|
برايكم ليه الاخطاء الطبيه كثرت هالايام طبعا هالشي دار براسي كثير واخر حادثه رايتها باحدى المستشفيات بالشرقيه حالة وفاه بسبب خطا طبي يتمو الاطفال ورملو النساء فوق ذلك لا يوجد هناك لا حسيب ولارقيب شي مؤلم انك تروح المشفى بس عشان لوزات ويسوون لك عمليه بواسير يعني لهالدرجه صارت الارواح غير مهمه صرنا بزمان نخاف نروح للمستشفيات المفروض الواحد قبل يروح المشفى يودع احبابه عشان خلاص يبنحرونه بالمشفى سؤالي هنا لو ان هناك رقيب وحسيب ع هذه المستشفيات وفي عقوبه لكل مخطئ في روح انسان هل سيكون هناك اخطاء طبيه ....؟ وشو سببها الاخطاء الطبيه ؟؟ واين يكمن الخطا الطبي ...? بقلمي قيود |
رد: برايكم ليه الاخطاء الطبيه كثرت هالايام لو ان هناك رقيب وحسيب ع هذه المستشفيات وفي عقوبه لكل مخطئ في روح انسان هل سيكون هناك اخطاء طبيه ....؟ لا مااتوقع لو ان هناااك رقيب ع المستشفيات مايكون فيه خطئ طبي لانهم يعرفوا ان وراءهم رقيب بحاسبهم على اخطائهم ونسوا الخالق اللي بيسألهم عن كل صغيره وكبيره كل واحد يعمل بالمستشفيات على كيفه حتى المدير العااام مااظن انه يحاسب على كل شي بس اسم مدير مع احترامي للكل المدراء وفيه ادله كثيره لكن عند الله مايضيع حق المسلم دمه هدرا وشو سببها الاخطاء الطبيه ؟؟ ممكن سببهاا قله الوعي لانه بعضهم يتوظفون بالواسطه وعندهم شهاده اقل من خبرتهم لذلك يلجاون الى اسأله من هم اعلى منهم فاحيانا يضطرون الى الاخطاء ليس عمداً منهم بل جهلاً وقله معرفه في الطب او يكون الاخطاء احياناا كثره المراجعين وزحمه لدرجه والله مره اعطوناا ادويه غير ادويتنا الله المستعان لذلك الواحد لازم يتاكد قبل ماياخذ الاوديه وفيه بعضهم ماتوا بهذ السبب وانا لااظن ان الاطباء يتعمدوا في الخطاء بل الخطاء نفسه يجي وهم لايعلموا يعني ربما يكون سهواً ( مجرد رأي ) ووجهة نظري ✿ ✿ واين يكمن الخطا الطبي ...? .......................... |
رد: برايكم ليه الاخطاء الطبيه كثرت هالايام يعطيك العافيه على الطرح الهادف الي يجب مناقشته واهم من الخطئ والعقاب يجب البحث عن الأسباب الى دفعت الى الخطأ لو تم عقاب طبيب وكم ممرضه << وبعدين انتهت المشكله لا يجب ان يتم مراجعة الية العمل كامله والتحقيق في ادق التفاصل التى تسبب الأخطاء قد يكون الخطأ خطأ موظف السجلات او ممرضه او طريقة تقسيم المستشفى للمرضا و تصنيفهم الأسباب الممكنه كثيره يجب البحث فيه كلها لأخراج الية عمل يندر فيها الخطأ كل الود الراايق |
رد: برايكم ليه الاخطاء الطبيه كثرت هالايام سؤالي هنا لو ان هناك رقيب وحسيب ع هذه المستشفيات وفي عقوبه لكل مخطئ في روح انسان هل سيكون هناك اخطاء طبيه ....؟ أنا عندي يخاف الطبيب من المسائلة أمام الله لو أذهق روح بريئة بخطأ أرتكبه لو مخافة الله في قلوب بعض الأطباء لقلة كثيًرا الأخطاء وشو سببها الاخطاء الطبيه ؟؟ واين يكمن الخطا الطبي ...? بتتوقف على حالة المريض والخطأ المرتكبة الطبيب لكن أكثرها بتكون بسب الأهمال المستشفيات في اغلب المستشفيات الإ من رحم ربي والعقوبة وإن تواجدت بتكون ليست على مستوى الجُرم وبتشجع من لا ضمير له على فعلته وللأسف الضحايا بتكون أغلبها من طبقة فقيرة ليس لها حول ولا قوة في أن تأخذ حقها ربي يرحمنا جميعًا قيود موضوع هام وهادف للنقاش تسلمي |
رد: برايكم ليه الاخطاء الطبيه كثرت هالايام احترم ردك اخت امال وعجبني كثير بس الواحد لاكان مايعرف يركز بسبب زحمة المراجعين ليه يتوظف ليه ? يعني كذا مستشفى مشهور عنه ان الاخطا الطبيه شائعه فيه لو انها حاله وحده بالسنه ممكن نتقبل الوضع لكن هذا بالساعات حسبنا الله ونعم الوكيل بس تكفينا .. |
رد: برايكم ليه الاخطاء الطبيه كثرت هالايام احترم ردك يالرايق .. طيب بحثنا عن الاسباب وجبنا الحدث بعينه يعني بالله بنت عندها لوزات داخله للوزات اش نقزهم ليدها وبترها ولا الثانيه نفس الوضع لوزات اش خلاهم يسوون عملية بواسير يعني هذا شي مخزي المفروض عقوبه صارمه لامثالهم عشان الواحد يشتغل صح انا اتوقع من بعد الهديه حقت الايباد انتشرت الاخطاء الطبيه لانهم عارفين ان مافي عقوبه لهم |
رد: برايكم ليه الاخطاء الطبيه كثرت هالايام احترم ردك اخت اشراقه طيب في كثير من الاطباء لايعرف من الله كيف تقولين يخاف الله اغلبهم من الديانات الاخرى يعني اخر حاله رجل كان تعبان من الم ببطنه ع طول سوو له عمليه بدون فحوصات ليتهم خلوه يعيش المسكين لعياله موتوه انا اشوف لو ان العقاب صارم معهم لاتحسنت بلادنا .. وشكرا بك .. |
رد: برايكم ليه الاخطاء الطبيه كثرت هالايام اقتباس: المشاركة الأصلية كتبت بواسطة قيود http://www.hamsalshok.com/vb/hamsals...s/viewpost.gif احترم ردك يالرايق .. طيب بحثنا عن الاسباب وجبنا الحدث بعينه يعني بالله بنت عندها لوزات داخله للوزات اش نقزهم ليدها وبترها ولا الثانيه نفس الوضع لوزات اش خلاهم يسوون عملية بواسير يعني هذا شي مخزي المفروض عقوبه صارمه لامثالهم عشان الواحد يشتغل صح انا اتوقع من بعد الهديه حقت الايباد انتشرت الاخطاء الطبيه لانهم عارفين ان مافي عقوبه لهم اتمنا اختى تتقبلين عودتي لنقاش الموضوع انا لست ضد العقوبه لمن أهمل لكن اذا عرفنا الاسباب ممكن تجنب الاخطأ بفرض طرق أفضل حلول تحول دون تكرار الاخطاء ... لكن لو اكتفينا بعقاب المخطأ راح يكون فيه نفس المشكله السابقه بعد فتره والله يستر كل الود الراايق |
رد: برايكم ليه الاخطاء الطبيه كثرت هالايام والله ياخوي الرايق لو في عقوبة صارمه مستحيل تتكرر لانهم راح يخافون وراح يهتمون والخلل من نفس مدراء المستشفيات مافي رقابه نهائيا ... |
| الساعة الآن 11:25 AM |
جميع الحقوق محفوظه للمنتدى
HêĽм √ 3.1 BY: ! ωαнαм ! © 2010