شبكة همس الشوق - كل ماهزيت قوسي يرجع لي لئيم

لا ذكرت الليالي هزني الجرح القديم*
أذكره وأتناساه وأرجع وأرد وأذكره

ما غفيت عن طرياه ولو ليلي بهيم*
وإن غفى ليلي بجفني ف حلمي أنظره

حبّه عايش في قلبي كما راس اليتيم
أمسح من على راسه ذنوبه وأستره

من عشقته والمشاعر في قلبي تهيم
ولا فتحت باب عشقي له لقاها مسكّره

كن حظي في مقادير السما كنه عقيم
شفت آمالي في سنين الياس مكسّره

كل ما ابتسم حظي صار بحزنه كريم*
ومسرح أحزانه بحشاي أصبح مقبره

ما تعلمت درس حبّه مو لأنّي غشيم
ما تعلمت لأنّي أحبّه بوجهه وظهره

ابتدى عشقي له بقلبي وانا توي فطيم
لا انبرى عشقه ولا حبّه بقلبي أنكره

ما يطيب الجرح من معاليق السقيم*
والألم صرخه غريق شاف موته أشكره

كل ما*هزيت*قوسي*يرجع*لي*لئيم*
حبٍّ رميته هناك وبشريان قلبي سره

راكب العند شيطانه بصورة حكيم
لملم الشوق في صدري وبأيديه انثره

قلت له والشوق في وجداني كريم*
لا تظن حبّك أنساه في يوم أو أخسره

علمني حبّه كيف الصبر يصبح نديم*
وعلمني كيف الشجر يرمي طيّب اثمره

علمني كيف أغضب واحساسي حليم
وعلمني كيف الجرح مؤلم لا جيت تنبره

من رحل وذكرى ماضي الجرح القديم*
تسكن ضلوعي وشذاها ربيع بمظهره

تلت عروقي من على كفوف السديم
وانهبتني عيني عينك والأماني مبعثره

شلّت أقدامي وخلّت أحلامها فيّ هشيم
منطوي فكري وآمالي رجعتني إلوره

ثم رجعت للرب .. سبحانه بحالي عليم
وقمت أرفع كفوفي عسى كسري يجبره*

ورحت أذكر الله بين زمزم والحطيم
أشكي لربّي همومي وأطلبه المغفره