شبكة همس الشوق - استكثرك وقتي علي وغدابك

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - استكثرك وقتي علي وغدابك (https://www.hamsalshok.com/vb/t63731.html)

سجات التهاويل

6 - 8 - 2015 07:14 PM

استكثرك وقتي علي وغدابك

استكثرك وقتي علي وغدابك

خالد الفيصل ( دايم السيف )

:

استكثرك وقتي علي وغدابك
عادة زماني كل ما طاب هوّن

ليت الذي ودّاك يازين جابك
تشوف عقبك كيف الايام سوّن

شرق مشيت وغرب وقتي مشى بك
والقلب ماله لايم فيك لو ون

عقب الهنا بك ذاق لوعة عذابك
تــلونت دنيــــاه .. ولا تـلون

طويتني طي الورق في كتابك
حتى معاليق الحشا لك تطون

اشتقت لايام الهوى في جنابك
يوم الشموع بليل الاحباب ضوّن

واشتقت اقول لهاتفك مرحبا بك
وأشتقت لغيوم الصحاري تكوّن

عوّد ترى داعي الهوى عند بابك
وارو القلوب اللي بعد ما تروّن

غنيت لك عمري ولا جا جوابك
وأسمي مع مجنون ليلي تدوّن

مزيونة الخليج

6 - 8 - 2015 07:50 PM