شبكة همس الشوق - ما ستغرب اسراب النحل يوم انها تنشد لك

ما أستغرب اسراب النحل يوم انها تنشد لك

ياما وياما قلت لي .." ياما ْوياما قلت لك "
..........ياما وياما قلت لك:" ياما وياما قلت لي "

واضح عليك انت الغلا لكن عزيزي مااجملك
......... لما يجي خلف الغلا قلب ٍ بحبي ممتلي

لا بو همومك و الزعل لابو حبيب ٍ يزعِـلك
.......... آآطى على قلبي إذا قلبك همومه تنجلي

حين ٍ تحسّ انك قمر.. حين ٍ تحس انك ملك
.......... لكن شعور ٍ تجهله : هو قيمتك بالنسبة لي

لا تشتكي نار الهوى دام انــّها تـنـشـَبّ لك
...... غيرك يموت من الصقيع ْولا حِصَل له مشعلي

تدري وش احلى ما أشوفه فيك كلك؟..مُجملك
....... مدري هو احلى ما تشوفه فيّ .. كلي بـ اكملي ؟

مـاستغرب اسراب النحل يوم انها تنشـدّ لك
........ العين في لون العسل و الخد ورد ٍ مخملي

أشفـَق على ذيك الجبال اللي تحاول توصلك
........ تتطاول بْـ طين ْوحصى وانت ْفـسمائي معتلي

بدري على شمس الكواكب والمعامل و الفلك
........ تنجب مثل نور ٍ الى من شعشع اجْـهَر منزلي

يا صِـبْـر شيطانك عليك ْاشلون هُو مستحملك !!
....... أكبر عذاريبك خصال الطيـْب يا شيمة هلي

هُـونك على طهري أنا ودي فقط أتأمـلـّك !
....... لك نظرة ٍ لا داهَمَت يخجل جميع اللي عليّ !!

جاوِب ولكن كانها كـَلـْمتـْك (إيـه ٍ) .. باسألك :
........ تسمح حبيبي كلمِتِك .. بابني بها مستقبلي ؟

أما ولو صارت بـ نفي ٍ كلمتِك ...... لا يشغلك
......... لا صار ياما قلت لك:" ياما وياما قلت لي" !!

منقول