عـن القيـل والقـال***** رفيع نفـس (ن ) حـر بالجـو حايـم المرجلـه عقـلٍ وزن وزنـه جبـال *****ودون العقـل وش فرقـنـا والبهـايـم يا مسندي لو مايل الوقـت بـي مـال***** يـا ولـد أبويـه يـا عظيـم العزايـم يا معرب الجدين مـن العـم والخـال *****يـا نخـوة المفـزوع وقـت الهزايـم المرجله يا خوي هـي طولـة البـال***** هـي العـزم هـي الصبـر فالظلايـم فيهـا الكـرم عـزه دلـه وفنـجـال***** فيها الكرامه عـن ردى الطبـع شايـم والدين لامنـه خـذا القلـب منـزال *****مشـى طريـق الحـق وابليـس نايـم ومن لا عرف ربه في طيـب الحـال *****لابـد وقـت الضيـق بالـهـم هـايـم حتى صلاتك مع جماعـات ورجـال *****في خيرهـا يـا خـوي نعـم الغنايـم ولامن نصف ليلك قـم صفـي البـال***** يا عظـم أجـرك بيـن ساجـد وقايـم ولا من رفع ربي لـه كـل الأعمـال *****حسـن الذكـر لا قالـو فـلان صايـم وخلك شريف القصد يا طيـب الفـال *****سـوء المقاصـد فالبـيـوت الهـدايـم واحذر تبيع النفس فـي دب الأنـذال***** وتتبـع خـوي إبليـس راع النمـايـم النفـس خيـل لـك إذا كنـت خيّـال *****ومـن لا قـوى نفسـه قوتـه الهزايـم ولا صرت ما تدري لو يش أنت رجال***** والله خسـارة فيـك ذبــح التمـايـم |
رد: قصيدة المرجلة قمة الروعه والإبداع والجمال سلمت لايادي وبنتظار جديدك بكل شوق ورد الجوري السموك |
رد: قصيدة المرجلة مرورك اضاء متصفحي .. واسعد قلبي.. ف اهلا وسهلا بك.. |
رد: قصيدة المرجلة والله ياجروح , في زمن بابا سامحني وبابا طيحني معاد فيها مارجل إلا ماقل سلمت يمناك على جمال ما اختارت لنا .. قصيدة تحكي واقع الكثير في زمن قلة فيه الرجولة. دمتي كما تودين |
رد: قصيدة المرجلة سلمت الانامل الذهبيه لما خطته لنا من عبارات وحروف قمه في الجمال وروعة الاحساس الصادق دمتِ بود .. |
رد: قصيدة المرجلة كل الشكر لك ولهذا المرور الجميل. الله يعطيك العافيه يارب.خالص مودتى لك. |
رد: قصيدة المرجلة صح لسان شاعرها وتسلم يد ناقلها قصيده رائعه الله يعطيك العافيه ننتظر جديد بكل شوق ودي وعبق الورد http://up.hamsalshok.com/do.php?img=6659 |
رد: قصيدة المرجلة صح لسانك الله يعطيك العافية تقبلي مروري |
رد: قصيدة المرجلة بتي كل الشكر لك ولهذا المرور الجميل. الله يعطيك العافيه يارب.خالص مودتى لك. |
رد: قصيدة المرجلة دلع كل الشكر لك ولهذا المرور الجميل. الله يعطيك العافيه يارب.خالص مودتى لك. |
الساعة الآن 06:08 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010