شبكة همس الشوق - يالبى ياقلب مع الوقت حبيت

يالبـىٰ ياقلـبٍ مــع الـوقـت حبـيـت
كـلـي فــدا روحــه و كـلــي حـلالــه

امـن الغـلا لـه بالشراييـن خطـيـت
خـريـطـةٍ لـلـحُـب تــجــذب وصــالــه

منك السموحه يالغلا كاني اخطيت
والعـذر منْـك ارجـاك عطنـي مجـالـه

كــم ونــةٍ بفـراقـك الـيــوم ونـيــت
ونــة علـيـلٍ صـــاح بـســم الـجـلالـه

مـن حـر مابالجـوف للـدمـع هلـيـت
دمـعٍ شبيـه السيـل عقـب المخـالـه

حُبـك بقلبـي حاملـه حـي أو ميـت
النشمـي الوافـي تـرا الطيـب فـالـه

أبـديـت لــك حـبــي وللهم كـنـيـت
طالـبـك لاتفْـلـت مــن ايــدي حبَـالـه

ان كـان عذروبـي لحـبٍ لـه اوفيـت
الـلّـه وكـيـل الـلــي عـلـيـه اتـكـالـه

دانتك حبي ما نبـي حُـب سحتيـت
مــا يعـتـرف حُــب الـزمـن بالعمـالـه

عهـدٍ كمـا الآثـار مشهـور بالصـيـت
يبقـى عـلـى مــر العـصـور ابجمـالـه

أبعـدت عـن درب الحـروب وتعديـت
اكـفـل وانــا لــك راضـيــه بالكـفـالـه

شربت من ذوقـك وكيفـك تقهويـت
واسقيتنـي عـذب الزمـن فـي دلالـه

لاتحـدنـي أنـدبـك وآقـــول يـالـيـت
وتـفـرح عــواذل حُبـنـا فـــي زوالـــه

وإن قلتلـي ياالقـرم حييـت حيـيـت
يصفـى لكـم حـبـي ويصـفـى زلالــه