شبكة همس الشوق - عزيز النفس لو زادت غرايبله

شبكة همس الشوق (https://www.hamsalshok.com/vb/index.php)

- همس الشعر والقوافي (https://www.hamsalshok.com/vb/f283)

- - عزيز النفس لو زادت غرايبله (https://www.hamsalshok.com/vb/t68948.html)

عزيز النفس لو زادت غرايبله

عـــزيــــز النفس لو زادت غــرابيــــله مـــع الايــــام
إذا شفته تقول بخيــــر مع ان النفس مكســـورة

بسرعـــه فائقـــة ان صــــابه المكروه فـزّ وقـــام
يشيل همومـه لحــــاله ولايكشف لهـــا صـــورة

يموت من القهر وحده إذا شاف الختام اوهام
ولاتلحظ على وجهــه بقـــايا احساس مقهورة

عناوينه وفا واخلاص وخطـــوة ســــيرها قـــدام
إذا حــــاول بها للخلف يحس الســاق مبتــــورة

هذاك اللي تعب لجلك ومحصوله بس الآلام
شرب كاس الصبر علقم وقال الحال مستورة

اخذ نظرة قبل يمشي على ماطاح من احلام
من اعـــلاها إلى اسفلها من الاعصار مطمـورة

تنهـــد بعـــد ما اقفى وهــــو ينظـر لطــيرة حــــام
كان الوقت أشّـــر لــه يغــــادر أرض محظـــورة

حـــرام تكون في هــذا وهــذي صيغة الاقـــزام
ابي وشلون بس تسمع كلام اشخاص مسعورة

ترا الواحد كما الستـه. بنفس الطبع والاحكام
خـــذوا من عمق جمـر النـــار وكل ٍ شـبّ تنــورة

انا مابيك بعــــد اليـــوم وخـلّ اليـــوم عمـــره عــام
وجميع اللي حصل يبــقى مثل اشيـاء مهجـــورة

راقت لي