|
قدر ظروفه وان زعل لاتلومه السلام عليكم ورحمة الله وبركاته قصيدة رااااااقت لي كثييييير ...من القصائد اللي احس بصدقها... من يفقد اعصابه على ادناة ماجاه تأكد ان نفسه حزينه كتومه لا تسأل اللي منغبن عن نواياه قدّر ظروفه وان زعل لا تلومه ولا تحرجه ، ولا تحدّه على أقصاه ولا تجرحه ، ولا تفرّح خصومه واضح ، ولا يحتاج فترة وتقراه جالس ، ونظرااته تقول امْحرومه قلبه جريح ، وخانه الوقت وأعياه بتهاجمه ؟ أجل تحمّل هجومه لا تقول وش علمه ولا تتبع اخطاه ادخل وسط قلبه ، وتعرف علومه تجيه رايق وانت تجهل خفاياه وتشيّن اخلاقه وتنبش اهمومه ياخوي ، من صمته تبان المعاناه يمكن لو إلحاله ، يشقق هدومه هذا يقضّي ليلته فـ المحاتاه يوم أنت مدّيها بسبعين نومه اركد ترا التهميش وإلّا مبالاه بالشخص ، كنّك بايعه بأي سومه تراها مستويه معه ، جاه من جاه شجاع ، لكن طايحاتٍ اعْزومه هذا قبل لو تعرفه ما تعدّاه من طيب راسه من جمايل اسلومه شوفه زمان المهزله وين ودّاه ودّاه للوحده وغير انجومه اليا نطق في قلبك تقول عزاه ماهو على بعضه ولا هو بيومه يضحك دقيقه ، وان ذكر جور دنياه يسرح مع اوجاعه برفقة احْلومه يرجع يفكر في نصيبه وبلواه تقول طير عاد من عقب حومه ياصاحبي لا تنشده عن سواياه ماضي حزين وبيّناتٍ ارسومه ان ما قدرت بوقفتك تمسح بكاه طالبك طلبه لا تنبّش اعلومه ارفع يدينك واترك الأمر للــه أبيك تدعي له بنفسٍ رحومه ولا جاك ملقوفٍ يبّحث خفاياه اللي على العالم يسدّد اسهومه لا تضعفه دام الشجاعه بيمناه قلّه يبي ربّك يفرّج اهمومه ان شاء الله تعجبكم |
رد: قدر ظروفه وان زعل لاتلومه رووعه ربي يعطيك العافيه أكاليل الزهر أنثرها في صفحتك |
رد: قدر ظروفه وان زعل لاتلومه * يعطيك العوافي .....ابيات متميزة ورائعة لك خالص تحياتي و* |
رد: قدر ظروفه وان زعل لاتلومه هذي والله اغلا نصيحه وصلتني في حياتي تسلم يدك يا غاليه |
رد: قدر ظروفه وان زعل لاتلومه يع ــطيك الع ــآفية ولآ ع ــدمنآ تميز انآملك الذهبية دمت ودآم بح ــر عطآئك بمآ يطرح متميزآ بنتظآر القآدم بشووق فلآ تح ــرمنآ من جديد تميزك لروح ــك بآقآت من الجوري |
رد: قدر ظروفه وان زعل لاتلومه صح لسان شاعرها وتسلم يد ناقلها الله يعطيك العافيه على ذائقتك الرائعه راقت لي ننتظر جديدك بكل شوق جناين الورد لروحك |
| الساعة الآن 11:58 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010