لعيونها وبعيونها وفي عيونها يحلى القصيد
 

لعيونها !! وبعيونها !! وفي عيونها يحلا القصيد

ذاب الخفوق اللي عشقها !! والموت رهن عيونها









شح السنين اللي مضت جادت بعد ذاك الوعيد

يابس غصوني اورقت !! واضفت علي غصونها









لعيونهـا !! اميرتي !! يصبـح الـغـالي رخيص

روحي وقلبي لاجلـهـا !! صدق العطا يهدونها









بعيونها حبيبتي !! اموت واحيا !! من جديد

بالوصل اعيش !! وبالجفا تقضي على مفتونها









في عيونها حب وفاء واحساس من نوع فريد

شموخها !! واخلاقها !! قوه تزيد حصونها









تستغربون ولا عجب للحين ما قلت الـمفـيـد

هي فوق ادراك العقول الوصف يقصر دونها









ملاك في صوره بشر !! سبحان خالقها المجيد

روعه مليكة خافقي !! والزين اصل فتونهــا









همساتها لا جابها شوق الوله !! ذاب الجليد

تعطي بلا حد ومدى !! ماينتهي مخزونها









في شرعها وقاموسها !! كره وضغينه ماتسيد

الحب !! بانـواعـه تـسـيّـد مـبـدا لـقـانـونهــا









هي غيرت فيني كثير !! وطعتها وانا عنيد

هي لونت لون الفرح في عالمي من !! لونها









(هي تقدر بكلمه تخلي الذيب كالطفل الوليد)

مااقدر اقاوم صدقوني ابها وانا !! مجنونها









هي من خيالي واصبحت في واقعي حب اكيد

هي بالحـقـيـقـه بعالمي !! نـور وظلام بـدونهــا









( ابها بدع خلاقها باخلاقها رب العبيد )

سبحان من هو بالجمال اضفى وغطى ردونها









من راسها لا اقدامها !! بالزين كاسيها الحميد

( رقه واناقه راقيه عذبه كثير فتونها )









لو هو بكيفي ماوقف شعري على وصف الفريد

(لكن عزاي اني بشر !! عايش بروعة كونها)









وختامها !! لعيونها !! وبعيونها !! يحلا القصيد

( ذاب الخفوق بحبها !!

والموت

والموت

والموت

رهن عيونها )

مرورك زاد جمال موضوعي
فالف شكر لك اختي العزيزه

طرح في منتهى الرقه والعذوبه
سلمت على رووعة طرحك وحسن انتقائك
يعطييك العآآفييه ياأخوي أستمر في ابداعاتك
دمت لنا ودام قلمك المتألق

لا املك سوا شكرك اختي
على مرورك الذي زاد توهج موضوعي

لكي باقه من الجوري